الزنبقة _ السوداء
داليا _ المسلم
الحلقة _33_
أماني
رحنا. زرنا. وصليت. ودعيت ربي يحفظ اهلي
ويحفظلي قيصر. ويخلصني من شر. الغربان الداير مدايري كملنا زيارة. وطلعنا. نعمان
كال امشي. اعشيكم. كباب. لو كبة
عمتي كالتله.
- لا يمة. ناخذ ويانة. ونرد. للبيت ابوك. واخوك
هساع. ردو. من الشغل. خطية
- خوش جاا روحن كدامي يم. السيارة. وانه اجيب واجي
- كالتلي. عمتي. امشي. نرد. احنا ونمشي.
خذتلي عمتي. ثوب. حلو. مشجر. وخذت. بخور
وخذت. علك. كالت. للبنات وجرك. وحلاوة
اجه نعمان. وردينة للبيت انه. بالسيارة كاعدا ورا
ويمي. الكباب. احس. ريحتة. شكت خشمي صدك
اشتهيته. بس استحيت. امد ايدي. شيكولون
عليه. ماشايفة
وصلنا للبيت
نعمان كال. لاتنزلن. راح افوتها. للسيارة باالبراني
- فوتها. ونزلنا. خذيت العشة. ودخلت. ورا. عمتي
اول. مادخلت صارت. بوجهي. لميعة. كاعدا. ويمها
سعيد. وعمي. انه. خفت. منها. لا تضربني
ختلت. ورا. عمتي. هيه من شافتني. كامت
وتضحك. اتلكتنة. وتبوس. بعمتي.
- هلا. بيج. امونة. تعاي. خالة. شنهي. مانعحب واسلمين. علينا
- انه ضليت اتلفت وراية. بفهاوة. هاي. علية قصدها لو شنو اجت بتجاهي. حضنتني وبوستني. وراحت كعدت ضليت. مسهية . بوجها. وساكتة. عاد. عمي
كالي.
- فوتي. بوية. باردة. الدنيا سدي الباب وراج
دخلت ورديت. الباب. اتباوع عليها تضحك واسولف. عفتهن ودخلت. ليجوا. رحت اودي
الاكل. بالمطبخ. والكة. حسنة. جاي. اطفي. الجداري طابخة. العشة. انصدمت. منها ورجعت ليورا. هيه. من شافتني. همات. اجت بوستني كالتلي
- شبيج يحظي. اسطكيتي. لازم. ضجتي من شوفتنا
لو بعدج زعلانة. علية. من ذيج المرة
- بعدت. عنها. وتبسمت. بتعجب. كتلها لا لا. ليش. اضوج هلا. بيج. بيتج وبيت. اهلج. هاذا. نورتي
ذبيت الكباب. على. الكامنتر وطلعت. ركض صعدت
لغرفتي خفت. منهن لا يضربني. ويطيحن. الطفل
اول. مافتحت الباب. الغرفة. كهبتني. ريحة. مطيبة يااا. شوف. بس لا بزونة. فايتة للغرفة. فتحت الشبابيك بلكي. تتهوا . ولو ليل وباردة بدلت ملابسي. بساع. دنكت اضم الشحاطة
بالكومدي. شفت. دهن. واكع. على. الزولية
يبووو. منين. هذا. بس. لا. الصبح. كلبة قيصر
الزيت. مال شعره. جبت وصلة. ومسحتة. لزك
بالزولية. عفتها. كلت. بعدين. اغسلها. لو باجر
دفعت التلفزيون. يم الحايط. كلت من يجي قيصر
ايسوي الي. احسن. استحي اكول. للولد
لفيت الربطة. ونزلت. ماكو احد. بس عمي والولد
وعمتي. بالمطبخ. دخلت. جاي اتحضر بالعشة
رحت سحبت من ايدها. الاماعين. عوفيهن عمة
انه. اصب. روحي. اكعدي اكول. عمة. راحت.
