- الحب هو قوله صلى الله عليه وسلم " أتغارين عليّ يا عائشة ؟ " فتقول : " ومالي لا يغارُ مثلي على مثلك يا رسول الله ! " 💜
لوتس شافتت المتصل في تلفون جاسم..كان مسجلها بريمي💜...فجأه اتقلبت 360درجهه...شالت تلفونو قفلت الخط في وشها..وقفلت التلفون...وجدعت التلفون في كرسى جاسم...خاتا يدها في خشمها...وبتهز برجولها...ومقبله علي الشبااك...جاسم بعد مسافهه جا...ركب العربيهه...شايل معاهو فطيرهه بالشكولاتهه..ومعاها بارد.....
---: دا شنو!
جاسم: انا م فطرتا ...فبس اسي ح نفطر مع بعض قبل م نتحرك
---: والخلاك م تفطر شنو !للوقت دا
جاسم: نحنا في السودان بنفطر متأخر وكدا ..بس طبعا انتو هنا غير وعاملين راقين شويتين فكنت حابب اجرب شعور الفطور بدري دا ههه لكن م قدرتا...بالاضافهه م كان عندي حاجه حلوهه تفتح نفسي للاكل 💜
---(بابتسامه): كأنو انت اسي قاعد تشاغل كمان
جاسم(قرب منها): انتي رأيك شنو!
البت قاعدهه تعاين ليهو في ملامحو مسافهه...جاسم صره ليها وشو ومبتسم....
جاسم: في احلي من انك تفطر بشكولاتهه من صباح الرحمن هههه..امسكي ي بت ....بسم الله التلفون دا مالو!!
---: مالو!
جاسم: فجأه قفل !
---(بابتسامه خفيفه): بكون قطع شحن..
جاسم: شحنتو قبل م اطلع...شكلو داير يتعولق
---: اااا ...اسي خلينا من التلفون ...انت رأيك ح يقبلني صحبك اشتغل معاهو
جاسم: ليه لا!بعدين هو بزنس جميل وراقي جدا وما متعب نهائي وهنا ماشي شديد ...عندو كم فرع ..هو بذات نفسو قال انو محتاج زول يساعدو لانو عندو شغل اساسي يعني دا اضافي وكدا
---: اها طيب حلوو
الاتنين سكتو مسافهه ....جاسم قبل عليها وهو مبتسم...
جاسم: امبارح كنت مرتاح شديد لمن شفتك وانتي فرحانهه 💜
---: احلي شي لمن خليتك تقيف مسافه في المطره واتبليت كلك😂
جاسم: ادعي ما امرض بسببك بس ...بالاضافه العربيهه اتبشتنت ...ااااا بس م مشكلهه بقولو البريدك بعزبك 💜
---: هووي هاا انا م بريدك
جاسم ضحك ضحكهه خفيفه ..عاين ليها..وقبل ركز في سواقتو...بدون م يتكلم معاها...هي قبلت علي الشباك ..كانت حاسهه بشعور حلو ياخ💜....
.........................
دا شنو دا!!...ليه هو بعمل كدا!ليه حاسهه انو جاسم اتغير علي شديد!بالعاده هو م بعمل كدا برسل رسالهه انو مشغول ...بس هو اسي قفل تلفونو...ياخ عادي بكون مشغول شديد الايام دي...واصلا بكون برتب في حالو عشان قرب يرجع ....طيب ليه حاسهه انو قلبي م مرتاح!ياخ انا غبيهه ساي وبتوهم...ماف شي...
كانت ماسكهه تلفونها ومستغربهه من حركهه جاسم!....سامي حس بيها مضايقهه وبقي يعاين ليها ..بعد مسافهه انتبهت ليهوو.....
ريم: ااا الواضح انو مشغول
سامي: اكيد ...وخصوصا الايام دي بكون مضغوط مع باقي الشغل وتحضيرات السفر وكدا
...................
ريم قامت شالت الصينيه ال كانت فيها كبابي الشاي ...توديهم لخالتو...شنتطها كانت قاعده في طرف الكرسي ووقعت...انتبه ليها سامي...رفعهاا ...وقع منها دفتر صغيرر كدا ...سامي جاهو فضول يشوف الدفتر فيهو شنو!!...شالو وبقى يقرا ..ابتسم وهو بقرا في الدفتر💜كانت فيهو امنيات ريم ....بقي مندمج فيهو وبقرا بصوت واطي......
