الزنبقة السوداء

الحلقة 30

الزنبقة _ السوداء
داليا _ المسلم
الحلقة _30_

:-  طلعت اركض.  والهبطة خذت. حيلي.
لكيت امي. حاضنة. تابوت 

او.  ابوي . واكف. على راسها  ومخلي. الغترة مالتة. على  عيونة  اويبجي

صحت برجفة. يمة منو  منو. هذا. تابوت. منو.
طبت ام عاطف. اتعيط. او وراها. نسوان. جوارينة
ويصيحن. يا كافل. ياخوي. 

عطت لا ردت اكذب. اذاني
خالي. كافل. بعد. حيلي.   مشيت. ليم امي ودنكت. عليه.  فتحت. التابوت.  على كيفي وضهرلي. وجه. خالي  احس. الدنيا. اسودت. بعيني. وصارت . ضلمة. اوكفت.  انكطع الهوا. مني
ورجلية بادن. 

عطتت. بكل. قوتي. احس. بلاعيمي اتجرحاً

لااااااا خااااالللييي.  وج يمممة. خالي. رااااح شكيت. ثوبي. وضليت. الطم
وازلغ. بوجهي.  دميت. صدري.  ناارر نارر اشتعلت. بيه.  خالي. حبيبي.  ليش. ليش. عفتنه. ليش.
بنياتك منو. الهن.   من بعدك 

التمت الناس. وكوة. النسوان سحلونه. فوتونا جوا
ركضت بيداء. جابت  ثوب. من ثوابت أمي. السود
وذبته عليه. ذاك الالوان  شككته. امي وكعت اتخربطت. بساع.  لبست الثوب. وكمت  عليها.  جابن  النسوان ماي  رشيت وجها. صحت  وهيه. تثغب. ابونين

:- اكعدي يمة  راح خالي. راح. الحنين. ابو كلب الطيب.  حاجيت  امي. الي. بدت  ترجع تفقد وهيه. تعيط. وشكت ثوبها. وج يمة. راح. اخوج. راح. احزام. ضهرج.  دفعتني. ام عاطف. وصاحت بيه

:- خايبة المره. راح اتموت. ميلي. منها ميلي

:- خذتها مني. وضلت اصحي بيها.  اشويه.
وفاتت حبوبة. كايدتها. جميلة. وتعيط. كمت
ركضت  حظنتها.  وكعت  بحضني   وهيه  تعيط. وتبجي.

:- يايمة ياكفيل. يانضر عين امك. وضوء دربها.
يا يمة. وينك. بعد كل هلي  ياسكف  بيتي ودنيتي
ااخ ياوليدي. يايمة.

جميلة. انزوت. وحدها. وتبجي. وبناتها. خذتهن بيداء
فوتتهن يم الجهال   للعصر. شيعو خالي الحنين
راح

يمة خالي اشلون من عدنا يروح 
يمة جرح الخال مو مثل الجروح
يكل لمي. لجهالج. حيل مشتاك
او لو غابت عنه امي  الحنونة
اشمن ريحت امي  بحظن خالي
اااه. ااااه. بعيدين. يااهل النجف عنا بعيدين
لالبسو جديد ولا معيدين   حسبالي
الفركة يوم  يومين . اثاري. الفركة. حفنة. سنين
انه لخالي. يايمة . حيل. اشتاك
ياخالي. وداعتك . يجوي نار الفراك

ثلاث ايام. الفاتحة. جدتي  مغيبة عن  الدنيا
كلساع توكع  شلناها. للمستشفى طلع وياها مرض
اسمه. السكر. هذا يصير  بالدم. انطانة  الدكتور
الها دوا.  ورجعنا. للبيت. كال اخذوها. مايصيرلها
دوا. غير. هذا. منكول معالج. لكن. مسكن وينظم السكر. الي.  حالات  نادرا. ايصير عدهم .  هذا المرض

:- بيت. عم. خالي  كافل  رادو  الفاتحة  ايسووها
بالمشخاب.  بس. جدتي.  ماقبلت. تروح  هناك
وابوي. كاللهم   حتى لو. رحتو. سويتو. انه هم اسوي. اله. هنا.  عاد. كالو. تكضي. هاي ونروح هناك. همات. انسويلة

جميلة.  صح. تبجي بس. تاخذلها. اشوية ادكوم. اتغسل. وتاكل. امها. وخواتها اجني. مابين عليهن حزن.

