الزنبقة _ السوداء
داليا_ المسلم
الحلقة_16_
┈┉┅━❀. 🍃🌸🍃. ❀━┅┉┈
- أنا أجيد الوحدة ، لا تراهن على بقائي وحيدة
-مليـئون نَحن بالعتـٰب ، بالآلم ، بالندم جرح القلوب
لا يلتئم. ابداً ابداً
حقي _ ما دكومين تعاي تعاي انعل ابو اليعوفج. تعاي سحبتها نومتها على القريولة صارت جواي
شذرتي كرهتيني مو لزمت خدودها وعصرتهن
حيل
شذرة_ بكره عوفني وخلني اكوم. وانتَ وعدتني
ما تكظني ولا تجبر—- بعدني ما مكملة كلامي كام يبوس بوجهي بشراها احسه شلع خدودي مثل الخبل اندك الباب. بتفليش بس مو دك وصوت واحد يصيح
انه ستاررررر افتحوو الباب كواويددد افتتحو
اريد خبزة. وطماطة
حقي _ ولج منو هذا ستار ..!!
شذر _ بخوف والاميرر مااعرفنه منو
كام من عندي وانه نزلت ثوبي. وسحبت جرجف لفيت رأسي فتح الباب حقي وأنه وراه أعاين
زلمة لابس ثوب مشطب وكاتلة الوصخ ولابس عليليجة
صفح ((كيس من القماش مثل الحقيبة))
والوجه كله وصخ وكامش عصه بيده ويطك بالباب
رفعها وراد. يطك حقي بهامته
حقي _ خرب بجلاب ابيك. منين دخلت. وللك
كضيت العصة وللك منين انتَ
المهبول ستار _ انه ستار اريدن اكل جوعان
حقي _ ولج هذا مهبول. الباب مفتوحة وداخل
ذب عصاتك وتعال انطيك. اكل
ستار _ بهبالة اريدن طماطة ورغيف خبز
شذرة _ خذا حقي وراح غسل وجها ودا
للبراني رجعلي للمطبخ.
حقي _ شعدنا أكل. اي شيء خطية كاتلة الجوع
شذرة _ متحجيت شيء. طلعت طماطية وخيارة ثرمتهن
وأنه جايبه وياي صفط خبز وخليتلة روبة.
هاي خذها ليه. هو هم شالها وطلع
أنه كضيتها شغل ولا كعدت سويت العشا بساع
بساع. صعدت أشوفن خالتي وأمونة جني متيها بلاهن فتحت الباب خالتي مسنحة. وأمونة
تكتب. بالدفاتر الجاباهن كافل ليها
هاا ولج أموينة . ليش مانزلتي علية. تعاي احبنج
اشتاقيت الج حضنتها
أمونة _ مو جدتتي كالت عيب من الزلمة ابوي لاتنزلين
شذرة _ يبعد كل هلي. ابوج هذا ابوج. تعاي
خالني اكعد جدتج. تدنيت يم خالتي
خالة اكعدي صار الليل كومي اكلي لكمة
إم كافل_ اي يمة كعدت خذتني النومة على سوالف
أمونة. انتِ اشونج ابو أمونة. لفت الشيلة مالتها وتحجي أشونكم تصافيتو لاااع
شذرة _ ضحكت على خالتي أنه اعرف شيدور
ابالها كومي انزلج بعد حيلي خالة لاتفكرين بينا
هااي ماشية بيه قابل وين اولي
