الزنبقة السوداء

الحلقة 36

والله جنت مفكرة احذفها من الفيس القصة لان التصويت  ميسوي واهس   اني اكره الفيس شجابني عليه كله من بت ناصر
😑

الزنبقة _ السوداء
داليا _  المسلم
الحلقة. _36_

أماني

دخلت للبيت وانه. احس. عيوني.  انغشة
عليهن  من الدموع
ابوي. وامي ساكتين.   امي خذت. بنتي من علي
ونطتها. لبيداء. كالتها.

- اخذيها يمة بيداء. غسليلها. وبدليها. ونوميها

- خذتها بيداء. وراحت.
سندتي. أمي. فوتتني. للغرفة.  
تعاي يمة. ارتاحي. وبعدين. سولفينة. مصيبتج
هسه. ارتاحي.  كومي  اتغسلين. احضرلج الحمام

- اشرتلها. لا مابية. بس اغسل وجهي
كمت غسلته ورديت.  بساع. غيداء
فرشت. فراشي. والجهال. كاعدين ويتباوعون الي
مددت. بالفراش. وعيوني
بالسكف. وابجي. حسيت احد مسح دمعت
التفتت. أمي. خذت ايدها وبستها.
او خنكتني العبرة.  مسحت على. رأسي

- اشش كافي. لا اظلين. تبجين. البجي للضعفاء
وانتي. اعرفج. قوية.   شبيج. احجي

- عدلت روحي. وكعدت.  يمة. انطردت. 
طلعني. بثوب. العلية. وذبني برا
بالشارع
-ضربت  صدرها. أمي.
ليش  وزلمتج. جاا وينه. ..؟

- مسحت عيوني. 
مو هنا  قبل يومين. سافر  للاردن  واليوم  اجت حماتي 

او سولفت لـ أمي   كلشي  صار  وياية هيه سكتت  ماحجت.

- اعاين جدتي  نايمة  يمة  اشبيها جده

-ذبت. حصرة. أمي  يمة جدتج  مواته  موزينة
لا دكوم  لاتتحرك  كله  انه  والبنات  انداريها
المرض  اكل  جسمها  اكل وهيه  همات  مستسلمة
اله  شبيدي  عليها  خذاها  حقي  للدكتور  مالته
كاله  خلوها  بالبيت  احسن  لاتنوموها  مستشفى
ماتفيدها

كامت.   وكفت  ومسحت دمعتها وتعاين عليها
- نامي يمة  والصباح  رباح  الله  كريم.

- عافتني  وطلعت  حاجيت  الجهال نامو حبايبي

- بيداء
امونة  احطلج. عشة  هسة جواعانة انتي  وترضعين
خطية  آموسه  تبجي  تريد  حليبة

- ضلت  اتقنع  بيه  تالي  كتلها  جيبي 
راحت وردت
ورى  ساعة  مسويتلي بحت
( شوية حليب وعليها زبدة)
تعرفني احبها
خلت  آموسه  بحضنها  الي  بس تضحك
ماستغربت. اهلي.  بس . عماتها من يجن
اضل. تبجي. منهن.

- خاف حارة  بيداء لاتوكليها  جيبيها انه اوكلها

-  خلت  الخاشوكة بحلكها
لا مالج  دخل  باردة  اكلي انتي  انه  اوكل  حبيبة
خالتها  هاي  حصتي  معليج  بيها  ارتاحي
انتِ

- شفت  آماسي لابسة  ثوب  جديد  وحلو
اكلج  بيداء منين  جبتيلها اهدوم  ولبستيها  وانه
كلشي  ماجبت  وياي

-جاا مو ذاك الاسبوع  اجن خالاتي  ضلن عدنا
اسبوع. خطية جايبات. هدوم. لااموسه  حسبالهن تجين مشتاقات  الج  باجر اخابر خاله   شهدا.  شدو  خط  تيلفون  ونحجي  وياها  اجن  شافن حبوبة  وراحن  خطية  كضنها  بجي  عليها

- انداريت اعاين.  لحبوبتي. كسرت. خاطري
كضيانة كضيان
كملت.  اكل. كمت غسلت
ورجعت   نمت احس. اعظامي يونن من. القهر
صح ماضربني. بس روحي
هيه المضروبة. و المتأذاية
وجع عندي. بكلبي. كلش جبير  انه
ونايمة حسيت
آماسي  بحضني. انخلت  حضنتها وكملت نومتي

