اندروفين

٣

جاسم شال تلفونو وكان ببتسم وبتكلم براحهه ...ريم كانت بتعاين ليهوو ...جاتها سلمى وضربتا في كتفها وغمزت ليها.....

سلمى: مالك ي حب

ريم: اسي بتغمزي مالك ي بت 😂

سلمي: لاحظتا ليك مهتمه شديد تعرفي منو البتكلم مع جاسم

ريم: ابدا😄

سلمى: علي انا ي حلوه

ريم: بالجد م مهم...بعدين انا م بحب اقيد زول ...بحس اني بخنقو

سلمى: يعني اسي م عندك فضول تعرفي هو بتكلم مع منو؟

ريم: سلمى انتي مجنونه ولا مالك...اكيد بتكلم مع واحد من اصحابو يعني وين المشكلهه

سلمى: منظرو دا منظر واحد بتكلم مع صحبو !

ريم: اها حتي لو بت...شنو يعني؟

سلمى: مافيها شي....بس انا فاهماك كويس وحاسهه بيك كمان

اثناء ريم وسلمى بتكلمو ناداهم جاسم وطلعو ليهوو ....

جاسم: اسمعوني ...اتصلت علي رشا ...وقالت عاملين حفلهه بمناسبهه النجاح وكدا رأيكم شنو تمشو معاي؟

سلمى: ي سلااااام انا موافقهه

عفاف: انا م بقدر امشي ي ولدي بعدين دي حفلهه شباب امشو انتو وسوقو معاكم ريم

جاسم: م تقولي كدا ي قلبي انتي لسه شباب ياخ😂

عفاف: اوعك تتريق علي ي ولد فاهمهه حركاتك دي كويس انا

سلمى: انا ماشهه اجهزز ي جماعهه يلا اشوفكم بعديين

جاسم: خلاص ح تسكن في غرفتها الليله لغايهه م نطلع ...وانتي ي حب

ريم:ح امشي...بس اسي لازم ارجع البيت واكلم امي وابوي واجهز نفسي

جاسم: اصلا ح تمشي ولا علي كيفك ...خليني اوصلك البيت

ريم: لالا بمشي براي ي ولد

جاسم عاين لي ريم مسافهه وبعدين مسكها من يدها وجراها ....

ريم: ي مرض استنى نودع خالتو

جاسم: احتمال هي م دايره تودعك امشي ساي😂

.........

جاسم وصل ريم البيت وسلم علي اهلها واتونس معاهم ....اهل ريم ناس بسيطين شديد وحبابين....امها (سماح)صحبه عفاف وعلاقتهم حلوه شديد زي الاخوات ....ابو ريم(ادريس)راجل بسيط وطيوب عندو محلات ببيعو فيها ملابس وراثنها هو واخوهو بعد م ابوهم مات....اختها(سوزان)متزوجهه وعندها ولد ..اكبر من ريم.....

ريم: الليله مالك قال جايانا بدري كدا ...جايهه عشان تنكدي علينا عيشتنا صح

سوزان: انطمي عشان م افكك بالمسند دا 😂جاياك انتي انا ...بس عليك كريهه خلاص