الزنبقة _ السوداء
داليا_ المسلم
الحلقة_ 11_
┈┉┅━❀. 🍃🌸🍃. ❀━┅┉┈
فد يوم. سويت خبز لحم وذكرت ام عاطف خطية
كلت هسه حقي مايجي. ايطول بالدوام رحت خليت طابوكاتي الي صارن. من خلالهن اتواصل ويآ العالم وبعدني ما صايحه . شفت. شوفه رَجفت ريولي. بنفس اللحظة. انفتح الباب ودخل حقي
همزين حديقتنا بيها شجر. رارنجة وبرتقالة
انه نزلت. وختلت جواهن وانه ارجف. بس دخل
انه ركضت وراه عاينت فات للداخل. للحجرة. ايدور عليه ركضت للهول
ورجعت طلعت هو جان يدور عليه طلع من الحجرة
الله يساعدك حجيت بزعل وفتت من عندا
حقي_ هو ويسحبها من ايدها هلا وين جنتي وشنو هاي خبز اللحم وين اموديته
شذرة _ كاعدا هنا اأشر على الديوانية
هاااا لا بس جنت اكل. بيهن
حقي _ ديالله بين ما اسبح حضري الغده وهاي الجهره لا دكلبيها. ترى روحي لعبانة
شذرة _ صار راح ينزع اهدومه. ويدخل للحمام
انه تنفست براحة وضلت صورة. ام عاطف ابالي
اشون. زلمتها. كاعد ابـ هاي الحديدة التركص ( المرجوحة )
وحاطها بحضنه. ويبوس بيها جا ليش انه مايسويلي هيج. حقي اوو استغفر الله. نكتت الافكار من راسي التهيت اصبن وبالي يمهم اشون حلو حسيت بحقي واكف يمي ويحجي
حقي _ خير وهو يفر ايده. شبيج كليتي روحج من التصفن. فضيها اريد اتغده واصلي
شذرة _ اي اي صار روح اكعد وهسه. راح اجيب
الاكل الك عتاني من ثوبي
حقي _ خيير. شبيج شو من ورى خشمج تردين
شذرة _ مابيه. والله بس ثوبي عوفني عفية ترى
بطني ماغصتني اليوم حيل
حقي _ خير شبيج شو كاضيتها بس نوم وتمطرح
منو حداج بس إنتي بـ هل البيت
شذرة _ سكتت هو أني من الهبطة صارلي مغص
كملت الاكل وديته يمه وكعدت. ويآه اليوم غدانا
من وكت عاد لو مصلين وماكلين
حقي _ باجر من الغبشة طالع لغماس شمحتاجة
اجيبلج من السوگ
شذرة _ لفيت لكمة لحم اوكلتها ليه. هو عاين ليه
اكلك حقي. بصوت ناعم وانه. بالاصل صوتي ناعم
لاتطلع اليوم. ابقى بالبيت. والامير مشتاقتلك
لاتحجي وياي لا سولف حتى كمت مااعرف اسولف
مثل الوادم وهاي جيرانه ام عاطف والله خوش مريه مرات هيَ تصعد من الحايط وتسأل عني. حتى خيطتلي ثوب اشون حلو
حقي _ شرب لبن وذب الطاسه. اي وأنتي
تردين اتشبخين النهار كله على الحايط مو لا رقيب ولاحسيب اكول بس لا ياشذرة تصعدين من ورايه وباوعلها بتك عين
