اندروفين

٤

ريم قاعده ساعهه في غرفتها بتغير في فستانها وتشيل وتنبز وتدعي علي جاسم ....

ريم: كويسس ي جاسم ي مرض والله اوريك ليهوو كويس...اريتني لو م قلتا ليك ح امشي معاك واحد مرض ..عارض...فقور

سلمى: ياااو ياااو اناا جيييت😘....بتنطني براك ماالك ي مزه؟!!

ريم: العارض اخوك دا كرهني

سلمى: ي بت هو برا اسي مرارتو مفقوعهه منك عشان م طلعتي سرعه😂وكل شويتين يتزهج ...ندمتي الولد انو قال ليك امشي غيري ...وبعدين البنفسجي عجييب فيك ي حب💜

ريم: جد ؟!!

سلمى: اصلا دا اللون البحبو جاسم كيف م يكون حلوو 😘

ريم: سلمى ...اتلهي واطلعي بالله كفايه اخووك

في جهه تانيهه.......

جاسم: ي مان قلتا ليك خلاص جايين م تمعطني

----:ي اخيينا استعجل ...رشاا بدت تتوتر محسساني انها جات الحفله دي عشانك انت بس...دا شنو الشي المهم الاخرك قدر دا؟

جاسم: ريم

---: شنو؟

جاسم: ريم ومعاها اختي سلمى ياخ قاعدين ساعهه جوه بتجهزوو ...المهم اسي وريني المزز كيف هههه

----: بحر من المزز تعال بس😂

.............

ريم جات طالعه هي وسلمى ...جاسم شايفها وهو قاعد في العربيهه وابتسم💜سلمى ركبت قدام وريم ورا واتحركو....

جاسم: حضرتك لازم تتأخري الوقت دا كلوو يعني....لبستي الجلد خلاص

ريم: شفتا انطما مني....انا خشمي م فتحتو معاك

جاسم: اسي دا شنو الفستان الكئيب دا؟

ريم: نعم

سلمى ( بتضحك وبصوت واطي): الليله وووب وووب😂

جاسم: كئيب اااي....اسي دا فستان تمشي بيهو حفلهه ...بنفسجي!

ريم( بصوت عالي) : انعل وشك ي جاسم...انت اصلا مالك ومالي...ي شيخ شيلني من راسك خلي الليله دي تعدي علي خير

جاسم: اها واذا م عدت علي خير ...ح تنتحري يعني!ح تفتحي باب العربيه وتنطي !

ريم( بصوت عالي): لالا م انا البنتحر...لكن ح اكون زوله انتحاريه واتخلص منك انت ...الله يهرد فشفاشك يااخ

سلمى: جااسم النبي اسكت😂

جاسم( بهدوء): ليييه انتي فشفاشك مالو؟!....اااا اتذكرتا فشفاشك شبر كداا زييك ....بعدين اللون دا انا بكرهوو جدا وبتشائم بيهو شديد

ريم( بصوت عالي): بالله ....وداا منو ال كان مطلع زيتي اليوم داااك يشيل ويشرح لي عن اللون البنفسجي قصص وحكايات ....ي ريتني لو م لبستو زااتو

جاسم: ( عاين لريم بمرايه العربيهه وغمز ليها): يعني انتي لابساهو عشااني

.............

جااسم كان عاجبو الوضع وماسك الضحكه بالعافيهه 😂اما ريم انفعلت وبقت تردح ليهوو جوه العربيهه ...لغايهه م وصلو الحفلهه...اول م دخلو الصاله قابلتهم رشاا ...رشا شافت جاسم طوالي حضنتو وسلمت عليهوو...

رشا: ي بيبي ماالك إتاخرتا؟

جاسم: والله البنوت إتاخرو شويهه وكدا

ريم قربت من سلمى وبقت تتكلم معاها بصوت واطي....

ريم: دي منو؟

سلمى: دي رشاا وحده كدا متشعبطه فينا ومتشعبطه في جاسم م عارفهه ليه😂!...زمااان مانت بتقرا مع جااسم في الجامعهه لكن خلت القرايهه لانها زاتو م زولهه قرايه وطوالي مسافرهه برا وكدا يعني عايشهه حياتها الشهاده دي زاتو م اظن انها محتاجاها عشان اهلها اوردي مرتاحين ...وفترتها القصيرهه دي في الجامعهه هي اتعرفت علي جاسم وكدا .

ريم: اهاا...م حصل جاسم حكى لي عنها

سلمى: م بكون انتبهه وخصوصا هي بتسافر يعني م قاعدهه هنا فهمتي

ريم: يختي ومالها بتتمايص كدا ؟

سلمى: عارفاك والله شميتي حركاتها😂اعذريها نظام امريكان وكدا ي حب

ريم: سمحح

ريم خشت في النااس شديد بالرغم انها م بتعرفهم معرفهه قويهه غير انهم زملاء جااسم وبس ...تضحك مع دا وتهظر مع دا وكلهم اتكيفوو ليهاا شديد .....

جاسم: شايفااك استلمتي الساحهه بكلوو ي الاخت ...اصحاابي وكلوو يعني ...بطلي حركات الشلب دي ي زولهه

ريم: يشلب راسك الكبير دا...ي ريت لو كبير بفايده هو ...مرض بس

جاسم: عليك الله رووح الحبوبه الجواك دي شويهه خففيها 😂

ريم: شااي هي عشان اخففها ليك

جاسم: كويسس طول لسانك دا بردو ليك...ومعاهو كيكه

سلمى: جاسم والتفاهه😂😭

ريم: مسطول😂

جاسم: اخييرا فردت وشهاا الكريهه دي...مكرفساهوو كداا اربعهه وعشرين ساعهه زي الكيس الختوهو في المكوه

ريم: ي ولد انطم مني ..عشان م اضربك في وشك السمحح دا اعمل ليك عاهه مستديمه😂

جاسم: دقيقهه اسي....رأيكم شنوو بالله في البت اللابسهه اسود دييك عاينو ليهاا .. عيونهاا كبارر كدا

سلمى: مالها؟

جاسم: ح تبقى مرتي 😌

سلمى: اسي انت متيين عرفتها ؟؟

جاسم: م بعرفهاا...بس شفتها وعجبتني...رأيك شنو ي ريم ؟...مش مفروض اعرسها !

ريم: يعرس ركبيك...وكمان بتسأل ؟

في جهه تانيهه ......

ادريس: الوقت إتاخر والبت دي لسهه م جات مع اني حذرتها تجي بدري م بتسمع الكلام

سماح: م تخاف عليها سااي...سلمى وجاسم معاها يعني ح ترجع في النهايهه ...بعدين انت ليه بتتوتر كدا اول م تشوفها معاهم

ادريس: الصراحهه انا من زماان بقيت اضايق اشوفها مع اولاد رشاد خصوصا جاسم دا .......

يتبع.....