في الحفلهه....
ريم: جاسم انا زهجتا ...دايره امشي البيت
جاسم: ي بت مالك اسي م كنتي كويسهه...بطلي حركات الطقس دي ياخ كل شويهه بمزاج
ريم: بالجد انا تعبانهه وعايزا امشي ياخ
ريم وهي بتتكلم مع جاسم حست في زول وقف وراها ومد يدو وشال البارد بتاعها وهي رجعت اتجاهه جاسم ..... كان ولد عشريني بشبه جاسم شديد لابس بدلهه كحليهه ونظارات ....
---: آسف....اذا مشيتي الحفلهه ح تبقى مسيخهه لكن
ريم: عفوا
جاسم: حبيبنا
----: ميه الميهه لكن
جاسم: ريم دا سامي صحبيي واخوي ...سامي دي ريم المرض بتاعي 😂
سامى: ياخ والله حرام عليك ..اصلا انت انسان شوم وغبي وم بتقدر النعمه العندك
سلمى: اي اي كسر تلج كويس😂
........
سامي صاحب جاسم واخوهو شديد حتي انهم بتشابهوو في اي حاجهه ...الاتنين قرو مع بعض بس سامي سبق جاسم ...لانو جاسم عاد كم سنهه....وحاليا شغال مع ابو جاسم في الشركهه بتاعتهم.
........
سامي : شنو ي ريم...معقولهه ...الحفلهه م عجبتك ولا شنو؟
ريم: لا حلوهه والله بس تعبتا والوقت اتأخر ولازم ارجع البيت
سامي: بالغتي الساعه عشرهه يدوب وتقولي اتأخرتا!ساندريلا انتي ي بت😂قولي زهجتاا بس
سلمى: اي بالمناسبهه هي زهجت...لانو مشغلين اغاني بتهد الحيل زاتو وبتخلي الزول يطرشق من الملل ونحنا م متعودين علي كدا ...انا ذاتي زهجتا وقلبي اتنفخ 😂
سامي: دقيقهه طيب
سامي مشى خلاهم ....كانو بتونسو...فجأه اشتغلت اغاني هجيج والناس دي كلها قامت تتنفض😂❤...جاهم سامي وكان برقص جا وقف قدام جاسم وبقو يرقصو هم الاتنين وزنقوها 😂🕺🏼...سامي قبل علي ريم وبقى يرقص معاها وهي خجلانهه وبقى بكورك ليهاا ....
سامي: هوووي ها الخجلل دا م بنفع ...انا شغلتا الاغاني دي عشان منو..عشان تقولي للزهج باي باي 😂👋🏻مش عشان تتخجلي
سامي بقى يرقص مع ريم وزنقوهاا مع بعض ورقصوو وحتوهو م خلوو شي😂والناس بهناا تصفر ليهم سااي 😂....خلصت الحفلهه وطلعوو بره وبودعو في بعض....
رشا: شايفهه صحبتك انداحت شديد لكنن الليله
جاسم: م فهمت؟!!!
رشا: خربت علي الحفلهه
جاسم: انتي شاربهه صح....سامي وصل رشا بيتها عليك الله
سامي: ظابط....اتشرفت بيك ي ريم💜
ريم: الشرف لي
سامي(بغمزه):بالمناسبهه انا اسي ظريف معاك عشان انتي جديدهه معاي وكداا ....لكن تاني ظرافهه ماف ي حلوه
ريم: سمح😂
جاسم: دا ع اساس انكم ح تتلاقوو كل يوم يعني ولا شنو!....هووي ها امشي خلاص
سامي: غرتا ولا شنو 😂
جاسم: سامي امشي عشان م افتك هنا اسي😂
ريم وجاسم وسلمى اتحركوو ...وطول الطريقق ريم بتتكلم عن ساامي وقدر شنو هو ظريف و و و...
جاسم: رأيك شنو نعرسو ليك ي الاخت ؟!
ريم: انت ي عواليق لييه م وريتني انو عندك صاحب اسمو سااي 😂👋🏻
جاسم: ريم...ريم...اقسم بالله تاني تفتحي خشمك دا بلبعك اول شي وبنزلك في الشارع شوفي طريقهه ترجعك البيت ....من م ركبنا العربيهه وانتي خشمك دا م سكت والله لمن حنيت عليهوو
ريم: انا م بعرف اسكت لكن 😂
جاسم وصل ريم البيت وكان الوقت متأخر ودخلت البيت تتسحب براحهه براحهه عشان م يشوفها ابوها وفجأه ظهرت ليها اختها سوزان في وشها وجرتها الغرفهه ......