أم ضرار وامها
اندارت عليه
- اي. يمة راحن. ماقبلن. يبقن. من. جايات. شايفات
ماكو احد. وحسنة. متحزمة. ومسوية عشة. لعمج
حسبالها نتأخر. يالله خلفة الله. عليهن.
- عافتني وراحت. صبيت الاكل. وديته. الهم
وانه. كعدت. بالمطبخ. اكلت بس. كباب ماهويت
اكل. حسنة مدري. كرفت نفسي منه
بي ريحة مو طيبة
....
ضلت. الكحة. ملازمتني. كملت علاجي
ومافادني. قيصر كمل. شهر. وبعدا ما. نزل.
الايام الفاتت. محد. انهد. عليه. ولا احد اجانه
بس من يجي. قيصر. يمكن يتعمداً. يسون
هيج. كدامه. راح. نعمان وجابلي. علاج
من المستوصف. على وصفة. الدكتورة
وضليت اشرب. بيه. هم مافادني بيوم
العصر جنت. انضف. بالبيت
وعمتي ماترضى. دكلي. شكد تكنسين.
البيت نظيف. بسج صدرج انتها من الكحة
وأنتي. كاضة مكناستج بيدج
- لا عمة. خما اعوفة . وصخ. كملت هاي شوفي
. سمعنا الباب يندك. طلع. سعيد. ورجع فات. وياه. ابوي.
وأمي. من شفتهم. طارت. روحي. طيور. بيهم
ركضت. حضنت أمي. وابوي. همات. بست. ايده
كعدو. جبت ماي . الهم. امي. كالت
- شو كطعتي. فرد كطعة. شنهي. ماصدك
قيصر. يخليج ابيتة. ضحك عمي وردها
- غير مريته. وحامل. ويخاف عليها. هاي كدامج
شوفوها. اشون مرتاحة.
انه. هزيت راسي. بضحك. وسكتت.
ابوي. كال. اذا. زلمتها. بعدا. بالدوام. ناخذها
ويانة ومن يرد. هيه تجي. عمي كاله.
- ارتاحو هسه. وان شاءالله. يصير. خير
حقي
- لا والله. ابو احمد. جنا بالمشخاب. رحت شفت الكاع. و الشتل. همات. وهاي ردتي. منها. تعبانين
كلنا. نمر انشوف امونة. وناخذها. ويانة
حجي محمد
- جاا بوية اذا تريد تروح. خلها. تروح. وانه. عود لو اجه. قيصر اكلة هاا بوية. أمونة. ترحين. وياهم.
- جنت مريضة. ومشتاقة. لااهلي. كتلة اي عمي
اروح. اذا انتَ. تقنع. قيصر. ودكلة انه. دزيتها
اشرلي.
- روحي بوية لاشيلين هم. ارتاحين. كم يوم علما يجي. قيصر
- صدك كمت. بساع. صعدت. بدلت وخذيتلي كم
حاجة الي. وعلاجي. ونزلت. اركض.
سلمت على عمتي وعمي. وطلعت وياهم. طول الطريق انه. نايمة. احس. كل اشوي أمي
بايسة رأسي
حسيت على. امي اصحي بيه. وصلنا.
نزلت. لكيت الجهال. كلهم واكفين بالبراني ينتظروني
الضحكة. شكت حلكي. من الفرح. ركضو
لحظني. بوستهم. كلهم. ودخلنا. جوا. جانت
جدتي. نايمة. يم الصوبة. دنكت بستها من راسها
وكعدت. يمها. جريت محسن بحضني وظليت ابوس
بيه. هو ضاج. وخرني.
- شبيك ولك. غير . مشتاقتلك تعال.
محسن
- لا امونة. اضوج. لاتبوسيني.
- كضتني الضحكة. اذكرت قيصر من يبوس. وادفع بيه. يمكن عداني. كعدت يمي بيداء. اشونج
بويدا. ولج. والله مشتاقتلج. حبيبتي.
بيداء
- هممم مشتاقتلي . خايبة انتي ماصدكتي. تزوجين
قويصر. ولا درتي وجهج. النا.