ثالث  يوم. الفاتحة. وكبت. العيطة.  وصوت بيداء. يلعلع. من الغرفة. رحنا. نركض. نسوان. كومة
متروس   البيت. ترس. وخرت. النسوان ودخلت
واشوف. بيداء. كاضة. جميلة. من شعرها. وكطعتها
تكطع. ردت اسحبها. ماتفك منها.   وام جميلة واكفة وتعيط. بكل. حيالها وتسحب ابتها.

( عذراً. للاالفاض)

:- عوفي بتي انعل ابو ج... لا ابو .... بنات الكواويد. صاقطات
عوفيها. فوك. ما نظلمت وترملت. انتن. الدور عليها
دايحات

:- همت بيداء على امها. رجعت سحبتها. وخالاتي
ويايه. نفاكك بيهن. حجت بيداء. بحركة

:- والله  ما كو غيرجن  انتن. الدايحات.  ولح. خالي ترابة  لساه. اخضر واسب. بيه. هل الدايحة بنتج  خليني ساكتة. منها.  كاضة. الطفلة وادك بيها. وتسب بخالي.  والله  ما غير. ابوجن المطي. يا بنات المطي  مو خالي. المطي

:- صاحت امي بيها

:-  بيها بيداء. كافي. لسانج. النسوان. جاي
تعاين علينا همست وبعدين.  يكولن شذرة ما عرفت اتربي  بنتها. .
التفتت  لجميلة
كافي  جميلة عيب. سدي حلكج. وانتِ يا ام. جميلة. حلكنة. مليان دم. عيب عليج. هيج تحجين   صوابنة حارة. ومصيبتنه  جبيرة.  

عاد

:- امها سحبتها.  وسكتن. لبست عباتها.  واخذت بناتها وطلعت. حتى ما كملت الختمة   

جدتي ضلت تنعى وتبجي. على بنات خالي
كالت. اذا. هو. ابوهن. راح.   جميلة. تخليلي البنات
هل. البرعة  من جان. ابني عايش. دولبتة.  هسة من مات تمشي عدل. لا والله.      هاي. راح اتشوف. منها العجايب

كضت الختمة

او طلعت النسوان. وكعدت. بيداء  سالتها
:-  شكو. احجي. ليش هيج تعاركتن

حجت خالتي شهدا. :-  بعد بيتي وحيلي وعيني
يابيداء. من كضيتيها ودكيتها  هل الدكة. بردتي كليبي. بس اخاف. كليب. كافل. احترك. لانه يحبها
هل المحروكة. وكامت تبجي وتنعى

:- التفتت لبيداء. شكو.  شبيجن احجي
حجت بحركة وتأشر. بيداها.  على الباب

:- وج. امونة طبيت. اوزع. حلاوة. التمر للجهال
واشوفن. جميلة  كاضة. فطومة  واكعتلها  دك.  واسب بخالي  بنت  المطي  بنت وبت  ماخلت  ماحجت  والله شنو  لان.  جاي  تاكل  ومدمرة  هدومها. وانه.  جيتت  عليها  بردتت  كلبي.    بس لا.  نزلت  دموعها .  مابرد  كلبي. جذب. امونة. نارر  واجة.  بيه. على  خالي.  ناارر.  وتأشر  على  كلبها.  

:- كعدت  بيداء. اختنكت.  من  البجي . انه.  كابلتها وظليت  ادك  والطم.  امي  خذت جدتي.  وراحن  للديوانية  كملت  الختمة.  وكلماً. مشى. لبيته.  بس بيت.  عم. امي  ضلو  يمنى.   اتفقو  ويه   ابوي.  ايدزون  خبر  لجميلة. لو رادت.  تعرس. ياخذون البنات

مشت ايامنا. بحزن. ودمعة  بيتنة حزين. على فراك خالي كافل. جدتي. الحزن كله.  روحها  ونخر. جسمها. كامت. تطلع بيها  امراض.  مدري منين
مرت الاربعين.  ورحنا.  زرنا. وكملنا. كل المراسيم.

