جاسم كان زهجان شديد من من الحركهه العملتها ريم...وغضبان من عنادها الدائم ليهو...
سوزان: مالو جاسم؟
سلمي: بري...فجأه صوتو اتغير وقفل الخط في وشي
في جهه تانيهه.....
----: ي بت امي النبي افردي وشك دا شويهه م ممكن .. نحنا من م جينا وانتي سرحانهه كداا
----: انا لمن قلتا ليك انو جاسم مسيطر عليك كنتي بتزعلي مني...عليك الله انسيهو الزول دا
---: اي ياخ النبي عيشي حياتك مالك وملوو
ريم: انتو م قادرين تفهموني ياخ...اسي هو ح يكون زعلان مني شديد...انا زاتي م عارفه طاوعتا نفسي وجيت هنا كيف زاتو
----: والله انا بحسكم زي المتزوجين عديل م ممكن معاكم ياخ😂جبتو لينا نفسيات
---: ي بت هوي كلها ساعات وح نرجع...قومي ارح انزلي في البحر دا شوفي المويه دي سمحهه وبارده كيف😂💜
ريم( بزهج): ي الله...انا لازم اتكلم مع مدثر الليله ياخ
---: سجمي...حبيتيهو ولا شنو؟!
ريم: تحبك الشكلوته...لا طبعا...لازم اتكلم معاهو واقنعو انو انا م عندي ليهو شي واحسن ليهو يفكر في وحده تانيه غيري ...بدل يتعلق كدا ساي ...وبعدين ياخ نظراتو لي بقت تضايقني شديد
---: والله انتي سغيله ومرض ...انتي لاقيه زول يحبك اصلا !
---: بالجد كلام ريم صح...احسن تكلمو من م يكون معلق كدا وبعدين يتخزل ساي
---: اسي ي جماعهه خلونا من المواضيع دي ياخ.. ديل شنو النكديات ديل ياخ ...عيشو حياتكم اسي وخلونا من التفاهاات البتقولو فيها دي
---: والله نحنا غلطانين زاتو بنتكلم قدامك عن مواضيع زي دي ونسينا انك محمد ولد اصلا😂
صحبات ريم جروهاا ونزلوها معاهم البحر ...كانت بتجامل فيهم وقلبها مشغول مع جاسم وخايفهه من زعلو وفي نفس الوقت مضايقاها نظرات مدثر المتكرره ليها وبقت ملاحظه...جابو الاكل ختوهو وقعدو يتونسو ويضحكو مع بعض ...كانو جايبين معاهم الآلآت موسيقيه وبزو يغنو مع بعض 💜...ريم قامت منهم كانت بتفتش في تلفونهاعشان تتصل بجاسم بس م لقتو....
جاسم: بتفتشي في تلفونك ولا شنو؟
ريم اتخلعت اول م شافت جاسم قدامها وبقت واقفه وبتعاين ليهو...وجاسم نظراتو ليها كانت حاده وبارده وفي نفس الوقت ...اتقدم ناحيتها ووقف قدامها ...دنقر تحت في الارض وشال تلفونها ومداهو ليها.....
ريم( بتمتم): جاسم والله كنت عايزا اضرب ليك اسي
جاسم(ببرود): كتر خيرك...ي دوب فكرتي فيني!بالله الرحله كيف معاك؟
ريم: جاسم انت بتتكلم كدا ليه معاي؟والجابك شنو اسي ؟
جاسم: بتكلم معاك كيف!!وبعدين انا بمشي الحته ال انا عايزها...انتي غلطانه وكمان بتتناقشي معاي!
ريم: انا م غلطانه
جاسم: بالله!...اتوترتي اول م شفتيني ليه طيب!
ريم: انا م غلطانه...المشكلهه انك معقد اي حاجهه بقولها ليك انت لازم تدخل فيها مدثر ولا واحد من باقي زملائي لمن عقدتني انا زاتو معاك...م ممكن انا حاجه اقولها ليك انت بترفضها وعايزني امشي برأيك انت
جاسم: ي زولهه انا معقد...وعايزك تمشي برأي ح تعملي شنو يعني؟
ريم( بصوت عالي): م تتكلم معاي بالطريقهه المستفزه دي ...وزي م قلتا ليك انت لا راجلي لا اخوي ولا ابوي عشان تتحكم فيني كدا
جاسم: اتحكم!...يعني انا اسي بقيت اضايقك واتحكم فيك!
