- الحب ي صغيرتي هو بُكاء أبو العاص بن الربيع على موت زينب رضي اللهُ عنها ، فيقول لرسول الله : " واللهِ ما عدتُ أطيق الحياة بعد زينب ". ثم مات بعد موتها بسنة!💜
ريم قاعدهه فيي غرفتهاا وبتقراا بصوت عالي ..وحايمهه الغرفهه كلها...الوقت كان نص الليل كداا...تلفونها رن...م اشتغلت بيهو اول شي...رن تاني..شالتو وردت...كانت سلمي...ريم اتهجمت لمن سمعت سلمي بتقول ليها انو جاسم عمل حادث!وبقت تتكلم معاها بصوت عالي وتسألها سؤال ورا التاني!جسمها برد شديد....
ريم(بصوت عالي): ي بت...دا شنو!متين عمل حادث!!وهو كيف طيب! ياخ م تتكلمي انعل وشك
سلمي: ي بت امي كدي اهدي...عمل حادث بسيط بس هو ما جاتو حاجهه...بس العربيهه اتأذت من قدام ...جا داخل في امجاد تخيلي!والغلط غلطو هوو وما راضي يقتنع بالحاجهه دي
ريم(شالت نفسها): الحمد لله ي رب💜انتي انسانه حيوانهه جدا...خلعتيني ياخ الله لا كسبك ي سلمي...في زول بخلع زول بالطريقهه دي!...المهم اسي الكلام دا حصل متين!!
سلمي: قبيل العصر والله
ريم: واو...وجايه تكلميني اسي نص الليل !
سلمي: باليز سامحيني😘
ريم: علي العموم انا بكرهه قبل ما امشي الجامعهه بمر عليهو في الشركهه ...يلا طيري...طيرتي لي القرايهه من راسي
........................
ريم قفلت من سلمي...كانت خايفهه شديد علي جاسم بعد سمعتت كلام سلمي...اصلا علاقتهم م طبيعيهه خالص بعد مشكلتها معاهو... بعد جاسم عرف تدخلها في موضوع معتز...قفلت الشيت بتاعهاا...ورقدت نامت...نامت وهي بتفكر فيهو...الصباح كدا ...صحت بصوت ولد اختها الببكي...كانت مصدعهه...قعدت في السرير وبتدعك في راسها....
سوزان: الظهر قرب يأذن الحكايهه شنو!...دا سهر امبارح تستاهلي...عامله فيها حفاره!
ريم: سوزان!النبي اختيني
سوزان: دغوتات عجيبهه لمن عامله ليك هيدق😂
ريم: سوزان الله يبارك فيك والنبي فيك خليك مركزه مع ولدك
سوزان: مالك منفسنه يختي
ريم: امبارح سلمي اتصلت علي...جاسم عمل حادث و...
سوزان(بخلعه): سجمي !!حصل ليهو شنو!
ريم(بصوت نعسان): اهدي م حصلت ليهو حاجهه...كويس بس العربيهه اتأذت من قدام...دايرهه اجهز امشي ليهو في الشركهه وبعديها الجامعهه طوالي ...
سوزان: والله ياخ حمدلله علي سلامتو..الا اتصل ليهو بعدين
ريم: زابط
.............................
ريم قامت من السرير...جهزت نفسها...مشت لمطبخ حشت ليها حاجات خفيفهه..اكلت...سلمت علي امها ومره عمها...وطلعت...قاعدهه في المواصلات ماسكههه الشيت بتاعها وبتقرا...او عامله فيها بتقرا لانو تفكيرها كلو فيهو!...وصلت الشركهه...كانت خايفهه تلاقي معتز في وشها!...مشت علي مكتب جاسم طوالي...دقت الباب...ودخلت...جاسم شافها وابتسم💜...قام علي حيلو وجا ناحيتها....
جاسم: اووبااا وانا اقول الشركهه نورت ليهه!
ريم: عشان فيها انوار طبعا...انت بتسأل نفسك اسئله تعسفيه بالمناسبهه
جاسم: طيب تعالي لي اقعدي هنا😂
ريم وجاسم قعدو في كراسي صغيرهه سوداء...وفي النص في تربيزه...كان فيها صحنين فيهم اكل...وقزاز بارد....
ريم: شكلو كان معاك زول!
جاسم: ااي
ريم: جاسم...حمدلله علي سلامتك...معقولهه تعمل حادث وما تكلمني!