عوجت. حلكها وتقلد
مالايدا. مااحبة. اطك روحي باالحديد . اذا اعرس
انتحر. جوات السيارة. لو اخذته. شو هسه صار. رويحتج قويصر. اهمممم. اكومن. اسويلج عشة
- ضحكت على سوالفها.
كامت. وجدتي كعدت. من شافتني. فرحت
حضنتها وبستها. اشونج. جده. اشون عافيتي
اعاين عليها. تعبانة فرد نوب. وعيونها منوكرة
وتعبانة. ابد ابد مو هيه. شبيج جدة مريضة
- لا يجدة. مابية. شيء انتي. اشونج.
كمشت بطني حمالج. ( الحمل ) اشونه مرتاحة ويه زلمتج لاع
- اي الحمدلله. جده بخير.مرتاحة سكتت وضلت تعدل بشيلتها . بس ضل بالي يمها ابد موطبيعية. جدتي. همست. لغيداء. شبيها حبوبة
ادنت يمي وهمست
- خية. جاا. غير جميلة. . قبل. شهر. عرست. لاابن خال. خالي. كافل. ابو مؤيد. عرست. وخذها هناك بالعمارة وخلالها بيت وحدها
- لطمت صدري صخام بعينها. ولج ماصارلة
سنتين. خالي. من مات. صخام براسها
اتنبهت. حبوبة علينا دمعت عيونها. وكالت
- اي والله. يجدة عرست. لاابن اخوي. ومشت
ولا جن ذاك. ابو طول الحلوة. جان زلمتها. نست العشرة. والتعب. والمحبة كلهن ررراحن. وتأشر بيدها
- قهرتني. وعصرت. كلبي. فات. ابوي. وامي جابت صينية. العشة. لكتنة. نبجي.
-سالت. شكو ليش البجي
. رفعت راسي الها ومسحت دموعي-
ماكو. شيء. حجيت بغصة
خلت الاكل. فات ابوي. كف اردانة وكعد
ضليت اكل واحس الاكل صار مرر . بحلكي. جانت
امي. جايبة وياها. من الكاع. زرعة. اسمها.
كنيبرة ( مرة دفلة. مال سكر ). سلكتها. بملح
وجابتها لجدتي. على مود السكر. كامت تاكل
وخبزة. ضليت احمي. بالخبز. على الصوبة. وانطيهم.
واعاين. لجدتي التعب
والقهر. ماخذ. كلشي. حلو منها
ابوي. فصخ الدجاجة. جابوهم. وياهم. ذابحهن هناك
- هاج. بوية. اكلي ماكلتي شيء
انطاني. لفة. لحم. رديت عليه. ا
- ماريد بوية. والله. مااشتهي. الدجاج. هاي
خبزة. وجاي. كلش كافي. مامشتهية شيء
- دنك يأكل . براحتج. بوية. شنو تشتهين. كليلي
وأجيبة. الج. لو. كولي. لاامج. وباجر. اخذج لهاذا
الدكتور. بالحي. كلش. زين
- ان شاءالله. كالت امي. لوما حامل. جان فورتلج
اعشاب. عندي. مالت. نشلة. بس لا يصير شي بالجاهل. ونبتلي
حقي - عوفي هاي السوالف. كلشي لاتنطيها.
فهمتي
- هزت. راسها امي خوش. صار ,,,
كمت ورى العشة. كتلهم انام. اتوضيت وصليت العشة والمغرب. قضاء. ورحت نمت. فارشتلي
بيداء. ومدفية. الفراش. ذبيت روحي. جن اعضامي هودن. من ريحة هلي. جاني. محسن
وكعد يم. رأسي. يعاين. عليه. واصبعة بحلكة
ضحكت. وشلت الغطة. تعال. حبيبي انه. همات مشتاقة الك. حضنته. ونمت. كالي. أمونة
الله. عليج. لا تبوسيني. هواي.
