داليا المسلم
الزنابق السوداء
حلقة _49_
سمعت هلاهل مرت عمي تهلهل ذبيت الجفجير
من ايدي ورحت اركض اشوفهم وكفت بالباب
اعاين فرحانين نصهم
ونص الوجوه مجفاية مدري اشبيهم كام احمد اوبوس جدي وابو وابوي باركو اله وهو ضايج
وسميه كاعدا فرحانه باركت الها امي وامها
صحت دنيا تعاي اشرت الها تعاييي كوه يالله
اجت
- هاا اشبيج
- سحبتها من ايدها وطلعنا للمطبخ شكوو ..؟ شو هلاهل وبوس وناس فرحانة وناس حزانه
- اسكتي چا غير عمي ياسر خطب سميه من جدي وثائر الأحمد ابن عمو ياسر
- يااا چاا اشوف العورة تهلهل واحمد ليش جافي الوجه. وحزنان
- ولج مايريدها مجبور لان عمي من حجه هو بساع
باوع لعمو ونرسمت علامة الصدمة على وجه
- أمشي نروح انصب الاكل الله يهني سعَيِد ابفليحة بت العورة. والله لا يوصل صيت عركهن
لعرعر كافي اضحكين
- صبينا الاكل. تعشو وطلعو كلهم طشو بس بقى
ضرار وحسين واجه ضاهر خذيت الجاي
ودخلت الهم خذا مني عدي وزعا الهم سمعت
جدي. يوصي بضرار
- دير بالك على روحك وسلملي على عمك
- رحت اركض لغرفة أمي جانت تتلوى من بطنها
كعدت يمها اكلج يمه ضرار وين راح يروح..؟
شو جدي يوصي ايسلم على عمي وبنفسه ..،
- ابوج راح ايسفره لبريطانيا يم عمج ناصر حتى مايلبس بالجيش سواله شهاده سادس
مزورة وراح يطلعة هناك ايكمل دراسة
مدري يشتغل والله ماعرف اخخخ ولج صيحي ابوج راح اموت يمكن راح اجيب
- كمت ركضت صحت ابوي واجيت اشوف أمي
طاح يم رجليها كومة ماي وتعيط انهد حيلي عليها
ضليت ابجي. كمشت ايدها وضلت تعصر بيدي
- اخخخ وج يمه آماسي اخوتج امانه عندج
- اسم الله يمة كولي يالله عاط بيها ابوي
وهو مخبوص يلبس اي اي فاولي علينا انخي
الله يسهلج ابدال ماجاي اصيحين كوميها بوية طلعيها وياي للسيارة وارجعي جيبي غراضها
- صدك طلعتها. صعدها ابوي وضرار راح وياه وضاهر جانو كاعدين من صحته حسين راح لبيتهم ايفر بيده ويضحك على أمي رجعت
جبت الجنطة مالتها محضرتها أمي خذاها ضرار مني وكالي قفلي البوب ورانا فهمتي
- اي اي دخلت ودخلت اخوتي وياي وقفلت البوب صحت بيهم
كلمن على فراشه انه اروح لجدي اشوفه
اشبيه والحكم رحت انطتيته العلاج وغطيته
جان عدي نايم يمه رحت للجهال شفتهم نايمين رجعت فرشت يم جدي بالكاع ونمت اخاف يحتاج
شيء بس عيني ماخذت نوم كمت
ضليت افتر وادعي لاأمي الله يسهل الها
بس خليت رأسي على المخدة اذكرت عابر
حيل اشتاقيتله هو جاي يفكر بيه لو لا
سنة ١٩٩٩ ولدت أمي اخوي عامر وختام اجو للدنيا وصارنا سبعة اجوي الصبح دخلو ابوي كايد أمي وزيجة مشكوك وام ابراهيم رايحة وياهم شايلة جاهل
وضرار شايل جاهل ركضت على أمي بوستها
ردت اكودها للغرفة ما خلاني ابوي كالي
روحي يم العلوية انه انومها عفتهم وحضرت افراش للجهال كل اشوية اتباوع الهم فرحانة جنهم بزازين يخبلون ركضت جبت سلات عدنا
اثنين وخليت مخدة ولفيتن بجرفج العلوية
- عفية بالسباعية دنيها عليه خلتها بالسلة
او وصتني صيري سبعة وعاوني امج بيهم
- كعدت بصف السلة واعاين عليه اي اي علوية
چاا اشون غير اخوتي. اشر عليهم هذا ولد لو بنية
ضحكت وسحبت السلة الثانية
- لا هاي بت سماها ابوج ختام وذاك ولد عامر
كومي جيبي من اخوج
- درت وجهي. نسيت ضرار كاعد وبحضنة الجاهل
كمت خذيته منه لان انه ماحجي وياه مزاعلته
خليته بفراشة نسخة من خالي محسن والبنية
كلها أمي. شوفي علوية البنية تشبه امي كلش
اجو عمار واجوان ودنيا فرحانين حاوطو السلات وكعد يتباوعون عليهم. سمعت جدي يصيح وابوي طلع من غرفة أمي كمت اروح لجدي
كالي ابوي
- آماسي سوي جاي بين مااجيب ريِوك واجي
چاا وين ضرار
- يمكن راح جان كاعد هنا
العلوية-: انه أمشي ابو ضرار وبالخير ماجاك
ويتربون بعزك
- جلب بيها ابوي لا وروح أمي ماطلعين تتريكين
من البارحة لليوم ماطاب ابطنج شيء عليج سيد عيسى لا تطلعين
طلع ابوي وانه عفت ام ابراهيم مددت يم الجهال ورحت لجدي صبحت عليه
- ها جدي اجت أمج ..!