هاي الاشهر. كلها   انه مجازة  ابدون راتب

وقيصر  اجه هو واهلة. وقامو بالواجب. وبعد ما جانة ابد ولا  جحة. بخصوص. العرس. همزين.

مرت ست. اشهر    ورجعت. اداوم.  اول يوم والثاني
لكيت. قيصر اباب. البيت. جاي. ياخذني. للشركة

اتاففت  بضيق. منه وحجيت بداخلي. شجابك. نزل
وذب جكارتة.  وكف يمي

:- صباح الخير امونة. اشونج.

:- رديت عليه. وانه. مبين علية الكدر. منه
صباح الخير. هلا بيك

:- اشبيج وجهج انجفه. ويأشر بيده. على وجهي 
من شفتيني. عيب. انه. زلمتج. واريدج
تتبسمين بوجهي  لو شفتيني  ترى  منا وهيج  انه اخذج للدوام  وارجعج. اصعدي

:- فتح باب السيارة.  خليت  وصعدت
هو التاف صعد وشغل السيارة. ومشه. بس على كيف ويضحك.  التفتت اله.  وحجيت

:- اكلك. قيصر  ترى  طريق. الشركة. بالسيارة بدقائق نوصل الها. سويته. طريق بغداد مو. للسايلو  اتففت ودرت وجهي للجامة. 
رد علية والضحكة شاكة وجها 

:- اروح فدوة. للضايج. هو. غير. حسبالي بحلم
يمكن مو حقيقة.  اكلج تدرين. خلال هاي الست اشهر. شسويت. كفيلج. الله.  بعت  ٥ محاصيل
ورتبت وضعي. بالدوام.  كلت خاطر. ما اصعد
ابقى  واتهنى. وياها لحبيبت كليبي امونة.  باايام الخطوبة

:- التفتت علية. وحجت بعصبية. اكلك. انتَ  مصدك روحك.  قيصر. انه. ماريدك. عرفت. وانجبرت اقبل بيك مجان كدامي. غير. حل.  ولا تنتظر مني. احبك
دار وجها. مني. وضل يباوع.  ليكدام. ورث. جكارتة
وكالي

:- هينة امونة  هينة  كلشي يهون. مادام انكتبتي بأسمي. يجي يوم الي اخليج بيه تحبيني  وتبوسين اتراب رجلية.

:- والله مااعتقد. يجي هيج. يوم. وبعدين. انتِ
مو مزوج. وتحبها  على كولتها. عوجت حلكي.
شو هذا. طكها بضحكة. والتفت يسوق  كتلة. وانه. اشر. بيدي. جاا شكو شبيك. تضحك  ضحكنة  وياك

:-  هو. غير. اموت. بالي. يغار علية. اشتعل. من فوك.  لتحت   انزلي. ابوية. انتِ. وصلنا.  لا اسويلي مصيبة هنا  كدام الوادم.
هااا وعباتج لفيها. عدل تمام ,,

:- هزيت ايدي. وعفته  وردت انزل.  ماحسيت بس
على سحبة. العباية من ايدي. رجعت كعدت على الكشن حجة.  وهو يكز. على اسنانة  بعصبية

:- شوفي. لج. مو شفتيني  احبج. كلتي اركبة لا وعلي ادفنج. افتهمتي. حتى لو  تكرهيني    لا
تقللين  من  قيمتي.  حتى   ويه. نفسج  عيب.
وانه. اكول.  احلى. من  السان  اماني  ماكو
كومي  انزلي.  وانه.  اشكرج.  على هل  الرد
اتهزبن. ايدج. مو. خوش.  بسيطة.  أمونة

:- عفت  ونزلت.  ابدون ما انطق حرف  واحد
زعل. وزعلتهم. وانه. شحجيت. لفيت عباتي. ودخلت. للشركة.  لكيت. البنات. كامن بوجهي. سلمن.
كعدت. اكمل. شغلي.   بين الطباعة والشغل.
سمعت سلام  رفعت راسي. ورديت.   ولد شاب

جان شايل بيده.  فايل.  من. فات. عينة. علية وعلى هبة.   رجعت اكمل  شغلي. كلما. ارفع  رأسي
هو  يحجي ويه ابو عباس.  ويباوعلي. ويباوع. 
لـ هبة   دنكت راسي. وهمست.  هبة. هبة.  هيه. اندارت عليه