جاسم: والله ي حب...لحظهه الحادث ديك كنت متوتر وما ركزتا والله
ريم(بابتسامه): عادي...المهم انك بخير ♡
ريم بقت ساكتهه مسافهه....جاسم نزل راسو وبعاين ليهااا...
جاسم: ريم...مالك!
ريم: مالي ي ولد امي !!
جاسم(شال نفسو): ريم ...انا المرهه الفاتت زعلت منك جدا...واتعصبت عليك...م عشان بحب افرض سيطرتي عليك...يمكن زودتها شويهه...بس دا كلو زي ما كل مره بقول ليك بريدك💜وما عايزك تتأذي
ريم: سامحتني لدرجهه المشكلهه ليها شهر بس علاقتنا م رجعت طبيعيه صح!
جاسم: انا بتعصب منك بس م اكتر ...بس دا م عندو علاقهه...زي م انتي شايفهه الشغل وبس يمكن خلاني ابعد الفترهه الفاتت
ريم(بابتسامه): انت من جيت من السفر مرات بحس بيك بعيد ومرات قريب
جاسم: وانتي ليه كئيبه كدا !حبيبك خلاك هههههه
ريم: حبهه في نص راسك
جاسم(بضحك): ايواا دي ريم البندورها♡
...................
ريم وجاسم اتونسو شويهه...ريم استأذنتو انها تمشي الحمام...طلعت من المكتب...جاسم وهو قاعد دنقر كدا قريب للتربيزه ...كان تلفون ريم قاعد فيها...جات رسالهه نصيه لريم محتواها (اها ي حبيبتي م نفسك تجيني في الشقهه الليلهه!!)..الرقم م كان مسجل...جاسم بدون م يقصد شاف الرسالهه لانها ظاهره في لوحهه القفل...استغرب جدا من محتوي الرسالهه!!....
في جهه تانيهه...طلعت من الحمامات الخاصهه بالموظفاتت...وهي راجعهه علي المكتب...شافت سامي...واقف بتكلم في التلفون وخاتي يد واحدهه في جيبو...لابس بنطلون اسود وقميص اسود وجكت بالرمادي💜...جات وقفت وراهو..خلص مكالمتو...واتفلت وراهو...لقي سميحتو زي م بسميها💜ابتسم ليها💜....
ريم: شنوو لكن..
سامي: مشتاقين وحاتك💜نورتي الشركهه ي بت
ريم: والله اذا بتنور بوجودي انا م عندي مشكلهه بجيكم كل يوم ههه
سامي: انا م عارف الناس يعني بستعملو لمبات ليه!وهو الحياه فيها ريم
ريم: جنس بكش😂
سامي: ارح ي بتي كان طالعهه لجاسم
ريم: اي لكن بطلع السلم
سامي: ليه والاسانسير قاعد!
ريم: اااا هنااي
سامي بقي يعاين لريم مسافهه...بعد مسافهه حتي عرف انها بتخاف من الاسانسير😂...قعد يضحك فيها...غصبها انها تتطلع...وفي النهايهه طلعت معاهوو...لمن طلع حست انو في حاجهه تقيلهه نزلت فيها😂وراسها لفهه...وسامي عارفهاا وما سألها بس بضحك فيها...سامي وريم وصلو مكتب جاسم...ريم اول م جات داخلهه كان بعاين ليها بنظرات باردهه وحاده في نفس الوقت...
ريم: تاني توبهه اركب الشي دا
سامي: اي تبقي م بت ادريس لو ركبتيهو 😂
ريم: سامي اسكت 😂
سامي: مالك ي مان مدبرس كدا!
ريم؛ دا طبيعي بقي كدا ...الله يكرمك كل اسبوع ببتسم لينا بسمه خياليه بس
سامي:والله انتي😂
ريم: هوووي يلا ...انا ماشهه الجامعهه
سامي: دا شنو دا!متين قعدنا مع بعض نحنا
ريم: م بقدر والله اقعد اكتر...القرايه...وشغلكم انتو كمان
جاسم: اي صح..ركزي في قرايتك...قرايتك وبس
ريم: ايوااا
ريم شالت حاجاتها....وودعتهم ...وطلعت ماشهه علي جامعتها...
سامي: الليله لازم نقعد نشوف الميزانيه بتاعت الشركهه ..والخسائر والاستنزاف الحاصل بسبب معتز
جاسم: م الليله ...تعبان انا...خليهو بكرهه
..................................
