ريم قاعدهه وسرحانهه بتفكر في المره ال كانت مع رشاد !تلفونهاا ضرب...عاينت لقتو جاسم...اول م شافت اسمو تلقائيا ابتسمت💜...
جاسم: والله م كنت متخيل انك ح تردي لي 😂يلا بما انك رديتي معناها ح تفتحي ماسوره كلام الحبوبات ال في خشمك دي😂
ريم: علي فكره انا اصلا م زعلانه ابدا ابدا😌....بالجد المواصلات دي تحفهه تحفهه عديل والعجب الناس ال فيها
جاسم: قصدك شنو ي بت ؟!
ريم: م شفت ي جاسم...من قبيل بتونس مع واحد ظريف وكيوت لابعد درجه💜
جاسم: بالله...انتي بت قليله ادب
ريم: كررر علي...حرقك وين وريني😂
جاسم: ي بت اتلمي...لمن تخلصي محاضراتك انا بجيك ظابط
ريم: لالا ميرسي جدا ...برجع براي انا وهواي😂💜
جاسم: هوا يلفحك
ريم: حي انا الحرقه في القلب😂
جاسم: انتي دايره تتافهي معاي صح...اقطعي وشك ي بت
ريم: صحي عايزا اسألك....ليه سلمي م جايهه الليله!
جاسم: جاتها صحبتها من الصباح طلعو...وكالعاده دكت المحاضره ...علي العموم انا بعدين بجي برجعك...اسي ح امشي الشركهه لابوي ح انزل خدمهه طوالي ...يلا نتلاقى بعدين
ريم:طيب
ريم وصلت الجامعهه ...لاقت صحباتها واتونست معاهم شويهه...
---: بالمناسبهه ماشين جبل اولياء يوم الجمعهه ...يعني رحلهه ترفيهيه وكدا ...رأيك شنو تمشي معانا ؟
ريم: والله كويس..انا م عندي مانع...الماشي معاكم منو؟
---: مدثر و ...
ريم( قاطعتها): تااااني مدثر ....ي الله
---: ريم انتي مشكلتك شنو وريني!....كل م نجيب سيرتو انتي بتتغيري وتتزهجي...فهميني مالك يعني هو عمل ليك شنو!دا كلوو عشان هو عندو مشاعر اتجاهك!
ريم: بالله يعني انتي اسي مقتنعه انو هو عندو لي حاجهه!....انا م بقتنع نهائي وحتي لو حقيقي م عايزا اقتنع...واصلا هم كلهم بلعبو...بستعطفوك اول شي ويبينو ليك انهم م دايرين غيرك في الحياه دي...وفي النهايه لمن تتعلقي بيهو انتي يكون هو بلعب بيك م اكتر
----: والكلام دا بشمل جاسم ولا كيف!
ريم: جاسم دخلو شنو في القصهه دي اسي!!
----: شوفي انا اقول ليك حاجهه...باعتبارك صحبتي وزي اختي....انا شايفهه انو جاسم دا مسيطر عليك ...شديد..فهمتيني..لدرجه اي ولد يكون عندو مشاعر اتجاهك ويجي يصارحك...انتي بتنفري منو تلقائيا.
قبل م ريم ترد لصحبتها....جا مدثر واصحابو....
مدثر: اهلين ي حلواات...اها كلمتو ناسكم بموضوع الرحلهه دا؟
----:ايواا...ح نجهز الليله اي شي لبكرهه
مدثر: ماف داعي تجهزو حاجهه...نحنا والشباب شايلين معانا اكل جاهز واي شي...بس انتو انبسطو....ريم اها كيف!ح تمشي؟
ريم: والله لسه م قررتا ...لمن اشوف ناس البيت رأيهم شنو
مدثر: طيب...لو م مشيتي معانا الرحلهه م ح يكون عندها طعم
ريم: ااه هههه
............
في جهه تانيهه......
جاسم وصل الشركهه....كل الموظفين بعرفو انو دا ولد رشاد سلمو عليهو واتونسو معاهوو والموظفات يتكشمن تحت تحت😂....