- اي جدي اجت رحت فتحت البردة والشباك
ضليت اضحك فرحانة جدي أمي جابت اثنين
ولد وبت
- وجها استبشر وفرح اللهم صل على محمد واله محمد وينهم جيبيهم اشوفهم
- اي بين ماكومته غسل وبدلت اله دشداشته دخل ابوي وبيدا جاهل اجه صوب جدي
- روحي بوية جيبي. اخوج خل جدج يكبر بآذانهم
وحضري الريوك جبته بالمطبخ
- رحت جبت عامر واجيت وكفت يم جدي إذن
بذانهم وسمهام. ورحت ذبيته بفراشه ورحت انه
ودنيا حضرنا الريوك لكيت ابوي جايب صينية كيمر وشيشة عسل وصينية جبن اجاني
عدي خذا الريوك. طب عمي ياسر او ولده
وثائر ابن عمي
واخوتي. ابوي مار عليهم عازمهم على الريوك
كلها تريكت وطشت بس نسوانهم محد اجت
انه رحت ريكت أمي وكومتها غسلت همستلي
- خابري على جدتج شذرة خلها تجي عليه بس مو كدام ابوج
- اي يمة صار لا من يطلع هسه هو راح نام بالبراني تعبان
- العلوية وينها..؟
- تريكت وراحت لبيتهم بدلت للجهال قبل لاتطلع
- خوش جيبهم يمي هنا خلي ارضعهم
- رجعتها للغرفة وجبت الجهال يمها ودنيا
كامت وياي تعزل. واجوانه وعمار مكابلين أمي وكاعدين
والتهيت بالبيت. وجدي واخوتي وأمي ومدارة
ابوي الي ماتغير طبعة ابد ايطب ويطلع زهكان
وصلت اخير السنة وامتحنت الحمد لله
ونجحت للخامس اعدادي
بيت عمي ياسر سوو خطبة بيناتهم حتى احنا
مارحنا وكطعو مهر. أمي شبعت قهر
من اجه ابوي وعاتبته
- عود على العرس يعزموج لا سويها سالفة
هو محد بس بيت ياسر وحسنه ماكو احد
سكتت امي وكالت لا اروح ولا ابارك الهم
هما جية محد اجه باركلي من جبت
اجت العطلة لان التؤم شالشينه ( مدوخينه ) شلش
بس يبجون جدتي اجت ضلت ١٥ يوم يمنى
وراحت. وراها ابوي طكها عركة وياه أمي
هاي تعلمنا كلما يجون خوالي لو جدتي وراهم
هو لازم يتعارك بهاي الفترة. طبينا سنه الفين 2000 سافر ضرار لبريطانيا انه ماودعته لان بعد مشكلته وياي الاخيرة من حاربني على المدرسة كلش كرهته لا جذب احبه بس من رجع ابوي وكال سافر وشفته مقهور عليه ودومة ساكت ويدخن انقهرت عليه مهما يكون اخوي بس ابوي
لو اجو يمى التؤم يضحك ويلتهي يلعبهم
جنت اغسل اماعين . الغدا ودنيا ترتب وياي
دخل ابوي من المطحنة سلم ودخل جوا
جانت أمي محضرة الحمام موصيتني اوكفلة
اباب الحمام اناوشه ملابسة لو خلص.
