داليا _ المسلم
الزنبقة _السوداء
حلقة _42_
اماني
.........
لبست ثوبي بسرعة وانه اسمع باب الشارع تندفر
طلعت اركض باوعت للسطح ذاك النذل ماكو
ركضت فتحت الباب وشعري ينكط ماي واشوف
ضاهر ابن قيصر
عطت بيه
- خير ليش هيج فلشت الباب
يحجي ويايه بشمخرة
- اسمعي ابوي وين امي تريدا
- مااعرف طلع ،،،
- هاا جنتي بالحمام ...!
- شو هذا كام يضحك وطمني وراح وكف ليغاد
وجان يكلي. اتروحين فدوة لاأمي. يا سا.... ام الولد
ويباوع للسطح وذاك مد راسه
يمكن الله نقذني بت بالعلوية اجت عليه بيدها صينية اكل هما من شافوها. شردو
- خذيت منها. الصينية واشكرت منها راحت
وطبكت الباب وضليت الطم صخام بعينك وبعين امك
ياربي مو بشر ذولة شياطين والله العظيم دخيلك ربي انقذني منهم
ضليت النهار كله ارجف وانه اشتغل والخوف غزا كلبي دزيت على العلوية أُم ابراهيم. آماسي خطية اجتني تركض
تلكيتها من الباب
- خاله انه خايفة الحكيلي اخاف اكل لقيصر ويشوهون سمعتي لو تعارك وياهم والناس تاخذ فكرة كلش مو حلوة عليه
- خير يمة وكعتي كلبي شكو
- كعدت وحجيتلها الاكو والماكو
- دهر فرهم اشون تربية زفرة لا لا يمة لاتحجين. ديري بالج هنه هسه جاي ايزرعن اباله. عود انتِ مو زينة ومن تحجين يثبت عِليج اسكتي والله كريم أنه من ايروح زلمتج اجي يمج. لاتخافين
- ضلت العلوية يمي لما دز عليها السيد وراحت
وانه كضيت جهالي ودخلت للهول وقفلت الباب عليه شكول وشحجي ياربي غريبة وبديار الغرب مالي غيرك سند احميني منهم
اجه قيصر وضليت احوس اكلة لو لا تالي اذكرت
حجاية العلوية سكتت حطيتله العِشه وكعدت اعشي الجهال وانه ساكته ماحجيت شيء ابد ضليت على زعلتي بس كمت احس بوجع بصفاحي
كتله
قيصر انه اريد اروح للشعبية صفاحي توجعني
حجيت وانه اوكل بعدي ومدنكة مارفعت رأسي بوجها ابد اسمعة يذب حصرة
-الله كريم لو رجعت من الشغل اخذج
كمت كض ايدي نترتها منه
- لا اسوين هيجي أمونة انتِ خليتني اطكج غصبن عليه جنت اشاقة موقصدي اهينج
- حجيك كله مايقنعني. خليني بحالي قيصر
وشوفلي حل لو رحت للدوام خما اضل ابات وحدي
لو توديني يم اهلي لما ترد اجازتك راح. تخلص