واااي م تقولي لي دا ولد الراجل الصاري وشو اربعه وعشرين ساعهه فينا دا....ياهو زاتو يختي شوفيهو حليووه كيف...حيي انا وين هو من زماان....ي دوب اتخرج وشال شهادتو ....شنو!باين عليهو كبير لكن...اااي عشان عاد كم مره هو زول لعوب شويهه بالمختصر هو واهلو عايشين الحياه دي م مخلين شي....لكن استاذ جاسم اخير من معتز دا لئيم ياخ م بحبو انا...صح والله مغرور وشايف نفسو ساي...
سامي: والله الشركهه نورت ياخ😂
جاسم: اكيد اكيد لازم تنور يعني...عندكم كم جاسم
سامي: والموظفاات يعني اول م شافوك...حاله صعبه😂
جاسم: ذنبي شنو اذا كنت جذاب😂...ابوي قاعد في مكتبو؟
سامي: لسه م جا
جاسم: غريبهه...خليتو طلع قبليني
سامي: يلا اسي بوصل...خليك في القدامك ي اخوي
جاسم: يعني!
سامي: معتز...من م عرف انك جااي الليله ...اتقلب وحاسي بيهو ح يطق من جوه ...لو حاول يستفزك اتجاهلو بس اوعك ترد عليهو
جاسم: لالا في دي م بقدر اقول ليك ح امسك نفسي..لانو اكيد اذا استفزاني م ح اقدر م اسكت ليهو
سامي: اذا من اول يوم الليله عملتا مشاكل ابوك م ح يخليك وح ياخد منك موقف
جاسم: دا علي اساس انو ابوي دايما معاي وواقف في صفي يعني!م هو الطبيعي ابوي في حاله مشاكل معاي
سامي: عان عان معتز جا
معتز ولد عم جاسم ...امو وابوهو مغتربين الا هو قاعد عشان يمشي شغل الشركهه مع عمو رشاد ...جاسم ومعتز الاتنين م بحبو بعض والسبب انو رشاد بفضل معتز علي ولدو ودايما بمدحو قدامو ومعتز دايما كان بخلق مشاكل بين رشاد وجاسم وبتبسط جداا بالحاجهه دي...وشاد دايما بشوف انو ولدو زول م نافع وطوالي في حاله مشاكل معاهو ودا سبب توتر علاقتهم ...
معتز : اوووو حبيبنا...اشتقنا ياخ...الشركهه نورت والله
جاسم: بنورك ي حبيب
معتز: كويس انك قررتا تنزل وتفك العطلهه ال كنت فيها دي ههههه الشركهه محتاجاك جدا
جاسم: ههههه ااي اااي ...في شويهه فيران حابي اتخلص منها في الاول عشان اشتغل بمزاج
معتز ضحك بصوت عالي وبقى يعاين لجاسم بنظرات خبيثه ..سامي حبه يلطف الجوو وبقى بضحك براهو😂ويفتح مواضيع من ماف ويخترع قصص م منطقيه زاتو.. وهم اصلا م شغالين بيهو...معتز طلع خلاهم.....
سامي: ااااااخ ....شويهه كدا حسيت انكم ح تقومو تتضاربو فوقي ....انت ي مرض مش قلتا ليك اصلا م تشتغل بيهو ...لا وكمان بتستفز فيهو
جاسم:رفع لي كثافتي بكلامو ال زي وشو دا وم قدرتا اسكت اعمل شنو يعني
.........
معتز طلع من الشركهه وهو متعصب وزهجانن شديد ...في وحده من موظفات الشركهه اسمها شيماء جات جاريه وراهو وبتتكلم ومعتز كل دقيقه يصدها ويصرخ فيها.....
شيماء: ي معتز عليك الله اسمعني...عليك الله م تعمل فيني كدا....حرام عليك انا سويت ليك شنو....داير تجدعني اسي صح؟!...بعد م لعبتا بي تجي ترميني اسي؟!!والله م اخليك!
