اندروفين

١٧

وإني نويتك بيني وبين نفسي صدقآ...ولكل امرئ ما نوى💜

سامي راجع لورا في الكرسى وبعاين ل ريم ومبتسم.....

سامي: عليك الله اعتقي قلبي💜

ريم: اااااااا...قلتا شنو!

سامي استعدل في قعدتو ...وبقى بعاين مسافهه وصاري وشو ل ريم ...

ريم: بسم الله ي ولد مالك!قلتا شنو قبل شويه م سمعتك كنت مندمجه مع الكتاب

سامي: قلتا انك انسانه رداحه لدرجه جعتا بسبب كلامك الكتير

ريم: اسم الله عليك انت ي براميل اللذاذه والكياته

سامي( بضحك): اسكتي خلاص عايزا تقومي تردحي تاني ...تردحي في الصقيع انتي

ريم: اووولالالا ما قادره اصدق😂سامي طلع مربى حبوبات ياخخ😂...ع العموم ارح عازماك غداء عندنا

سامي: اااه والله ياخ ي ريت ...بس لازم ارجع البيت

ريم: ياخ ارح سااي م مشكلهه...وبعدين اصلا ح تكون مكره امك واخوانك ومعزبهم في البيت عايز ترجع البيت لشنو!!

سامي ابتسم ابتسامهه خفيفه ودنقر راسو ...بعديها اتحركو علي بيت ريم....

في جهه تانيه.....

معتر(بتمتم): عمي انت لازم تصدقني..البعملو فيهو البنتين ديل افتراء

شيماء(بنرفزه): لو سمحت استاذ رشاد انا عايزا اطلع من هنا

رشاد(بصوت حاد وموجهه نظرو لمعتز): لا ما ح تتطلعي ...وانت م تتكلم عن مرتك كدا وتقول عنها افترت عليك!كدا عيب

معتز: شنو!مرتي

رشاد: اي ..في اعتراض !!

معتز(بصوت عالي): دا شنو البتقوا فيهو دا!!كيف يعني مرتي...انت عايزني اعرس البت دي اسي!!

رشاد: اي ولعلمك بالرضى ولا بالغصب انت ح تعرسها ...دا مش الدايراهو انتي ي شيمااء ! اهو ح يعرسك

معتز(بصوت عالي): انا م بعرس وحدهه زي دي...واذا انت عايز تعرسني ليها عشان الولد! .... انا ماف شي بأكد لي انو الولد دا ولدي!

شيماء(بغضب): انت....

رشاد ( قاطعها): شيماء اطلعي برا وابدي جهزي نفسك للعرس...اظن كلامي واضح اتفضلي بعد دا

معتز بعاين لشيماء نظرات غضب شديد ...متمالك نفسو بالقوه قدام عمو...رشاد قاعد في الكرسى وخالف رجلينو وبعاين لمعتز بنظرات بارده...شيماء طلعت من المكتب .....

معتز(بصوت عالي): ماف عرس ح يتم...وانا مستحيل ارتبط بالبت دي...ال م قادر استوعبو انت كيف تقرر قرار زي دا!

رشاد قام من الكرسي القاعد فيهو...ختا يدينو ورا ضهرو ...واتقدم ناحيه معتز ..وقف قدامو مسافهه...فجأه اداهو كف...معتز بعاين ليهو ومصدوم من الكف ومتعصب في نفس الوقت .....