بعد مرور يومين.......
شايلهه شيتها...ووبتتأفف وزهجانهه...جدعت الشيت...مشت فتحت التلفزيون...وقاعدهه تحضر وسرحانهه مع الفيلم البتحضر فيهو...
سوزان: دا مالو الراجل دا!
ريم(بصوت واطي): قتلو
سوزان: االقتلو منو!
ريم: قتلو الكيزان وههه
سوزان: والله بت تافهه خلاص😂ان شااء الله ينجحك الفيلم البتحضري فيهو دا
رغده: مسطوله😂انتي صحي جاسم عمل حادث!!حمدلله علي سلامتو ي رب ...كل مره اقول اسألك منو انسي
ريم: اي بس ربنا لطف...الله يسلمك ي بيب
ريم وهي بتحضر في الفيلم...جابو اغنيهه هنديهه حماسيهه كدا خالص😂قامت علي حيلها من الارض وبقت ترقص معاهم ومبسوطهه😂....مشت جرت رغدهه ...وبقت ترقص معاها...رقصو لمن قالو كفي...
رغده: الله يجازيك ي مرض😂...ريقي نشف...امشي اشرب لي مويه واجي
رغدهه طلعت من الغرفهه...سوزان بقت تعاين لي ريم مسافهه ...وريم مستغربهه فيها!
سوزان: اااخ...دايره اقول ليك حاجهه...ح اطرشق لو م اتكلمتا
ريم: افقعي لي العندك اها
سوزان: تتذكري لمن سألتك قبل شهر انو الزول لو شاف قدامو غلط في كشفو منفعه وضرر في نفس الوقت!
ريم: اي
سوزان(شالت نفسها): لمن عزمتنا خاالتو عفاف الفطور عندها تتذكري!...في حاجهه كانت بتحصل تحت تحت
ريم: شنو!
سوزان: جارتها نورا ورشاد
ريم سكتت مسافهه وبتعاين لاختها...
ريم: انتي شفتيهم!
سوزان: اي
ريم: وانا كمان...ومن بدري شاكهه انو في علاقهه بين عمو رشاد ونورا...بس كل مره بطرد الفكرهه دي من راسي
سوزان: كيف!
ريم: قبل كدا شفتهم بالصدفهه مارقين من محل وكانت حالتهم كيف كيف...انا قلتا بتكون وحده من اخواتو لانو م حصل مره شفتهم ...بس لمن سألت جاسم قال انو عماتو م جو من برهه!والمرهه الفاتت مسك يدها وفي شي غريب بيناتهم الصراحهه .
سوزان: علي العموم الحاجهه دي م بتخصنا
ريم وسوزان...اثنااء كلامهم بتجي داخلهه عليهم سلمي...وكانت سامعهه الحوار كلوو...جات داخلهه بقوهه ورزعت الباب وبتعاين لريم باستحقار شديد...هي من النوع المتعلق بابوهو جدا ...ريم وسوزان بتهجمو اول م يشوفوها....
سلمي(بصوت عالي): ريم!دا شنو البتتكلمي عنو دا !! دا ابووي ي ريم
ريم(بتوتر): سلمي انا آسفهه
سلمي(بصوت عالي وقربت منها): آسفه شنو ي بتنا!!!قلتا ليك دا ابووي!كيف يعني تتكلمي عنو بالطريقهه دي!لا وكمان مع منو نورا!صحبهه امي! الزي اختها!انتي جنيتي ولا شنو!
ريم: طيب خليني اوضح ليك بس وما تتعصبي كدا اهدي عليك الله
سلمي(بصوت عالي): توضحي شنوو يا انتي!!واهدي كيف بعد سمعت كلامك دا!انتي عارفهه الحق علينا نحنا...خليناك وحده من اسرتنا واعتبرناك اختنا بس طلعتي انسانهه م عندك اخلاق بتعريفهه ..ابوي دا في مقام ابوك وقدر ابوك ي بت!!دا الرباك مع ابوك اسي تجي تتكلمي عنو كدا!!
ريم قربت من سلمي وبتهدي فيها ...بس سلمي كانت هايجهه شديد
سلمي: اوعي كدا ي شيخهه
سلمي لزت ريم...وطلعت منهم وهي متنرفزهه وبتتكلم بصوت عالي...ريم بتحاول توقفهاا وتتكلم معاها...سوزان بتمسك ريم..