ضليت. اضحك علية. ولك. غير مشتاقتلك. نام نام
مابوسك. نمت. مرتاحة. رغم. الكحة خنكتني
بنص. اليل. اجتني أمي. مفورتلي. ماي. حار
كعدتني
- هاج. اشربي. شجاج. مدكليلي. كحتج
تخوف وعلي. مال. تدرن. جفينا الشر
- وخرت. الكلاص من حلكي. كتلها يمة. من بردت
قبل شهر ولفحني. الهوا. منها. مابطلت. كحة
خذتني عمتي. للدكتورة. وشربت علاج. وجابلي
حماي. همات. وشربت. مافاد. شوفي. هاي العلاكة
بيها. الدوا
- كله. اتركي باجر ابوج ياخذ. للدكتور. وهو
همات ايريد. ايروح. موزين ابوج. كلش. ضهره
سكط . بعد. مايفيد. وعلي تجي ايام نايم بالفراش. مابي. يكوم. كتلني. القهر عليه. صدك.
ذاك. اليوم. اجونا. بيت. خالي الله يرحمه ولده
وبناته. شافوني. حان. عدهم. عرس. كرابتنه
هنا. ومرو. عليه. سألن عليج . البنات
وعلي. شكد خللج. سلام. كتلهن.
- الله. يسلمهن. يمة. صدك يمة. جميلة عرست
تنهدت. امي. ونزلت دمعتها.
- اي. يمة اي. عرست. مصيوبة . الجلوة. خذت
ابن خال. اخوي. الحقيرة. ولا ستحت سوت حنة
وفرحانة.
- يمة وبنات. خالي. اشون. وين راحن. خذوهن
بيت عمهن
- لا راح. ابن. خال. خالج واكع. عليهم. وكايللهم
خطية امهن. وانتو. ماعدكم. وحطلهن . بيت وحيدهن وهمات. هية. جيف ماخذت. غريب سكتو ورضو يبقن. يم. امهن
- كافي. لاتبجين. يمة. الله. يسعدها. شنسويلها
بعد عرست
مسحت دموعها. بشيلتها
- لا. هاي هيه. بس خالتي. خطية وعلي كظاها
القهر. عليهن. وجاي اصبر. بيها
—-
ضليت يم اهلي. لسبوع. ابوي خذاني. للدكتور كايلة مشكل وياها تدرن. انطاني علاج. بس شنهي
كضيت كضيان. من الكحة. عيوني. نوكرن. ضعفت
انسلكت. سلك. جتني. هبة. شفتها
وخالتي. ام عاطف. خطية. كاتلهم الخوف
دكول. بس لا. يسفرونة. لان. هي اصلها إيراني
وهيه. . اساس. سموهم. تبعية.
ضلن هيه وامي وجدتي . يبجن
كمل الاسبوع. جانو اهلي توهم. شادين التليفون
تمنيت عندي رقم قيصر بالدوام. واخابرة
بس وين. الكاه.
جنت ماخذا. علاجي. ونايمة وجدتي. تقرأ
على. راسي. لان. صرت. مثل الهيكل. بس بطني بارزة. واكح. جاني. علي. اخوي. كالي
ترى. اجه. قيصر.
- صدك. يمتى صارلة شهر ونص. بيه مابية
كمت. عليه. طلعت. للديوانية حان ابوي رايح
للشغل فتت عليه. كاعد. ويدخن. ومبين عليه ضايج
- الله يساعدك. هو التفت. ومخنزر. بس من شافني
كام وكف. وبهت. لونة. اشون المصدوم
- بوية. دخيلك ياعلي. شبيج. ياستار ياربي
ليش هيج. غادية هيكل.
- ضليت اكح. اختنكت. هو اجه. حضني وفرك ضهري. فاتت امي تركض وبيدها الماي
- هاج اشربي. اشربي
- شربت ونطيته الها. حضني. قيصر
وخذاني كعدني يمة.
