الزنبقة السوداء

الحلقة 59

داليا _ المسلم
الزنبقة_ السوداء
حلقة _59_ 💔

هم رجعنا مانتحاجه انه وياه وهو
كام يحفر باالكاع  ويطلع مشاكل لان  انه مالي دخل بيه   ويروح هناك يم امهاته و يوزن بيه عليه

اسبوع وطحن روحي طحن لبست عباتي ورحت لبيت اهلي طكت روحي  لاكاني ابوي بالطرمة مالتهم

- هلا بوية اشونك

- هلا بيج اشونج رجلج. اشونه

- زين  الحمدلله

:- عوفي همام يمشي وياي

- خذا همام وطلع ابوي كلش يحبة  ومتعلق بيه
انه. دخلت لكيت البنات جاي يسون عشه  سلمت عليهن وكعدت يم أمي 

:-  اشوف أمي تون متوجعة
شمالج يمة شيوجعج
:- ركبتي ورجلي موتني السوافن كل علاج مجاي
يرهملة 

- يمة قبل يومين طلع عشاب بالتلفزيون
وانطه خلطة للسوافان
اجيبين تمر   وتهرسي تعاي ختام احفضيهن
حتى اسوي لاامي    اي تمر مهروس وسنين ثوم
وخاشوكة زنجبيل  وكلهن  تهرسيهن الها وتعجنيهن
وتخلين على مكان المفاصل  او للضهر نوميها
وسويلها مثل الاصقة على ضهرها  لمدة
ساعة وبعدين  جيبي  خاولي  وماي دافي  ومسحي
الها مسح كل يوم سوي الها  بلكي  الله يفيدج

:- زين حفضتها والله باجر اسويها الج  يم من ارجع احسبلج زنجبيل  والباقي  عدنا 

:- هجي الله واطيب والوجع يروح مني

:- ان شاءالله يفيدج يم
انداريت لدنيا اكلج  شوكت  تعرسين 

- منا وهجي جاي احضر اريدج تفرغيلي روحج
تمشين ويايه اجهز

:- اي ليش لا  تدللين اعاين على اجوانه صرصورها بيدها كلساه تجيها رساله تقراها وتضك بس محد منتبه الها

كمت سحبتها تعاي تعاي للغرفة اريدج بسالفة
خذيتها ورحت للغرفة 

- اشبيج خية شسامعة

:- ما سامعة شعندج تضحكين
ابتسمت  وعاينت الها بمكر

- ههه لا ماعندي بس بس 
- كرصتها دحجي عاد

- انه احب واحد وهو همات  يحبني وايريد يتقدملي

- ضحكت صدك ولج وخوش ولد لا 
- اي والله وردة مالت الله وحباب

- چاا شكو منها خلي يجي ويخطبج  صارلج شكد وياه

- من اول مرحلة هو  جان ثاني مرحلة   وصار تعارف بيناتنا 
- واووو صارلكم اتلث اسنين

- اممم اي بس والله حتى ايدي ما لامسها

- اي خلي يجي كبل لا ايشيلج قيصر وينطيج
غصب

- لا ابوي سمعته  ايكل لاامي من ورى آماسي
صارتلي عبره مانطي بعد بت مغصوبة  اذا مارضت
مازوجها

-خوش خلاني حقل تجارب لمشاعرهم والله ويالله
لا امبين كلش  متحسف عليه

رجعت لبييتي  ومشت  ايامي عادي
كضت العطلة نهايتها ازوجت دنيا  واجو الولد
خطب اجوانه الي تحبه

رحت الهم   وحضرنا الضيافة واجوانه كلش فرحانة
واحنا همات فرحانين الها   شافوها الناس وتقدمو

ابوي كاللهم انطونا مهله اسبوع  وصدك
طول الاسبوع ابوي  سأل عليهم   طلع يعرفهم

.......

