اشونكم 🤚 حبايب عندي كم ملاحظة اريد اسولف وياكم بيها
نبدي
اول شيء اني القصة جاي اسردها مثل ما اجتني تمام يعني هاي الحزن والاحداث الي تقرأوها كلها واقع حال قسماً بالله شسوي اذا البنية شافت معاناة وحبت تنقلها الكم لازم بيها عبرة وتستفادون من بين الاسطر
شيء ثاني الي تعبت من القصة. ودكول حزينة براحتها بعد كلبي لاتابعها خلنها تولي اتركنها شسوي اذا القصة مابيها حب وسوالف رومانسية اني حتى لو يبقون كم متابع هم ميخالف اخلصها لان اعتبرها امانة. ولازم واصلها وانقلها الكم
ترى حتى اني نفسيتي تعبت من الي نقلته آماسي اليه الله يساعدها اشافت ضيم
يالله نبدي. ادري دوختكم 😊
داليا _ المسلم
الزنبقة _ السوداء
حلقة _53_💔
خفت منه من صار عصبي ومخنز بوجهي
حتى خشمة انفخ
نزلت رجلية وادنيت كضيت ايده
كتله لا لا بس انه خايفة منك ومحد كالي هاي الي سولفته الي. اجه كعد يمي وسحبني بحضنه وباسني بهدوء وضل يمسح على خدي
- تدرين انتِ حلوة خدودج حيل ترفات مايلوكلج الخوف عيونج كلها براءه
- خجلت من كلامة ولان صافن بعيوني ضليت مدنكة رجع رفع راسي وكام يوزع بوسات
على كل وجهي
- كومي ذبي ثوبج. ولاتخافين هذا شيء عادي
ولازم يصير لان شرفج وشرف ابوج هذا ولازم
ترفعين راسه
كمت سويت مثل ماكلي واجيت يمى اخذني
بحضنه بكل حنية
بعد ساعة وعدة محاولات ......
كام وهو تعبان وساكت لان ماصار شيء او ماكدر اني عندي عادي
لبس هدومة وطلع قبلي غسل ورجع
يحجي بهدوء
- كومي راح يجون اهلج ايجيبون الريوك
- اي سحبت ثوبي لبستة وطلعت للحمام سبحت
ورجعت هو طلع يم امه
كعدت أمشط شعري سمعت هلاهل. صوت مرت عمي سعيد. دخلت بوجها عليه. بوستني
- اشونج آموسه ليش ما امبدلة
عاينت لثوبي
- زينة الحمدلله چا شلبس غير هذا ثوبي ..!
- ياا لا ثوب الصبحية. شو خلي اشوف
- راحت فتحت الكنتور فارغ بس ملابسي وغراضي
التفت. اليه
- ياا وينه مامشترين الج لو شنو ...!
- اي باجي ماكو ماجايبن بس ملابسي الي جبتيهن انتِ وامي وبس
سكتت المريه وعوجت حلكها اجت خلتلي مكياج لان انه ماعرف ورتبت شعري
- أمشي امج كاعدا يم عمتج
طلعت وياها لكيتهن كاعدات بالمطبخ
- صباح الخير
- كامت امي بوستني وحضرت الصينية اليه
وخلتها كدامي وعمتي العورة ردت السلام
بطارف خشمها وتعاين عليه بطارف عينها
سميه نايمة هيَ وجهالها. مالها صوت الثور
تريكنا ومرت عمي لمت الاماعين غسلتهن
وأمي لا سالتني لا كالت انروح للغرفة ابد كاعدا
ماحركت ساكن كملن خلن وطلعن انه همات رجعت
للغرفة كلت اعزلها وانضفها دخلت وكلبت الكنتور جاي ارتب بيه ولحكني ثائر فات وقفل الباب
- تعاي آماسي عوفي الغراض وتعاي اريد اكلج شيء
التفتت اله وبيدي الملابس
- بس خلي الم هاي الهوسه و أجي
اشرلي وفتح ايده
لا تعاي حبيبة عِيفيهن من ايدج ،،
- عفت البيدي وأجيت يمه سحبني بحضنه
وهمات سوا نفس السوا وماكدر تركني واخذ المنشفه وطلع كمت انه لميت الغراض دخل لبس ملابسة وطلع
كملت ورحت سبحت ورجعت كملت تعزيل الغرفة ورتبتها كلت وبن اروح وهو ماكو
لفيت راسي ونمت لان مجاي اشبع نوم وانوب اشتاقيت لبيتنا واهلي
هو مارجع بعد ما كعدت منا لما اندك الباب رفعت راسي واحس معدتي خاوية من الجوع اباوع من البردة صاير اليل كمت فتحت الباب