وهزت راسها. شكو. شبيج.  انه. اشتغلتها.  اشارات
اشرتلها. . بعيوني  عود. شوفي. هذا. شبيه ردت عليه

:- شدراني. شبيه. شو  كلانة  اكل. هذا. هسه
لما. شكلة.  حلو. جان كلت. مجرم. حرامي  بس جنة العافية 

ضحكت عليها. بساع  اخذت. اله سنونار
ههه مصيبة هبة   رجعت اكمل  شغلي
وهو كمل  وطلع. لنهاية الدوام.  كتلها هبة
ماتجين. باجر  ..؟؟ خميس ومسوين. ثواب. لخالي
وامي  وصتني   اعزمج
ردت. عليه بحزن

..:- اااه. يا امونة ولج. ريت اكلو. بفاتحتي. ولا
اكل . ثواب. كافل. ولج. غير جان  بنفسي. الله يرحمة حرامات. الكاع. اطم. هيج. الحلوين  ويضل
مؤيد. وأمثاله

:- لبست عباتي. وكتلها. هسه. اشون. ابجي اضحك
على خبالج. ولج شنو إنتي  ضلت بس. تتحسر
. وطلعنا

:- اسكتي امونة. نار بيه. واجة. على. المرحوم
التفتت الي  بحركة حجت  وعلي   لو ماخذني فوك الملحة جان رضيت  وابصم  بالعشرة. اقلها. يمكن
انه. اخلفة  ولد.   بس. راح. بعد  

وكامت تصفك بيدها

:- هزيت رأسي. بقهر. شرد عليج. بالله.  مع السلامة انه امشي. عفتها وطلعت على طريقي وهي راحت
للصالون. كل اسبوعين. اسبوع. اتروح.
ضليت. أمشي. قيصر. ماكو. الظاهر. صدك زعل
او. زعلتهم.  وكعت الجنطة من ايدي. دنكت
اشيلها. ونمدت ايدي. وياية  رفعت  رأسي
نفس اللولد. الي اجانة. للسايلو.  سحبت الجنطة
حيل من ايدة. وتراجعت.   لورا.  وحجيت بخوف.
بداخلي. بس. مابينت. اله  :- شكو شتريد
او. منو انتَ. شتريد مني 

رد علية. وبسمة على شفافة

:- أمونة. انتِ. مو. شبيج. خفتي . مااائذيج ترى
انه  اريد احجي وياج.

:- شكو وشرايد  مني.  وخر. لااحد. يشوفنا.  شيكول عليه.

:- هوب  اكفي اكفي  لاتمشين. بس. احجي وياج  يحجي وفاتح
ايدة. منا ومنا. مايخليني اعبر

:- عطت بيه. وخررر. مني. كتلك. ماتستحي انتَ
شفت سيارة قيصر. اجت. كلت اي راح يخلصني منه
هو من شافها. ادنة عليه. وعلة صوته. وقيصر نزل يركض.  التفتت اله. وعطت بيه وخرررر

:- اششش. حبيبي شبيج. ليش خايفة مني

:- عزا. بعينك. ياحبيبي. لطمت وجهي وقيصر سمعة من حجى. هيج. بساع. جرة   من قميصة  من يم
ضهرة. ودارة عليه.  وكالة

:- شكو ولك. منو انت. وشرايد. من مرتي

:- مرتك  ههه من اشوكت مرتك. دار وجه. عليه وضحك 
:- وين وعدج الي. امونة.

:- سحبة قيصر. وضربة بوكسي  على وجه.
وذاك. ردله الضربة  عطت. بيهم. كتلة  قيصر
الناس. راح تلتم. وانفضح. عوفة خله يولي
  .  هو بساع دفع الولد. حيل. ذاك وكع  بالكاع

طلع. رجال هو  او ولدة من بيتهم.  واجوي. يفازعون بينهم. انه كمشتني الرجيفة من الخوف

:- سحبته. أمشي. امشي. نصعد بالسيارة.
وذاك يكلة. اي اي. اخذها منك.  أماني الي. محد. ياخذها. مني.  رجع هم عليه.  وخر ايدي ًبس الله يوفق. الزلمة او ولدة . كمشو. واخذو ذاك ليغاد