- شبيج بوية. شجاج. شنهي هل الحبالة الكشرة
كضتج كضيان
- لا اشر بيدي اله. شلها دخل الحبالة. بس صدري ماطاب ابد. من انشلت. قبل لاتروح بيوم. وكضتني الكحة. ما هدتني ابد
- يابوية. ياقيصر. وانه. من جيت . للبيت ومالكيتج
كالي. ابوي. انه. دزيته. ومحمد ردت. اكلهم اكل
اكول اي. هسه مرتاحة. هناك. وخلاصنة مني
- خليت راسي. على صدرة. لا اشوون
اخلص منك
بس والله جنت مشتاقة الهم واجيت وياهم. وانته
بطيت. علينا.
باس راسي ودفعني بخفة
- كومي بدلي وامشي. هناك. اطببج اشوفلج جارة
للهل المصيبة. التدرن.
- كمت لميت غراضي أمي وياي. لمتهن.
وسلمت عليهم
وطلعنا. بالسيارة سالته. اشوكت اجيت. من الدوام
- البارحة. بليل. وصلت. والصبح رحت. لذاك
البيت. شفتهم. وطلعت. عليج
وصلنا. لبيت اهلة. بالنجف. وانشوف. الناس ملتمة
اباب. بيتهم. ذاك. الثاني
نزلنا نركض. والنسوان. تعيط صوتهم بالشارع
صاح. مال مصيبة.
قيصر شكًو. شصاير ليش هل العياط
واحد من جيرانة. كاله
- البقاء. لله. وجعلها الله خاتمة. الاحزان. اخوك
احمد وامه. انطوك. عمرهم مكلوبة. بيهم
البيكم على الطريق. وممرودين مرد
قيصر عاط. ياخوية.
انه ورى قيصر. عطت. بلا.
الله يرحمه. جان خوش زلمة. طبيت اركض. الهم.
لكيتهن. ايدكن ويلطمن الهدوم. مشككة
والشعر منثور. مرته. كاعدا. وتلطم ويمها بناتها صغار يبجن. وعدها. بس ولد. كان عمره ١٣ سنة رحت. صوب عمتي. كعدت يمها وضليت. ابجي وياهن
شيعوهم. والبيت انترس. نسوان. نصبو ثلاث چوادر
بالشارع. الناس انكلبت. عليهم كلاب. بليل
كتلها عمة. اروح. للبيت. اغير هدومي. واخذ علاجي وارجع. كالتلي روحي. دزت. على وحدة من البنات اطلعني. اجت. مرت. حماي. ياسر
هاي. عازلة. بيت وحدها. لاطبنلنا. ولا توصل.
بيتها بغير منطقة
لبست عباتي. وطلعتني. بالبراني. شفت سعيد كتلة
صيح قيصر راح ورجع. كالي.
- قيصر ملتهي وتعبان شتردين.
- كتله. وديني للبيت عفية. اختنكت. من الكحة
صدك خذاني. وصلني. للبيت ورجع. فتحت البوب
ودخلت. فتت للهول . كضتني. الكحة. اختنكت
فرد خنكة. كعدت بالكاع.
اريد اهوا. احس. الجو وكف
اشوية. واسوف. قيصر فوك رأسي كومني
وداني. للمغسلة. غسلي. وجهي وخذاني
فوك. للغرفة. نومي. وجابلي ماي واجه
- مادكلليلي. شجاج. رحمة لمحمد. راح تموتين
من الكحة. وين علاجج
- اشرتلة على الجنطة. مدري منو ذابها بالغرفة يمكن الولد. راح فتحها وطلعلي منها. العلاج شربته
هو مدد وحضني. هدت اشوية. الكحة.
