عبدالله: يالا سلام بقا .
كنزي: باي يا قطتي .
وودعها عند باب بيتها وروح علي البيت وأول ما
روحو فضلو يكملو كلام على الشات.
عبدالله: بتعملي ايه .
كنزي: هكون بعمل ايه يعني .
عبدالله: وانا ايه أللي هيعرفني بتعملي ايه .
كنزي: هغير وارتاح شويه وانام .
عبدالله: ايه هتنامي في حد ينام الساعه 7 .
كنزي: اليوم كان متعب مش قادره اقف علي رجلي
تاني .
عبدالله: بس كان يوم يجنن صح .
كنزي: اخر حاجه .
عبدالله: ماشي يا شكولاته اه تلائيكي كلتي
الشكولاته لوحدك ونسياني.
كنزي: لاء لسه مفتحتهاش حتي .
عبدالله: معقول .
كنزي: ايوه حتي اهي لسه سليمه .
عبدالله: خلاص يبقا اجي اكولها معاكي .
كنزي: ده احنا لسه سايبين بعض مكملناش ربع
ساعه .
عبدالله: لاء انا هاجي علشان اكل الشوكولاته .
كنزي: ما انا عارفه دايما همك علي بطنك .
عبدالله: بقا كده خلاص .
كنزي: ايه زعلت .
عبدالله: هو انا عايز ازعل بس مش قادر ازعل منك.....
بقولك انا هتصل عليكي علي الماسنجر تمام .
كنزي: لاء مينفعش .
عبدالله: ليه .
كنزي: لان محدش يعرف اني بكلمك وكلهم قاعدين
بره فمش هقدر اكلمك .
عبدالله: خلاص اطلعي علي السطح .
كنزي: تمام دقيقه بس .
كنزي: ألو .
عبدالله: ألو يا شوكولاته ..... عمله ايه .
كنزي: ايه السؤال الغبي ده .
عبدالله: ايوه صح معلش اصلي مش عارف اقول
ايه .
كنزي: تمام ولا...... اه ......
عبدالله: ايه اللي حصل .
كنزي بألم: اه اه ....
عبدالله: انتي كويسه .
كنزي: دراعي اتعور .
عبدالله: اتعور ازاي .
كنزي بعياط: .... اه دراعي .
عبدالله: خليكي عندك انا جاي حالا .
وبسرعه خد علبه الاسعافات الاوليه وجري عليها
ومن غير ما حد يلاحظو طلع علي السطح بسرعه .
كنزي: اه ..... عبدالله .
عبدالله: اهدي انا جنبك اهدي وريني دراعك .
عبدالله: اهدي هو بس البيتادين هيوجع شويه .
وبعدها مسكت في دراعو جامد وعماله تعيط
وعقملها الجرح كويس .
عبدالله: شويه وهتبقي كويسه خلاص بقا كفايا
دموع .
كنزي: شكرا .
عبدالله: علي ايه .
كنزي: انك جيت عندي من غير حتي متفكر او
حتي تغير البيچامه .
عبدالله: عادي يعني هي البيچامه اهم ولا انتي اكيد
انتي .
عبدالله: المهم انتي دلوقتي كويسه .
كنزي: احسن .
عبدالله: يعني ينفع كده مش تخلي بالك .
كنزي: مش انت اللي اقترحت عليا اطلع هنا .
عبدالله: بس مقولتلكيش تفتحي دراعك .
كنزي: خلاص بقا ما انا تمام قدامك اهو .
عبدالله: لا واللهي ولو كان جرالك حاجه اسوء .
كنزي: عادي بتحصل في احسن العائلات .
عبدالله: من انهارده تخلي بالك جدا علي نفسك بدل
ما اقتلك فاهمه .
كنزي: حاضر يا فندم ..... بس في مشكله دلوقتي .
عبدالله: ايه تاني .
كنزي: انت هتنزل من هنا ازاي .
عبدالله: دي مش مشكله ابدا .
كنزي: ازاي .
عبدالله: سهله مش لازم اروح .
فضربتو بخفه علي كتفو وقالت ..... بطل هزار .
عبدالله: انا عندي فكره .
كنزي: ايه .
عبدالله: بصي اول حاجه ......
ونزلت كنزي تتسحب من علي السلم وعبدالله وراها
واول ما ستها دخلت المطبخ نزل عبدالله بسرعه
وفي ثانيه .
الام: يا كنزي انتي نزلتي .