ريم( بتمتم): انت فاهم قصدي كويس...كل الموضوع م عايزاك تخاف علي من حاجهه واصلا انا م قربتا من مدثر ولا هو قرب مني وم حاصل اي شي بينا ودي كلها اوهام في راسك بس
جاسم: ان شاء الله تكون اوهام
ريم: عان
جاسم: اها
ريم: م تزعل مني💜
جاسم بقى بعاين ل ريم وصاري ليها وشو...وهي بتقرب منو وبقت تلف حولينو وتضحك وتغمز ليهو عشان م يزعل ويصالحها😂💜
ريم:حبيبي انا عسولي انا😂💜كوتي كوتي ي بطه😂
جاسم( بضحك): ي بت
ريم: اخيرا...انعل ابو تقل دمك 😂
جاسم(بابتسامه): ماشي ي ستي ح اسامحك المره دي
ريم: خلاص وعد تاني بكلمك بس انت م تكرفس وشك السمح دا...وعان ديل بعاينو لينا كيف خلينا نمشي عليهم😂
جاسم: ان شااء الله يكونو صحباتك مزز بس ي قرده انتي
ريم( ضربتو في كتفو): عواليق
صحبات ريم جو سلمو علي جاسم واي وحده تتكشم 😂💜وقعدو كلهم يتونسو ...مدثر م كان طايق جاسم وقربو من ريم...قعدو كلهم في شكل دائره وبدو يلعبو في لعبه صراحهه وجرأه وبختو قزازه في النص والاتنين البتجي عليهم بسألو بعض...
---: ياااا واخيرا وقعتي في يدي انتي والله في سؤال واقف لي في حلقي ونفسي اسألك ليهو😂
---: ي زولهه انا م اخترتا صراحه لكن 😂
---: اخير ليك من جرأه م بتضمنيني ي زوله انتي🌚علاقتك شنو بدكتور راكان
ريم: الليله وووب ي بتي انتي م عندك غير الاسئله دي يعني
---: جاي يتقدم لي😌
---: اووبا 😂يكلبهه احكي سرعهه
---: لالا شايفاك منداحه لكن في القصهه دي ...الصراحه المدمرني م معبرني وانا براي متشعلقه فيهو😂💜
.............
----: دوري انا وجاسم وتاتا🕺🏼
جاسم: اتفضلي😂صراحه
---: يعني انتو وريم قريبين لبعض كدا شديد ليه يعني...بتعملو لي تصحر وبس كدا يعني لمن اشوفكم بنفسن
جاسم: دا سؤال ولا شكيه😂
---: لالا بس دايره اعرف علاقتكم دي ياتو نوع من العلاقات وهيكا💜
جاسم: هي جهتِي الخامسَه , قلبي الثانِي , الحرفُ التّاسع والعشرُون من أبجديّتي , كتفيِ الثالث, اليُوم الثامِن , خامس الفصول، ثالث الوالدين ، توأم لروحي وملاذي الاول والاخير💜
---: ووب علي انااا😭
ريم: وب علي انا دي😂
جاسم: عان الحماره دي صدقت...ي بت انا بتجيني حالات كدا بكون فيها عميق بس 😂
.............
مدثر كان بعاين ليهم ومغيوظ شديد وم بتكلم مع زول بس بعاين ليهمم...استمرت اللعبهه وكان الدور علي ريم وجاسم....
ريم: اها اختار
جاسم: جرأه
ريم: قوم سوي لينا قهوه يلا
جاسم: ي بت هوي
ريم: يعني انت كنت متوقع شنو..اقول ليك امشي بوس لينا الكلب داك يعني😒قوم سوي القهوه دي
---: يلا يلا ي ماان ...القهوه لو سمحتا..عايزين نتكيف شويهه😂
جاسم: الصبر جميل ي ريم 🙂
ريم: ها الحرامي دا طير من وشي..سوي القهوه دي😂
جاسم بقي بحضر في القهوه بعد مع البنات جهزو ليهو الحاجات عشان يبدا الشغل وريم تعاين ليهو من بعيد وتشاغل فيهو 😂بعد انتهى جاباها ليهم ...شربوها وم عجبهم الطعم في الاكلها جوه حنانو م اتكلم😂 ووناس تاني خلوها بمجرد من ضاقو الطعم😂الا ريم...
---: ي بت انتي بتشربي في القهوه دي كيف!!
ريم: والله شايفاها حلوه يعني م كعبهه ....مستغربهه فيكم انا
صحبهه ريم قربت منها وبقت تهمس ليها وبتضحك....
---: القهوه دي زي الحنظل ...بس الوحيده العجبتها انتي عارفه ليه؟عشان انتي بتحبيهو
ريم: وههه😄زحي من وشي عشان م اعمل ليك عاهه مستديمه
---: بالجد والله..دايما بقولو اذا عايز تعرف الزول دا بحبك ولا لا ...شوفو وحتلقى كل البتعملو بعجبو 💜
..............