دنيا

دخل ابوي وصاح أمي انه ضليت
افتر بالبيت بس كون اسمع شيحجون وهاذا
نصير خبصني كلساع داك  فتحت خط

:- اشبيك خبصت الدنيا 

همس
:- جونه ضجتي مني

:- تنهدت لا حبيبي  مو ضجت بس ابوي هنا بعدين
اخابرك  سديته منه وضليت افتر طلعت أمي
تعاين عليه   اشرت  الي

:- تعاي  الحكيني لغرفتجن

:- ضميت النقال بصدري ورحت اركض وراها
وانه خايفة واطكطك  بصابيعي    كعدت بصفها ها
يم شنو  صفنت بوجهي وبعدين  كوه طلعت الحجي

:- ابوج ايوك  وديت خبر للولد الخطبج  رافضهم

:- كمت وكفت وعطتت لااااا ليش  ليش ايسوي هجي
ابوي كضت ايدي أمي

:- اكعدي خلي احجي وياج

:- عِيفيني يمة شنو يرفضة وليش لو لان فقير
ماتنطوني اله

:- اي اخوتج ضاهر وحسين سالين عليهم ومدري
شسامعين عن اهله مارضى ابوج يحجي  وكايليه
مو من مستوانا المادي

:- هاا بس ثاىر من مستواكم المادي مو  الي اخذته
اماسي حافي وهيه يوته لو لان هذا ابن اخو
اقلها نصير  دارس وباجر يتخرج ويتعين

:- كافييي اكعدي لاتعيطين

:- اتهسترت  احبه يمة تعرفين شنو احبه والله
انتحر لو ماخذته انتحرررر  طلعت امي وعافتني
اتهسترت بس ابجي وضليت افتر بالغرفة
كضتني ختام  عوووفيييييني لااحد يكضني عوووفوني 
الله ياخذني الله يموتني

ضليت ابجي ولا داومت. ولا اكل  ولااشرب كضيتها
نايمة وابجي    ونصير  ضل  كل يوم يودي اهله يخطبني  وما مل مني  منا لما اخوتي ولد  حسنه طردو  وكالوله تحلم  نطيك

اجتني آماسي
انه نايمة وهيه  كعدت يم رأسي وتحجي وياي

:- جونه حبي انتِ السبعة القوية ليش هجي اسوين
والله مايفيد صدكي ابوي قافل ايكول مايفيدها
ابدد  او لو يفيدها من باجر اقبل  ليش اتأذين
روحج وتعرفين جماعتنا  لو كالو لا لا هاي
انه كدامج دمروني ولحد هسه جاي  ادمر والله باليوم اموت الف موته  بسبب  العورة وبتها انوب
صحتي جاي تروح مني   اليوم من  كعدت من الصبح  ضليت اتقيئ مدري شبيه  وامعائي
كلها توجعني

:- غطيت وجهي بالمخدة وكمت  ابجي  بعياط
مااكدر  ما اكدر آماسي جاي اموت تعرفين شنو اموت  ابوي ذبحني والله الولد فقير ودرة مالت الله

:- ماعرف شكلج ياعمري  وشبيدي عليج
هاي حظج بعد من الدنيا

:- عافتني وكامت  مرت اسبوع وانه مامداومة
اجتني امي

:- جونه يمة كومي  روحي  للدوام  لا اضيعين مستقبلج حرامات والله لو الج لو مدري منو يعرض
ايصير قسمتج  كومي حبيبتي

:- كمت وانه متكاسله وجسمي وروحي متحطمة
سبحت  وبدلت وبوجهي للكلية حتى ريوك ماتريكت  من دخلت للكلية صار بوجهي نصير واكف بعيد عني بس عيونه عليه  وكلهن  حزن
وجها امبين عليه تعب الفراك  ولحيته مخربطة

دنكت راسي ودخلت لقسمي طول الدوام وانه ماطلعت
من القاعة ماريد التقي بيه. وازيده هم فوك همة
من خلص الدوام  طلعت  سمعت صوته يصيحني
بس على كيف

ضليت واكفة بس مانداريت اله وكف وراية
يحجي بقهر والغصة  ابصدرة لان انه حافضته
واعرف كل نسمة هوى يتنفسها

:- ليش  جونه ليش تتهربين مني ،،!

:- همست ونزلن دموعي احسن الك والي احسن
ماريدك تتعذب بسببي  طلعت اركض جان الخط واكفلي   صعدت وانه اختنكت كلش من العبرة
الي كلت صدري احسها مثل الجيثوم  النايم
بصدري

..............

