الزنبقة السوداء

الحلقة 57

داليا _ المسلم
الزنبقة  _ السوداء
حلقة _57_

غسلت اله واشوف  خصيته منفوخة حيل
اخترعت من المنضر الشفته  خذيته للغرفة نومتة
اعاين عليه كلش منفوخة  رفعت رأسي

ماما مهيمن يوجعك هنا  واوا

- اي توجع

- هزلي  راسه ويتالم  كمت لبسته ولبست عِباتي
خذتهم ورحت لبيت اهلي   دفعت الباب ودخلت لكيت أمي كاعدا بالطرمة حجيت بخوف
يمة الحكيلي مهيمن. فزت خطية  بخوف

- اسم الله شمالج يمة اشبيه ابنج
- ماعرف يمة نزلته وذبيت  الشورت مالته شوفي
عاينت عليها

- ياا يمه هاي ابنج عندا فتق  من شوكت

- ماعرف اليوم يالله بين شوفي اشون منفوخة
خما عليه شيء ضليت ابجي 

- لا اليوم ناخذا للدكتور  خله يجي ابوج  ونروح
عدي ياخذنا

صدك لما اجه ابوي وخذيته ورحت انه وامي
وشخصة الدكتور فتق ريح ولازم عملية ضليت حايرة
منين اجيب  افلوس العملية رجعت للبيت   ثائر سالني

وين جنتي
- رحت وديت مهيمن للدكتور  شوف نزعتة
طلع عندا فتق  ريح  ولازمة عملية  

كال ابرود لان هو عود زعلان
- الله كريم ان شالله يطيب مابي شيء

- عافني وراح  يم امهاته

- صدك انقهرت خليت ايدي بالبواجي وكعدت ابجي
على حظي على ابني  على وضعي  على  قسمتي  الي  ماعرف  شوصفها  يمكن  كلمة  تعاسة
قليلة بحقها  ابنك ولك ابنك

ثاني يوم   خليت  جهالي يم اهلي ورحت بعت الحلقة
وتراجي عندي   خذيتهن مستعملات  ورجعت للبيت
لكيت أمي تحجي ويه خالتي بيداء
انطتني السماعة اسلم عليها

- الوو هلا خاله اشونج
- هلا حبيبتي اشونج شجا مهيمن حبيبي
سولفتلي امج
- اي  والله خاله  منطقتة الحساسة  منفوخة  وشكلها يخوف  الدكتور  كالنا على  عملية 

- اي شوكت اسوها اله شوفي شكد هيه انه ادزلج
الفلوس لا اشيلين هم حبيبتي

- بجيت ربي  يسلمج خاله ماتقصرين  والله حملي
ثكل عليج ماعرف  اشون اجازيج

- لاتحجين  هيجي  آموسه  يمة  انتِ بتي  حبيبتي
باجر  انه  اجي  اشوفة  وادخل  وياج  بلكي  ينطوني  اجازة من  المدرسة لا اشيلين  هم

- اشكرت منها وسديته وصدك
ثاني يوم  جتني  وجابت مبلغ العملية وياها هاي الحجي  ثائر زعلان على زعل امهاته  يبدل ويروح يمهن ولا سال ولا كال اروح وياكم للمستشفى ابد
سويت العملية  بنفس اليوم طلعني الدكتور
ضليت يم اهلي عود هو اجه يشوف ابنه شافة
مثل الخطار وراح

إتعافة  مهيمن لما ضوكني المر  ومنا صادف رمضان وصيام وهو مريض  او اروح  للدوام  وهو  يبقى
يم أمي  وهمام كله  ويه  ابوي  مايتركة  ابد  كلش يحبه  لان يشبه  عمي  ناصر  بيوم  رجعت  من  الدوام  ومريت  لبيت اهلي  بعدني  امشي واشوف
هوسى يم بابهم  رحت اركض واشوف عابر بالباب
كالي
- على كيفج ماكو شيء ماكو شيء
- وخرته ودخلت اركض للبيت
واشوف أمي ادك وتلطم وابوي  كاض تيلفونة ويخابر
وعمامي اولدهم كلها موجودين رحت اركض ليم أمي يمة شكو

عاطت وهيه تبجي
- اخووووج يايمة اخووج عدي خطفو راح ابني راح

- انه من سمعت هجي وكعت  بعد ماادري بروحي
صحيت وراسي بحضن  دنيا ويرشن ماي على وجهي
عطت ودفعتهن. يايمة  ياخوية  وين راح