الصبح كعدت  من  وكت الصلاة
كمت صليت   وبعد النوم جافة  عيوني
عاينت  حبوبة  كاعدا  كمت  بوستها
تحجي  بصوت  ناصي  كوة. يطلع  صوتها
بوستها  كتلها  انه  زينة. بخير
راح اروح  اشوف  منو كاعد  وارجعلج
كمت
طلعت  للمطبخ  لكيت  امي وابوي   كاعدين   من شافني ابوي  صاحني
صبحت عليهم

- صُباح الخير. بوية  تعاي.  أمونة.
بوية هنا  يمي  اكعدي 

- كعدت يمه

- شذرة. سويلها كلاص. حليب  ويه ريوكها  وجها اصفر   اندارلي  اي ابوية. اشونج.

- دنكت رأسي. وحجيت. بغصة. نحمد الله

- اله كل الحمد. انه. أمس. ما سألتج  كلت  خليها ترتاح. والصباح رباح. هسه. سولفي الي. شسون
بيج. انه. امج. كالتي. بس اريدن. اسمعهن منج

- هزيت راسي. وبديت احجيلة. كلشي. سونا
بيه. هو. فرك وجها. واستغفر ربه.
. ايصير. خير  بوية  ارتاحي. ولا ديرين. بال. لشيء انه  احلها الج.  بس. اكلج. شيء. ردا  لذاك. البيت
ماكو بعد. حتى. لو  تراضيتي وياهم   اكلج  حتى لو قنعج  زلمتج.  لنهن. مراح  ايهوبدن. ابد منج.  خوش

- بكيفك بوية  كلام. صح. ...

- خوش. انه ماشي هسه. للشغل. من ارد. ايصير
خير  اخاف. يجي. أحد. ممنوع اطلعين و لا اطلعين بنتج. خوش

-مرن  يومين
ومحد مر منهم  ولا اجوي  أمي دكلي  الظاهر
زلمتج  ما راد  جان اجه  شافج

- مااعرف  يمة  هو بس  يرجع  للبيت  هسه يجي
علينا  مايبطي  ادري بيه
التهيت اداري حبوبة الي بدت  تغيب روحها
وترد  كل يوم  انكول  اليوم  تموت انه اداري بيها
كليوم اشبع  بجي  عليها  نسيت همي  وقهري
بالي كله  يمها
بيداء  خابرت  خالتي الكاعدا  بالديوانية
واجت. من شفتها. حيل فرحت
ضلينا انه  وياها  نتعاون  على جدتي
زلمتها ضامن كاع  ورايح يزرع  وهيه ضلت يمنى

صارلي  ٤ ايام  يم  أهلي
اندك  الباب  بليل  چنة  كاعدين  نتعلل
طلع  ابوي 

جاني عِلي سالته أمي
نمو جانه

عِلي - يمة اجه  قيصر 

- كمت وكفت  وكلبي رجف  منو  وياه

- محد بس هو وحيدا

............

قيصر.

وصلت  من الاردن  دنيا. غروب  ضليت. هناك
اسبوع. ورديت.
صار. وصولي. المغرب. طبكت. اللوري. مالتي
باالساحة. الي ورى. بيتنا
جان ويايه. صديقي.  حازم. سلمت عليه او ودعته
خذت. غراضي  ومشيت للبيت.  وصلت
فتحت. الباب. ودخلت
هدوء. بس صوت. التلفزيون. على. الصلاة

دخلت. لكيت أمي. بالمطبخ.
-  السلام عليكم. اشونج يمة  بست راسها
وكعدت على الكرويته  ذبيت. الجياس من ايدي

- هلا يمة. الله يساعدك. 

- شنهي.  شو. هدوء. او وحدج  اصبين عشا
جا وين. أمونة. وبنتها
اعاين لاامي.  كامت تتلفت. وارتبكت

جاوبت.  بتوتر
- مو هنا. راحت لهلها

- كمت وكفت. اشون  منو وداها  انه مو كتلها لاتروحين  منو خذاها  يمة

- هاا برتباك شسمة. لا محد. خذاها. چا هيه راحت

- جاي احجي. وصاحني ابوي.  عفت امي ودخلت
للهول. لكيت. ابوي جاي ايسبح كمل صلاة
سلمت وكعدت. يمة

شنو بوية. منو وداها.  أمونة. للديوانية

جاوبني
- الله يساعدك  وليدي
والله  شكلك محد  خذاها بوية  هيه راحت وحيدها
هججهنا امك وخواتك

- شنهي بوية.  ترى ماضل. عقل. براسي. وين ولت
شنهي  هججنها سولفلي نورني ...!