سوزان: خليها...ما شايفاها هايجهه كيف!..خليها تهدا بعدين نتفاهم معاها...ي ريتني لو م جبت السيرهه دي
ريم(بزهج): ي الله يااااخ
رغدهه جات داخلهه عليهم وفي يدها صينيهه شايلهه فيها كبايهه عصير ....لاحظت ليهم متوترين...مستغربهه فيهم!...
رغده: في شنو!...مالكم!
سوزان: ماف حاجهه
رغده: وين سلمي!!لاقيتهاا برهه انا ...مش جات دخلت ليكم!
سوزان: اي لكن مرقت
رغده: بالسرعهه دي!..غريبهه
..........................
ريم كانت مزعوجهه شديد...طلعت برهه غرفتهم....مشت الحوش...بقت ماشهه وجايهه...ومتوترهه...عارفهه سلمي بتكون اتجرحت من كلامهم لانو عارفاها انها متعلقهه بابوها شديد...كانت بتحاول تتصل ليها بس ما كانت بترد!...رسلت ليها بس برضو ماف فائدهه...اتصلت تاني ولقتهاا قفلت تلفونها...ريم م عرفت تتصل بجاسم!ولا لا..واذا سألها عن السبب!ما ح تقدر تقول ليهو حاجهه!....عدت اليوم وهي بالها مشغول مع سلمي...بتحاول تقرا بس م قادرهه!....المغرب كدا لقت رساالهه من جاسم محتواها (تعالي لي في الفسحهه الجمب بيتكم!)....ريم حست انو جاسم عرف بالموضوع...بس ما ح تقدر تبرر ليهو ولا تقول ليهو شي!...االمغرب كدا...صلت...ولبست توب...وطلعت....
سماح: ماشهه وين ي بت!
ريم: احول رصيد وجايهه
...........................
ريم طلعت من البيت..م قالت لامها انها ماشهه تقابل جاسم عشان ابوها قاعد وعارفهه علاقتو متوتره معاهم كلهم...سوزان عرفت انها ماشهه تقابل جاسم...وهي حاسهه بجزء من الذنب...ريم وصلت الفسحهه...كان في اولاد صغار بلعبو كورهه ...مشت قعدت في المصطبهه بتعاين ليهم ومنتظره جاسم يجي...بعد عشرهه دقايق كدا جا...ريم قامت سرعهه ومشت ناحيتو... وهو نزل من العربيهه وبقي واقف قدامها ومكتف يدينو وبعاين ليها بنظرات باردهه كدا...بقو ساكتين مسافهه....
ريم(بتوتر): انت عرفت الموضوع صح!
جاسم: انتي رأيك شنو!
ريم: انا آسفهه والله...انا م كنت عايزهه الموضوع يصل لهنا...عارفهه سلمي بتكون حاسهه بشنو اسي بسببي....
جاسم(قاطعها): ريم...انتي مالك!!انتي كويسه!حاسهه نفسك طبيعيهه!
ريم بقت تعاين ليهو مسافهه..ومستغربهه من كلامو!والبروده ال هو فيها!....
ريم: كيف!
جاسم: ههه انتي بتقولي انا اتغيرتا!طيب وانتي شايفهه نفسك طبيعيه!...علي قدر ما كنت برتاح لمن احكي ليك مشاكلي مع ابوي علي قدر م انا ندمان اسي
ريم: انا آسفهه
جاسم: انتي م ملاحظهه انك بقيتي تعتزري كتير!!...ما قرفتي من نفسك وانتي بتتكلمي عن واحد في مقام ابوك كدا!طيب م كان تعملي حساب للعشره البيناتنا ...انتي قايله ابوي زيك!
ريم: انت بتقول في شنو!قاصد شنو بزيك دي!
جاسم: انتي فاهمهه كلامي كويس
ريم(بضحكه خفيفه): لا بالجد ما فاهمهه فهمني!
جاسم(بنبره حاده): اسمعي هنا...انا جيت اقول ليك جملتين بس وماشي ...افكارك الزباله ال خاتاها عن ابوي دي ي ريت تتطلعيها من راسك واوعك تتكلمي عن ابوي كدا مره تانيهه والا والله ما ح يحصل ليك خير...وما داير اشوف وشك تاني سامعهه!