احضر افلام رعب بدون م اكون مغمضه عيوني...الثلج الابيض البنشوفو في الافلام نفسي اضوق طعمو ...اشوف ذكر الطااووس وهو نافش ريشو ...اشوف رقصهه الدولفين...اشرب قهوه زي وزي الناس واتمتع بيها وما اكتفي بأني اعملها وبس...احضر عرس مره وراجل ويكونو عجايز وكيوتين كدا بس💜...التزم بالريجيم وما اخربو من اول يوم...اركب لعبهه المقص والسفينه بدون خوف وبدون م اقول اني الليله ح اموت...اربي ارنب...نفسي الاقي سيدهارت مالهوترا💜...اتكلم تركي وامشي تركيا واشوف القصر العثماني..اتعلم رقيص الهنود...نفسي ادخل السعادهه في قلب انسان واحد💜...اركب منطاد...تجربهه الحب من طرف واحد م نفسي اجربها...حبيب بس ي الله زي البكون في الروايات او ديزني يجيني وهو راكب حصان ابيض ...زول يحبني زي م انا.....
سامي بقرا في امنيات ريم المكتوبهه...ووبضحكك ومبسوط جدا💜...ريم وهي راجعهه لاحظت ليهوو ماسك دفترها وبضحك...مشت جرت سرعهه...قعدت قدامو وبتعاين ليهو...قفل الدفتر وختاهو في التربيزه ..وخت يدو في حنكو ومبتسم ليها💜....
ريم: اها خلاص قول علي هبله ماف داعي تعاين لي وتضحك
سامي(بضحك): وليهه اقول عليك هبله!!
ريم: لانو امنياتي هبلهه زي ...واسي ح تقول علي مجنونه
سامي: اممم هو صح انتي مجنونه..بس جنون حلو وعاجبني 💜
ريم: اسي بذمتك البخليني اقابل سيدهارت دا شنو!!
سامي: لا وكمان دايرهه شريكك يجيك علي ظهر حصان ابيض 😂 وتضوقو التلج قلتي لي...لا بالجد كنتي شاربه شنو وانتي بتكتبي في الامنيات دي
ريم(بضحكه خفيفه):فودوكا
سامي: ي بت😂...لا تعالي هنا يعني انتي شاطره في تحضير القهوه ...مالك معاها اسي!!
ريم: شوف ي سيدي..م تشوفني انا شاطره في تحضيرها...مره مشينا لناس خالتي وكنا مقيلين معاهم ..بعد الغداء الساعهه اربعهه كدا...عملو قهوه وكانت ظابطه للابد يعني ...علمتني طريقه تحضيرها وحده بتبقي لناس امي...المهم بعد الطقوس العملوها ديك..ادوني في الفنجان الصغير داك قهوه ..وطبعا انا كان اول مره اجربها...المهم ي زول شربتها...م عارفه شربتها كيف لانو طعمها كان مر !...يلا لاحظ شربتها اربعهه ظهر... هم هناك متعودين بنومو بدري وكدا.. يعني 10دي نحنا خلاص رقدنا ...انا ي سامي والله العظيم قاعده الليل كلو مساهره م نمتا الا صلاه الصبح...اريتو كان عدم نوم ساي هو...لالا كنت بهلوس الليل كلوو..ولسوء حظي الليله ديك كان في هواء شديد يلا شبابيك المطبخ والفرف بدت تتطاقش وانا اهلوس ...كانت ليله عصيبه
سامي(بضحك): حاج خوف😂
ريم: اللهم...اسي بقيت بزيد ليها مويه عشان اخفف مرارتها...بس بحبها اكتر في شاي الصباح بلبن..بضيف ليهو حبه قهوه بكون طعمو عجيب💜
سامي: وبالنسبهه للقصر العثماني ...شكلك مهتمه بالتاريخ !