اشر بيدا
- اكعد. اكعد وانه. اسولفلك

- هاي. كعدت.  كام ابوي يحجيلي.  فاتت أمي
وكعدت. جدامي.   انداريت عليها
ليش يمة ..!

ليش. جاا. كلتي. لخاطر. ابني. دنيا
غروب. وين. تولي.  جاا  كلتي. لخاطر. بزرنا
هيج. اذبنها. بنص. الشارع.  كليلي. شمقصر
انه  وياكم.  لو.  حسنة. وبناتج. حشن راسج عليها
وكلتن.  قيصر مو هنا.  خلي نهججها

انتي. مو تكرهيها.  لحسنة شوكت. صارت. عزيزة. عندج
كسرتي. كلبي. يمة.  بعلي.
لو. ضاربتني. سجين.  بكلبي ولا مسوية.
هاي الدكة  وياها

عاطت بيه
- كاافي. بالله. خبصتنا. خبيصة  بيها
مناك. ذيج. ام الفواين فاضحتنة. وادعي. علينا
وبكل مكان تمشي وتحجي علينا
ومنا.  انتَ.  مجلب بهاي. وخاتل يمها

خواتك. كطعن. من وراها. مايجن
انه. كلبي. خلص من الحجي
ماريدها ابيتي بعد
ولا اريد. حسنة  خلص. كلبي. فكني من
نسوانك. ومشاكلهم. اطلع بهاي. مثل ما  مسوي بيت
لذيج. وفكني. خلص كلبي ...

- خوش يمة صار تدللين. بس انتِ  خسرتيني
عافتني. وكامت.   
بوية. رحتو وراها.  شفتوها وصلت لا.

- لا والله. يابوية.  خجلان. من ابوها. لا رحت ولاوصلت

- كمت وكفت. صدك تحجي. بوية. جذب. جان دزيت
نعمان.  ايشوفها. ماتت. وصلت. خذاها احد
وين اسويج السيارة وينه

- اكعد بوية. باجر وروحلها. دنيا ليل. هسه  انتَ
صاير عصبي. لا يصير بيك شيء

- كمشني. ابوي من ايدي ويقنع. بيه.   دفعت ايده
لا بوية. مالي كعدا. اروح. اشوف.  حرمتي. وين صفه بيها الدهر. حسبي الله. حسبي الله

عفت. ابوي. وكفت يم. الدرج. صحت. بنعمان
نعمان. نعمان.

مدلي راسه من الدرج.

- هاا خوية  الله يساعدك

- الله لا يساعدني. كون  وين اسويج السيارة..!

- هذا  يمي

- جيبة. بساع.  راح جابة. وشمرة. علية
كضيته. وطلعت.  ابوي طلع  يصيح
امي. ماهتميت. الهم.   ولكم. شعلتوني بنار
لو بس رايحين. وراها.  شايفينها وصلت لا

جاني نعمان. ايريد. ايروح. ويايه. 
لا. محد ايروح. ماريدكم بس افتحلي الباب
صعدت بالسيارة. وشغلتها.  وطلعت

طول. الطريق. وانه.  اشب واطفة من القهر
شسون. بيج  اخخخ  واعظ  اصبعي  انه صوجي
لو موديج  لهلج  يابوية  يانار كلبي

شكللهم  ابوها  لو حجة  شكلة اهلي. كسرو  وجهي. والله العلي. العظيم. كرهتكم.  الله واكبر. كفرا. خما كفرا

صارت الساعة. ٩. طبيت الديوانية. وصلت بيتهم
وانه. كلبي مشتعل نار. عليها.  بس لاصايرلها
شيء. اخخ  يا بوية. اخخ

دكيت. الباب. اشوية. وفتحلي. الباب عمي حقي
سلمت عليه  الزلمة  عادي وجها مو ثكيل عليه
دخلني للبراني. 
( الديوانية او غرفة الضيوف اهل الجنوب ايسموها براني )

