وفضل الشات بينهم يوم واتنين وشهر واتنين
ومحدش ابدا عرف انهم بيتكلمو لا الاهل ولا
حتي اصحابهم وصداقه الطفوله بدأت تتولد من
جديد واقوي حتي من صداقه الطفوله بس كانت
صداقه بس يعني مفيش اي حب او حتي اعجاب
من اي طرف وفضلو علي الحال ده حوالي سنه
وطبعا كان في بينهم كلام كتير لدرجه انهم كانو اي
وقت فراغ يتكلو فيه ويفضلو سهرانين مع بعض
طول الليل لحد مجلهم تخلف عقلي بس عادي
كلو يهون علشان الصداقه بس هما الاتنين كانو حافز
لبعض اذا كان في الحياه او في الدراسه او غيرها
بس معقول بعد الوقت ده كلو مفيش حتي اعجاب.
تعالو نشوف كام موقف ونقرر .
عبدالله: صباحو يا قمر.
كنزي: صباح ايه بس ده الساعه 11 بالليل.
عبدالله: خلاص يا ستي متزعليش.
عبدالله: مسائو يا قمر.
كنزي: هاها ظريف.
عبدالله: يوووه انا زهقت من الشبكه الزفت دي.
كنزي: احنا عندنا الشبكه عشره علي عشره.
عبدالله: يا بختك يا رب ميحطكيش في مكاني ابدا.
كنزي: ايه ليه.
عبدالله: بصي يا ستي.
عبدالله: انا رجل علي الرخامه ورجل علي الرف أللي
فوق الرخامه وايدي باقي شويه وتلمس الصقف وكل
ده علشان الشبكه تكون كويسه علشان اكلمك.
كنزي: كل ده ده انا قاعده علي الكنبه ومرتاحه اخر
راحه.
عبدالله: علشان تعرفي انتي مهمه عندي قد ايه يا
شوكولاته.
كنزي: شوكولاته !!!.
عبدالله: ايوه شوكولاته.
كنزي: ايه شوكولاته دي.
عبدالله: انتي يا شوكولاته.
عبدالله: ايه مش حلو.
كنزي: لاء حلو بس غريب.
عبدالله: ما انتي عارفه اني بحب الحاجات المميزه
وانتي مميزه عندي .
كنزي: ماشي يا عم الرومانسي بس بقولك متبعتلي
صورتك بجد عايزه اعرف صاحب الشخصيه الروعه
دي شكلو ازاي .
عبدالله: ما احنا كنا نهينا الموضوع ده من زمان.
كنزي: بس انا متشوقه اشوفك اوي.
عبدالله: وانا اكتر بس خليها لما نشوف بعض في
الحقيقه هتبقا اجمل.
كنزي: ماشي😒 .
عبدالله: لاء كده شكلك اديقتي.
كنزي: لاء عادي.
عبدالله: لاء ميهونش عليا زعل الشوكولاته ابدا......
خلاص بقا اسف اسف اسااااااافففففف.
كنزي: خلاص ماشي.
عبدالله: خلاص صافي يا لبن.
كنزي: حليب يا قشطه.
كنزي: طب ياله تصبح علي خير علشان انا هموت
وانام.
عبدالله: بقا كده بتسربيني ماشي.
كنزي: لاء ابدا والله.
عبدالله: خلاص تصبحي علي خير.
كنزي: وانت من اهلو.
عبدالله: ❤❤❤.
كنزي: ايه ده.
عبدالله: انتي شايفه ايه.
كنزي: قلوب .
عبدالله: خلاص تصبحي علي خير يا شوكولاته.
كنزي: استني بس .
عبدالله: تصبحي علي خير.
♕♕♕♕♕♕♕
ها عرفتو ده حب ولاصداقه الحقيقه انا شايفه
اعجاب كبير من جهت الحلو عبدالله ولا ايه رايكو
بس الاعجاب ده يا تري ممكن يتغير لو شافو بعض.
متستغربوش هما لسه مشفوش بعض ولا حتي في
الصور لان هما مستنين يشوفو بعض في الحقيقيه.
وكان عند كل واحد فيهم شوق لا يوصف علشان
يشوفو بعض بس الوقت مكنش مناسب ابدا بسبب
المدارس والدروس وبعدها رمضان والعيد وكده
فمكنش حد بيخرج من بيتو اصلا بسبب الحر الشديد
وتعدي الايام وبيجمع بينهم الشوق و...... 🙊.