جاسم كان بتكلم بنبره حاده مع ريم...ريم قلبها وجعها شديد وعيونها مدمعات...انو ليه هو بتكلم معاي كدا!!ليه بعيد مني كدا انت!شعور صعب لمن تريد زول وهو يكون ما طايقك!....
ريم: جاسم
جاسم(بصوت عالي): بلا جاسم بلا زفت معاك!..اظن كلامي واضح ي بتاعت الشقهه
ريم(بصوت عالي): شقه!انت بتقول في شنو!
جاسم(بزهج): ريم...ريم..ريم..كفايهه ياه...انتي فاهمه قصدي ...اها الليله مشيتي لهناي في الشقهه!
ريم(بصوت عالي): اسمع هنا...اوعك مره تاني تتكلم معاي بالاسلوب دا!انت قايل نفسك منو!انت جاسم ...انت العارفني من زمان انا شنو!تتكلم عني كدا!تفكر فيني التفكير الزباله دا!
جاسم(بصوت عالي): اوعك تعلي صوتك...واي بفكر فيك كدا لمن تفكري انتي في ابوي كدا
ريم اتعصبت من كلام جاسم شديد...بقت تكورك فيهو وتضربو في كتفو...جاسم بارد معاها وما مديها اي رده فعل...خلاها وهي هايجهه...ركب عربيتو ومشى...ريم قعدت مشت قعدت مسافهه في المصطبه وهي بتبكي...قامت من مكانها...ورجعت البيت...كانو قاعدين كلهم في الصالون...وهي دخلت وبداري وشها منهم...
رغده: كنتي وين ي بت اتأخرتي كدا!دا كلو بتحولي في رصيد
ريم: لقيت بت جيرانا ومسكتني في الكلام
.............................
ريم مشت طوالي غرفتها...اختها سوزان قلقلت عليها...مشت لحقتها في الغرفهه...عارفهه جاسم بكون سمعها كلام م حلو..وهي شاعرهه بالذنب...لقتها دخلت الحمام وبتغسل في وشها..عرفتها بتبكي...دايما بتعمل كدا...م بتحب تظهر دموعها لزول! بتغسل وشها وهي بتبكي ودموعها نازله وما دايرهه زول يشوفها...اختها بقت مستنياها تتطلع...
سوزان: ريم...مشيتي تقابلي جاسم صح!وما تكذبي علي انا عارفهه انك مشيتي تقابليهو من تعابير وشك ال م كويسهه دي
ريم: اي
سوزان: قال ليك شنو!
ريم(بزهج): هاج فيني بس...في النهايهه دا ابوهو يعني
سوزان: يااه...ي ريتني لو فتحت خشمي واتكلمت عن الموضوع دا
ريم: في النهايهه كانو ح يعرفو
سوزان: ما بالطريقهه دي لكن...هم اسي م متقبيلين الحاجهه دي
ريم(بصوت مخنوق): سوزان جاسم تاني قال لي م عايز اشوف وشك !!..اتخيلي بتهمني بحاجات كعبهه
سوزان: كيف يعني!
ريم: انسي
سوزان: اتكلمي
ريم: قال لي ي بتاعت الشقهه...
سوزان(قاطعتها): شنو! شقهه! دا شنو دا!!وانتي سكتي ليهو طبعا!!
ريم: سوزان هو قالها في لحظات بتاعت غضب اكيد م بكون قاصد حاجهه
سوزان(بصوت عالي): ماف حاجهه اسمها بدون قصد ...كمان حصلت ليها امور وسخهه زي دي!وانتي لانك بتضعفي قدامو سكتي !
ريم: ياخ خلاص..م تعلي صوتك اسي...م تندميني اني بحكي ليك اي شي
سوزان: انا كلام زي دا من جاسم ما بقبلو ...ولو شفتو يوم ح اواجهو بالكلام دا وما بخليهو
سوزان طلعت من الغرفهه وهي متنرفزه من كلام جاسم لريم...ريم رقدت في السرير وبتفكر في كلام جاسم ليها...حاسهه في فجوه كبيرهه اتخلقت بيناتهم!في فراغ في قلبها!...كلام جاسم كان جارح شديد ياخ...بقت تفكر طول الليل جاسم ليه قال كدا!!شقهه شنو!وهو بقصد شنو!…
.......................
في جهه تانيهه.....
