💕💕💕💕💕💕💕💕💕الفصل الثالث 💕💕💕💕💕💕💕💕💕💕
فى منزل منال تجلس بجانبها ابنتها سلمى وايضا حوريا التى جلست باحضان خالتها منال تمسح على رأسها بحنان قائلة: هنعمل ايه دلوقتي ياحوريه
حوريه:انا مش عارفه ياخالتو
منال:انا خايفه ابوكى ييجى هنا وياخدك وساعتها مش هقدر اعملك حاجه
سلمى بحزم :ليه يعنى هى البلد مفيهاش حكومه ولا ايه
منال:لا ياسلمى الناس اللي زى عامر محدش يقدر عليهم وهو أبوها يعنى يقدر ياخدها
حوريه بياس :يعنى خلاص يا خالتو
منال:لا مش خلاص انا مقدرش اسيبك ليه تانى انا لازم اخبيكى من هنا فى اى مكان حتى للصبح بس مش عارفه هوديكى فين لان هو اكيد هييجى يدور هنا
سلمى:طيب هنوديها فين يا ماما
منال:اسمعى خالتك اشجان قاعده لوحدها فى شقتها وابنها مسافر ومش هييجى دلوقتي احنا هنوديكى عندها وهتبقى قدام عيني فى العماره اللى قصادنا
حوريه:وهى خلتى اشجان هتوافق دى مصيبه برده ياخالتو
منال:الاتوافق دى بتموت فيكى ياحوريه وكانت بتحب المرحومه امك اوى
سلمى :طيب ماتيجى بينا نروح لها بسرعه ياماما قبل ما ييجوا
منال :انا هتصل بيها
هاتى ياسلمى التليفون
منال:الو ايه يا اشجان معلش يا حبيبتي صحيتك
اشجان:ابدا ياحبيبتي انا كنت صاحيه اصلي الفجر خير فى حاجه ولا ايه يا ام سلمى
منال:انا كنت قصداكى فى خدمه انا عارفه بأقل عليكى شويه بس انا ماليش غيرك انتى عارفه
اشجان:خدمة ايه يابت ما تتكلمى قلقتينى هو احنا بنا الكلام دا
منال:حوريه بنت زينب اختى جت هربانه من ابوها ومراته عايز يجوزها بالعافيه ورامته والعريس بيتفقوا على موتها
اشجان:ايوووه ايه الكلام دا طيب انا مطلوب منى ايه انا تحت امركوا
منال:تاخديها عندك النهارده بس أصله اكيد هيجيلها دلوقتي ولو لقاها هياخدها
اشجان:بس كدا تعالى قومى يلا انا مستنياكى
منال:لا انا هبعتهالك لوحدها وانتى استنيها عالسلم وخديها
اشجان: طيب ماتجبيها وتجيبي سلمى وتيجوا نبات سوا بدل ما يدخل عليكوا وانتوا بطولكوا مفيش راجل معاكوا
منال:,لا انا عيزاه ييجى يلاقينى عشان يتأكد انها مش هنا
اشجان :عندك حق يختى خلاص ابعتيها وانا مستنياها اهوه
منال:متشكره اوى يا اشجان
اشجان:متشكره طيب ياست المتشكره بعدين نتحاسب على الكلام دا يلا ابعتيهالى اهى تونسنى
منال:حبيبتى طول عمرك اختى
اشجان:طيب استنى. افردى حد شافها طالعه وعرفها
منال :لا ماهى لابسه النقاب متخافيش وتفضلى مخلياها لبساه اوعى تقلعه
اشجان: طيب كويس انا قولت اسالك انتى عارفه الشارع كله بيبقا صاحى لوش الصبح والقهوه مترصصين عليها
منال:يلا هى نزلتلك قابليها
ثم ذهب حوريه ودخلت من باب العماره التى تسكن بها اشجان حتى استقبلتها احسن استقبال وخرجت إلى بلكونة الشقه لتشاور بيدها الى خالتها منال وابنتها سلمى لتجد سيارات الحرس التابعه لأبيها تصف واحده تلو الأخرى والناس تقف تنظر باستغراب ولكن الجميع يعلم أن هذه السيارات ورجال الأمن لعامر البرهامى ىفعم اعتادوا على زيارته المفاجئه وتهديداته لمنال اخت زوجته المتوفيه وقبل صعودهم الى الشقه كانت اشجان اتصلت بمنال لتخبرها سريعا وأغلقت الخط وبعد قليل رن جرس شقة منال وكانوا رجال عامر يقفون أمام الباب لتشتد دقات قلب منال السريعه لتهتف قائله من وراء الباب تتصنع النوم:مين خير يارب ياترى مين اللى جاى لنا الساعه دى