ضلينا ايام رمضان
سوكنا بيها المر  العلكمي
١٢ يوم ابوي ماخلا  مكان
مادور بيه انه كمت كل اشوية يغمى عليه
ودوني للمستشفى طلع عندي  هبوط بالسكر
جلب وياي  يوم  ١٤ يوم من خطفة
ابوي عرف منو لان جان عندا مولادات بالمطحنة
والناس  دكول صارو مخادهم من افلوس افراشهم
افلوس  

من عرفهم  ابوي صارت كعدته عشاير  وتفاصلو
رجع  عدي  سودا بوجهي عيونة منوكرة اموتينه جوع
وصالخين جلدة  مفتحينه اله

عدت  هاي الحادثة
وعلى العيد اجه عمي ناصر ايريد يستقر هنا
او اجه وياه ضرار   اخوي
من شفته كبارن هواي صاير كلش ثكيل
وهادئ سلمت عليه عادي

وعمي ناصر بدا  يبني بيته بصف بيت اهلي
جاب الخريطة وياه مناك من  لندن
سواله بيت رنان  ضايف لدراسته دارس محاماة
راح لبغداد قدم  على وضيفة بالدولة وتعين بمنصب
كلش جبير  انطو سيارة وحارس شخصي 

٢٠٠٩
للعصر  اجاني ثائر مفرفح  وعاط
- راحح  ولج  آماسي  راح  عمي ناصر
- لطمت صدري  صخام وين راح عمي

- مات  سوا حادث  بالنيل مكلوبة بيه السيارة
- لبست عباتي ورحت اركض  وعمتي وراية
وسِميه

دخلت العياط والصياح  والناس ملتمة  دخلت اركض للصالة  لكيت البنات يعيطن ونسوان عمي  وجناينة سالت اشون مات وهو ختى مرض مابيه يعني مايشكي من شيء

دنيا :- لكو سيارته  مكلوبة  الحماية مابيه شيء بس بس جروح  وهو ميت

ابوي كلش تمرض وكع  وصارت بيه جلطة
امي سولفتلي

- كعد من الصبح راح يستلم راتبة وعندا شغل
لان راح يتحول منصبة الى رئيس ،،،،،،،،،،،،،،
ابغداد فا من راجع  مغتالينه اغتيال مو حادث
بعد مابين  التحقيق والتخطيط  مال السيارة
باالحادث

وكضت ايام الفاتحة وابوي كلش  تمرض
وضرار اخذ مرته ورجع  سافر يم عمي نعمان

وانه اتلاث اشهر  واجه قرار من التربية  للقعود كل واحد يثبت حسب شهادته  واثبتت  من عاملة خدمة  الى   كاتبة  على الملاك الدائم  واختاريت المدرسة
القريبة يم اهلي  وصار راتبي من. ١٠٠ الى   ٥٠٠ الف

وخلصت من خدمة الروضة والكنس والمسح  وحظي خله  عابر بنفس المدرسة الي انه بيها  ما هتميت اله  كمت اداوم   واول شهر  سمعت  المعلمات  عدهن سلفة  يردن يسونها. انه كيفت كلت اعدل البيت  اصبغة  ابني البيتونة  كاشي كمت  ابني  احلام   كل وردية  سويت السلفة  ام العشر ملايين

استلمتها واجيت فرحانة
بدلت وتغدينا جان ثائر متمدد  بالكاع ويعاين
للتلفزيون صرت نادرة رحت طلعت الفلوس وخليتهن كدامة  هو عاين عليهن وعلية وهز راسه

هز ايده
:-شنوو ذني ..؟

:- افلوس سويت سلفة وستلمتها اليوم  وحايرة اخذ قطعة لو نكمل البيت

:- لا نكمل البيت بيهن احسن 

:- بس  ارتب بس غرفتي والصاله  والصحيات
مالي دخل بالباقي 

:- ليش ترى البيت كله الج وبعد كم يوم راح ترجع
سميه لبيت عيالها  شو بيت رجلها كله فارغ

- چاا اشون لو باجر أمك تعيرني  والبيت بيتي وماتي. وانه ازيد اخذ غرفة خو ما اضل ابدون غرفة غراضي مطشرة 