عمتي
- صح النوم عيني ماسوين عشة لحِماتج
خطية مالها خلك والبيت وصخ همات شني ماشبعتي نوم
- صفنت بوجها هاي شجاي تحجي بعدين
كلت الها صار عمة. طلعت وراها . لكيت سمية
كاعدا بغرفة امها وجهالها يتكامزون يمها
تلفزيون ماعدهم غراض ماعدهم كاونتر مزنجر
وطباخ ومبردة تعبانة مخلينها بغرفتها
بس مالتي جديدة وبوفية مال عمتي وبس
والصياح والعياط. مال جهالها عاينت بوجهي سميه ورجعت دارت وجها مني. طبيت للمطبخ اماعين الغده مكومات على المغسلة اصلاً محد دك بابي وكالي تعاي اتغدي
سرفنت ارداناتي وبلشت تعزيل وطلعت بيتنجان
وبتيتة سويت تبسي وتمن. وغسلت المطبخ
جلفته جلف كلت باجر اجلف الجداري
زرك طب ثائر سلم عليه ويبتسم شايل بيده
علاليك . مسحت ايدي ورحت يمة همسلي
- اشتاقيت ترى هاج هاي الج جبتلج حلويات
وذني لجهال سميه
- ضحكت وخذتهن منه. بالعافية عليهم
باسني بخدي وراح لغرفة امه كملت شغلي
وصبيت العشة وانه جنت جوعانة خليته بالمطبخ ورحت صحت الهم
طبيت للغرافة دخل وارية ثائر
- تعاي اتعشي شنو ماجعتي
- لا بس اسبح لان عركت واجي اتعشة وياكم
ما ابطي عافني وطلع طبيت سبحت وطلعت الخاولي على رأسي. كلت اكل وامشط
دخلت للمطبخ كاعدين ياكلون. اجيت اكعد ماكو
مكان سوالي مجال ثائر ودفع ابن اخته اشوية
- تعاي هنا يمي ...
- رحت كعدت وسميه مكابلتني وتخز بيه لان دفع ابنها اشوية احس الاكل طلع زقوم علية
وهاي حياتي بدت. وياهم من اول يوم
كله كره وضغينه احسن من نضراتهن يردن
يفترسني
من ثاني يوم العرس يتريكن وثائر
يتريك وياهن كمت اكعد انه اريكة واحضر ملابسة وادخل وياه للحمام اسبحة وارجع انام يطلع للشغل اشتغل بمحل نجارة صانع
وهنه يتريكن و ينامن وينتضرني اكعد انضف واسوي الغده وانه كمت اكعد اتريك وابلش بالغده
وانضف واعزل العصر يطلعن لبيت عمي ياسر مايجن منا لليل ولا يحجن وياي اي شيء ولا باركلي عايشه ويه خرسان مدري حرب نفسي
يحاربني
ماعرفت شنو عُروس ولا عروس
مرتاحة ولا دلال كل هذا ماشفته الي جنت اسمع
عنه ايسوو للعروس
للسبعة كبل ابيوم. لبست ثوب نوم ومكيجت مثل كليوم
وضليت انتضره. يجي راح لبيت عمي كال
اجيبهن واجي
جان عندي تلفزيون زغير ابو الجنر اسود وابيض بالغرفة. مخلي اليه
شغلته وضليت اتباوعلة انفتح الباب دخل ثائر
كمت اتلكيته وبسته هو علمني كالي اريد من ادخل واطلع ابوسج نزع ملابسة
علكت اهدومة واحجي وياه
- كوم اسبح حضرتلك الحمام
- اي والله تعبان. تعاي ليفيلي
- صار روح كدامي وانه الحكك خذيت المنشفة ولحكتة. سبحته وكمل وطلعت قبلة حضرت العشه. وصبيته ودخلته للغرفة وهنه يتباوعلي ويتبسبن ماعاجبهن عفتهن مارديت الهن. طلعتلة تراكسود وداخليات طلع لبس شورته وكعد على الجرباية . سحبت الفانيلة ولبستها اله ونشفت شعره ورشيتله عطر وهو يعاين بوجهي حضني وكعدني بحضنة وضل يمسح بخدي
- تدرين آموسه. شكد احبج
- ابتسمت بخجل وضميت راسي بصدرة همست
لا ماادري
- شو عايني بوجهي اموت عليج مو من هسه
لا من زمان انتِ جنتي حلم مستحيل يتحقق عندي
من انتِ ازغيرة وانه عيني عليج حبيتج. وشكد
دعيت الله اصيرين اليه بس مع هذا. جنت
فاقد الامل اخذج
- ليش يعني ..!
