اندروفين

٣٣

يوم عرسهم...كانت متوترهه شديد..وفي نفس الوقت متلهفه بس علي شنو م عارفهه!!..جهزت وكانو معاها صحباتها...كانت قاعده في العجلهه بتاعتها...كانت زعلانهه لانها م عايزا تظهر كدا!م دايره الناس يقولو عليها العروس المشلوله!كانت خايفهه من كلام الناس...بالرغم من انو هو م محسسها بحاجهه نهائيا...م كان مدي اهتمام لاي كلام بقولوهو عنها لانو بتهمو هي بس💜بقت قاعده مستنياهو...ضرب لصحبتها ..وصحبتها بقتت تبتسم...ساقتها طلعتها بره بالعجلهه...كانت لابسهه فستان زفاف حلو وراقي وبسيط شديد 💜كانت محلياهو💜لابساهو منفوش زي م بتحب..وتسريحهه بسيطه وخاتين طرحهه بيضاء جميلهه...اول م شافها بقي سرحان كعادتو اول م يشوفها...قرب منها براحهه.. باسها في راسها ...قرب منها اكتر... وقرب من اذنها وبقي يدعي ليها بصوت واطي💜...لاحظ ليها اتوترت ..مسكها من يدها وكانت بارده شديد...اتزكر البت المجنونه ال اول م شافها اعجب بيها💜كانت لابسه بنفسج...اتزكر وقت هظارها..وضحكها...اتزكر كل تفاصيلها 💜 حب اللون البنفسجي عشانها💜حب ريحهه البن عشانها💜...ساقاها وساعدوها صحباتها عشان تقوم من العجلهه وتدخل العربيه...طول الطريق وهي متوتره....وهو بعاين ليها وهي بدت تتوتر من نظراتو ليها ...قرب منها وقال ليها يا سميحتي💜..وصلو الصالهه ...قعدوها في العجلهه وهو سايقهاا...اول م دخلو الناس جوهم وبقو يباركو ليهم...وهو ببشر وفرحان💜...وقفها في نص الصالهه .. شال الجيتار بتاعو وجابو ليهو كرسي وبقي يعزف ويغني نفس الاغنيه الغناها ليها يوم شارع النيل..انا من صفاك مسحور💜عمل عرسهم في نفس اليوم الاتولد فيهو هو...هو كان بعتبر انو ارتباطو بيها في اليوم دا بمثابه ميلاد جديد ليهو هو💜حياه جديد مع من يحب ويهوي💜 ........................... يوم العرس كنت متوتره شديد...م عارفهه ليه!...اول م طلعوني برهه وشفتو كان لابس بدله كحليه سمحهه عديل فيهو💜مع لونو وشعرو ونظارتو وسكسكتو الطلبت منو انا يعملها وعملها💜كنت شاعره بامان معاهو قبل الحب💜اتوترت شديداول م قرب مني بس جواي فرحهه صغيرهه وسمحهه في نفس الوقت..كان بناديني بالسميحه💜وللان بقول لي كدا💜انا كنت حرفيآ بشعر معاهو بامان..عارفهه كررتا كلمهه امان دي كتير لانو هو الحاجهه المفروض نحسها مع الزول البنريدو اول شي💜 ردتو والله ..وشديد اقسم بالله العظيم ..تعال اوريكم حاجات بسيطه خلتني ردتو!اول ايام زواجنا كنا قاعدين في شقهه..وسلالمها كتيرهه وانا بحالتي دي م بقدر اطلع...كان بشيلني كل مره...وانا كنت حاسهه اني بتعبو شديد..هو بقعد يتريق فيني وبقول لي وينو ريجيمك ال كل مره بتقولي عايزه تعمليهو سكت مسافهه وقال لي بصورهه هظار كدا انا قبل كدا شلتا وحده تانيهه...انا صريت وشي..وبقيت اسألو انو دي منو!...هو م كان بجاوبني.. وبضحك فيني لمن اتغظت منو قلتا ليهو قليل ادب!فك الضحكهه ..وبعدين نزلني قعدني في السلم...افتكرتو بكاوي فيني وعايز يخليني...جا قعد جمبي وشال نفسو ..