- دنيا انه اروح لا ابوي لا يعيط
- روحي بس مو تبطين عفية تعبت
- مسحت ايدي وطلعت ما اسمع بس عيطة رحنا نركض دخلنا واشوف ابوي حاضن جدي ويبجي
عرفت جدي مات الي ماشفنا منه
اذية ولا غثانة بيوم الوحيد جان الي سند
وحماية بهذا البيت
من اجه لليوم ضاهر تركني يخاف من جدي
حتى ابوي ما يحجي وياي
او لو ردت شيء بس اكلة. يصير
اتلاث ايام الفاتحة احنا مشلوشين اني ماعرف شنو
النوم اول يوم فقدت من البجي واللطم. مرتين
وكعت حيل اذاني افراك جدي حيل
ثاني يوم قويت روحي وكمت لان بيتنه انداس وصخ والغراض كلبنهن وهوسه
كمت كضيت المطبخ ودينا وياي حتى اجوان
وامي ذبت التؤم على خالاتي لما خلصت الفاتحة
انه كضيت كضيان كل يوم بليل. اضل اتقيئ
كلشي مايدخل ابطني غير بس الماي
من ختمنا الثالث وكعت كلش خذاني ابوي
وجدتي للمستشفى بعد الفحص طلع عندي التهاب امعاء ضربوني ابر وانطوني علاج. رجعت. للسبعة وانه طريحة الفراش ماعرف اشبيه
كضت ايام الحزن وتعافيت ورجعنا لروتينا خلصت العطلة وامي بدت تحضر لااخوتي ملابس المدرسة الكبار ازغرهن للصغار جنت امتانية انه شوكت
تاخذني امي اشتري جديد من فاتحت ابوي
رفض وكال تكعد بالبيت ماكو دوام بعد. ادراري اخوتها كبرت والعين عليها
انه ضليت ابجي أمي كامت تعيط
- ليش بس كلي ليش حرامات بتك شاطرة
قيصر لاتكسر خاطرها لو عمي عايش جان ماتركك تبطلها
عاط عليها
- هاا چا خوش لعد يا امونة مدرسة ماكو والطخي راسج بااقرب حايط عافها وطلع لذاك بيته
صاحت ورا
- وعلي مابقى لا انه ولا بناتي يمك بعد روح
لحسنه او اولدها وعوفنا بعياط كامت تريد تخابر على خوالي رجع ابوي شايط
- الضاهر جان بالحوش وسمعها كض التيلفون
وركعة بالكاع خلا يتفلش
- ليش ليش هيجي اسوي هيجي اكلك ماريدك مابقى بعد يمك كافي ظلمك بس عليه وعلى بناتي ليش اسوي هيجي ويانه ليش
- يحجي بعصبيه ومكور ايده.
اسمعي تكعدين وتنجبين انتِ وبناتج لا وهو
علي اكضج انعل شيب اهلج وانعل ابوج
لا ابو الجاباج
- فرفحت أمي و ضلت تلطم وتعيط لا اسب اهلي لااسب بيهم عافنا وطلع وامي ضلت على فد دمعة
كمت لبست عِباتي وطلعت لبيت السيد هما يصيرون
كدامنا دكيت الباب ودخلت طلعتلي العلوية
تتكلب هي سمينه
- ها يمة آماسي اشبيج خرعتيني تعاي تعاي فوتي
- جنت ابجي مسحت دموعي
لا لا بس اريد اكلج
شيء جده عفية كمشت ايدها. ابوي ابوي ايريد ايبطلني وانه ماعندي احد يوكف بوجها. جدي ومات اريدكم انتِ والسيد تجون اله تحجون وياه
مسحت وجهي
- ياا صدك جذب روحي واحنا ورى العِشه نجي الكم تدللين الله يهدي عليكم يايمة
- لفيت عِباتي وسلمت عليها وفتحت باب الشارع
اريد اطلع صار ابوجهي عابر عاينت بوجها
رجعت ليورى صارلي بالسنة ماشايفته متغير
هوواي كبران وصاير احلى من قبل
هو همات تباوعلي. اجه صوت أمه من ورايه
تعال فوت يمة خل البت تطلع
- اول مرة عابر يسلم عليه همسلي اشونج
يا آمسي والحاضر ومستقبلي
