ريم اول م شافت المره ...بقت مبحلقهه فيها مسافهه اختها لكزتها...
سماح: السلام عليكم
---: وعليكم السلام
سماح: عفاف قاعدهه؟
---: ايواا اتفضلوو
سماح وبناتها دخلوو ...سلمو علي عفاف...رشاد سلم عليهم وطلع طوالي..بس كان سلام من دون نفس...حتي هم استغربو فيهو...بس م ركزو مع الموضوع كتير....
عفاف: بركهه جيتيني الليله...والله اشتقت ليك شديد ي سماح
سماح: انا كمان والله💜
---: م عرفتينا ي عفاف
عفاف: هههه دي جارتي واختي وصحبتي كنا ساكنين جمب بعض...ولسوء الحظ رحلنا ...سماح دي جارتي نورا
سماح: اتشرفنا
نورا: تسلمي
..........
جارتها!...طيب وال بخليها تكون مع عمو رشاد اليوم داك شنو !!وكانو مبسوطين ووضعهم كيف كيف!!ياخ انا اصلا مالي وملهم !غايتو انتي يوم بشلاقتك دي ح تجيبي ليك مصيبه فوق راسك ...ريم كان كل تفكيرها في نورا ورشاد ...قاطع تفكيرها اختها وهي بتلكز فيها ....قربت منها....
سوزان(بصوت واطي): في شنو ي بت انتي مالك سرحانه كدا؟وبتعايني للمره دي كدا مالك؟!
ريم: ااه ...عاجباني بس ماشاء الله
سوزان: والله انتي بتاعت حركات😂اسي بتعايني للمره عشان عجبتك😂بركهه ال هي م ملاحظه ليك كانت خافت من نظراتك دي
...............
سماح: بالمناسبهه وين الاولاد م شايفاهم ؟
عفاف: قاعدين فوق... معاهم صاحب جاسم سامي ...وسلمى بتجهز في شنطه جاسم عشان مسافر و....
ريم(قاطعتها): مسافر!!مسافر وين!
ريم وهي بتتكلم ...جا جاسم واتسحب براحهه ...ضربها في كتفها وهو مبتسم💜...
جاسم: خايفهه علي كدا قالو ليك ماشي منفي ولا حرب انا؟
عفاف: غايتو انتو😂
سماح: مسافر وين ي ولد ...يغص عليك نسمع اسي من امك يعني انك مسافر !
جاسم: والله ي ماما سماح الموضوع دا جا فجأه...يعني حاجهه تابعهه للشغل كدا...لكن كلها فترهه صغيره وبرجع
سماح: ربنا يوصلك ويجيبك بالسلامهه 💜
جاسم: اميين ي رب💜احسن زاتو يعني فرصهه عشان استريح من خلقه بعض الناس وكدا ...الله يكرمكم عاملين لي وجع وش
سلمي: ريم الولد دا قاصدك بالمناسبهه😂
ريم: انا اصلا م شغالهه بيك
.............
ريم م كانت عاجباها فكره انو جاسم يسافر وكنت حاسهه بحاجهه غريبه زي فراغ كدا في قلبها بس هي م ظهرت ليهو الحاجهه دي وكانت طبيعيهه معاهوو...دخلت هي وسلمي المطبخ عملو الشاي وجابو البسبوسه..طلعت هي وجاسم وسلمي وسامي برا وكانو بتونسو....