وانه. خجلان منه.  كعدت. صاح  ابنه علي
ايجيب  ماي

- الله بالخير عمي. اشونك

باوعلي. بعتب  وجاوبني
- والله  يا ابو ضرار  مو زين ابد صار اربعة اتيام انتظرك

- والله عمي. توني واصل. من السفر المغرب  وبس سمعت. بمصيبتي.  ركبت السيارة  وجيتكم. الله شاهد  مابطيت ساعة  وانه خجلان  منك  شسوي ذولة  اهلي  وهاي  قسمتي. وياهم
فات عِلي بيدا. الماي. 
ماريد بوية  خلي على الطبلة

حجة عمي حقي
- ميخالف. بوية. بس مو تنطرد  تالي اليل. او
وياها جاهل.  زين.  امنت  بالله.  طردتوها
تعالو  وراها. شوفوها  وصلت.  ماتت. صارلها شيء  تاهت.  انه.  لو صاير ابتي  شيء كلي
شقبض  من حقد اهلك عليها  ليش. تسمحلهن ايسون هيجي. وياها. نسيت وعدك  ليه من اخذتها كتلي. اذا. يوم سمعت  مغثوثة لو مضروبة.  حكني

- دنكت راسي. خجلان. منهم.  حكك وانه. جدامك
حكني. وشتريد. انتَ . او امونة   يجرالكم
شسوي. كلي. سافرت. او ولنها. شسوي  يمها
انه  وراضي على الصار

- ماترجع  بعد وياك  اتريدها  شوفلك  بيت
هنا  واخذها غير هنا ماكو 
تقبل  هلا  بيك ماترضى طلكها بوية وكلشي
يرجع لمكانة

- رفعت راسي اله لا لا عمي  شدكول انتَ  شنو اطلكها مريتي   ام بنتي  شجاي  ادكول عمي
لا انه  بعد. مارضى ترجع  لهناك  خلاص
اجرلها  هنا  واكعدها بس  هسه  خليها  هنا
لما الكه  بيت  وين  اوديها

- البيت بيتكم   وانه    باجر اكلف
جيرانة  همات  بلكي ايشوفلك. بيت.  اخذ راحتك.  هسه. اصيحها الك.  وخلها اجيبلك عشة. امبين عليك التعب

- تسلم عمي. عافني وطلع.

.... اماني.
ضليت. كاعدا. والوب.  راح. علي. وداله ماي 
سالته. شجاي. يحجون.

- عليج. يحجون  على سالفتج
- خوش. ضليت انتظر ابوي. يطلع. بس. لايتعاركون
خالتي اتهدي  بيه

- اكعد خايبة كلبج  راح  ايطيح  منج. وعلي كلشي
ماكو. كولي يالله ..

  - بس  وين  انه  كلبي  مثل النار  مشتعل

ورى ساعة. طلع ابوي. صاحني. احضر عشا
لقيصر  كيفت من شفته.  طلع راضي  وجها. مابي
تعابير  عادي

شذرة
- روحي. سلمي. على زلمتج. بين ما  خواتج
ايحضرن العشا  روحي  عود  اخلي  علي لو حسين ايفوتو اله

- عفتهن. وشلت  آماسي  ودخلت  وسديت الباب وراية  هو من شافني  كام وكف

امبين  على وجها التعب  مال السفر.  اجه  صوبي  انه  اختنكت   وكمت ابجي  حضني وباس  رأسي  وخذا  آماسي مني

- اششش كافي. لاتبجين اروح فدوة   لدمعاتج
كلها تروحلج فدوة. اسكتي

- ضمني. بحضنة  ويبوس برأسي.   انه.  ماصدكت
ضليت.  ابجي   بنحيب  مشاني وكعدني بصفة
وهو حاضني  ويسكت بيه  نزل  آماسي  بالكاع

- كافي امونتي  بوية  عيونج  غاديات نكر  من البجي  كافي  شسويلهم  كليلي  مهما  ايكونون ايضلون اهلي  بس بعد هاي  هيه  مالنه ردا لهناك  راح  اشوفلج  بيت  هنا  ونكعد  بيه  هسه  نبقى  يم اهلج  خوش