:- لا ماداعي أمي بيهن لا
شعدها هيه بعد غير كله تحوز لخاطره سميه
وهيه راح اتروح

؛-  چاا خوش  ابني كله

:- خوش بس اذا ماكفن انه ترى ماعندي اكمل عليهن
:- لا ان شاءالله يكفن  لا اشيل هم

- وصدك  خذا الفلوس وبدينا بتعمير البيت
سميه لمت غراضها كلهن ورجعت لبيت عيالها  وانه
فرحت  صدك حسيت البيت كله الي  رتبنا سيراميك
وكاشي وسوينا البيتونة وخذيت غرفة مرتبه صغيرة
صار بيتنه جنة ورتبت المطبخ  ورجعت الصاله الي سويتها مطبخ على ترتيبها قبل صالة للخطار 

ليش مو بعد ماخلصتا بأسبوع سمعت  ثائر يصيح
لاحد يطلع عاينت من بردة المطبخ
دخلت سميه تهف هيه وجهالها وراها ثائر نزل غراضها من السيارة هو  اولد. انه خذيت جهالي ودخلت
للغرفة واسمعها تبجي وتحجي ويه امها

:- طردني يمة حِماي طردني

- يا چاا ليش شسويتي
- شسويت تحجي بحركة. كتلهم  ترى انه شفت جنتك
مرة تحجي ويه  زوجي وانه شكيت عدها علاقة وياه

:- لطمت صدرها العورة
يااا دهر صابج شلج بهاي المصيبة هو وينة زلمتج
مو بالسجن وخايس

:- يمة لاتكعدين تلؤمين بيه صارت بعد وحماي كالالي بيتي يتعذرج ماتبقين بعد تروحين لااهلج وعود لو طلع رجلج ورادج هو يرجعج