يا دوب سمعتهن فات وانه طلعت بس مثل المخدرة اجذب روحي واكول. لا لا ماحجى
شيء ابد
بقى بابهم مفتوح قبل لا اطب لبيتنه. التفتت
الى بس بطرف عيني عاينت بابهم مفتوح وهو واكف يتباوع وراية انه بساع طبيت وطبكت الباب واكفت ورا وخليت راسي على الباب
كمت اضحك من كل كلبي معقولة عابر يحبني
ويتباوعلي دخلت والضحكة ما فاركت ثغري رغم
البيت مشحون وأمي مقهورة. التهيت باخوتي
الزغار. خو ختام هاي بتي. كله انه اغسل ابدل
انومها بحضني وعامر على أمي
لليل واجو بيت السيد وياهم بنتهم او ولدهم رحت اسوي جاي وبالي يمهم بس كون الله ويقنعون ابوي ضلو يحجون دزيت عمار يشوف شيحجون واخيراً قبل ابوي
وأمي ماراحت لبيت جدي بس ضلت زعلانة
على ابوي بالبيت وطبعاً لان زعلانه امي غضبة . ينصب على رؤسنا ماطول هو وأمي مايتحاجون
بدت المدارس وبديت اداوم انه خامس ودنيا رابع ابوي ما ناوي ايبطلها. لدنيا لان من تمرضت كام مايخلي شيء بخاطرها ابد بس انه دوم احس روحي رخيصة عد ابوي
لو الدشداشة معقجة انهان منه. وعقابي تهديد
بالمدرسة ايبطلني لو الشحاطة ما تلمع
انهان ويسبني وتهديد ابطل من المدرسة
مرات نكعد كلنا. يكعدون اخوتي يمة كلهم يضحك
ابوجهم بس انه. لو حجيت. يعيط بيه
ميخالف بس اخلص دراستي مرات مااكعد يمهم
اخذ ختام واكعد العبها يمي لو ادرس
الايام الفاتت نفس وضعنا ماصار جديد
عمامي نفسهم يجون هما ونسوانهم لو صارت
عزيمة ياكلن ويعيبن ويطلعن
بيوم سمعنا عياط بالحوش مالتنه طلعنا نركض
وانشوف ابوي دخل احمد ابن عمي وعمي ايريد
يضربة. واخوتي حسين وحسن وضاهر كاضينه
دخلو للبراني وعياطهم وصياحهم. واصل للشارع
واحنا اشتغلنا جاي ماي جاي ماي عدي يروح
ويرجع. جرته أمي تعاااال جانت شايله عامر انطته لدنيا
- شكو ولك اشبيهم عمامك
- دهديني يمة اروح لا يصيح ابوي مالجن شغل بسوالفنا
- سحب ايده من أمي وراح
ضلت أمي تتحرمص من ورا عدي
- وعلي هذا كلش طلعت عيني اخوج محد فسدا
غير ابوج بدلالة الطايح حظه او كوا ( قوة )
علينا
- ضلو ساعة مصايح وعياط. خلو وطلعو
فات ابوي للهول وراحت اله أمي
- شكو قيصر شصاير
- شغل الجكارة وكعد شصاير احمد فصخ وياه سمية خطبته وطلكها
- يااا چاا ليش يكسر بت عمه
- لسانها زفر والله كلش تربية ماعدها رايحة لبيت جدها وصاير عرس يمهم وبيومها رايح ايجيبهن
ثائر وراح وياه احمد يكول طلعن من العرس
ومخلية زواكة ( مكياج ) تراسه وجها
- ياا وامها وين ...؟
- وياها أمها راس الفتنة من جايات امعاتبها
اشون. مزوكة ومحمرة عايطة بيه وتعرفين لسانها
كاضها وكاتلها وهيَ سابته ومخرمشته ودافرته على (.....) هو حاطها ومطلكها وهسه. ابو ايكله
تردها واعرسلك شهر الجاي مايقبل راح يلم
هدومة ويمشي للنجف يم خواله ومايرد
- ضلت مشاكل بيت عمي على مود ترجع
سميه ومارجعت وشرد احمد للنجف منهن
انه وخواتي بديت داوم دراسة وتعب وبيت من ارجع اعين أمي واي تقصير ابوي مراقبني.