- اول شيء لان عمي زنكين وانتن عايشات برفاهيه مومعقولة ينطيج الي انه الكلشي ماعندي غير يوميتي ولاتنسين انه اكبر منج
بهواي
- انه مايهمني العمر اهم شيء اداريني
وتحتويني ولاتهملني وتعاديني اريدك سند الي
ضحك
- خلي اصلي. ونتعشه
- وخرت منَه كام صلَه وبعدها تعشينة وكمت سويتله جاي شرب واجيت يمه نومني بحضنه
..........
واخيراً فضت كام باسني براسي وعلمني شسوي وراح يسبح كمت انه همات لبست وطلعت ورا
سبحت
ثائر حنين وهادئ. وملتزم بصلاته ماعندا
سوالف مكسرة رغم ما هو اكبر مني بس يكلي
انتِ اول تجربة بحياتي ماعندي غيرج تجربة
لهاذا السبب تأخرنا يالله صرتي زوجتي
بس بالدور الاول والاخير عندا امه واخته على غلط على صح هو وياها مايكسر بيها صار
ثاني يوم السبعة اجاني ثائر
- كومي بدلي انروح لبيت اهلج نتغدا يمهم ونجي
- وعِمتي سميه مايجن ويانه ...!
- لا مايقبلن بس انه وياج نروح راح انتضرج براه
- كمت بدلت ولبست عِباتي ورحنا لبيت اهلي
اتلكوني اخوتي كلهم بوستهم حسبالك صارلي سنه ماشايفتهم تغدينا وابوي اجه من شافني
- هلا بوية آموسه تعاي
- حضني وباس راسي.
- اشونج اشونهم وياج
- الحمدلله بوية زينين لحد هسه ماكو شيء
- الله كريم دوم ان شاءالله مرتاحة
- طلع من جيبة ١٠٠ الف وخلاهن بيدي كال هاي مال صبحيتج. مادزيتهن بيد امج وكل شهر الج مني راتب ٥٠ الف يوصلن الج خوش
- مشكور بوية ربي يطول عمرك ماتقصر
كضيت النهار يمهم لليل رجعنا. أمي خلتلي عشه
لعمتي وحماتي لان ماجن طبينا البيت اضلم وبس غرفة عمتي بيه صوت وصوت تلفزيون
ثائر راح لاامه واخته وانه
ذيت الاكل بالمطبخ ورحت للغرفة اعاين التلفزيون ماكو مالتي. سكتت ماحجيت شسويلهن خطية يجوز ضاجن وخذنه سكتت
اسبوعين
طكت روحي محد يحجي وياي اكضي نهاري شغل منا لما يرجع ثائر والتهي وياه ولا عندي تلفزيون
هو شافة خذنا وسكت ماكال شيء
كاعدين نتعشة بالغرفة
- اكلك ثائر
- كولي حبيبة شتردين
- اريد تسحبلنا خط تيلفون مرات اشتاق
لااهلي أمي وبنفسي احجي وياهم هل التشوف
وحدي واطك روحي لاعِمتي لا سمية تحجي وياي
- انتِ آماسي اتقربي منهن ليش عازلة روحج
أمي دكلي والله نموت عليها بس هيَ مبتعدا من عدنا
- انه لا والله بس كلما اكعد يمهن يعوفني ويكومن
اسال محد يجاوبني احجي محد يرد عليه كلي شسوي
- لا اسوين اتركيهن انتِ بحالج وهنه بحالهن ماطول هيجي وان شاءالله اسحب خط. بس مو هسه خل
اوفي المبردة واسحب عود خط
- لا ليش انتَ مطلوب انه عندي فلوس هواي جامعة
مال عرسي اخذهن وفي المبردة واسحب خط
- خوش الله كريم چاا باجر اروح واقدم
وصدك
منا الى ٢٠ يوم سحبنا خط تيلفون وفينا المبردة
اول ماخابرت اهلي وفرحانه بي واجه عمي ناصر من لندن وكعد يم اهلي
كليوم أمي ادك تسال عليه دكلي ابوج يكول كل يوم تخابريها واشوفيها شمحتاجة
- مامحتاجة يمة عمي اشونه
- الحمدلله زين وسال عليج. خله ثائر ايجيبج