:- اكعدي هنا واسكتي مالج طلعة بعد خلهم يولون

~~~~~~~..................~~~~~~~

:- انه من سمعت  شطت  لربي دخلت وركعت الباب
وضليت احوس  بالغرفة من القهر واكل باضافيري
دخل ثائر  حجيت بعصبية

:- اذا اختك تبقى  هنا خل يبنن  مطبخ الهن برا انه ما اترك مطبخي

:- ترى مايصر هجي  آماسي چاا وين اوديها
اذبنها بالشارع  غير اختي

- كعدت على الجرباية مهدود حيلي من القهر
انه مجاي اطردها افهمني بس انه ما انجمع ويهن
مايتعاشرن  والله يحطني ويكتلني  ولا كان احجي عافني وطلع  ركع الباب راح يم امهاته

وصدك شيبني اشيب  بين مابنت مطبخ الها
برا بس همات مافتكيت مرات ادخل لو اشوف
زبالة مشمورة بالمطبخ لو من ارجع من الدوام
والكة البيت بيه طين لو خيس لو تراب
خبلني خبال . اخير شي لميت الزبل وطلعت شمرته
بالمطبخ مالتهن  هيه واكفة تطبخ

:- اسمعي سِمية لنها وبسج عيب عليه هاي سوالف
الجهال 

هيه كضت الجفجير

:- اي عيني  وشنو حضرت جانبج القند..... جاي تهددين لو شنو  هسه اكضج واطلعت بالشارع
واعزيج واخزيج فهمتي ويالله ولي من وجهي 
ام المدارسة  وتعرفين شقصد

:- رجعت ليورى من كلامها وصلافتها 
انتِ صدك ما عندج حياة يالماتستحين صارت عندج
عادي طعن الأعراض  يا سفيها

عفتها ودخلت شحجي هاي وياها كلش تخوف
الحقيرة  لو بيها خير جا حلفظت على رجلها

مشت اياي وياها  كله  عرك ومشاكل وطبعاً هيه
الي تفتعلهن ليش ماادري  رغم انه مبتعدا عنهن كل البعد  ومتخذا وضع الصامت وياهن

ومثل كل مرة اطلع عد ثائر انه الغلطانة الحاقدة
الي ظالمة اخته  ويكمشني  يكطعني تكطع
هاي عادة  جديدة  بدت عنده من رجعتنا  اخته
لازم   كل  عركة انه انكتل منه  ويتركني مايجي
علينا يبقى يمهن

مرت سنه وسنتين وتلاثة  ونفس وضعي 
ونفس مشاكلي  بس الشيء الجديد  انه  حبلت
بس ماعرف اشون جنت ماخذا احتياطاتي
وحالفة ماخلف بعد
((بس قدر الله وما شاء  فعل ))

ودنيا خطبها ولد وياها بالكلية هيه اخير سنه
الها انخطبت وعقدت 

وجوانه صارت سنه  ثانية كلية
الي كل ما اشوفها بس تصفن وهادئه

مهيمن صار صف اول كمت  اخذ وياي للمدرسة
صادفت ايام شتا وبرد  الفة لف واطلعة وهما اخلي عد أمي لان حرك واخاف عليه  
بيوم طلعت  او مطر والشارع فايض حرت اشون
اعبر. اجه سيد عابر. مافت من يمي

:- صباح الخير أم مهيمن

:- عاين اله  صباح النور سيد  اشوف عيونة
كلهن حجي وحنان وتضرة عطف تارسة وجها
دنكت بحجة اسحب مهيمن

:- شنهي ماتعبرين  ،..؟

:- لا والله ماكدر شرف الماي واخاف عباتي
منا ومهيمن اشون نعبر  دنك شال مهيمن

:- لا اشيلين  هم تعاي.  راح اعبر على الطابوك
وانتي كضي   سترتي يالله

:- احس جسمي كله صخن من الخجل  مشى كدامي
وكضيته من سترته  وعبرت اعاين اشون  شايل مهيمن وانه ورا شبعت قهر شكت تمنيت  يصير الي صورة دماغي بهاي اللحظة حقيقي  هو ابنه وانه مرته. طفرت دمعة من عيني مسحتها  بسرعة كبل لا يندار ويشوفني  عبرني واشكرته منه كضيت ابني ورحت اركض خجل منه

كضيت ايام حملي  اكثرها اروح
يم امي لان اتخربط واوكع  ومنا الدوام ماينطون اجازة   كل  يوم  اشوف بيبي ام ابراهيم  تجي اشوفني

لو من ارووح لبيتي همات تلحكني  خطية تسأل عني كلش تحبني هيه  مرات اشوف بعيونها القهر من تعاين للبيت وللجهال  الي مرتبين كلي لازم انه اغسللهم  لو بعز اجويريد انه اسبحهم بيتي لو مجنزة  لازم  كليوم الم افراشة واغسلة والمعة
تلمع

سويتلها جاي وجنت مسوية كليجة خليتهن بصينية
الضيافة وخذيتهن الها 