كالولهم. كولو يالله. عيب. شنهي زعاطيط انتو
كاله. قيصر
:-حجي. ماسويلة شي. بس. اسألة. انتَ. منين
تعرفها

راح. الرجال وكاله. بوية انتَ. تعرفها.
رد عليها. اي. وعشرة   عمر همات. وياها

ردلة قيصر
:- انتَ. زلمة. تعال. هنا. ويأشر. يمة. واحجيلي. الصدك. يابة. وهو الحسين. انطيك افلوس اعدالك

ذاك ردلة :-  لا. عوفها الي. واكلك  وضحك

قيصر  كاله.  خوش. عرفت منهو. دازك. روح
بس شاربي. مو الي. اذا مادست راسك
بالقندرة.

التفت. علية. وجرني من  ايدي.
دفعني. بالسيارة. والغضب  احسه يطاير من. عيونة
وعروك  ركبتة  بينت  من العصبية.  اندار صعد  وشغل السيارة.   اباوع.  لذاك  كام  نكت  هدومة. ويضحك 

:- عزا العزاك. همست. بيني وبين روحي. ضليت مصفصفة. وساكتة. بس انفاسنة  مسموعة
حجة قيصر  بعصبية  كوة. متمالك روحة

:- احجي. منو هذا. وابدون جذب 

:- خلة عيونة. بعيونة.  ويباوعلي بشك.
هزيت رأسي. والله. مااعرفة. منو. ولا بعمري. شايفته
الصبح اجة. للشركة.  عندا. معاملة. تسليم. وهو كضاها. يعاين. عليه وعلى صديقتي  ....
وهسه من طلعت. لاكاني هنا ....

:- خوش. ليش مايعاين.
ضربني. على زري.  حيل.
وكرصني. منه.

:- عطت. اخخ. شبيك. وانتَ اشون اتمد ايدك على رجلي. ضحك بستهزاء وكالي

:-  اول شيء. كلج. مالتي. وخلة اصبعة. على رأسي. هاي. احفظيها.
وثاني. شيء. اذا. تنورتج نص. ردن
ورجليج  مبرومة. وطالعة. شتردي. يعصب. عيونة مثلاً
لو يغمض. منج.  شوفي. وياشر على رجلية

اشون. يبرجن. برجن. جنهن. حِليِب ويجيبن. التايه. لبيت. جد جده  يابت حقي  انتِ. احسن. الج. تكعدين. بالبيت. شلج بعد بالوضيفة

:- لا انداريت. علية. وحجت. بقهر. لا لا قيصر اشون تحجي هيج. انه. ماريد اعوف   دوامي. وبعدين انه  اثبتت . حكومياً.  ليش. اتركها. مو حرامات  بس صوج. ابوي. المفروض  يتفق. وياك
من الاول

:-  لا اضلين. تحجن هواي. انزلي. وصلنا.
او شوفي. ابوج. داخل. صيحي.  عندي  موضوع وياه

:- خفت يحجي اله. ضليت ساهية. بوجها. كتلة لا لا عفية. قيصر. لا دكلة. وعلي. مايرحمني
كمشني. من ايدي. وكالي

:- روحي صيحي. ولا تخافين  شنو انه. زعطوط كدامج اكو. زلمة. يمد ايدة عليج. وانه. موجود

:- هزيت رأسي. وعفته ودخلت. تلكوني الجهال
سالتهم ابوي. هنا

محسن رد علية. اي. هنا  جاي ياكل
:- خوش. روح كله  قيصر بالباب. اجه. ايريدك
راح يركض. محسن للداخل.  وانة. فتت وراه
اسمعة كاله. لاابوي. وابوي. كام. ويحجي

:- شعندا لافيها. اليوم  قويصر
شكو. سوي  جاي. شذرة  هلي اشوف نسيبج التحفة
شجايبلج

:- عفتهم ورحت. بدلت. هدومي. لحكتني أمي.
:- هاا امونة. شوكت جيتي. اكلج. هذا خطيبج
جاي. ويريد. ايعرس. صدك يحجي. حلكنة
بيه. حفنة دم. وهو. ايدور عرس