صاحبه: ايه يا صاحبي بقالك فتره طويله متغير ايه
في ايه.
عبدالله: خلاص جت.
صاحبه: جت هي ايه أللي جت.
عبدالله: أللي سرقتو يا صاحبي.
صاحبه: انا مش فاهم منك حاجه خالص.
عبدالله: انا نفسي مش فاهم حاجه.
صاحبه: انت هتوهني ليه بقا قولي كده براحه في
ايه.
عبدالله: حاضر اول معرف انا في ايه هقولك علي
طول.
صاحبه: استني بس رايح فين.
عبدالله: مروح علشان بقت اونلاين.
صاحبه: ايه.....
صاحبه: هو يا انا اتجننت يا هو اللي اتجنن بس اكيد
هو اللي اتجنن..... انت ياض يا عبدالله استني....
استني يا مجنون.
♕♕♕♕♕♕
عبدالله: ايه يا شوكولاته مبترديش ليه.
عبدالله: بتكلمي مين يا شوكولاته.
عبدالله: يا قمر ردي.
عبدالله: يا عسل ردي يا بسبوسه ردي.
عبدالله: في حد هنا ردي يا شوكولاته.
كنزي: هاي.
عبدالله: هاي ده اللي ربنا قدرك عليه.
عبدالله: ماشي يا شوكولاته 😒.
عبدالله: لاء وكمان مبترديش برحتك.
كنزي: خلاص بقا اسفه.
عبدالله: لا واللهي دلوقتي اسفه.
عبدالله: روحي شوفي كنتي بتكلمي مين سلام.
كنزي: لاء استني بس واللهي ده كان واحد بيديقني
بس.
عبدالله: بيديقك مين ده قولي دلوقتي.
كنزي: خلاص انا خلصت الامر.
عبدالله: كنزي متنرفزنيش وقوليلي مين ده.
كنزي: صدقني معرفوش بس خلاص متقلقش.
كنزي: سايب وراك راجل يا قلبي.
عبدالله: يا ايه.... 😅😍😁
كنزي: لاء واللهي متفتكرش غلط انا كتبتها غلط
والله علشان متعوده اقولها لصحابي دايما.
عبدالله: غلط ماشي 😒.
كنزي: ليه انت كنت مستني حاجه تانيه او ايه.
عبدالله: لاء ابدا هكون مستني ايه غير الفرج والغدا
😂.
كنزي: ماشي.
عبدالله: بقولك ابعتيلي اسكرين شوت لصفحه الواد
أللي ضايقك.
كنزي: خلاص ما انا خلصت الموضوع خلاص.
عبدالله: ابعتي حالا ومن غير كلام كتير.
كنزي: حاضر يا فندم بس بلاش عصبيه علينا.
كنزي: 😅😅.
عبدالله: طب ابعتي .
كنزي: تمم.
♕♕♕♕♕♕
عبدالله: اهلا يا حلو.
الشاب: مين حضرتك.
عبدالله: حضرتي اللي هيخلص علي حضرتك.
الشاب: لا انت شكلك واحد مجنون.
عبدالله: انت لسه شفت جنان يا بن ال*** .
الشاب: متحترم نفسك ياض.
عبدالله: انت لسه شوفت قلة ادب يا ****
وكملو باقي الشات تهزيق وشتيمه وعبدالله مسح
بالحيوان ده الارض والسما كمان بس جدع وعرفو
مصير أللي يقرب من الشوكولاته بتاعتو بس ده
كلمها بس وعمل فيه كده امال لو حد قرب منها
في الحقيقه هيعمل ايه طيب كده وقبل ما نكمل
اي حاجه تحذير هام خلو بالكو يا شباب يا حلوين
لتموتو ناقصين عمر لو فكرتو بس تقربو من
الشوكولاته هتموتو فيها يا حلوين نرجع لقصتنا.
♕♕♕♕♕♕
كنزي: ايه يا عبدالله عملت ايه في الواد.
عبدالله: واد....واد ايه.
كنزي: الواد أللي دايقني.
عبدالله: ليه هو رجع دايقك تاني.
كنزي: لاء ابدا ده حتي جه واعتذرلي.
عبدالله: ايوه ما انا قولتلو يجي يعتذرلك.
كنزي: عبدالله متأكد انت قولتلو كده بس.
عبدالله: ايوه قولت كده بس ليه مش ب......
♕♕♕♕♕♕
صوتو وعلقو برايكم 🤗.
#بقلم الملكة❤.