كام يبجي. حسيت بيه. من. جسمة كام يهتز
تركته يبجي. بسته من صدرة. وكتلة
الله يرحمهم. ويغفرلهم. ويغمد روحهم الجنة كلماً
بيومة. البجي مايرد. الراحو. ذبيت حصرة. جان رد
خالي. كافل. الف. رحمة. ونور. ينزل على كبره
ضل ساكت . اشوية وكام مني. لبس دشداشة سودا
ولف. الغترة. على ركبته. لان باردة. كالي
انه راح اروح انتي قفلي البيت عليج. وباجر تعاي
هناك. لاترجعين. باردة. الدنيا. وانتي. مريضة
عافني وطلع غطيت روحي. وادثرت. او . خذتني. النومة ماحسيت منا للصبح. من صاح الاذان
كعدت. والكحة. همات. لزمتني. نهتني نهي
كمت. صليت. الفجر. وكلت هم. يالله اروح
بدلت ولبست جاكيت من ملات قيصر ابو الفرو. مال. دوامة. وجواريب. ونزلت.
عاينت. للديوانية. نايمين. ولد. هواي. سحبت روحي وطلعت. من البيت. توهم. كاعدين. بالچادر ايصلون
دخلت للبيت. النسوان. كلهن كاعدات. قسم. يسون جاي وريوك. وقسم. جاي ايصلن. انه. كلهن ماعرفهن
جانت خسنة. كاعدا. وابنها. ابحضنها. يبجي ايريد
يطلع برى. صبحت عليهن
ردن. السلام من ورى. اخشومتهن. عليه
وحدة كالت.
- انتي. ام الديوانية. الخذيتي. قيصر من مرته
- سكتت وهزيت. رأسي. كالت
- شنهي انتي. حامل. وتفر بيدها ردتها وحدة
كالتها. اسكتي مسحونة. عيب. البت. مو يمج
ولا. تعرفج
- كتلها اي حامل. بشهر. السادس. وانه ماخذيت قيصر من احد هو. الجاني. وخطبني.
نبت حسنة
- شبيها الغريبة. جاي. تخطب بينا. وبعدين احترمي العزا وراعياته. عيب عليج يالله انكشري من وجهتنا
هو انتي. منو. رايد. شوفتج
ماحجيت وياهن. عفتهن ودخلت. جوا. ضليت ادور. بعيوني على عمتي رحت كعدت. يمها.
وكضة اليوم. ماتحركت. من مكاني. والكحة دمرتني
كلما. اكوم. وكالن. ام. الدواير. وام الديوانية وخذت
الزلمة. من بيته. طكت. روحي. استأذنت من عمتي
ورحت. للبيت. شربت علاجي. ومانظفت. بس لميت الفراش مايصير. انضف. وعدنا. حزن.
ومنا. صدري. انتها. حتى. القفص. الصدري احسه
يوجعني
ضليت بالبيت مارديت. للفاتحة. حسيت روحي مامرغوب. بيه كل. اشوية وذاباتلي حجاية.
بس. كامت تنهيني. الكحة. وجسمي. يخدر مابية اكوم
ومنا بطني. حيل اتبهذلت.
كضت. الفاتحة وقيصر كله. يبات. بالچادر
مايجي. بس ايبدل. ويطلع.
تالي. من خلصت. رجع للبيت. وانتبهلي. كالي باجر اخذج للدكتور
انه كام. كل علاج مايفيدني.
انتهيت. قيصر. يسبحني. ويبدلي
اكلة. عوفني لا اعديك
مايرضى.
- ولج. انه. اعوفج. صدك حذب. تعاي. اعديني ميخالف. بس كون. اطيبين.