سامي: شنو يعني ي ريم ...سفره جاسم دي م عاجباك ولا شنو؟يااخ جاسم دا خليهو شويهه وعايني لينا نحنا ديل
جاسم: مالك انت ي جن 😂
سامي: حظك لاقيها ي ود اللذينا...نحنا لمن نسافر ماف زول بزعل علينا كدا
ريم: انا م زعلانه خليهو يطير ...ي ود انا اصلا ح اكون م مصدقهه اني ارتاح منو كم يوم ومن وشو الآسف دا
جاسم: انا وشي آسف ي كلبهه اصبري لي😂
سامي: ااه خلينا منو....بالله رأيك شنو في رقيصنا اليوم داك في الحفلهه ...بالله م كان عجيب
ريم: اصلا انت الحليت علي الحفلهه ديك...ياخ انا كنت ح اطرشق من الملل ...مشغلين لينا حاجه كدا بتجعر م معروف مره ولا راجل😂
سامي: دي اوبرا لاترافياتا💜
ريم( باستغراب): ل شنو؟
سامي: لاترافياتا...موسيقي الحب💜...معني الكلمه دي المرأه التي ضلت ...او الشخص الضائع
ريم: واضح انو عندها قصهه
سامي: اكيد...القصهه دي بتتكلم عن بت فرنسيه جميله جدا اسمها مارجريت ...اتعرفت علي واحد من عائله ارستقراطيه اسمو آرمان دوفال ...آرمان ومارجريت ديل حبو بعض شديد💜بس مارجريت كانت بتشوف انها م بتستاهلو ولا بتستاهل حبو ...لانها كانت بت هوى وليل ساي ...طبعا دا زمن كان عندهم ملاهي ليليه وخماره وما ادراك ...فشافت الحب دا ممكن ينقذها من الوسخ ال هي غرقانه فيهو...وبقو عايشين حبهم دا ...لغايه م ابو آرمان عرف بقصه حبهم دي وم عجبتو وغضب شديد كان معترض علي انو ولدو يحب ليهو وحده فقيره وبت ليل ...قام مشي لاقاها بدون علم آرمان واتكلم معاها وحذرها انو اذا هي بقت مع ولدو واستمرت معاهو في الحب دا حياه ولدو ح تتدمر وطلب منها انها تبعد عنو ...ابو آرمان كان شايف علاقاتهم علاقه غير منطقيه...مارجريت استسلمت في النهايه وفضلت تبعد عن آرمان ...لانو حبها ليهو كان فايت الحد وحب لا يوصف وبتقدم مصلحتو هو علي مصلحتها...ف داست علي قلبها وكبت علي جرحها ملح واتخلت عن آرمان وقطعت علاقتها معاهو بحجه انها كانت م بتحبو وخدعتو عشان هو زول غني وحبت تلعب بقروشو وبعدين لمن تزهج منو تمشي لزول اغني منو ...وقالت ليهو انو هي عرسها قرب ...آرمان اميد قلبو اتكسر من الكلام دا وم صدقها اول شي بس بسبب كلامها واصرارها انها بتقول في الحقيقه قلبو اتكسر وكرها شديد وبقى يشتم فيها بسبب الالم السببتو ليهو...وهو م عارف انو هي برضو متألمه💔..بعد سنين طويله اتلاقو آرمان ومارجريت في حفله كبيره ..آرمان فجأه جا شايل قروش ورماها في وش مارجريت وقال ليها دي قروش الليالي القضيتيها معاي..قال ليها انا كمان اتعرفت علي بت ليل زيك وبنتقابل وعلاقتنا حلوه بدون م هي توهمني بحبها لي وبدفع ليها قروشها...في الفتره ديك مارجريت كانت عيانه الله يكرمك بمرض السل ...وبسبب الكلام دا مرضها زاد ورقدت في المستشفي وحست انها عايزا تموت ...قبل م تموت كتبت رساله ل آرمان ..كتبت ليهو عن قدر شنو هي بتحبو💜عن الاسباب الخلتها تبعد عنو وانو م كان بإردتها الشي دا..آرمان بعد قرا الرساله مشى ليها واعترف ليها انو حبها عمرو م انطفي في قلبو ...حضنها ودا كان آخر يوم يشوفها فيهو ..ماتت في حضنو💔
ريم: واي...بالجد قصتهم مؤلمه شديد ياخ ...مع انو الحب دا مقدس والله وحاجه رب العالمين كدا بقذفها في قلبك فجأه بدون م تنتبه..يعني اذا شفت انسان لاول مره ممكن تحبو حب شديد..ولسه في ناس بتخت مقاييس في الحب
جاسم: هو بالله انتي بتعرفي للخب شنو...عان الشافعهه دي ...لمن عيونا دمعت...محاسن جيبي مناديل 😂
ريم: انت واحد عواليق بس ...قصه حبهم دي م اتعملت روايه؟
سامي: ايوا اتعملت روايه ...اسمها غاده الكاميليا ...لأكسندر دوما...حتي اتعملت منها افلام وبعدين اتحولت لموسيقي اوبرا عالميه ..عشان كدا هي موسيقي العاشقين💜
ريم: احي انا ي ريت لو عندي الروايه دي
سامي: انا عندي وح اديك ليها ي ستي لكن بشرط
ريم: قول طيب😂
سامي: اشرب قهوه من يدك💜
جاسم: هوي هوي شنو هو..انتو نسيتونا ولا شنو؟؟شايفكم منداحين شديد في الونسه ...انت نسيت مواعيد الطياره ي عمك ولا شنو؟
ريم: ولا يهمك ي سمسوم طوالي ح اعملها ليك💜
جاسم: شوف قليله الادب دي
سامي: حرقك وين ي زول😂
.........
ريم وجاسم وسامى بشاغلو في بعض ويضحكو ...سلمي كانت شارده وماسكه تلفونها وباين عليها مضايقه وم بتتكلم معاهم...ريم انتبهت ليها ولكزتها...
ريم(بصوت واطي):في شنو ي بت مالك؟
سلمي:ماف حاجه والله😄 ارح امشي معانا المطار
ريم: طيب
...........