:- رديت. عليها. والعبرة خنكتني يمة. هو انه.
شبيدي. حتى لو حددو . العرس.  اشو كله . بيد ابوي  وانه. بس انفذ   تأففت. امي وطلعت.
غيداء. وين جدتي

:- بالحمام. بيداء. جاي تغسل. الها
:- اشونها. خما وكعت اليوم

:- لا زينة. بس  كضتها بجي. ادكول. شايفة خالي بالحلم  كاعد. ابستان. حلو  وكلشي يمة. بس ضايج
كالت يمكن على بناتة

:- انداريت الها. واحنا. شبيدينا عليهن. اشو ابوي وجاي ايدز. الهن مصرف. حتى. بالراتب. مال
خالي  مشى بيه. وجاي. يطلعا. الهن

:- مادري. أمونة. اكلج. احنا. اشوكت انشغل التلفزيون. والله. كلبي طاك. على المسلسلات
البيه

:- هزيت. ايدي.  الناس. بالناس.  والكرعة. تهلس.  بالراس وعفتها. وطلعت  تلكيت جدتي من الحمام. بست راسها وخذيتها. للهول.   بيداء. ضلت تغسل هدومها

كالت ماريد بالغرفة.  كعديني. بالهول  اختنك. جبت. مشطها الخشب. مشطت  شعرها. الابيض. وضليت احب بيه. فدوة. لريحتج حبوبة كلج. عطر  من الجنة. وبابها. بس لاتبجين. كل. وكت  والله موزين على صحتج. ردت. عليه. بتعب 

:- يحبوبة. هو شبقى. بصحتي. اشو. اخذوها وياهم  وراحو. يحبوبة. خذوها احبابي ومشو 

:- حضنتها. وظليت. ابجي على مبجاها. تعبت هواي
وصحتها مشت منها. فرد نوب.  اليوم. اخلي ابوي
ايجيب. بنات. خالي. اشوفيهن
مسحت دموعها. بشيلتها. وكالت

:- بس كون. تنطيهن. امهن. البرعة. خايبة ولاجن زلمتها. مات ذاك اليوم. من رحت ليهم. حافة وجها. ولابسة. ثوب مخرم. ولكيت. بيت  اخوية. اهل. مؤيد. يمهم. شكو وشعدكم.  كالو جينا. انشوف. بنات   المرحوم. سكتت منهم. شحجي. زاد. الله. فضلهم
من يتفكدوهم

:- كومي. اصبلج  غدا.  انه ماتغديت. بعدني
ردت. عليه. وهي. تسحب. اللولة. ( المخدة )
اتريد اتمدد

:-  تغديت من. زمان. وكت. الصلاة. روحي أكلي
وتعاي. فركي ريولي. ( رجليه )

عفتها وكمت. عاينت من شباج. الهول. طلع قيصر
وابوي ودعه. وفات. انه رحت. صبيت اكل وتغديت
فاتت بيداء . بيدها. طشت. الفافون.  طالعة  اشر الهدوم.  حجت. وتقلد

:-  هااا يا المسعدة جاي تاكلين كومي ابوي
ايريدج  تقلد وتضحك   عبن عندا سالوفة وياج  على بطل الغاصر مالتج. وتمد بشفايفها. تقلد

:- فلك ضحتني وعلي. ولج شنو انتِ محد خلص من لسانج. انوب. بطل. قاصر. هههه كمت غسلت ايدي
ورحت. لاابوي. كاعد  يم حبوبة. ويسولف وياها.
ويدخن تتن.  من شافني. اشرلي. اكعد

:- تعاي  بوية اكعدي   تغدياي

:- هزيت. رأسي. اي.