ويجي شوفو البارحة من سأل عليج كلت اله زوجها ماعندا وضيفة يشتغل بيومية او مجار
بيت وهي كملت سادس لو تحاجي يخليها
تكمل كلية معهد معلمات همات راتب ايفيدهم
اثنيهم كال شكو بيها خلها ترجع وكل التكاليف عليه
وانه اساعدهم منا لما تخلص وخلهم يروحون
للنجف ابيت ابوي الكاعد بي سعيد
- مااعرف علوا يقبل غير ايصير عندي عيد اليوم احجي وياه بلكي الله ويقنع
- ان شاءالله. يالله حبيبتي اروح انه
- الله وياج سديته منها. وطلعت لكيت عمتي وسمية
كاعدات يتغدن انه ماتريك من وكت متأخرة فما
اكل منا لما يجي ثائر. سحبت الكرسي مخلينا بالمطبخ وكعدت. يمهن
- اكلج عمة خابرتني أمي اسلم عليكم
- اي الله يسلمها خير اكو شيء
- لا بس عمي ناصر جاي وامي كالتله لو تكمل
آماسي دراستها واتفيد بيها بيتها حرامات درست وتعبت
كال خلهم يروحون للنجف ابيت جدي الجبير شو فارغ بس عمي سعيد ومرته وهمات اكمل دراسة
شعدنا هنا بس انه وياج وثائر وكل المصاريف عليه منا لما اخلص
نطت سميه
- لا عيوني أمي ما تعِيف بيتها ولا تعِيف الشِنافيِة
ابد تردون ترحون انتم روحو وحدكم
(صفنت عليها انتِ شدخلج بالله متولين لبيتج)
- لا تدخلين انتِ سميه عيب عليج اشون اعِيف عِمتي وبعدين احنا عائلة وبيناتنا نصافة
ونقرر انتِ لاتدخلين شالت الخاشوكة وركعتني بيها بس مااجت بيه صارت بالحايط
- شنو مااااااالي شغل شنو مااادخل أمي واخوي
البارحة اجيتي كمتي ادورين تفرقة بيناتنا
- كمت وكفت وهيَ مستمرة تغلط وتعيط
اسمعي انه مالي شغل وياج ولا ارد عليج
يجي ثائر والراي راية عفته تلغي
ودخلت للغرفة طبكت الباب وكعدت اسمعها تعد وصف
وتغلط وامها عمي جاباها من الكح.... وبناتها مثلها وووووو ماخلت ماحسيت بس من دفرت الباب ودخلت الي
- اسمعي ولج انتِ شبيج ويانه رافعة خشمج
وشعدج ويانه كارهتنا وادورين مشاكل أمي ماتطلع من بيتها فهمتي لو لا
كمت عليها
- كافي عاد ابتليت حجيت انه الحجاية يجي ثائر
وهو يقرر وهسه من رخصتك ممكن تطلعين وسدين
الباب
- هاا اطرديني من الغرفة انعل ابوج لا ابو امج
الكح.... البرب.... انه كاعدا ابيت الخلفوج
- شالت النعال وضربتني بيه وضلت تغلط وتعيط
- انه صدك كلبي احترك من ضربتني. كمت دفعتها
وضليت ابجي وطبكت الباب ابوجها هي كصيرة وسمينه وعدها اشون الحدبة بضهرها
ضلت اتعد واصف وانه ضليت ابجي
اشوية وصار هدوء انه بعد ماطلعت ضليت كاعدا
اشوية وكمت طلعت سويت غده الي ولـ ثائر لان ماكلات كل الاكل وماكو لا هيَ ولا امها
كملت ورحت كعدت اصفن للمغرب صليت وخلصت
دخل ثائر بس شنو كالب الوجه انه ماحجيت وياه
عرفته جان يمهن لان بيت عمي على الطريق مال بيتنا واكيد واكفين اله بالباب
حضرتله الحمام طب سبح دخلت اسبحة
ماقبل - عِيفيني انه اغسل
- عفته وطلعت حضرت العشه وصبيته
راح صلَه واجه كعد ياكل وهو ساكت
- ثائر اشبيك ساكت دريت بالمشكلة الصارت اليوم ماحجى سكت بس هز راسه.