- هزيت راسي  وبس ماكدرت احجي من الغصة
البصدري  كمت اناشغ

- شو. خليني. اشوف. وجهج  مشتاقلج. حقيرة  شو

- ضربته بصدرة. وضحكت انه. وابجي انه مو حقيرة  اهلك. حقيرين

- مسح دموعي  وباساني. من  خدودي ميخالف
هل المرة. اعديها. الج.   لانج. معيول بيج  منهم
هسه اشون. راح. تكضيها. بجي  شوفي  بنتج
صافنة  علينة  شوفيها   كومي  ولج   تعبان
حضريلي. الحمام. البراني. خلي اسبح

- اي صار  اسبح. وبعدين. اتعشا  راح اروح احضرلك  الحمام. كمت. طلعت خذين منشفة
ودشداشة من ملات  ابوي  وحضرتلة الحمام. رديت
صحتة راح يسبح  صاحتني أمي

- ها يمة ..
- وين  راح زلمتج.....؟
- راح  يسبح ..
- خوش يمة  لاتعاركينة  حبيبة. خطية امبين على وجها التعب  ابوج. كال انه  احلها خوش

- صار يمة صار

- تعاي  اخذي  افراش   وروحي افرشي باالبراني
زين

- صار يمة بعد  شسوي
ابتسمت برضى   يمة شحلات ضحكتج وعلي مايلوكلج  الحزن خصوصً عيونج. ايكومن  يلمعن  بيداء واكفة اصب عشا لقيصر
ضحكت

- ايي أمونة خصوصاً  لما اشوف ابوي. ايكومن يبرجن برج 
وتلعب بحواجبها

- ضربتها أمي  وهيه ختلت وراية

شذرة
- ولج طالعة عينج. بنات اخر وكت شايلات  كل المستحة كلش وعلي 

- خذيت العشا ودخلت للبراني لكيت  قيصر
كاعد  ينشف  بشعره. خليت  الاكل  وكعدت بصفة
نعيمً  ان شاءالله

- الله ينعم عليج  تعاي  اكلي  وياي

- لا ماريد. متعشاية.  باستي بخدي
وكام ياكل وانه  اعاين   عليه اريد احجي. واستحي  رفع راسة  بوجهي وباوعلي

- كولي  احجيهن لاتخليهن  ايلعبن   بلسانج
لا يخنكنج

- ضحكت  لا بس  اشون ذولاك  ولدك  مرتك  خما تكضيها  يمنى هنا  وتعوفهم

- هز راسه بضحك
والله  انتِ  محد  راح ايدمرج  غير طيبت  كلبج 
الزايدا ولج  انتِ  منو  مفكر  بيج  فكري بروحج
لا عندي. بيت بالشنافية. اجيبهم بي   وعندي كاع
ابنيها بيت  الج  ان شاءالله. اقل السنة اكمله

- ياا نروح  هناك  للملحة  عفية قيصر شيوديني

- أمونة. هذا الكلام. الدار بيني وبينج. ممنوع اتسولفي كدام  احد فهمتي

-صار تدلل

- والملحة التحجين عنها  اقلها كلها عماني وكرابتي
لو سافرت  رحت أمن عليج

........

كضيت ايامي يم اهلي  قيصر يومين وراح  
للشنافية  رتب  بيته  وشيل. حسنة  وجاباها. للشنافية
انه ضليت. يم اهلي  يبين. مانلكة
بيت 
وقيصر مامر بعد  لااهله  ايروح. لحسنة يوم
وثاني  يمنى  يجي. مايعوفني

جدتي تعبت فرد نوب  بليلة

نايمة. وبعالم الطيف  انه كاعدا. بحديقة
بس شنهي مليانة عاكول  ( زرعة شائكة)
رغم  بيها  ورد
وثيل  اخضر  اعاين
حسنة وبيدها سطل  وكلما يخضر
الثيل. هيه ترش  من السطل  وتحركة
ويرجع  يخضر  وهيه ترشة ويحترگ
انه  صافنة. عليها. اريد اكوملها
مااكدر   احس روحي مريطة