:- خوش. هاي. كدام. حبوبتج. جنت اسولف وياه
بخصوص. طلب. قيِصر  مساع جان يمنى.  وطلب مني. ياخذج.  كال  ست. اشهر  كافي. كال. وأنه مااسوي عرس. بس اطول. السالفة. اصير مشاكل.
شدكولين. حبوبتج.  دكول . ماعندي. مانع. خلها تمشي   وهو همات. يكول. عمي. موات اليوم باجر. يعني اضل. بعد سنتين. مااخذها . شدكولين

:-دنكت رأسي. وبجيت حجيت بس خالي. بعده
توا. اترابة اخضر  بوية.   اجت امي  تلهث.  هل الايام كلبها. هواي. يوجعها.  وكفت. فوك رأسي
وكامت. تبجي. وتحجي ويه  ابوي. بحركة

:- اشون. انتَ. ترضاها. واخوي. توا. مات. ليش ياحقي. مو هذا. كافل. دكول عليه. اخوك الماجابته امك. ليش. هيج. ترضاها. اشون.  انعرس
وتراب اخوي.  اخضر

اشرلها. تعاي
:- تعاي. اكعدي  وعلى كيفج. وياه. روحج.
شوفي. راح. اضلن تنوحن. وتبجن. عمر كامل.
تالي. يرجع. الراح.  يجي. كافل. الله يرحمة
لا. مايرجع. جان رجعو. اهلج. العافوج. ومشو
يا ام علي. خلي. البنية. تمشي. الله وياها كعدتها.
مابيها. فايدة   ولا تسوي . عرس. ولا هوسه  

:- سكتنة. وجدتي وأمي. تكابلن ويبجن. وانه وياهم
استغفر ربه. ابوي. وكام. وعافنة 

يومين واجوي  اهل. قيصر امه. واختة فوزية بس
كوة. عليها. جاية  انطنه. عد الكي. وحددو. شهر العرس بين ما اجهز روحي.

البيت. كل معالم الفرح مابيه حزن
بحزن. جدتي. راحت. لجميلة توسلتها.
على مود. البنات. يجن ليلة يمنى.  قبلت
بعد ماابوي.  انطاها.  افلوس.  عود بحجة مصرف
الها. قبلت

طلعت كمت. اسوك. انه. وهبة. امي. ماتطلع
حزينة.  او خالاتي  بعيدات عليه. شيجيبهن
كل. ملابسي. بختيار هبة. امشي
وياها . ومالي. نفس بشيء.  لان
روحي  بعدها
مجودر. عليها. الحزن
بس. ضلت ابالي. دوامي. اشون
ماكلت. لاابوي. يحجي ويه.  قيصر عليه
رديت  للبيت. بعد. ما. كملت كل جهازي
حتى ثوب العرس. اشترته. الي. هبة
بسيط. وعدل.  مابي . شيء

كعدن البنات كلبن. الجياس. ويكلبن بالاهدوم
وأمي. كابلتني. وتبجي. خليت ايدي جوا
خدي. وضليت. صافنة عليها. هيه. وجدتي ينعن
ويبجن. ويلطمن  وانه. خذتني. الصفنة

.....

بيوم الحنة مالتي. لابسة دشاشة السودا مالتي
اجتني هبة. وانه. واكفة. اغسل اماعين
وغيداء وفضة   اينشفن بالكاع.

:- ياا. يااا. جاا خيابة. يا العروس. جاي اسوين جنج اغراب البين. امشي. احفج  أنضفج
نسيتي اليوم
حنتج

:- حجيت وياها بضحر. لا مانسيت. اذكر بعدني
بس. شسوي. لميت  هدومي . ذنيج.  شوفيهن
اشرتلها. لجوا الدرج الجنط   تلاثة. مخططات. ابيجي واحمر جلد 
كتلها وباجر عود ابدل. الله كريم. 

:- ياا صدك. سحبتني  من ايدي. ولج. أمشي
تعاي. البنات. يكملن. عاطت على بيداء.
بيداء  خايبة بيداء. تعاي

:- خير شتردن مني 
:- امشي كملي. ابدال. أمونة. عندي شغل وياها

:- خذتني. وصعدنا فوك.  عدنا غرفتين. وحدة. مخزن الغراض. مال البيت والثانية
للفراش. مرات. من يجن. خالاتي. افرش للجهال بيها
طبكت الباب. وتوجهت. علية.