ريم: امم يعني م كتير...بس قصه الحب ال كانت في قصر طوب قابي العثماني ...قصه جميلهه جدا💜 ممكن اقراها ميه مره وما امل منها...قصه حب الجاريه الاوكرانيه إلكساندرا والسلطان سليمان ...إلكساندرا جات في واحد من السفن التابعهه لآل عثمان كجاريه ..ودخلت القصر العثماني ...في الاول م كانت طايقهه الحاجهه يعني فكرهه انها اثيره وكل اهلها ماتو..فحاولت تنتحر كم مره..كانت معروفه انها متمرده جداا وعملت مشاكل كتيره في حرملك السلطان...في يوم كانو عاملين حفلهه للسلطان ..كان في مجموعه جواري برقصو وكدا...والسلطان اذا عجبتو وحدهه من الجواري بديها قطعهه قماش لونها بنفسج💜فاختار إلكساندرا دي...والسلطان حباها حب شديد💜لدرجهه اتزوجها والزواج من وحده من جواري الحرملك كان محرم عندهم بس هو خالف القوانين واتزوجها بعد اسلمت...من شده حبها ليهو هي كانت بتقتل اي جاريه تفكر انها تمشي للخلوه مع السلطان...عادت كل الناس عشانو وواجهتها حاجات كتيرهه كعبهه...لمن ماتت السلطان سليمان حزن شديد علي موتها ومن اليوم الماتت فيهو وهو بلبس الاسود ...وبس كدا يعني
سامي سكت مسافهه ..بعاين ليها وعيونو بتلمع💜...
سامي(مبتسم): ﻋﺮﺵ ﻣﺤﺮﺍﺑﻲ ﺍﻟﻮﺣﻴﺪ💜.. ﺛﺮﻭﺗﻲ.. ﺣﺒﻲ..ﻭﺿﻴﺎﺀ ﻗﻤﺮﻱ.. ﻳﺎ ﺃﻋﺰ ﺃﺻﺪﻗﺎﺋﻲ.. ﻛﺎﺗﻤﺔ ﺃﺳﺮﺍﺭﻱ.. ﻭﺟﻮﺩﻱ..ﺳﻠﻄﺎﻧﺘﻲ.. ﻭﺣﺒﻲ ﺍﻷﻭﻝ ﻭﺍﻟﻮﺣﻴﺪ.. ﻳﺎ ﺃﺟﻤﻞ ﺍﻟﺠﻤﻴﻼﺕ… ﻳﺎﺭﺑﻴﻌﻲ.. ﺣﺒﻲ ﺍﻟﻤﺮﺡ.. ﻧﻬﺎﺭﻱ..ﻗﻠﺒﻲ.. ﻭﻭﺭﻗﺘﻲ ﺍﻟﻀﺎﺣﻜﺔ … ﻳﺎ ﺣﺪﻳﻘﺘﻲ.. ﺯﻫﺮﺗﻲ ﺍﻟﺤﻠﻮﺓ..ﺍﻟﻮﺣﻴﺪﺓ ﺍﻟﺘﻲ ﻻ ﺗﺤﻤـِّﻠﻨﻲ ﻫﻤﻮﻣﺎً ﻓﻲ ﻫﺬﺍ ﺍﻟﻌﺎﻟﻢ… ﻳﺎ ﺍﺳﻄﻨﺒﻮﻟﻲ.. ﻗﺮﻣﺎﻧﻲ💜.. ﻭﺃﺭﺽ ﺃﻧﺎﺿﻮﻟﻲ ﻳﺎ ﺑﺎﺩﺧﺸﺎني ﻭﺑﻐﺪﺍﺩﻱ ﻭﺧﺮﺍﺳﺎﻧﻲ💜 ﻳﺎ ﺍﻣﺮﺃﺗﻲ ﺫاﺕ ﺍلشـَﻌﺮ ﺍﻟﺠﻤﻴﻞ، ﻭﺣﺒﻲ ﻟﻠﺤﺎﺟﺐ ﺍﻟﻤﻌﻘﻮﺹ … ﺳﺄﻧﺸﺪ ﻣﺪﺍﺋﺤﻚ ﺩﻭﻣﺎً ﻓﺄﻧﺎ.. ﺍﻟﻤﺤﺐ ﺫﻭ ﺍﻟﻘﻠﺐ ﺍﻟﻤﻠﻮﻉ💜
ريم(بعد سكوت طويل):واو
سامي: كيف بالله !
ريم: لا طلعت فظيع...وكمان حافظ شعر السلطان سليمان لإلكساندرا..اللهم زد وبارك ياخ...دي حبيبتك محظوظه جدا
سامي: مفروض تعرف قيمتي من اسي 😂
ريم: اي والله انت بتجي واحد في الدسته😂
سامي: م تشاغلي ي بت
...............................