وبعد دقيقه ملقوش نفسهم غير ورا باب اوضه كنزي
وعبدالله حاطط ايدو علي فمها علشان متنطقش
وهي برغم الموقف أللي هما فيه ومرفعش عنيها عن
عيونو ثانيه وبعدها من غير اصد جاي يشوف
المكان امن بره او لا فخبط دراها في الباب بس هو
مخدش بالو غير لما حس بدموع عنيها علي ايدو .
عبدالله: اسف مختش بالي .
فبسرعه حطت ايديها علي فمه.
كنزي: ششششش .
وبعدها امها جايه علي الاوضه .
الام: ايه ده انتي نزلتي امتي .
كنزي: من شويه .
الام: ايه ده انتي اتعورتي من ايه .
كنزي: لا مفيش ده جرح بسيط .
الام: طب وريني ليكون خطير .
كنزي: لاء يا ماما مفيش حاجه .
الام: ايه ده انتي من امتي عرفتي تعقمي الجرح ده
انتي بتلفي يومين حولين نفسك لو نمله قرصتك .
وعبدالله مقدرش يمسك نفسو فضحك .
الام: ايه ده انتي سمعتي حاجه .
كنزي: ها .... لا.
الام: ازاي انا متأكده اني سمعت حاجه .
كنزي: لالاء هتلاقيه في الشارع ما انتي شايفه الشباك
جنب الشارع.
الام: طب يالا تصبحي علي خير .
واول ما خرجت قامت قفلت الباب اطلع بسرعه
فطلع من تحت السرير.
عبدالله: يومين .
كنزي: ايه .
عبدالله: بتلفي حولين نفسك يومين .
وفضل يضحك فضربتو علي كتفو.
كنزي: اه .... اه دراعي .
عبدالله: يعني ملئتيش غير ده أللي تضربيني بيه مهو
باظ خلاص .
فمشيت بعيد عنو .
عبدالله: شوكولاتي القمر خلاص يا ستي وفيها ايه لو
مبتعرفيش تعقمي الجرح انا اجي لحد عندك
واعقمهولك خلاص بقا .
كنزي: ماشي خلاص بس دلوقتي هتخرج ازاي .
عبدالله: انا شكلي هبات هنا .
كنزي: ايه لاء طبعا .
عبدالله: مفيش حل تاني كلهم قاعدين في الصاله .
كنزي: طب هنعمل ايه .
طك طك طك (صوت طرق الباب).
كنزي: استخبا بسرعه .
الام: انتي لسه منمتيش .
كنزي: مش جايلي نوم .
الام: خلاص تعالي انا هنام معاكي .
كنزي: لاء مش لازم يا ماما .
الام: يالا ومن غير كلام كتير تعالي واول ما حطط
راسها علي المخده نامت وامها سابتها وخرجت
وقفلت الباب وهو بيقول بوشوشه .
عبدالله: كنزي كنزي انتي نمتي .
وهي خلاص راحت لعالم الاحلام وهو مقدرش يخرج
ففضل تحت السرير لحد منام وبعدها .
♕♕♕♕♕♕
الام: يا كنزي يالا قومي يا اميرتي الصغيره .
كنزي: مش عايزه اقوم يا ماما .
الام: لاء يالا قومي علشان تفطري .
وبعدها بدقيقه .
كنزي: قطتي .
الام: قطتك قطه ايه .
كنزي: ها لا ولا حاجه .
الام: طب يالا قومي علشان تفطري .
وبتبص في الساعه وبعدها قالت: يا نهار ابيض ده
الساعه 10 الصبح وبعدها بتبص تحت السرير
مفيش حد يا تري راح فين وبعدها غيرت هدومها
وجايه بتفتح الدرج .
" اكيد دلوقتي صحيتي صباح الخير يا شوكولاتي...
اكيد بدوري عليا .... متتعبيش نفسك انا مشيت
في الفجر لما كلهم نامو ... اه علي فكره انا مغلطش
لما قولت عليكي ملاك إذا كان وانتي نايمه او وانتي
صاحيه ..... وطبعا عرفتي اني اللي كتبت الرساله
...... اه ومتنسيش تغيري علي الحرج ماشي...... بس
والنبي خلي طنط هي أللي تغيرو بلاش تلفي حولين
نفسك يومين ....واخر حاجه انا محضرلك مفجأه
متأكد انها هتعجبك .... باي يا شوكولاتي "
♕♕♕♕♕♕
تفاعلو مع الروايه يا ناس مش كده.
صوتو للفصل وعلقولي برأيكم.
#بقلم الملكة ❤