ليرد أحد الرجال:افتحى
منال:انت مين
رجل عامر :افتحى انا اشرف اللى شغال عند عامر بيه
فتحت منال الباب بقلق والخوف يملأ قلبها ولو سمع دقات قلبها لعلم كل ما الامر ولكنها حاولت تخفى ذلك الخوف قائله:خير فى ايه وايه اللى جايبك الساعه دى
اشرف:فين حوريه هانم
منال تتصنع القلق:فين حوريه هانم ؟ انت قصدك ايه انت بدور على حوريه ليه والبيه ابوها مش عارف هى فين
اشرف:وسعى ياست كدا ادخل يابنى انت وهو لتمسكه منال من لياقته وبدا صوتها يعلو
منال:يدخلوا فين انا بنتى نايمه جوه وبعدين تعالى هنا فين حوريه وديتوها فين وعمل فيها ايه عامر
دخل أفراد الحراسه ولم يجدوا سوى سلمى التى كانت تتصنع النوم والفزع ولم يجدوا حوريه
ليخرج أحد الأفراد قائلا: مفيش حد جوه غير البنت دى يا باشا
سلمى:فى ايه ياماما ؟
اشرف:لو حوريه جت هنا ومبلغتيش عامر بيه مش هتشوفى خير خالص انتى فاهمه
منال:حوريه تعالى هنا قولى البت فين
اشرف :وسعى ياستى كدا
منال:انا مش سيباك غير لما تقولى عملتوا ايه فى البت وعرف البيه بتاعك أن انا اللى هوديه فى داهيه وهرفع عليه قضيه لو البت مظهرتش
اشرف يخلص نفسه من يدها سريعا ليخرج صافعا الباب خلفه ويتحدث فى هاتفه لتسمعه منال من وراء الباب وهويحدث عامر قائلا:ايوه يا باشا مش موجوده والست المجنونه اللى هنا دى شكلها متعر فش اى حاجه عنها فعلا ومسكت فيا وهددتنى لو البنت مظهرتش هتبلغ البوليس وفضلت تزعق
عامر: طيب خلاص خلاص امشي من عندك بس خلى حد عندك يراقب المكان كويس ممكن تروح لها فى اى وقت
عامر:تمام يا باشا انا هسيب واحد تحت البيت هنا يراقب
ويذهب اشرف ورجاله ويترك فرد من رجاله تحت المنزل ليراقبه من بعيد ولكنه لم هبط درجات السلم الا وجد رجال المنطقه وكل من على القهوه يمسك بهم يهددوهم اذا اقتربوا من ذلك المنزل مره اخرى سيقتلوهم فأخذ اشرف جميع الرجال وذهب ولكنه حاول اخفاء رجل منهم ليرصد له الاخبار
كل هذه الأحداث وكانت حوريه تقف أمامهم مباشره فى بلكونة اشجان تتخفى وراء ستائرها مخفيه وجهها وقلبها يعتصر من الخوف والقلق ودموعها تنساب على وجهها تعمى عينيها عن الرؤيه لتصحبها اشجان الى الداخل وتحاول تهدئتها قائله:أهدى يا حوريه يابنتى وسيبي كل حاجه على ربنا ومتخافيش
حوريه:انا عملت فيهم ايه عشان يعملوا فيا كدا كل دا عشان الفلوس طيب كانوا قالولى كنت هديهالهم من غير ما يموتونى انا مش عيزاها ليه بيكدبوا انا اكتر حاجه بكرهها الكدب عمرى ما بكدب على حد ليه بابا بيكدب عليا ويقول إنه بيحبنى وبيخاف عليا وهو بس مش شايف غير مراته ليه الفلوس بتعمى الناس تعمى اب عن مصلحة بنته ويبص لمصلحته هو بس ويساعد مراته انها تموت بنته
اشجان: الفلوس بتعلى النفوس يابنتى وتخلى البنى ادم ينسي أن اللى اداله قادر ياخد منه
حوريه:صدقينى يا تانط اشجان انا بقيت بكره كل الأثرياء كلهم كدابين وانا بكره كدبهم
اشجان:معلش كل حاجه تتصلح
قومى بس انتى نامى وترتاحى ومتشيليش هم حاجه
لترن رساله على هاتف اشجان أرسلتها منال
اشجان فى واحد تحت قاعد بيراقب البيت حوريه متخرجش خالص ولا حتى تطل من فوق
حوريه:بعد قراءه رساله خالتها انا مكتوب عليا افضل محبوسه هنا
اشجان : خلاص بقا خلى ايمانك بالله كبير وان شاء الله خير
تتنهد حوريه بياس :أن شاء الله