قال لي شلتا امي الاتبنتني وقت كانت عيانه وعندها سرطان ...انا هنا احترمتو شديد وكبر في نظري💜حبو البحترمو امهاتهم عشان ح يشيلوكم انتو فوق راسهم💜....مره كنت قاعدهه معاهو برهه في الحوش وهو بغسل في عربيتو...وكان مبهدل نفسو بهدلهه عجيبه وبغني كمان ...قمت انا قعدتا اضحك فيهو...هو اتغاظ مني وجا شايل الخرطوش وبقي يرش فيني بالمويه ..بلاني كلي وبعدين جاب رغوه الصابون وبقي يطيرها فيني ...وهو ماشي يكمل غسيلو الصابون زلقو ووقع وانا بقيت اضحك فيهو شديد وهو لضحكي داك بقي يضحك معاي 💜...كان كل صباح بصبح علي وطوالي بقول لي انا بريدك قمتا يوم بصوره تريقهه قلتا ليهو ليه م بتقول لي بحبك ولا بموت فيك !قال لي عشان بحبك دي كلمهه تافهه اساسا وما بتعبر عن الجواي اتجاهك وزمان جدودنا بقولو لي حبوباتنا كلمهه بريدك عشان هي كلمهه عميقه💜شال نفسو كدا وقال لي بريدك ي سانه💜مره جا من الشغل تعبان شديد ..وانا كنت قاعدهه في غرفتنا بقرا في كتاب جا رقد جمبي وشال الكتاب جدعو ورقد في كرعيني...بقيت بخلل ليهو باصبعيني جوه شعرو 💜...كان زعلان علي شديد وهو بشوفني اني م قادره اعمل شي براي ولا قادره اتحرك واكون طبيعيه ...بتذكر بالليل كدا قام.. وانا حسيت بيهو بقي قاعد وخاتي يدينو في راسو ومقبل علي الجهه التانيه ..حرفيآ كنت بشوف شيل همي في عيوني بس م كان بحسسني بشي 💜اول فترهه كنت مكتئبه شديد وطوالي بتزهح ومزاجي معكر وهو عارفني انا زهجانهه ليهه..كنت فاقده الامل اني ارجع امشي تاني...جا ساقني بدون مقدمات ووداني استراحه مرضي اطفال السرطان💜بقيت قاعدهه هناك بعاين ليهوو وهو بتونس مع الاطفال...بعد مسافهه جاني قال لي عارفهه ليه جبتك هنا!عشان تشوفي الاطفال ديل عندهم امل قدر شنو انهم ح يتعافو وح يبقو كويسين ..عندهم امل انو ربنا ح يلطف بيهم💜بعد كلام كتير معاي صره لي وشو وقال لي انتي عوقهه !الاطفال الاصغر منك ومرضهم وعلاجهم اصعب من مرضك وعلاجك دا عندهم امل..ت ي انتي ي عوقهه تعملي نفسك فيها كئيبه!...ومره كدا اتشاكلنا وصوتو علاهو فيني وكان زهجان شديد...مرق من البيت رزع الباب وخلاني...جا بالليل شديد لقاني صاحيه منتظراهو...جا قرب مني ورافع حاجبو قال لي م عايزا تردحي لي لاني اتاخرتا!عاينت ليهو وقبلت منو...جا قعد قصادي وبقي يعاين لي جوه عيوني وقال لي شوفي ي بت الناس...انا قبيل لمن كوركتا فيك لاني م بقدر اشوفك وانتي بتغلطي في حق نفسك كم مره لازم اقول ليك الكلام دا!وانا بحارب اخطاءك معاك وبقيف معاك عشان تحاربيها م بحاربك عشانها!💜 بعديها صره وشو وبيدينو قال لي انتي قايلهه نفسك دي حقتك براك اديك كف كدا اسي ! وانا فكيت الضحكهه بعد الجملهه دي...كان في ناس كتار بسألوني وبسألوهو..بقولو ليهو كيف معرسها وعايش معاها وهي مشلوله!...ببتسم وبقول ليهم دي نصي التاني وهي بتكملني وانا بكملها وبريدها💜 ...كانو بسألوني انا برضو كيف عرست واحد م عندو اهل ولا اي زول وم معروفين اهلو بقول ليهم دا نصي التاني وانا بكملو وبريدو 💜...