انداريت
وشفت خالي كافل واكف بعيدد
من شافني  اعاين  عليه. جاني  بس شنو طاير
مايمشي بالكاع  واديه  اثنينهن  مضبرات
بلفاف
حاجيتة شبيك  خالي  شبيهن ايدك 
ضحك بس بقهر  وكال مابية  بس  اريد أمي
مدري منين طلعت جدتي  وراحت وياه
صحت عليها. بس هزت ايدها الي  بسلام
وراحت  فزيت  وبعدها  رهبة  الحلم بيه

ادنيت  ليم  جدتي لكيتها
  جاي اتعالج  انه كابلتها  وكمت ابجي
كمت اتوضيت وجبت  القرآن   اقرالها   كلت
هيه رايحة  بعد خليها تسمع القرآن  وترتاح
كعدو. اهلي 

كلهم  صحت لامي وكتلها جدتي يمة اليوم مواته
تراها
وابجي  خابرنا خالاتي يجن ايشوفنها

امي وصت خالتي  شهيدا  ام العمارة
اجيب  بنات خالي وياها  اشوفهن حبوبتي
للضهر  وسمعت. خرخشة صارت بصدرها
رادت ماي  أمي مكابلتها  وتبجي

انه كمت انكط الماي تنكط بحلكها  اختنكت
من البجي  وهيه تريد  ترفع  ايدها  تمسح  دموعي
مابيها  اعاين الها  رجف  حلكها صار  مثل
السعفة  عرفتها  جاي تطلع  روحها  اشوية
وصفنت  وجسمها ارتاح اشون  واحد  ايذب  حصرة
قوية  من صدرة  ويرتاح 

ماتت جدتي أم كافل  (الله يرحمها )

شلتها وحضنتها  وعطت  بكل قوتي  جدتي
لا لاتروحين  والله.  فدة روحي بدل روحج

.....
بعد ماردينة. من الدفنة  دخلت للغرفة مالتها
اعاين لمكانها  لبوفيتها  لريحتها
كلها  مسج وعنبر  طبيتها الجانت تارسة
البيت
شفت شيلتها على الافراش. شلتها حضنتها

وحاجيتها  انه وابجي
يادار  الاحباب  چاا وين التودني
تودني انه دارج هاليوم  ما تودني
تكول انه جايه لحبوبة ابني
ماودعتني ماودعتني عني مشت ماودعتني
اااه ياحبوبة  مشت عني بلاية وداع

لاذكرتي  كعدت الليالي  ولا سمر
الاحباب

كلتي ياولدنا. بالباب  واكف ياولدنا
اكعدي واسمعي ونيني. وديتلج روحي
بس رديلي

بس ردتج تجيني  ياحبوبة  على المخدة
راسج وراسي على المخدة  ونضل
للصبح  السمر والمودة. ياجدة
الموت توا كطع حبل المودة
اي والله المودة

كضت ايام الفاتحة. خالاتي مشن  بس مكسورات
الام  وعينهن دامعة ليش
لان جنتهن راحت. بقن بلا جنة

امي ضلت تبوس بيهن ودكلهن انه. امجن  انه
وابوي. كاللهن مو امجن. راحت. معناتها. هاي هيه
مالجن احد  البيت بيتجن  تجن وتروحن. شوكت ماتريدن مايتغير  شيء

اشكراً منه. ومشن

كضت االسبعة والاربعين. وقيصر مابات يمنى
ايكول عيب كرابتكم. وناس  رايحة  رادة
لساه مالكة بيت النا  كعدنا. بالطابق
الفوك. ابيت اهلي. راح جاب كل غراضي
خليتهن ابيت اهلي.

راح للدوام  ١٥ يوم ورد
كبل  النا  اجه  بوجها جان ابوي
بالشغل

حضرتله الحمام  غسل وجبتله الغدا
ومن نزلت  اودي الصينية
سمعت ابوي. ايكول
لاامي

- شنهي طابتلة  الكعدا  انه. هذا الوضع مايصرفلي
عندي بنات وهو رجال غريب عنهن

شذرة
- حقي خوية  زلمت اختهن اخوهن  وين يرحون

- لا مو  اخوهن. راضع وياهن كليلي  انه مارضى
للهل الوضع. لا دكليلي عينك ضاجت  على اكل
لو غير شيء لا احطهم  بعيوني  بس عندي بنات
بالبيت  واخاف عليهن  ذاك اليوم
اجه نعمان اخوه  وضل يومين يمنى
وبلعتها وسكتت. لهنا وبس
هذا بيت ام عادل. بعد يومين
ويفرغونه. انطي. خبر. لبنتج
ادكل لرجلها افتهمتي