- جيبيلي الجاي برا بالطرمة
كمل الاكل وراح كعد بالطرمة فرشت بيها منا لما تجي الكهرباء نبقى كاعدين خليت الجاي وكعدت يمه
اندك الباب كمت افتحة اندفع حيل ودخلت
عِمتي او وراها سمية وابن عمي زهير الي كل مره
يهد وراها
اجه عليه ويحجي بعصبية
- اكلج شعندج وياه سمية ليش اطرديها
- انه ماطاردتها ولاعندي شيء وياها
هو من شاف ثائر كاعد سكت كال هاي هيَ
وطلع زعلان
ويطبك مرض طلع وسديت الباب ورجعت كعدت
هاذا الحجي ثائر ولا نطق حرف اجت الكهرباء كمت سحبت الصوندا وترست المبردة مالتي ودخلت للغرفة بعد ماطلعت اسمع طكطكة فتحت الباب اشوية
وضليت اتباوع واشوف سميه صعدت للسطح
ونزلت راحت للهول رجعت لغرفة امها طلعت للمطبخ
وضلت فوك الساعة تفتر بالبيت ياا هاي اشبيها البت
الصبح كعدت. حضرت الحمام لثائر ورجعت كعدته رحت اسوي ريوك هنا مالهن صوت وباب الغرفة
مفتوحة. مديت راسي ماكو احد والتلفزيون همات ماكو سكتت ثائر اجه يتريك
- عِمتي ماكو رد وعو مدنك ياكل
- خذت سمية لعيالها
- اكلك ماخذات التلفزيون وياهن
- اي بالعافية خله تاخذا
- سكتت وهو سكت ولا علق كمل وكام. طلع للشغل
لاكال شمحتاجة شتردين كمت مثل كليوم
نضفت وسويت الغده طبت عِمتي كالبه الوجه
ابدون سلام كبل لغرفتها ونامت
صليت وخلصت ضليت وافتر بالبيت طكت
روحي من الهدوء اطب منا اطلع منا رحت اكعدها
- عمة ماتتغدين جانت متمددا
- لا ماريدن
- ليش ماجعتي
- لا...........
- سكتت وعفتها اجه ثائر وهمات ساكت
دخلت وياه سبحته وحضرت هدومة وهو ولا كان
ايشوفني
واشتغلت الحرب الباردة وياي البيت هدوء
هما موجودين لا نفس الشيء محد يحجي وياي
حتى ثائر زعلان على زعلهن
دزالي ابوي بيد أمي شهريتي ما
تجي هواي تخاف من لسنهن. خطية من
تجي ماتخلي مااجيب وياها وتروح
مر شهر وسميه مابينت الضاهر زوجها ما سافر
لان هو تاجر يسافر ايجيب بضاعة ويرجع
فهيَ تكضي الشهر يمنى
طفت الكهرباء يومين والبيت نار صار مدري انه محترة المغرب وندك الباب طلع ثائر
وطبت وياه سمية سلمت
على امها واخوها ودخلت للغرفة انه واكفة ولا عبرتني
هو شافها ماسلمت سكت وراح يمهن كعد
لليل بعد العشة طبيت للغرفة حارة. بس الطرمة
بيها برودة لان بداية العاشر دخل ثائر
- شمالج تحوسين ..!
- حارة ثائر احس جسمي مشتعل نار اجه
حضني
- ليش شو اشوف ضل ايهفي الي ويضحك
- انه اشوفة اشون فرحان لان اجت اخته
وجها استبشر چا اشبيك كليوم حظي كالب
الوجه ماحجيت شيء
- امشي نصعد فوك للسطح
- خذاني وصعدنا للسطح لكيت
فراش فوك بالبيتونة هنه اينامن بيه.