بعد مرور سنتين
في المانيا....
ريم وهي بتتكلم جا داخل عليها سامي....
سامي: ي بت..وينك
ريم(بصوت عالي): خير

سامي مشي ناحيه ريم...كانت ماسكهه التلفون وبتكتب في الكلام دا💜...واقفهه في البلكونه...جا جراها ...ي دوب كملت فترهه علاجها ...مسكها من يدينها الاتنين وبقت تمشي حبهه حبهه..بكاوي فيها وبقول ليها تاتي😂💜وعي بتتغاز وتضربو ...لسه م كانت بتقدر تمشي كويس...قعد في السرير وهي قعدت في رجلينو...وختت يدينها حولين رقبتو..

سامي: بتعملي في شنو!
ريم(رفعت حاجبها): بتكلم مع البيب
سامي(بصره وش): بالله!
ريم: م تصر لي وشك السمح دا كدا
سامي(بضحك): بتعرفي الاندروفين!
ريم: لا
سامي: الاندروفين هرمون السعادهه💜وإكسير الحياهه💜حاجهه خلقها الله في جسم الانسان...متي م ارتفع الهرمون دا الانسان بشعر بسعاده بالغهه ...واذا قل بشعر باكتئاب وبحس نفسو مطفي ...عارفهه عشان الهرمون دا يرتفع عندك قالو لازم تقعد مع الزول البتريدو اربعهه وعشرين ساعهه وما تفارقو وفي روايه تانيهه تربطو بنجنزير عشان م يغيب عنك ههههه رأيك شنو ي اندروفيني!💜
ريم: زول تافهه بس 😂💜

سامي وريم بضحكو الاتنين...سامي قرب منها وخت جبينو في جبينها💜....

وبس كدا النهايهه💜

دآيما ح يقولو ليك ربنا قاسم ليك الافضل منو!م تفكر فيهو كتير الزول دا..انساهو وربنا داسيك للبشبهك...طيب م ترتبط عشان تنساهو!...وهو اصلا م بشبهك ولا بستاهلك ...دايما دي بتكون ردود الناس لمن تكون بتحب من طرف واحد...شعور انك تكون متعشم في انسان...شايفو مشروع مستقبل ...لمن بتبدا تبني عليهو احلام كتيرهه..بيتكم...حياتكم...اولادكم...زول بتتمني يكن ليك نفس المشاعر دي وفجأه كدا تكتشف انك كنت بتحب حب من طرف واحد!الحاجهه دي كعبهه شديد وما زابطه نهائي ...دا الم حقيقي ياخ...بالرغم من انو انت عارف الكلام البقولوهو ليك الناس دا كلو صحح بس انت قلبك م بتقدر تتحكم فيهو...شعور كعب 💔ابكي واعمل الداير تعملو في النهايهه دا وجع جوه القلب والمكابره م بتنغع ..ولا عندو علاج..ولا كلام يخفف عنك الشعور الكعب دا...مره صحبتي قالت لي اجري ورا البريدك ما تجري ورا البتريدهو انتي!عشان البريدك دا مستعد ينزل ليك النجوم عندك💜كن علي يقين بأنو ح يجيك واحد ويصحح كل الغلط ال كان في حياتك 💜ح يحبك من جوه قلبو زي كانو انت معجزه💜وح يريدك بالانت عليهو💜 نزار قباني قال ...اختاري رجلا لا تهونين علي قلبه..يعتذر منك وان كنت خاطئه ...اختاري الذي لا تهونين علي قلبه💜..ي ريت م نعشم انسان فينا كمان ..سواء بحركاتنا...كلامنا..مهما كان...لانو بعدين لمن يتخزل ويتكسر دا شي م زابط...بتاتآ...الحب دا شي مقدس يخوانا ي ريت م نوسخو بحاجات تافهه💜...اها عرفتو من خلال الحاجات الحكتها ريم دي ليه هي حبت سامي!
واللهم حلالآ يشبه امانيكم الجميله💜
...............................
آسفهه ع الشحتفهه والله م قصدي ...انا م بعمل في حاجهه عظيمه ولا رهيبه عشان اكون قاصده اشحتفكم ..ولكم العتبى حتي ترضو💜
ملحوظه...
الخواطر ال في بدايه الاجزاء مجرد خواطر قريتها...ليست من تأليفي...عجبتني فحبيت انها تكون اضافه جميله للروايه💜