آماسي  خلصت العطلة وبدينا  بالدوام جان
دوامي  كله مسائي وهمات بعيد انه. مدرستي
اعدادي وجهالي ضلو يم المدرسة اليم اهلي
انه مامنه  أمي  عليهم  بيوم رجعت  ومريت
من باب اهلي  طلعت ختام وصاحتني

:- تعاي  آماسي امي تريدج

:- عدلت عباتي ولفيتها هاا خوما بيها شيء

:- لا بس على جهالج

:- دخلت. للمطبخ كاعدا أمي والبنات يحضرن
باالعصرية السلام عليكم  هاا يمة

:- هلا يمة  تعاي اكعدي
:-  كعدت بصفها  خوما اكو شيء

:- لا يمة بس انه اريد احجي وياج على  دوامج
يايمة انتي دوامج مسائي وجهالج لو حلو 
يكضوها  بالشارع  يلعبون   وعلي مابيه اركض
وراهم  كلساع ادخلهم ويطلعون
اروح افوت لاابوهم اكله صيح على جهالك دخلهم
ايكلي  شسويلهم خليهم يلعبون  ودنيا ظهر
يايمة والناس تخوف  وانه مابية اضل اركض
وراهم غييري دوامج للصباحي يمة

:- اي والله يمة انه همات مفكره هجي بيهم
والله بالي يضل عدهم  ولا ارتاح منا لما ارجع

سلمت عليهم وطلعت للبيت صدك لكيتهم كاعدين
بالباب والبنات  يلعبن  بالتراب رغم هما هادئين ومرتبين بس الطفل ماينترك  وحده

:- شسوون بالشارع كومو جوا يالله دخلتهم
ابوكم وين  جاوبني مهيمن

:- جان نايم ومن كعد اجت عمة سميه  دخلت
هنا بالمطبخ وانوب صاحت ابوي و راح يم حبوبة
وياها

:- تعوذت من ابليس وخذتهم ودخلت  اشون يعيفكم
ويطلع مايكول جاهل يموت يصخم يصير بيه شيء

سبحتهم ونضفت البيت وخليت عشاية على النار بين ماسبحت وصليت. وعشيت الجهال وقريتهم

والافندي ماكو ماجاي  انه كل يوم اترس بطل
ماي واخلي بيه ليمونة  نعناع  على مود  معتدي
كلش جاي تأذيني هل الايام اجيت اشرب منه ماي
مدري شنو داير مداير البطل اسود

اوووف  همام ماكو غيرك تاكل  ككو وتشرب منه
كضيته غسلته وشربت منه 

ثاني يوم من طلعت صار بوجهي سيد عابر
صبحت عليه وكلت خلي احجي وياه بسالفة النقل
محد يسويها الي غيرة

:- عفيه سيد  رايده منك خدمة

:- اي كولي انتي تأمرين

:- مشكور مايأمر  عليك  ظالم بس ردت منك اسويلي
اجرات نقلي لان انه اريد انقل لهاي
مدرسة الشنافية وماعندي وكت اروح للديوانية
وانتَ تعرف. وضعي ويه ثائر مايروح ولا  يوصل

:- تدللين اليوم دزيلي فايلج  وانه باجر اروح

:- اشكرت منه ورحت للدوام.

ضل سيد  عابر  يمشي بمعاملتي للنقل
وكملها  كلها انقلت.  هنا قريب على بيتي
اعدادية بنات  صدك المديرة قاسية وصعبة بس انه
مالي شغل باحد  وضليت اداوم هنا وعيني
همات على جهالي

بيوم حلينا ورجعت للبيت لكيت ثائر  توا طاب من
دوامه  رحت بساع بدلت وذبيت اكلي على النار
ورحت  للجهال  بين ماكملتهم سمعته عاط

طلعت اركض اله
:- شكو شصار  ليش تعيط

:- ترى حتى الله  مايرضى جاي تعبان. واريد
انخمد وين الغده

:- كملت  بس خله ابد للجهال غير غسلتلهم
وانتَ  اصبر اشوية  شجاك  اكلك خيارة شي
بين مااخلص

:- اكلج شنو انه طفل  كدامج  تلهين بيه
امشي صبي سم اريد  انطمر

:- عفت الجهال  ورحت صبيتله تغده وراح نام
للعصر  وانه  كت اتلوى من بطني  وهو كعد يريد جاي  كمت بيه مابيه سويتله او اون  من بطني
ماكالي  اشبيج  شيوجعج  ابد  
خليت الجاي  كدامه

:- اكلج حضري افلوس مال اجار بيت أمي

:- رفعت راسي اله  شنو يابيت يااجار وانه شنو
شلي دخل   وبعدين انه مريضة اريد اروح للدكتور بالفلوس العدي  ذب الجاي وصاح بيه

:- شنننووو شلج دخل چاا منين  انه اجيب
مو كافي مصرفهن عليه  انتي مو ردتي البيت
بس الج حضري الاجار  وبلا حجي زايد
لا دكتور ولا بطيخ