- سمعت كل الحجي. هم حقة ابوي. بس
شنسوي اذا بيوت ماكو 
بيومها. حجي ابوي  غثاني وانه منا روحي لايبة
ونفسي تلعب  وكل اشوية اذب من راسي
حتى بنتي. شامرتها على خواتي. هاي
بيداء مبتلشة بيها من
ترجع من الدوام. تلتهي بيها  منا لليل

غسلت الاماعين  وصعدت  فوك. جان قيصر غافي
مددت بصفة. هو اندار وحضني. ردت احجي
بس خذتني النومة. من كعدت. راد. حقة  مني
دفعتة وخرت منه

لا قيصر

- شكو  اشبيج  صاير شيء ...؟

- لا بس انه استحي انزل اسبح  وابوي  هنا  اليوم
سمعت   من  علي  اخوي   بيت ام عادل جيرانه
بثاني  فرع. راح  ايفرغونه  من الي مأجرة
روح  شوفة
واجرا  النا  انه. هنا  ما  ماخذا راحتي 

- هاا كليلي احد سمعج  حجاية   ضاجو اهلج من عدنا

- لاقيصر  محد ضاج. بس انه ضجت عفية
عجل  بشوفت البيت النا  اريد اخذ راحتي وياك
انتَ  تاخذ راحتك. ابيتك مااضل محبوس فوك

- منين. مو على ايدج  ماخليت مادورت.  شسوي
بعد. وابوج  من سمع  جاي ابني  الج  بيت  كالي
لو  خلص  ماتروح  هناك  بنتي  بين  اهلك  وعمامك

شسوي بعد كليلي   كومي  انطيني دشداشتي
خلي اروح اشوفة. أمشي

- لبس  هدومه  وطلع  نزلت  ورى  كعدت  يم البنات   اخذت  آماسي  كعدت ارضعها  والدوخة  لفت  رأسي لف  ذبيتها  وسنحت   روحي راحت
ركضت امي. جابت راس بصل وشممت الي صحصحت. اشوية. بعدت ايدها وكمت

-اشبيج  يمة   أمونة تعاي لاصعدين فوك نامي  بغرفة  اخوتج  اكلج  خاف حامل

- جنت ناسية انه. سالفة الشهرية  التفتت الاأمي
بخرعة  شنووو يمة. حامل شنو

- شنهي يمة كولي يالله. غير عندج زلمة  عليش
اخترعتي

- لا يمة  كعدت يمها  انه  ماريد يمة خلي اكعد
استقر ابيت اشوف وضعي.  خليت ايدي جوا
خدي وصفنت  ونزلت دمعة من عيني  على
حياتي المخربطة  

- رزق ربج هذا بنتي رزق ربج

حجيت بقهر
- يمة   ليش انه  همات قسمتي  مثل البنات  خليني  ساكتة  وبالعة همي  ماتشوفين حالي  ضليت ابجي  على حظي. وقسمتي  السودا  يمة انه ماريد
جاهل ماريد  والله. لو بيدي اذبه

شذرة
- لا اضلين  تبجين  كومي اغسلي وجهج  وكولي يالله هاي قسمتج من الدنيا بعد. شسوين واستغفري ربج

- كمت طلعت  من الهول. للمطبخ اغسل وجهي
كلت اطلع للطارمة  اختنكت
صار بوجهي
قيصر   جان واكف يسمع. الحجي

وكف. كدامي وضل يباوعلي ...!

.......

ذات ليله اخذني فكري الى طوابير بعيده عن واقعي واجهت فيها حقيقة مايحصل فإذا كل مافي الأمر عباره عن مكيده تتدبر لتقضي علي(يعني عليه اني خليلهه مشدده) تحت شعار ينسى لاذكر له المصيبه ليست هنا بل في كل مره اكتشف ان المكيده هذه تعود إلى كيد النساء وفعلهن ويحهم نسيت ان كيدهن عظيم ولم ينفع أي من حلولي لم ينفع معهن كيف كيف اخرج من هذا الظلام انهض واقول استطع لكن لا جدوى

بقلم المبدعة اية العبادي
Aya_Alabadi

وللحكاية بقية ان شاءالله ...........