معتز ( بصوت عالي): انا ي بت الناس لا طايقك ولا طايق نفسي حتي...عشان كدا طيري من وشي احسن من اعمل فيك مصيبه
شيماء: تعمل فيني مصيبه اكتر من العملتها فيني...ضيعتا لي شرفي...ووهمتني انك ح تجي تتقدم لي
معتز: هههههه انا قلتا ليك ح اجي اتقدم ليك!! عفوا متين انا قلتا ليك كدا!!وانتي منو اساسا عشان انا ارتبط بوحده زيك!
شيماء: كدا!طيب انا ح اوريك...اقسم بالله اعمل ليك فضيحهه في الشركهه وشك تااني م تقدر ترفعو قدام الناس
معتز( بضحك بصوت عالي): هي لكن الفضيحهه دي بتركبك انتي لانك بت...وانا راجل...يعني ماف شي ح يأثر فيني ي حلوه ...وحاجهه تانيه اوعك تعلي صوتك فيني
شيماء: وولدك م ح يأثر فيك؟!
معتز بعد الجملهه القالتها شيماء دي ملامح وشو اتغيرت ميهه درجهه وبقى بكورك فيها....في اللحظه دي ريم جات الشركهه عشان تشوف جاسم وحابه تعمل ليهو مفاجأه وشافت المنظر دا قدامها واستفزاها معتز شديد بتصرفاتو مع البت...وهي ماشهه عليهم معتز دفر شيمااء لمن وقعت وكل الموظفين ال كانو برا شافو المنظر دا بس ماف زول فيهم ادخل لانو بخافو من معتز شديد وخايفين يعمل ليهم مشاكل..ريم جرت ناحيه شيماء ورفعت من الارض وبقت ماسكاها وقبلت علي معتز وبقت تكورك وانفعلت شديد في الكلام معاهو وهو بقى صاري وشو وبعاين ليها وم قال ليها ولا كلمهه....
ريم( بصوت عالي): انت واحد متخلف ولا شنو؟!!في واحد نصيح بتعامل كدا مع الناس ....لا وكمان تدفرها بالطريقهه دي...اسي افترض لو حصلت ليها حاجهه!!م تسكت وتعاين لي بالطريقهه الوقحه دي
........
جاسم كان في المكتب ومعاهو سامي...جات السكرتيره داخلهه عليهم وشايله ملفات...ادتها لسامي وغمز ليها....
سامي: شكرا ي مزه
جاسم: ساااااااامي ...بطل الحركات دي ي زول
----: اااااا م عارفه اقول ليكم الحاجهه دي كيف...لكن حاليا اسي في وحده برا هايجه وبتشاكل في استاذ معتز
ساامي: امممك....في شنو!
جاسم: خلينا نشوف
جاسم وسامي طلعو برا...جاسم اول م شاف الهايجهه وبتشاكل في معتز دي ريم اتخلع ومشى ناحيتها .....
جاسم: ريم...في شنو ي بت!
معتز( بصوت واطي): ريم
جاسم( بصوت عالي) : في شنو انا بتكلم معاك؟!!
معتز عاين ل ريم من فوق لتحت وابتسم ...ركب عربيتو ومشى...
سامي: شيماء في شنو؟!!مالك عامله كدا؟
شيماء( بتعب): لالا مااف حاجهه ي استاذ...عن اذنكم
جاسم: ريم لاخر مره بسألك في شنو؟
ريم: خلاص بحكي ليك بعدين
جاسم: طيب ارح...انا اصلا كنت طالع
سامي: م نفسك تخليني امشي معاكم ي ريمي💜
جاسم: ريمي!امشي من هنا سرعهه م ترفع كثافتي زياده ...كفايه معتز
سامي حكا راسو بورا ...ابتسم وغمز ل ريم ..جاسم واقف خاتي يدينو في جيوب البنطلون وبحدر لي سامي...وريم تضحك ساي😂💜...اثناء م ريم وجاسم ماشين علي العربيه ...فجأه ريم حست انو راسها تقيل ذي كأنو في زول ضربها في راسها....
يتبع.....