العصريهه كداا ريم وجاسم قعدوو بتونسو مع بعض .....
ريم:عملتا شنو في موضوع ولد عمك؟
جاسم: م عملتا شي...بس عايز اتكلم مع شيماء وافهم الحاصل منها بالتفصيل ...عشان اعرف اتصرف ومنو ابوي يعرف معتز علي حقيقتو
ريم: اذا عايز انا ممكن اتكلم معاها
جاسم: لا م ينفع ...اصلا معتز واحد وسخ وح يكون بهدد البت عشان م تتكلم غير كدا انا م عايز اختك في مواجهه في الزول دا
ريم: انت بس خليني احاول..ومعتز م بعمل لي حاجهه اصلا علاقتو شنو هو!
جاسم: اي واحد بعمل حركهه ضدو بعتبرو عدو ليهو عديل ..فهمتي...ياخ انا م لاقي تلفوني من قبيل بفتش فيهو ...يمكن اكون في العربيهه...دقيقه اشوفو وارجع ليك
ريم: طيب
...........
جاسم قام وخلا ريم براها...مدثر كان مراقبهم ...اول م شاف جاسم خلا ريم براها جاا عليهاا وهي اتهجمت لمن شافتو قدامها فجأه .....
ريم(بتوتر): مدثر...مالك !
مدثر: حابي اتكلم معاك
ريم: عان ي مدثر اصلا انا برضو كنت عايزا اتكلم معاك...مدثر انا بتمنى انك تلقي الزولهه ال ح تسعدك وتحبك وتقدرك
مدثر(بقرب منها): ليه وانتي مالك؟
ريم: انا م زولهه مناسبه ليك..وم بننفع نكون لبعض ..وانا حبيت اكلمك عشان م عايزا أذيك ولا اعلقك
مدثر لسهه كان بقرب وهي بترجع ورا واضايقت شديد منو وكان ظاهر عليهو شارب ليهو حاجهه...مسكها من يدينها قوي وهي بتحاول تتخلص منو....
ريم( بصوت عالي): مدثر فكني انت مجنون ولاشنو...فكني ياخ
جاسم وهو راجع شاف الموقف دا ...جرا ناحيتهم ووقف ورا مدثر وجراهو من ورا وبقى بضرب فيهو ضرب شديد...وبكورك فيهو..مدثر بحاول يضربو ...اداهو بوكس في وشو ..جاسم بقى يضرب فيهو شديد ...وريم بتكورك في جاسم عشان يفكو ...وبالكواريك اصحابهم سمعوهم وجو جارين وبحاولو يفرقو فيهم....
جاسم(بصوت عالي): انت حيوان ولا شنو ي زول...البخليك تقرب عليها شنو!
جاسم جرا ريم من يدها وطلعو برا ووقفو قدام العربيه ...جاسم كان متوتر شديد ...وقفو مسافهه وم اتكلم معاها وهي بتبكي....
ريم( بتوتر): جاسم انا...
جاسم(بصوت عالي):اسكتي انا م عايز اسمع صوتك دا
ريم: عايزا اقول ليك حاجهه
جاسم ضرب العربيه بيدينو وبكورك فيها وهي اتخلعت لانو اول مره هو يتكلم معاها بالطريقهه دي ....
جاسم(بصوت عالي): عايزا تقولي شنو!...انا لمن بنبهك من البني آدم دا انتي بتقولي لي ماف حاجه وانت بتتوهم...والشفتو اسي دا شنو!برضو بتوهم!وبتكذبي علي انو ماف حاجهه!انا متأكد انو في حاجهه لانو لو م كدا م كان بجي وبمد يدو عليك
ريم( بتمتم): انا كنت عايزا اتكلم معاهو عشان احسم الموضوع دا
جاسم: ايواا... يعني انتي عارفه انو في إن في الموضوع!وانا لمن بنبهك وبقول ليك انا بعرف الاولاد اكتر منك وبعرف نظراتهم بطلعيني موهوم...وانتي اساسا عارفه القصه!يعني عاجباك الحكايه !
ريم: م تتكلم عني كدا...كيف يعني عاجباني!
جاسم( قرب منها وبصوت واطي): اسكتي...انا م عايز اسمع صوتك من هنا ولغايه م اوصلك البيت ...جيبي حاجاتك من جوه سرعهه بدون كلامات كتيره واطلعي...انتي امانه اسي عندي ح اوصلك لغايه بيتك بس م اسمع حسك ......
يتبع....