سوزان: انتي مجنونه ولا شنو...البخليك تتأخري كدا شنو؟
ريم: م انتبهنا لنفسنا يااخ
سوزان: ريم انتي وحده غبيانه ولا شنو؟انا قاعدهه بقنع في امي وابوي انو انتي رجعتي من الحفلهه واسي قاعده مع سلمي ...لا وكمان هم بضربو ليك وانتي م بتردي
ريم: والله تلغوني م سمعتو مع الجوطهه
سوزان: ريم خلي بالك من تصرفاتك احسن ليك...انتي م بت صغيرهه ...خلي بالك من نفسك ومن تصرفاتك عشان الناس م تتكلم فيك
ريم: الناس تتكلم فيني في شنو؟!!...بدينا خلاص صح....انتي المصحيك لي اسي شنو طيب؟
سوزان: مستنيه حضرتك طبعا....و احمد جا ومشى قبليك بشويهه كدا
ريم: هو صحي راجلك دا طولنا م شفناهو ...من يوم جيتي هنا هو م قاعد يجي مالو؟وبعدين كل مره اقول اسألك انتي المقعدك هنا وولدك شنو وراجلك في حتهه تانيهه لكن م عايزا احرجك واحرج نفسي الصراحهه
سوزان: ماف شي
ريم: لالا في حاجهه ....احكي لي سرعهه
سوزان مشت خلت ريم واقفهه وبتتكلم معاها ...ريم مشت لحقتها .....
ريم: في مشاكل بيناتكم صح؟احكي لي انا اختك عادي...م زولهه غريبه عشان تدسي مني شي
سوزان: انا واحمد عايزين نطلق
ريم: شنو ؟؟لييه ؟؟انتو كنتو كويسين في شنو حصل شنو ؟!!
سوزان: هه ...نحنا كويسين اي ...بس ناقصنا شي واحد
ريم: الناقصكم شنو وريني؟انتو ممكن تكونو اكتر زوجين متفاهمين ومتعاونين انا شفتكم في حياتي وفيكم حاجات كتيرره سمحه...اي زواجكم كان تقليدي وفجأه ابوي زوجك ليهوو وانتي م بتعرفيهو ...كنت بقول انو الزواج الزي دا كويس وانتي ح تتعودي عليهو والصراحهه اسي صدمتيني م عارفهه اقول ليك شنو
سوزان: نحنا ناقصانا الريده...صح نحنا متفاهمين واي شي بس الريده ناقصانا...ووممكن اتنين يكونو بريدو بعضهم شديد بس برضو مافي تعاون وتفاهم بيناتهم ...وممكن في الحالتين ينجحو او لا ...بس علاقتنا انا واحمد م مكتوب ليها تنجح ...الزواج حاجهه مقدسهه والريده برضو مقدسهه والتعاون والتفاهم واي حاجهه اذا علاقتكم فقدت وحده من الحاجات دي ح يحصل خلل اكيد
ريم: طيب انتي راضيه اسي بالطلاق دا؟!!
سوزان: احسن نطلق اسي ...عشان لو قعدنا نكابر اكتر من كدا م معروف لقدام يحصل شنو ...وم تنسى انا عندي ولد ...وح افكر فيهو هو اول شي...م عايزا ولدي يتأثر بعدين بمشاكلنا نهائي ...وم ح احرمو من ابوهو .
ريم: متأكده ؟!
سوزان(عيونها دمعت): اي...وح ارجع لشغلي ...وابني مستقبل ولدي عمر
ريم ابتسمت لسوزان وجات حضنتها💜
ريم: انتي احلى ام ...عمر محظوظ انو عندو ام زيك بتفكر فيهو هو اول شي قبل اي شي💜....وبعدين انتي لسهه بنوته حبوبه ...اي نعم انك انسانه لديحهه ولايوقهه وبتهردي فشفاشي لكن ح يجيك عريس والف واحد ح يتمناك وح تشوفي 💜
في جهه تانيهه .....
جاسم وسلمي وصلو البيت وبرضو بتسحبوو لغايهه م امهم حست بيهم وجاتهم ....
عفاف: جيتو اخيرا....تجيكم الشكهه
جاسم: اهلين ي حب💜
عفاف: زح مني كدا بالله ...وصلتو ريم لاهلها
جاسم: اكيد
عفاف ( بعد سكوت دام طويلا): والله ي جاسم انا البت دي عاجباني شديد وي ريت لو تفكر فيها مستقبلا بعد تكون نفسك كويس وتستلم شغل ابوك وخصوصا نحنا بنعرفها كويس
جاسم: امي ...ريم شنو البفكر فيها !ريم دي زي اختي ...مستحيل افكر فيها بطريقهه تانيه......
يتبع......