فرشنا ونمنا لنص الليل بردت حس عليه ثائر
كام جاب بطانية من ذني الفوك وغطاني وسحبني بحضنه. انه بس شميتها لعبت روحي
بساع كعدت. وكمت اتقيئ هو كام يركض جاب ماي وغسل وجهي
- شمالج يمعودة
- مابية بس روحي كرفت شميت ريحة موطيبة هنا
رجعت نمت بس خليت خشمي بصدر ثائر حتى
لاتلعب روحي وما غطيت روحي للنص بقيته
ثاني يوم من خلصت شغلي كضيت
الفراش كله وغسلته. كلها دواشكهن وبطاطينهن
كلها وشريتهن ونزلت هنا ماكو طابكات الباب
وصابات غِدا الهن
اجه ثائر وصبيت الغده وهو ساكت مرات احسن بيه صار اخرس كمل وراح اينام
غسلت وبدلت لبست ثوب نوم واجيت يمه
مددت بصفة
- اكلك ثائر اريد اجيبلي تلفزيون ودش( ستلايت ) بالاقصاد
- ان شاءالله بس خلي اخذ شهريتي وانطي مقدمة
- لا انه عندي خير من الله اخذهن وانطيهن
- خوش باجر خلي الفلوس على الميز لاتنسيهن
- وسكت بعد كلام مانطق اجيت فتحت ايده
ونمت عليها دفعني على كيف
- بس ايدي خدرانه نامي على المخده
- فشلني وخرت ونمت ليغاد منه وهو انطاني ظهره
ونام
هو سالفة
اكمل دراسة غلس عليها
بيوم تعبت حيل وصالي شهر وتص من ازوجت
- ثائر وديني للدكتورة بعد مابية تعبانة
- حضري روحج ابدا ونطلع
وصدك خذاني طلبت الدكتورة تحاليل
حللت. وخذيتها الها. كالت حامل
فحصتني طلعت عندي التهابات
وكتبتلي هواي علاج اكثرهن ابر
من طلعت كلت اله هو فرح وكام يضحك
بس انه الصدك مافرحت. ابد ماعرف ليش
رجعت للبيت عِمتي كالعاده ماكو رايحة لبيت
اختها. من اجتي كالها ثائر
فرحت وهلهت مامصدكة
وهيج مشت ايام حملي . اتقيئ واتخربط
اريد احد الي يعتني بيه ماكو فرحتهم يوم ونص
وبعدين محد بحالي
بنفسي يجي يكلي شمشتهيه
ماكو چا وين حبك احبج واحبج
وفرحان بالجاهل
- كمت نضفت البيت بيه مابية اجه هو
وجايب مسواك كم كيلو مو هواي. ذباهن على
السنك وراح جوا كبل لغرفة أمه
انه خليت ودخلت للغرفة مددت على الجرباية
دخل ايبدل انداريت عليه
- ثائر وديني لااهلي تعبانه هناك أمي اداريني
- ليش شمالج مو جاي تشتغلين وتفترين انه منو
الي هنا
- امك هنا واختك راح تجي انه مريضة دخلت عِمتي لان الباب مفتوح وسمعتنا
- اي انتِ سمعتي سمية راح تجي وانتِ كلتي
امشي احسن
- عدلت كعدتي
عمة وانه شدراني بيها جاية هيجي حجيت
عليك يالله وهسة زوجها سافر اكيد راح تجي
- اي روحي هناك ارتاحي همات هوسه وجهال
وانتِ حبلة. روحي حبيبتي
- هو سكت ماحجى كمت اصبلة اكل لحكتني
عِمتي هو جان يتوضى ايريد ايصلي
- روحي عِيفي من ايدج انه اخلص ابدالج الشغل روحي مددي حبيبة روحي
- ضليت صافنة عليها اشون تتحايل كدام ثائر
وطلعتني انه الي اتعاير ماحجيت شيء هو هز
راسه ودخل للغرفة عود الحكيني
وصدك للعصر خذاني وداني وصلني
بالباب وراح مادخل. فتحت باب اهلي ودخلت
الولد كاعدين بالطرمة وامي وخواتي من شافوني
ركضت ختام لحضني وضلت اتبوس بيه
وللحكاية بقية حبايب ...........