كملت السنه بطلعان الروح وصلنا للدور الاخير
منها جانت نهاية السنه الفصل الاخير
الدور طلعلي حسين ضاهر عقل كام مايتقرب عليه ولا اله شغل بيه كل يوم وحسين. يوكفلي بالباب
- طلعنا الصبح وصلت لبيتهم شفته واكف
والشر بوجها
- هاا ولج. داومتي مو اصبريلي اذا ماخليتج
تتحصرين على المدرسة. وعلي يا آماسي لو شفتج
تمشين ويه ابنية اي اي وحده اكلهم عدها صديج
وتعوف المدرسة وتفرفر وياه وعلي نهايتج
على ايدي
- لطمت صدري من حجيه دنيا رات تحجي عليه
سحبتها من ايدها ورحنا نركض وعدي خذا
عمار وجوانه وراحو لمدرستهم وانه لما
وصلت للمدرسة احس لشتي ترجف من الخوف
ذولة مو اخوه لا اعداء والله العظيم
طول الدرس انه صافنة. جنت اكتب كلمة الخميس
انه بس مالقياها استحي والاناشيد كله عليه
دخلت ادبي لان احب التاريخ كلش
فديوم جانه مدرس جديد اسمه استاذ عباس
استاذ عباس طويل وتسريحة شعره عالية صفح
وشعره بيه شكار. وعيونه مجرورات وصفر حلو
حيل حلو كام ياخذنا عربي وتاريخ
من يدخل يسلم محد اترد من الطالبات ابد
عود شنو يستحرمن. انه عادي ارد من باب الاحترام
ومرات يسأل على شرح القصيدة اكوم اشرح
وارجع لمكاني بعض الطالبات مايسالنا ولايحجن
وياه بس هنا كلما اكل بعيونهن
انه من كام يدخل المدرس البس عِباتي كمت
اخاف من تهديد اخوي حسين مرات من امشي
يتخيلي احد يمشي وراي بس قبل لا يجي الاستاذ
عادي ختى الحجاب اذبة بالصف انه طويلة
طولي ١٦٨ تقريباً للسبعين جسمي كلش
حلو هذا ورثنا من أمي وجدتي شذرة عيوني
لونهن عسلي وشعري مثل شعر امي
طويل وسرح
من يدخل الاستاذ البس عِباتي دائماً اشوفه
عينه مني بس انه ابد كلبي كله يم واحد خذا
ومشى مر على تواجد الاستاذ
ابمدرستنا شهر تطبيق وقرب قبل الامتحانات
يرجع للنجف بيوم طلب من عدنا انشاء
عن الامام علي وهاي اول مرة يجي النا هجي
انشاء لان كله احنا ام العربي مالتنى الي تحولت
للاسلامية. جانت حزبيه هي وابوها فتنطينا
انشاء كله عن الحزب البعثي
اليوم استاذ عباس قلب كل الموازين وكسر القيود
طلعنا دفاترنا وبديت اكتب كلش فرحت اجانا
شيء جدي وانه من عشاق الكتابة والقرأه
كتبت وكملت سلمت الدفتر ورجعت
وكف يم الصبورة بعد ما جمع كل الدفاتر او وجها امبين مضايق ويعاين عليه. كال
- طبعاً مع كل الاسف على الرغم شكد احنا جاي نتقدم ونمشي صح للإمام بس بقينا تحكمنا العادات والتقاليد الباليه الي اتفه شي صنعته العشائر
هو ابن العم لبت العم
ضليت باهتا اشبيه هذا وليش يعاين عليه ويحجي
وشيقصد صارت الفرصة واجت دنيا كعدنا
وسولفت الها.
- همست ولج هذا عينه منج سمعت البنات يتبسبن
ويكولن كاتل روحه على آماسي ولا جن المدرسة
مليانة بنات
- عزا العزاهن. ليش هو شبدر منه اشو انسان
محترم چا مو على اساس يستحرمن وما يردن حتى السلام عليه دك الجرس وبدت الحصة
روحي روحي راح يجي عدنا تاريخ
صدك اشوية ودخل وزع علينا الدفاتر ورح كعد
كال شوفو درجاتكم وطلعو كتاب التاريخ
- انه فتحت الدفتر ماخذا درجة كاملة كلش فرحت
بس لكيت ورقة بنص الدفتر مطوية فتحتها
كاتبلي
رأيت فيكِ ما لم أراه في اي فتاة اخرى
سكنتي قلبي بعفويتكِ وبساطتكِ
لم تتكلفي او تتصنعي او تتملقي لكِ تكسبي
قلبي لكن مع الاسف لم استطع الحصول
عليكِ على الرغم اني حاولت وجاهدت
لكِ اقطف الوردة لكن وجدت كل الابواب مغلقة
بوجهي
~~~~ عباس ~~~~
لميت الورقة بيدي حيل عصرتها ورفعت رأسي عاينت عليه لكيته يتباوعلي وصافن بوجهي وعيونه مليانه ألم
وللحكاية بقية .............