في كافي راقي جدآ ومميز...الحيط لونها بني ومبنيه بالحجر اللونو بني داك..راقي شديد💜فيهو لوحات ...ومشغلين موسيقي النوع الهادئ داك💜 في مكتبه علي طول الحيطهه فيها كتب وروايات كتيرهه..وكراسي بالالوان..اي شي فيهو كان مميز ...كانت بتتفرج في اللوحات وهي مبسوطهه...جاسم واقف بعيد بتكلم مع صحبو..انتبهه ليها وبقى بتابع فيها بنظراتو💜....
---: المكان راقي وحلو شديد
---: شكرآ دا من زوقك...زي م شايفهه المحل مافيهو موظفين كتار..الصراحهه بفتش لزول يكون شاطر مثلا في تحضير انواع مختلفهه من الكيك بكل انواعو
جاسم: ي زول وقعت في الزولهه الحتظبط ليك الموضوع دا
---: لييه م جبتها من زماان ياخ!هههه
جاسم: اي حاجه في وقتها حلوه ي حبيب
---:انا حابه ابدا الشغل من اسي ..رأيك شنو ي جاسم!
جاسم: جاده..اسي!
---: انا م عندي مانع ومنو نشوف شغلك كيف في الامور دي
جاسم:جميل طيب
..................................
المكان هادئ..مافي صوت غير اصوات العصافير...نسمهه هواء بارده 💜ساكتين مسافهه ...هي كانت سرحانهه وسامي بعاين ليها....
سامي: دا منو الانسان النفسك تدخلي السعاده في قلبو...شكلو زول محدد عندك!
ريم: اي ...هو زول اتظلم في الحياهه دي شديد...كنت دايمآ بشوف الوجع في عيونو...وللاسف الظلم دا جا من اقرب الناس ليهو...عشان كدا نفسي ادخل السعادهه في قلبو ولو ليوم واحد بس
سامي: ولو اني م عارف الزول دا منو..ولا عارف البمر بيهو شنو!...بس انتي في حد زاتك سعاده💜
ريم(بتضحك): اووه لالا ياخ..مالك عايز تخجلنا!
سامي(ضحكه خفيفه): والله العظيم
ريم: اممم وانا مرتاحهه اني قدرت ابسطك ولو بكلمهه وحده بعد م كنت مضايق..اصلا حسيت انك مضايق..شنو!ياهو نفس الموضوع داك!
سامي:ياهو...ح يكون ملاحقني طول حياتي..الشي دا مؤثر علي انا بس..مؤثر علي اختي وابوي..اخوان ابوي م راضين بي نهائي..فكره انو ابوي يقيف ضد اسرتو واخوانو عشاني دي متعباني ي ريم...انا م داير ابوي يقيف ضدهم..عشان راحتنا النفسيهه كلنا
ريم: الحصل شنو!
سامي: ابوي دايرني اشتغل معاهم في شركتهم ...واخوانو والاسره كلها رافضه ..واظن انك عرفتي االسبب
ريم: سامي..اقعد مع ابوك واتناقش معاهو براحهه ووريهو عدم قبول عرضو في انك تشتغل معاهم في الشركه بصراحهه..وريح نفسك...بعدين م اظن انو ابوك في حاجهه مهمه عندو اكتر من سعادتك وراحهه بالك صح!
سامي: ناوي اتكلم معاهو في الحاجهه دي ان شاء الله..بس اسي هو متعصب وم طايق زول يتكلم معاهو بسبب المشكلهه دي
ريم(قربت منو): هون علي قلبك💜
سامي(بابتسامه): يلا ارح اوصلك البيت اذا محاضراتك انتهت
ريم: لاا...بالجد كدا دي ح تكون قله ادب كل مره اخليك ترجعني...خلاص انا برجع براي ...وبعدين انت ناسي شغلك ولا شنو!
سامي: م عندي شغل غيرك حاليآ
ريم: ي ولد احسن ليك م تشاغل😂
سامي: طيب يلا قومي ارح ي بت..م تحرجيني
ريم: اممم طيب ..بس بشرط توصلني لغايه موقف المواصلات وانا بركب براي بعديها ...اوك
سامي: طيب افكر
................................