:- ضليت  اصيح والطم   عافني وطلع  اكلك
مريضة معلولة   خليت راسي على المخدة بلكي
الوجع يهود ساعة وندكت الباب  كمت فتحته
مرية واكفة بالباب

:- هلا خاله تفضلي

:- انتي ام مهيمن مو

:- اي تفضلي
:- لا زاد فضلج بس جيت اخذ منج اجار البيت
ام ثائر  دزتني  عليكم

:- يابيت حجية وانه شلي دخل انه  الي ماجرته
منج  لو هيه

:- يااا خاله حرام عليج فوك ما ماخذا بينها ومهججتها هيه وبتها هل الفقيرة تالي هجي اسوين بيهن

:- يابيت حجية  هذا بيتي مالتي ومنو  كالج انه
طارتها منين سمعتي عيب هل الحجي

:- لا كالي ولا سمعت  عمتج  سولفت للوادم كلها
على ضليمتها  وياج

:- عافتني وراحت تهز بيدها ومدري شتحجي
طبكت الباب. وضليت  احرك بروحي  ياربي انوب مشوها سمعتي  شكول عليجن. هو منو
صخم وجهجن وكاللجن  اطلعن اجارن

لبست عباتي ورحت لبيت اهلي لكيت ابوي
كاعد

:- بوية انه اشون بعمتي  سويلي صورة
حل وياها

:- خير ياستار ياربي شجاجن  اكعدي اكعدي

:- وين ماتكعد اسولف آماسي طردتني من بيتي
وهسه دزت ام البيت اتريد افلوس الاجار انه
منين اجيب لهن والله ماعندي البيت  كله على راسي.
الصرف كله عليه وثائر دينار مايطبب للبيت
كله الهن

:- مالج شغل بيهن خلي يولن  معليج بيهن
خله يصرف عليهن همات خطية  ايذبهن 
بالشارع غير ابنهن  انتي كفي نفسج اوولدج ومالج شغل بيهن

:- من شفت حجي ابوي هجي سكتت ورجعت
لبيتي عرفت ابقى  طول عمري مديوس على
رأسي  شسوي اقبل واسكت  اطلك  ابوي
يكلي اذبحج ولا تنطقين  هاي الكلمة

لليل وهو ماكو وانه اون من بطني شربت
مسكن مافاد  جنت كاضة التيلفون بيدي اريد
اطلع لعبة لسرى تبجي هيه واختها

اجتني رساله فتحتها  طلعت من عابر
كاتبلي بيها
~~~~~~~~~~~~~~
اتراب انه الصرت ياولفي وانت الماي
انخبطت انت ابترابي وكونت طيني
احبك ياحلو بس صعبه احجي وياك
وادري انت تحبني وماتحاجيني
وكضيناهه سكوت وعين تخزر عين
وبس نظرات بيك مخلص سنيني
من اصد عليك اشوفك تخجل وتحتار
ونظراتك بكلبي سهام ترميني
اكظي الليل اسهر كله افكر بيك
حسبه تجيبني وحسبه توديني
ساعه انساك اكولن ساعه اكولن لا
ساعه تحبني اشوفك ساعه تجفيني
صارحتك بعيني وكتلك انه اهواك
بس الساني مايكدر يحجيني
اكظي الليل احضر شحجي من كلمات
وشيجيب الصبح وقذف براكيني
واذا جاني الصبح شو انسه حجي الليل
مو انه السبب عينك تنسيني
من طبع العدو من يسبي-يسبي اعداه
بس انت حبيبي وانت سابيني

            احبج
~~~~~~~~~~~~~~~~~

:- ضليت اعيد بيها شنو هاي هذا شجاي يحجي
وشيكول  كضيت التيلفون  وغلقته وشمرته ليغاد
ابد موكتك ابد وكتك عدا وراح زمانك انتهى
بعديش جاي  دكلي احبج

ثاني يوم وانه مريضة كلت  ما اطلع  منا لما
يروح عابر لدوامة لان كل يوم من اطلع هو يطلع
ونمشي سويه للشارع

طليت من الباب شفته  واكف ويتلفت اخير
شيء مل وراح  شفته اختفه  يالله طلعت
رحت اخذت اجازة ورجعت