:- هلا بيبي نورتيني والله من تجين  وتقرين عليه
كل العافية اصير بيه

:- حبيبتي  آماسي   شلج بيه  الجاي
جده انه هسه ماشية  بس ضل بالي عليج  وجيت اشوفج اشون صرتي

:- لا الحمدلله  عدت فترة الاوحام وخلصت

:- والله يايمة لو شوفين مرت عابر لو حبلت  البيت
احسبي خاس وانه مابية خطية رحاب تجي اتنضف
الي  وتروح  والدور لو اجيب كله عابر مبتلي بيهم
وهمات ما راضية  ذبتهم حضانة ماترضى تاخذ اجازة من الدوام. وهو مايخلي بخاطرها كلش

:- اخخ  بداخلي اتحسرت على زماني الاغبر
يالله شسويلها انتِ ماتعرفيها هذا طبعها بعد

:- اي والله ياجده انه اكوم امشي هم يالله

:- سلمت عليه وطلعت وحماتي بالباب واكفة
من شافتها  ركعت  باب المطبخ بوجهنا شكد عيب
المرية تعرفهن  ماحجت خلت وراحت

.......

طبيت  بالتاسع  وماعندي طلوكة  رحت للدكتورة

- ماما انتِ  بيت الرحم  مالج كله دوالي ماتكدرين
اجيبين طبيعي ينفجر  راح احولج عملية افضلج

:- خذيت  الوصفة وطلعت  بوجهي لا أم السلفة اتفقت وياها اخذها بشهري  لان منو  ينطيني
خما اضل على خالتي  بيداء  لو ابوي  لان ثائر
كلش معزل مني وماله دخل بيه راتبه وصرفة
كله لـ امهاته انه خارج قوس. البيت انه الي
موكفته مو هو الصرف الاكل المريض  كله عليه
يعني  هو اسمه رجال بالبيت وبسسسسس

انه خذيت اجازة امومة
لميت غراضي  وخذيت جهالي  ردت اطلع اروح
يم اهلي دكيت باب العازل بينه لان هو ماشوفه بس
وكت اليل وبس. طلع  طلعلي

؛- هاا آماسي خير  ...!

: - اكلك انه باجر راح اسوي عملية  وراح اروح
يم اهلي تجي باجر للمستشفى لا خاف
يحاتجونك

:- الله كريم عود منو يروح وياج خله يتصل بيه
اذا احتاجوني واجي الج

:- صفنت بوجها  بقهر والله لو بيدي اهفك
باطبوكة واخلي دمك طشار  عفته واكف ودرت وجهي
وطلعت لا كال منيلج فلوس  لا كالي شمحتاجة
امشي  والدمعة تركص بعيني  تضحك عليه
هيه ودنيتي. رفعت راسي بقهر  وعاينت للسما  ربي ارحمني  ماريد شيء منك بس انصفني وبس  وصلت لبيت  اهلي  واكف عابر يتباوع عليه حسبالة اسلم
درت  وجهي منه ودخلت  للبيت   راحوالجهال يركضون  لاابوي الكاعد بالصالة  سلمت  عليه
ودخلت يم البنات  كاعدات يقران. اشونكم
طبكت الكتاب دنيا

:- هلا  بيج اشونج

:- زينة على الله چا وين امي

:- جاي تخابر على حبوبة مريضة
اكلج شنو اشوكت اجيبين

:- باجر ماشوفيني جايبة غراضي كلها  راح اولد عملية

:- لا صدك ليش  ،،،!

:- كومي  ختام جيبيلي ماي.  عندي  عارض
برحمي موزين عليه الطبيعي  اكلج شمالها جدتي

:- ماعرف بس سمعت من أمي كلش
مريضة

:- يا سودا عليه  اكوم احجي وياهن
عفتهن وكمت لكيت امي تحجي
ريه خالتي
خذيته منها وسلمت عليها
كالتلي ذبحة صايرة عدها وحالتها كلش موزينة
سديته منها وسولفت لاامي باجر اجيب
بتت عدهم ومن الصبح كعدت حضرت روحي
وخذيت الجنطة وطلعت للطرمة  انتضر امي
لا يكعدون الجهال   لكيت ابوي
جاي يخابر  او وجها صاير دم ومقهور
سد التيلفون وانداري عليه  هاا بوية شكو اشبيك

:- والله يا بتي جدتتج

:- ايي اشبيها ...؟

:-  راحتلج فدوة 

:- ردت اعيط ركض ابوي ايدي وكالي

:- لا تهبط امج كليلها  مريضة خلها  عِدي
ياخذها

:- طلعت أمي  شافتني ابجي احت تركض عليه

:- هاا يمة شمالج. شصاير

:- اختنكت لا مابية بس جدتي شذرة  متخربطة انتِ روحي الها اندارت على ابوي 

:- اشبيها  أمي قيصر
:- مابيها متخربطة روحي عِدي ياخذج

:- اي اروح بس انتِ آماسي  اشون يمة

:- دنيا تروح وياي روحي يمة 
صدك  خذها عِدي وراح وانه راح وياي ابوي ودنيا
