الزنبقة _ السوداء
داليا_ المسلم
الحلقة_ السابعة
┈┉┅━❀. 🍃🌸🍃. ❀━┅┉┈
اندك الباب
حقي _ هاج اخذي الستكان وفوتي ليجوى
افتحي باب الديوانية
سهامه _ صار
حقي_ عدلت دشداشتي وطلعت فكيت الباب
شنهي هذا خيرررررر چا ولك والتالي وياك انته يا مصيبتي خير يطوير شرايد
طوير _ چا والله عمي. ما رايد شي جيت اباركلك
او هم اذكرك ابوعدك ليه الي ناسي
حقي _ فوت فوت دخلته للديوانية. اكعد
اجيب ماي واجي طلعت صارت ابوجهي
شذرة. امشي جيبيلي صلاحية (سراحية ماء)
ماي يالله
شذرَة_ بقلة صبر صار. عفته ورحت ترست الى ماي وانه حيل ضايجة منه وجها شبي مكدر
مااعرف شنهي صنفه هل الزلمة رحت انطيته
الى بس ما عاينت ليه
حقي _ امشي سوي جاي خذيت الماي ودخلت
قدمت الماي لـ طوير هاك اتفضل اشرب
طوير كض الكلاص وصكا كله
_ عمي انتَ موش وعدتني. اتروح وياية
لبيت ابو علي الطاحون للديوانية با الشنافية تراني صارلي شهر اناطرك. شنهي ماحنيت عليه
حقي _ انه صافن عليه وبالي
يم هاي الطكيتها اشون تعاين ليه بعين صلفة
طوير _ هاا عمي شكلت
حقي_ اي اي ايصير خير اتعذر منك لجن الشغل فوك راسي. بس امهلني اسبوع تدري عريس وبالك عنك
تكضي السبعة وهاا هذا شاربي موش الي. اذا
نسيتك بس كونك تجي اتذكرني
طوير _ هو او يحسب بصابيعة هاي يوم ويوم
بعدلك خمسة ايام ونمشي خوش عمي
حقي _ اي يابه خوش تدلل بعد آمرني كول شتريد
طوير _ اريدن اعرس بعد مثلك چا انه وحد
حقي _ اكول اليوم عِشَاگ. هنا يمي اتعشه وتوگل بويه منين اجيبلك حرمة. شكالولك عندي كوم بنات الله لا يكولها اختار انتَ حرمه وانه امشيلك عليها وسياكك عليه چا بويه هااا عايل يالله هذا الجاي اجه
طوير _ لا حشاك عمي
شذرَة_ وديت الجاي دكيت الباب طلعلي حقي
يعاين لوجهي بضوجه يااا شبيك ويايه انه شسويت
حقي_ بهمس زهبي العِشَه عدنا خطار
اجه صوت طوير من الديوانية لاع عمي لاع والعزير
انه اروحن بس على الجاي لاتكلف روحك چا
شنهي چاي اچربنك
حقي_ فات ورد الباب چا شنهي مو عيب صار الغروب بعد عيب تطلع عيبه بحقي هاي اشون انتَ ترضاها
.
.
.
.
.
.
.
.
.
سهامه _ جنت واكفة اطبخ العِشَة وهم اخافن احد يجي مفأجة لينة انه مزهبة كلشي. اعاين لهل البت مدري شبيها. بس تضرب صفنات. هووو خايبه
شبيج چا عَروُس وگل فرحة ما بوجج شصاير
