الزنبقة _ السوداء
داليا_ المسلم
الحلقة_ السادسة
┈┉┅━❀. 🍃🌸🍃. ❀━┅┉┈
يل مگيول
وي كل دگه من گلبي
يلموهس
صلاتي بعيني وي ربي
شحچو يمك وما هميت لدربي
اعاين من الباب واشوفه كاعد على الجرباية
او كـاض بيده المحزم. ويطرك بيه على عمادان
الجرباية والوجه مكلوب والعيون مخنزرة
جنها عيون ثور وكدامه وصيلة حمره بس ايريدن
ينطح دفعت الباب ودخلت للحجره هو صد وعاين عليه
حقي _ وهو يأشر الها تعاي هلا بيج بعد وكت
لو ضاله لليل مو احسن هاي احترامج لزلمتج
اكلج الحكيني تكسرين چلمتي. تعاي هنا لا تتراجفين
وبلا عيارة
شذرة _ انه عظامي كامت اطكطك حجيت برجيف
شنهي تضربني وليش انه شسويت غير غير عالم عدنا
وعيب اكومن منهم
حقي_ هو ويسحبها من ثوبها ويطكها على رجليها بـ الحزام اي لاسني بعد وبعد هاي هيج امج علمتج
مو اسمعي زين لو ابوج تعرفين شني ابوج تعوفي
وتكومين من اصيحنج فهمتي لو اعيدن عاط وهو يدفعها على الدوشك ويكوم
شذرة _ طكاني طكتين على ريولي
ودفعاني وكام. انه ضليت ابجي بثغبه ليش ليش يطكني انه مو عروُس بعدني ..؟
يجي ابوي او ارد وياه. لبيتنا ماظلن
بعد يمه انه عمري ماطكاني احد لا امي ولا ابوي
انه عزيزتهم. ضليت ابجي
بس جذب مااعوفنه هل المتكبر
احبنه حيل حيل احسنه معلك بروحي. ....
حقي _ طكيتها وعفتها ونزلت. لكيت البيت هدوء
الكل نايمين. طلعت للبراني كعدت وانه
بيا نار وشبت
لان طكيتها. مجان بنيتي اطكها بس هي دماغها ثكيل. ما تستوعب الحجي. مدري شبيها تعوذت
من ابليس وطكيتلي جكارة انه الفهن واخليهن بعلبة حديد صغيرة. ماادخن جدام امي. احتراماً
ليها ضليت احش بـ هل الجكاير احس انوب گلبي جمر
طول عمري ما طاك مرية شجاني عليها اففف
من انه وصغير صرت اب واخوه لسهامه. صادقتها
مثل صديق
من تحتاجني اكون ليها ابو حتى تغلط اعلمها
بس هل الشذرة مجاي اضبط اعصابي وياها
كضيت عمري اباري ابـ امي الي فنت روحها وشبابها
اوتعبت لاجلنا
ماتزوجت بعد ابوي. وللعلم مات ابوي وهي
صغير بنت الثلاثين. خطبوها هواي جانت
حلوة حيل حلوة. تشبه شذرة
بس هي لا كالت انه ماثني من طوك وصبر
زلمتي. بعد للكبر مستقري
اعاين ليها
اشون اتخيط. وتعيشنا لو تحوك بسط لو اسوي مكانيس تعبت حيل عمامي بليرة مافكدونا
من ذاك الوكت وانه اخذت عهد على روحي
اكمل علامي. واووصل واصيراً شي جبير
درست وتعلمت وكبرت وخطن شواربي
جان حلم أمي انو ادخل كلية الزراعة خاطر
ارجع كاعي او ورث ابوي الي كلو عمامي عليه
وانه هم ماكلت باطل رغم انه احب السياسة
وأحب السفر وأحب اكون حر او مااطيق احد يتأمر
عليه بس امي لا مكدر. اكلها لا