سحبني. ونومني على صدرة. ويبوس براسي
كضت السبعة. عمي. تمرض من. القهر على ابنه ومرته. وعمتي. همات اتمرضت. من القهر
عليهم. جانت تحب ضرتها هواي
انه. طريحة الفراش صرت كله. قيصر . يداري بيه
امي. من اجت للسبعة. توسلت. بقيصر. تاخذني وياها
ماقبل. وكاللاها. انه. اداريها
عافتني وراحت. وصدك
قيصر. ايشيلني . للحمام. ايسبحني
ويمشط. شعري. ايبدل. هدومي
كله. هو يوكلني. حتى. شغلة. هملة. ايدز الولد بداله خذاني. للدكتور
كاعدين. ننتظر دورنا. ومرية وياها عجوز. من شافت صدري. كالته. يمة. انطيك علاج
بشهر. اقل الشهر. ينفضها نفظ
- قيصر. الله ويدج. حجية المرة انتهت. وعلي لافاد بيها. علاج. ولا شيء
- خوش. شوف. يمة. اتروح. لسوك السمج تنزل
للديوانية. للناصرية. ماتلكاه. هنا. بالنجف. سمج اسمه. جري. هذا. تنكعونه. بخل. يوم وثاني
وتكلي. الها. وتاكلة. وعلي ابو الحسن. شهر اقل
اشهر. اترحملي. مااوصيك. عودن خوش
- اشكر منها قيصر. وصد. ثاني يوم. راح. للديوانية ويدور. وتالي لاكيه. جابليا. وعمتي عاطت. يبو ويبو
جايبلي. حياية. شنهي هاي. حرام اكله
كاله
- يمة علاج. علاج. هذا. مامكلينة نستلذ بيه لا
علاج. بس اطيب نكطعه. ومنجيب بعد
- كمشة قيصر ونضفة. جنت واكفه وياه. اكصكص بيه. اكلك. قيصر. هذا. مابيه اسنون
- اي هو كله. هبر لحم بلكي. الاه وأطيبين.
ولج. والعباس كلبي ورم. جن. انه. المريض مو انتي
- ضليت اضحك. عليه. كمت اكل بهذا. السمج
وعلاجي ما كطعتة. امي. اجتني. هي وجدتي
شافوني. ورجعو شهر. والحمد لله. تعافيت
طبيت. بشهر. التاسع. الي. بيه
اسبوعين. جنت توني. كاعدا. من النوم. وقيصر يمي
توا. نازل من الدوام. كال اتريك. واروح. اشوف ولدي
كعدته. وكمت سبحت. وسويت ريوك. النا. عمتي وعمي
ماشين. للمكبرة. كل اسبوع. يرحون. من الغبشة
ايزور. مرته. وابنة.
نزل قيصر. سبح وجاني امبدل. ومتعطر. رايح لحسنة تريك وانه. اللوب. من الوجع. خفت اكلة
ومثل حجاية عمتي. دكلي تشاليع.
وجهي. نعصر وصار اصفر. وهو يتباوع. عليه
- شبيج وجهج. صوفر. شنو. غرتي لان راح اروح لذاك البيت.
- اشرتلة بلا. والله. شلي دخل. بس بطني. توجعني
وعمتي دكلي. تشاليع. والبارحة. اكلك. بطني توجعني دكلي. هو الزين. خليها توجعج
كله من وراك.
فات. سعيد
- اي بعلي. كله. من وراك. قيصر. البارحة. مريت
لبتك وديت. مسواك. الهم. وتلكتني حسنة. تغرد
دكلي. لو اكمشها لهاي ام تنورة. وعلي امردها مرد
متحلفة الج. كوم روحلها.
انداريت. انطيته. جاي وانه. شلي. دخل. كاضته
مايروح الها.
من حجيت. هيج. هو. عاط بيه. وركع كوب الجاي
بالحايط
- اي روحلها. اي. مصدكين تخلصين مني
خرب. قسمتي. خرب. بحظي
دفع. الاكل. وكام. راح طلع. هو طلع اجتني. عصرة. الطلوكة. ضليت اكتم بصوتي سعيد. حسبالة. لان قيصر صيح عليه
كالي. كولي يالله ميخالف. هو مضغوط. منا. الشغل
مالته. ومنا. بيتين. ومنا. دوامه.
- اخير شيء عطت. بصوت. عالي. احس. بطني
اشتعلت بنار والألم. احسه. سجاحين. وتملخ مصاريني. ضليت. اعيط. من الوجع
اجاني سعيد يكومني. كضيته. من ايده. وعضيته
هو عاط. وانه. عطت
وللحكاية. بقية. ان شاء الله ...........
بارت. خفيف. ومريح. مو. 😁
ءءءء