ريم م حبت تضغط عليها في الكلام بس كانت حاسه انو سلمي حاصله ليها حاجه من تعابير وشها..وفضلت تخليها تجي تحكي ليها براها...مواعيد الطياره بتاعت جاسم قرب...لملمو ليهو حاجاتو سرعهه وركبو عشان يوصلوه المطار ....
سامي: ي خالتو سماح..ارح اركبو معاي ..ودعو جاسم ومن هناك بوصلكم البيت انا
سماح: ماف داعي والله ي ولدي تعذب نفسك كدا بنرجع برانا
جاسم: ماما سماح...شنو يعني م عايزا تودعيني ! يلاا ارح بدون نقاش وبعدين سامي بوصلكم البيت..بعدين انا اشتقتا ليكم ياخ نعدي ال كم ساعه ديل مع بعض
......
سماح بعد صعوبه حتي اقتنعت ...طلعو هي وعفاف ومعاهم رشاد في عربيه...سامي وجاسم وريم وسلمي في عربيه سامي...سلمي جات تركب ورا مع ريم ..جاسم جا بسرعه وفتح ليها الباب القدام واشر ليها براسو نظام اقعدي قدام...وهو قعد ورا مع ريم...ريم م اتكلمت معاهو وهو بعاين ليها وببتسم...
جاسم: مالك ي حب؟
ريم: انت ليه بتتكلم كأنك م راجع تاني؟
جاسم: ي بت انتي عويره ولا شنو...شفتي انا برجع عشان اعذبك بس ...بعدين الكلب بريد خانقو😂
ريم: ليه م كلمتني بموضوع السفر دا ...فجأه كدا القاك عايز تسافر!
جاسم: والله انا كمان مضايق منو...اسي م بقدر احكي ليك الموضوع كلو..بس كل القصه ابوي عندو شغل في دبي وعايزني اراقبو..يعني م ح اخد فتره طويله كلها كم يوم وبرجع ..واذا رفضتا ح يعمل لي مشاكل ومعتز ح ينتهزا فرصه وانا م عايز اديهو فرقه فيني
ريم( بعد سكوت طويل): طيب
جاسم: زعلانه!
ريم: وازعل ليه..طير ارتاح من خلقتك دي شويه
جاسم(قرب منها): عروستي💜
ريم: جاسم ياخ م تقول لي كدا 😂
جاسم: عارف عندك جفاف وتصحر ومشاعرك بتتكرمش اول م اقولها ليك😂حيوانه خلاص
......
وصلو المطار ...قعدو شويهه..وقت اقلاع الطياره قرب..ودعو جاسم ..حضن امو وسامي وسلم علي سلمي في راسها...جا وقف قدام ريم وقرب منها وبصوت واطي اتكلم معاها....
جاسم: كان مره بس اجي القاك عندك علاقه مع مدثر بس..شفتي ولا لمحه في الجامعه ساي م تلمحيهو..فاهمه!لو حصل غير كدا بشلتك
ريم: طير
جاسم ابتسم ليها ومسك يدها وباسها ليها ...شال شنطو وودعوهم وومشى علي صاله المغادره...سماح وسوزان وريم بعد ودعو عفاف وسلمي وركبو مع سامي ووصلهم البيت ...
سامي: م تنسي القهوه ي بت
ريم: سمح😂
خشو البيت..وبقى عم ادريس بتكلم معاهم وكان معترض علي تأخرهم بعد تحانيس حتي رضوهو..قعدو يتكلمو شويه...ريم استأذنت منهم ومشت غرفتها وغيرت وجات رقدت ...م قدرت تنوم وبقت تتقلب كتير ...اختها لاحظت ليها بس م اتكلمت معاها ...لمن النوم غلبها شالت تلفونها وفتحت دردشتها مع جاسم وبقت تقرا في الرسايل القديمه وتتبسم لغايهه م نامت💜...صحت الصباح ..حست نفسها صباحها مختلف وفيهو شي ناقص..افتقدت الرسايل الكتيره البتجيها ورا بعض من جاسم عشان يصحيها💜..جهزت نفسها سرعهه عشان تلحق محاضراتها ودعت اهلها ..ركبت المواصلات...بقت تتبظ في تلفونها ومرات تقرا رسايلها القديمه مع جاسم ...رفعت راسها وشافت شيماء ...حتي شيماء عرفتها بس زي كانت بتحاول تتهرب منها وم دايره توريها وشها...الحافله وقفت ...شيماء نزلت سرعه سرعه وريم نزلت بوراها ...ريم كانت بتنادي فيها وشيماء سامعاها وم وقفت ليها ...ريم بقت جاريه وراها لكن م لحقتها......
يتبع....