وانه حجي عابر ابالي ابد مو كتك ابد

لليل فتحت خطي واجتني  الرسائل تركع من عندا

آماسي افتحي خط
اماسي بس احجي وياج
بس اسمعيني

راح اجي لبيتج وادك الباب افتحي خط
وحك هو الله اجي 

من طلع عندا تم التسليم  بساع دك عليه
اترددت افتح خط   وخفت  وانه جنت اون من بطني
وثاىر حتى ماكالي اشبيج لان مانطيت للبيت افلوس
عافني وطلع جهالي يفترون يم رأسي  وبناتي
يمرغللي. ( يدلكن + ايفركن )

فتحت خط  عليه
ماحجيت شيء. هو كال

:- آماسي انه بعد ماكدر  اريد احجيلج شيء
بس اتمنى  تسمعيني للأخير 

:- هممم

:- من انه وزغير كلبي جان مرهون لوحدة
جنت كل يوم اطلع للشارع واضل اعاين عليها رغم
انه لااحجي وياها ولا العب وياها بس  مراقبتها تكفيني حبيتها من انه مراهق وكلبي تعلك بيها
ضلت  حلم كل يوم ايزورني  عشكها ضل يكبر بكلبي
كليوم مثل نبته  وزرعتها بداخلي وكل نضره منها
احسها تزكيها وضلت النبته تكبر وتشبث بكلبي
لما صارت شجرة  كلش جبيرة  وكل سنه  جنت
اتاملها  تثمر واقطف ثمرها 

:- همم

:- اي جانت حالتنا كلش ضعيفة وانتِ تعرفين
وهيه جانت بت تاجر وزنكين رغم هيه جانت مامرتاحة
بس  جانت اجمل وردة ابستان اهلها حبيتها  كلش
بكل حواسي  جانت عيوني تراقبها لو طبت لو طلعت
وانه كليوم ادعي ربي  انو محد يقتطفها غيري
منا لما اخلص دراستي  واتعين واخطبها لان  تعرفين
احنا جان الولد يخلص دراسة ويتعين يالله يفكر يزوج
هاي قاعدتنا  وثابتين عليها

:- اي بيوم جنت راجع من النجف  واسمع 
امي تحجي كدامي بخطبتها. انه شتردين مني
احس روحي سلبوها مني ومن سمعت عرسها قريب
ثاني يوم رجعت للنجف. وبيوم خابرت أمي وكالتلي
كلش مريضة رجعت شفتها   وسمعت عرس محبوبتي
بعد يومين انه لبست هدومي وخذيت  جنطي  وهمات شردت للنجف بس  جذب لو كلتلج    الج ضليت صاير  احس روحي محصورة بقوطية  والدنيا ضاكت بيه  وين اروح  لا بالنجف اضل كاعد ولا بالشنافية

وهمات رجعت للشنافية  روحي لايبة الكاع كلها ماتلمني ابد عشك روحي  واحلامي انسلب
مني راح من ايدي  رجعت وبيوم عرسها كلت اوكف
بلكي من اشوفها بثوبها الابيض تطلع من كلبي
واخلص من حبها

:- حسيته صوته اختنك كلش سيد بيك شيء

:- اي  اي بيه انتي  آماسي تدرين بيوم عرسج شصار بيه  صعدت للسطح  وضليت ابجي مثل النسوان وادعي  ربي واهل البيت كتله ربي مو انه سيد وجدي رسول الله اريدك اطلع  حبها  من كلبي  وتخليني  اعيش   وانساها

:- حجيت بغصة اني

:- اي اي انتي  انتي احبج لدرجة الهيام  شكد تمنيت  انساج ايام وليالي انه ادعي الله يطلعج من كلبي  وروحي وعقلي ومن كل حواسي بس كان ربي
مايستجاب دعائي   دمرتيني  آماسي اشون اطلعج
من روحي اشون  حتى زوجتي ماحبها بس
فرض  واقع حال  عليه متحمل

:- اختنكت كلش هيج كل جروحي القديمة
انتَ جاي تفهم انه مزوجة لو لا  انتَ تعرف اتأخرت
٨ سنوات لو لا هسه  تريدني اسوي العيبة والحرام
وياك. بحجة احب

:- ومنو كالج اسوي وياج العيبة لو الحرام
خلينا مجرد اصدقاء

جاي يحجي  بعد سديته منه   ماكدرت احجي بعد 
مددت  بفراشي وحضنت روحي
مثل الجنين   اجو جهالي صعدو وحضنوني وسرى
تمسح بدموعي ودرم على ابوها  حسبالها ضربني
لان هو من يضربني  كدامهم حسبالهم هو ضربني  خذيتهم لحضني
ونمت

.......يتبع .........