وخوي من باجي حسنه حسين  كال انه امشي وياكم
ماعوفن آماسي وحدها

خذوني ورحت للمستشفى بس انه متت بجي
دخلوني للعمليت  جبت
من صخيت ضلت دنيا يمي اداريني  جبت اثنين
بنات تؤم  سماهن أبوي سما وسرى

اتلث ايام وطلعت للبيت بس انه صرت
صفرة من القهر مات جدتي ولا رحت ولا وصلت
الي اربع اتيام وخابر ابوي على أمي
كلالها تعاي بتج هاي وحدها وانه راح اسافر

ثائر مرلي يم اهلي شافني وراح لاجت امه ولا اخته  اجت امي سودا عليه  كلش منتهيه  مريضة السوفان. دمرها  ومنا حزن جدتي 

عدتيت عشرة ايام  بالموت جهالي صايرين وكحين ومنا
اخوتي يدرسون ومايتحملون صوت  بس شلت
خيط العملية خذيت حهالي ورجعني عمار للبيت وراح

طبيت لكيته زبالة كضيته كله تنظيف وترتيب
وانه كلضة عمليتي واشتغل وهاي التؤم  تلكع  بس تبجي  طب ثائر سلم عليه عادي وراح لامهاته 

اتباوع الثلاجة فارغة وغدة ماعدي اسوي ولا هو
كال اجيبلج غده  نفسه اشونج ابد. همزين اندكت
الباب وطلعت لكيت  اخوي جاي وبيده صينية غده
خذيتها منه وراح

غديت الجهال واته ورحت نمت

مشت ايام واته مشلوشة بالتوم ومنا ولدي اثنيهنم
راحت امي للاربعين مال جدتي شكد تمنيت اروح وياها بس ماكدرت منا  الجهال

كام كل شهر يجي عابر ينطيني الرتب من الباب
ويروح  الي المفروض زوجي هو يروح ايجيبه الي
انه خليت مانع حمل وحلفت بعد ما اخلف
ابد ابد. ولا ريد منه جهال

كضت ايام النافاس مالتي وخلصت اجازة الامومة
الي صارت سنه  على اساس باجر اداوم. انه. جاي ابدل للجهال  لان مسبحتهم   انفتح الباب ودخل عدي

:- اشونج اموسه

:- هلا والله. اشونك تعاي اكعد   كعد وسحب
همام بحضنه

:- اكلج  امي دزتني عليج  دكول  سيد عابر
كايللها ناقلينج انتِ لو لمدرسة  بالولاية  السلام
لو وحدة باطراف المدينة انتِ تختارين

:- ياا ليش هاي من شوكت

:- ماعرف اليوم كالنا

:- كمت  لبست عِباتي  اكلك ضل هنا بس اروح
اشوف. السيد وارجعلك.

:- روحي انه اضل هنا

:- طلعت  لبيت اهلي  لاكتني أمي
يمة صدك كالج السيد انه منقولة

:- اي والله اليوم من شفتة كالي  روحي لبيتهم
واسالي بلكي الله  يشوفلج حل

:- عفتها ورحت لبيتهم دكيت الباب طلعلي ابن
عابر.  جان عمره ٣ سنوات وين بابا  اشرلي جوا
دخلت وصحت باسم مرته  جاني صوتها تعاي فوتي

جان عابر كاعد وهيه واكفة فوك راسه  سلمت عليهم
:- سيد عفية صدك انه منقولة

:- اي والله انقلتي وانتِ عليج تختارين يامدرسة

:- بس اشون انه ما اكدر اروح يم استاذ  تحسين
هذا ملش متششد ويخوف حجت مرته

- خوش تعاي ويانه  بالمدرسة الي اداوم بيها بطراف
الولاية  ابوي  مدرس هناك  وتعرفي انتِ  وانه وياج مدرسة هناك

كال عابر
:- اي والله احسلج  وهمات اتروحين وتجين ويه هبه
وانتِ تعرفين ابو صامد  ابوها خوش مدرس وانه اسويلج النقل لا اشيلين هم

:- هاا يعني انتَ اشوف هجي سيد احسن
خلاص من باجر ابلش  وياكم اي انقلني وانه كلش ممنونة منك  لو مشيت ابمعاملة النقل سلمت عليهم وطلعت 

داومت اول يوم جان المدير  جيرانه من المنطقة وعندا
سيارة  ستاركس  وياه كم  مدرس رحت  وياهم
مر كم يوم  وانه  تعبت  لان ياهو الي يروح 
اجلب وياه  دخلت  جانت مرت عابر واربع معلمات كاعدات

:- اكلج ست هبه على مرت عابر  اريد  اروح
وياجن لان  مالكيت  خط بس  المدير  وكلها مدرسين وياه  وبكروتي اصعد وياكم

:- لا والله عيني مانكدر ابوي يكول ماكو مجال
ولا نكدر ناخذها ويانا. وبعدين احنا مانريدج
ويانه  تصعدين

:- ليش ترى بكروتي ومكان فارغ انتِ وسيد احمد
مو كلتيلي اصعد وياج