في مطبخ صغيرر في الكافي...لابسه مريلهه المطبخ...وجونتيات..بتعمل في كيك..بتغنى وتدندن براها...م كان في زول في المطبخ غيرها... كانت بتفتش في علبه الكاكاو ...اتجهت علي الدولاب الفيهوو المواد ..الكاكاو كان قاعد في الرف الفوق حاولتا تصلو بس م قدرت..وبقت تتأفف..جاسم جا المطبخ عشان يشوفهاا..لاحظ ليها وهي بتتشابا عشان تحصل علبهه الكاكاو..ضحك ومشى اتجاها وقف وراها مد يدو شال علبهه الكاكاو...قبلت سرعهه ولقتو جاسم...اتشنجت اول م وقف وراها...جاسم رفع ليها العلبهه نظام جبتها ليك..ابتسم ليها وخت العلبهه في تربيزه المطبخ ومشى...اتكلت في مصطبه المطبخ وقلبها كان بدق سريع💜....ختت الكيك في الفرن...طلعت برهه وكانت بتجهز في الترابيز وبتتأكد من ترتيب المكاان...وشويهه بدت تدخل في باقي البنات الشغالين معاها ..م كانو كتارر...جاسم قاعد في كرسي وبراقب فيها م شال عينو منها ابدا💜...وهي شغالهه امها ضربت ليها....
---: وين انتي ي بت!
---: في الشغل
---: ايواا كويس..وطبعا انتي م بتكلميني انك عملتي مشكلهه كبيرهه في شغلك القديم وطردوك بسبب الحاجهه دي لو م لاقيت مديرك بالصدفهه...ولا ح تكلميني انك لقيتي شغل جديد
---(شالت نفس): الموضوع شنو اسي!عشان وراي شغل
---: اتصلتا اطمن عليك م اكتر عشان م وريتيني انتي ماشهه وين
---: عشان تطمني ولا عشان تقنعيني بالموضوع داك
---:كدي لمن تجي البيت ..واي شي بتحلا
---(بصوت عالي): ياااه ماف شي بتحلا وانا م جايه زاتو...وقراري نهائي اصلا...ما بهمني انتي قلتي ليهم شنو
---:م تعلي صوتك اسي
...................................
لوتس قفلت الخط في وش امها ...اتعصبت شديد وبتأفف ...كانت متنرفزهه شديد...قعدت مسافهه وبقت تهدي نفسها...شالت صينيه فيها صحانهه كيك صغيرهه كدا وابتسمت...بقت توزعها علي الناس ..وبقيهه البنات بقو يوزعو في القهوه..جاسم كان واقف مع واحد وبساعدد فيهو علي اختيار كتاب عشان يقراهو...مرت الساعات ولوتس كانت فرحانهه جدا لانها شايفهه جاسم حدها💜بعد خلصت شغلها...طلعت هي وجاسم....
جاسم:ها لقيتي الجو كيف!
---: جميل
جاسم: حتي صحبي اتبسط من شغلك العملتيهو...اها بكره ح تواصلي طوالي صح!
---: اكيد
جاسم: طيب ...بجي بوصلك
---: اااا لا..كفايهه كدا...انا بمشي براي يعني اصلا المكان م بعيد...وبعدين شغلك
جاسم: طيب م مشكلهه..لكن بجي بكر عليك
---: اوك
جاسم وصل لوتس لغايهه بيتها...نزلت من العربيهه وهو نزل معاها...ابتسمو لبععض...لوتس عزمتو يدخل جوهه بس هو رفض...سلم عليها ومسك يدها مسافهه💜..لوتس فكت يدها منو وكانت خجلانهه...جاسم اتحرك ركب عربيتوو ومشى...لوتس فضلت تراقب فيهو لغايهه م اختفي ..فتحت باب الشقهه ودخلتت...شافت امها قاعدهه في الصالون ..ماسكهه مجلهه وبتقرا فيها...مشت ناحيتها...الباب دق..رجعت عشان تفتحو وهي بتتأفف..الباب كان بدق شديد...اول م فتحتو شافت خالها...خالها دخل بدون م يقول ليها حاجهه وبعاين ليها بنظرات باردهه...هي رجعت ورا ...قفل الباب..وقبل م تفتح خشمها بكلمهه معاهو...اداها كف ......
يتبع.....