قاعدهه في غرفتها..نص الليل..جاها اخوها داخل عليها في الغرفهه…ماسكهه تلفونها بس باين مزاجها معكر وزهجانهه…جا قعد في الكرسي المقاصدها…
جاسم: ليه مضايقهه كدا!
سلمي(شالت نفسها): ابدا...ماف حاجهه
جاسم: ريم !
سلمي(باستغراب): مالها!
جاسم: انا عارف الموضوع...عارف ريم قالت شنو عن ابوي!
سلمي استعدلت في قعدتها…ومستغربهه في كلام اخوها!!
سلمي: ايوه بس انت من وين عرفت!
جاسم: المهم اني عرفت…م تتضايقي انا اتكلمتا مع ريم
سلمي: قلتا ليها شنو!
جاسم: تبعد عننا هي وتفكيرها الغبي دا
سلمي: جاسم...م كان تعمل كدا!اظن انك قلتا ليها الكلام دا في لحظهه غضب...
جاسم: لا...ريم غلطلت كتير..ويمكن نحنا الاديناها الفرصهه دي لدرجهه بقت تتكلم عن ابونا كدا...كان لازم اوقفها عند حدها...المهم اسي اوعك تكلمي امي ولا ابوي عن الكلام دا تمام!خليهو بيناتنا!عشان زيتهم م يطلع بسبب كلام ريم
سلمي: انت رضيان بالبتعمل فيهو دا!
جاسم(بابتسامه): تصبحي علي خير ♡
.........................
جاسم طلع من غرفهه اختو...ومشي غرفتو...غير ملابسو..ورقد في السرير وخاتي يدينو ورا راسو...ما قدر ينوم بسرعهه...غفل غفلهه صغيرهه كدا...قام عطشان...نزل تحت المطبخ عشان يشرب مويهه...وهو نازل تحت لاحظ باب الصالون فاتح...افتكر انو نسو يقفلوهو...مشي عشان يقفلو ...عاين لقي ابوهو قاعد برهه وبتكلم في التلفون وبضحك!استغرب!انو دا شنو المكالمه البتكون نص الليل دي! م كان قادر يفكر!بس بدا يسترجع كلام ريم!تاني إتراجع ...خت في بالو انو بكون شغل مستعجل او بتكلم مع وحده من عماتو!...خلا الباب..ورجع طلع غرفتو رقد في السرير ونام...الصباح قام ..جهز نفسو عشان طالع مع ابوهو...لبس بنطلون ابيض وقميص ازرق...ونزل تحت..لقاهم بفطرو..صبح ليهم وقعد معاهم....
رشاد: المستثمر جاك القابلتو في دبي امبارح اتصل علي...وقال انو مبسوط منك شديد
جاسم: بالجد...كويس طيب..قدرتا اعمل شي يبسطك
رشاد: ودا الانا كنت عايزو
جاسم: ههه علي الاقل طلعت احسن من معتز...صح!
رشاد(بنظرات بارده): المفروض انو نمشي علي المكتب..مش كدا!
جاسم: طبعا
عفاف: انا مناي بس اشوفك وانت متزوج ي ولدي واشوف اولادك
جاسم: هههه مالك مستعجله علي ي امي!!
سلمي: دايرين نتخلص منك بأسرع وقت ي حبيب بس
رشاد(بضحك): رأيكم شنو في زميلتو رشا ديك!
سلمي: ابوي.. بتبالغ!رشا!
عفاف: بس عليها…البت المايعهه دي…عيبو لي ريم دي مالها!
جاسم ضحك ضحكهه خفيفه...قام وهو وابوهو..ودعوهم...وطلعو...ماشين علي الشركهه...ركب العربيهه مع ابوهو....
رشاد(بزهج): ي الله...نسيت ملف مهم في البيت
جاسم: خليك قاعد انا بجيبو ليك
رشاد: لا...ما ح تعرفو بجيبو انا ..انت خليك
............
رشاد نزل من العربيهه...دخل البيت...جاسم قاعد شايل تلفونو...تلفونو بطاريتو نزلت...بقى يفتش في شاحن العربيهه...فتح وحدهه من صناديق العربيهه البتكون قدام...ولقاهو...سحب الشاحن ...في ورقهه وقعت...شالها وفضول منو فتحها يشوف فيها شنو!....كانت قسيمه!قسيمه بأسم ابوهو وجارتهم نورا!....
يتبع....