:- كلت الج اعتذر منج

:- عافتني وكامت. الوياها نبت

:- اكلج آماسي ترى ماكو داعي انتِ كاشخة
هجي  قابل مدرسة وكعبج يطك

:- سكتت ماحجيت وياهن عرفتهن يغارن. مني لان مرتبة  عاينت على هدومي مستورة  ومرتبة وعبايتي على راسي  رحت  للمدير دكيت الباب ودخلت

:- من رخصتك استاذ انه اشون بيه اضل
انه هجي لا خط ولا شيء  محد يقبل اصعد وياهن

:- لا اشيلين هم امشي ويانا  من اليوم منا لما
الكه  سيارة  جبيرة  وكلكم  اجمعكم  احسن 

وصدك بديت  اروح او ارجع وياهم وهنا كل
حقارت الكون بيهن بنات الشِنافية يشوفني اصعد وياه
الزلم  وهنا سيارتهن كلها فارغة

رجعت من الدوام   كبل لا ابو المسواك اسوكت
ورحت للبيت هدوء مهيمن  وياي  وجهالي  يم  أمي
جبتهم  واجيت   للبيت دخلت والكه
الصالة كلها دود  والحديقة والترك ذبيت ملابسي
وطلعت جبت من جيرانه سمنت عدهم بناء استغربت
ماكو صوت  اليوم وين رايحات 

طميت  كل الازروف بالبيت مالت النمل
وجبت نفط ورشيت بالحديقة  جانت مبردة مالت
غرفة عَمتِي  بالحديقة كلت قبل لا يرجعن الريحة رايحة

كملت شغلي وغديت الجهال وانه  سبحت وبدلت
وكاعدا انتضر ثائر يجي طبن هنا سمعت صوت
الباب  اشوية وسمعت عياط

رحت اركض الهن واشوف عمتي تكح وتريد تتقيئ
بس ماتكدر كلش صارت  بس امبينه تنثل لان ماكو
ريحة نفط بالبيت ولا بالمبردة يعني قليلل كلش

:- هاي شكو سميه اشبيها عمتي اندارت عليه

:- اشبيها عيني كح.... ساق..... صايرة شريفة
حنطية  حنينة وجاية اشوفين اشبيها فوك ما دايرة
نفط باالمبردة مالتها وتردين تموتيها كح....  انعل
ابوج لاابو

ركضت عليه وملختني من شعري حسيت راسي
انشلع بيدها  دفعتها وعطت

:- كافي ترى عيب عليج تغلطين والله ماذابة
بالمبردة  ذبيت للنمل لكيت البيت مليان ملي
والله مامتعمدة. طب ثائر

:- شكوو اشبيها أمي

:- مرتتككك عيني تريد تموتها. مخلية نفط
بالمبردة مالتنه

:- هو دفعني وراح كومها واخذهن وطلعن وانه ضليت احجي وحدي  احلفالهن محد يصدك

راحوو  وين للعصر  وهما مارجعو ادك عليه  كالي مابيها شيء وسدا اشوية  وين لليل

وهو طب كالب الوجه 
كمت اتلكيته
:- هاا ثائر چا وين عمتي شصارلها
عاين عليه صفح

:- مالج شغل بيها وامي ضلت عد بيت عمي
ياسر وخري من كدامي

:- دفعني لطخني بالحايط وراح للغرفة

ثاني يوم ماداومت  صادف جمعة
بس ثائر طلع من الصبح  لـ أمه
اشوية  او سِميه دفرت الباب وطبت للبيت
وراحت  اتلم بغراضهن صعدت للبيتونة بيها كم حاجة
الهن نزلتهن. انه  رحت الها

:- شكو سمية عمتي وين وانتِ شجاي اسوين

:- امشي ولي من وجهي جلبة بكل عين صلفة جاي
تسأليني شسوي  امي جا ماتت من وراج

:- عطت بيها دكافي تغلطين موطكيتيها  لروحي
جاي اكلج مامتعمدة  النمل كلانة وذبيتله وبعدين
الريحة راحت ضلت قليل منها شخبصتن الدنيا

منها حجاية ومني حجاية كبت العيطة وكامت تعيط
وملختني من  اسي وتولتني صفك وتعيط
:- يبووووووووووووووووو يانسسسس ياعالم
الحكولي راح تموتني.

:- دفعتها وردت اضربها
كامت ولطخت باب المطبخ عليه. وهو بيه جام
ردت ادفعة وهيه تدفع اتكسرت الجامه بيدي
وعطتت من الالم لان ايدي اشككت وهي مستمرة
تعيط فاتت الجيران تركض حسبالهم احتركنا شرف اشبينا
انه رحت اركض للغرفة لان ايدي تنزف وثوبي كصير دلع
لبست عليه  ثوب  وشال  وطلعت واشوف ولد عمي
ياسر هما ونسوانهم لان هما ايصيرون ولد خالتها
هادين  عليه   وثائر وياهم  هاد
وهي تعيط دكلهم اتريد تذبحني

ولم يبقى  للحكاية الا القليل  ...................

ءء