:- يالله. ذبي. هدومج. ادري  مابيج خير. جبت
وياي  جدر شيرة. والحفافة.  ام حافظ. صديقتي راح اجيبها أمي. وراية  وتجي ،،

:- يبوو. يا هبة. وعلي. مابية. وبعدين. ما خذيت
شور. أمي. اخاف ماترضى

:- اش اش. ماترضى. شو وخري

:- دفعتني وطلعت. وكفت على الدرج وصاحت على امي. خالة. شذرة وينج

جانة صوت امي. من المخزن 
عاينت. لـ هبة كتلها. هاي.  تعاي. هنا
رحنا. فتنه. عليها. لكيتها
فاتحة. الفاتية. مال جدتي. الله يرحمها
ومطلعة  غراض. اهلها. وغراض. خالي
كافل. كلهن. هدومة. محفضتة. ساعتة
ملابسة صورة. مخليتهن وتبجي. لان جميلة كالت
كلشي. ماريد منكم.  ماخذت. غراض خالي.

كعدت. بصفها. وكتلها. يمة. كافي. عافيتج راحت
وعيونج. الحلوة. عمن  لخاطرنا. كافي.
لا تحركين. كلبي. عليج. يمة. ردت عليه وهيه
تناشغ

:- اخوي. هذا. اخوي. شوووفي. شوفي هاي غترة ابوي. وهذا. ثوب. أمي. وهذا.  مداس. امي
وخالتي. شوفي. هذا. الهاشمي. مالتها
شوفي. هاي سبحة ابوي  جابها اله
ابن عمة. من الحج. من خشب. الكعبة مسوينها
جنت من من. اتمرض. يغطها  بطاسة الماية ويقرأ
عليه  ويشربها . الي.  اهلي

اهلي امونة. كلهم. مشو. وعافوني تالي.
استخصرو. بيه. اخوي. همات خذو

حضنتها. وضليت. ابجي بعياط. وهبة وياي تبجي
ساعة واحنة. نبجي. لما. صعدتنة. غيداء.
كالت. اجت ام. هبة وياها  مرية

كومت. امي. ولميت  الغراض. بالفاتية. كلهن
وقفلتها. ونزلنا. غسلت وجهي. خذيت المرة
وصعدت. للغرفة فوك
وبدت. بيه.
شيرة. وحفافة.
اتشير. وصلِ  على محمد.
كلساعة. وكالت. ماتنطوني. اختج
ماتنطوني. منكم. بت.
جنجن. غزلان 

هبة سكتتها لان شافتني. مخنوكة. وبس ابجي
كملت. جسمي. وحفت وجهي

كمت ابدل. اسمعها دكل. لـ هبة
:- شبيها. خطية تبجي. فصلية
لو مسوية مكسورة. لو  مجبورة

ردتها هبة. :- لا خالة. بس لان حزينة على خالها
مات صارلة ست اشهر. وهاي. راح يفوت بالسابع

:- جاا تانو. السنة وعرسو. شنهي. طايرين

:- لا بس عم العريس. موات.  اليوم باجر. شايب كاضي. فرد نوب  وخاف يموت واظل. بعد سنتين
والعريس امفلفل. تتباوع. لا أماني  وتضحك

خية مستعجل. لي شنهي ماضايك كيمر  وضال بحصرته. وتلعب. بحواجبها لاأماني. بضحك

:- اووو درت وجهي منها. مزاجي . مو كلش للضحك هبة. كومي. ننزل. ضلت. هبة. يمنى
أمي جلبت بيها
على العشة. هيه. كامت. سوت. ثواب لخالي
اليوم  خميس 

بعد العشة راحت. هبة.  طلعت. للباب وياهن
شاورتني. ام هبة. 
:- خالة. أمج. علمتج. على باجر لا
:- تباوعت. الها. وهزيت. راسي. لا على شنو
خالة
ضلت صافنة بوجهي والحيرة. امبينة عليها
كالت. :- غير تحجين
رديت عليها

وشدراني . شحجي
ردت عليه. خوش
باجر اجيج من الصبح. امبين امج غاطة بحزنها
وما منوراها. تعلوم

دارت  وجها  وطلعن وراحن 

ثاني يوم .....

كعدتني. أمي. من الصبح  

:- كومي. يمة. حضري روحج.  ذبي هذا الثوب
يالله. حبيبة. ترى يجون من وكت.  وغطت وجها
بشيلتها  وكعدت تبجي

بست راسها. كافي يمة لاتبجية. وعلي
حتى كلبي انكرب. جن رايحة للمصلخة.
ضحكت  امي. علية من بين دموعها

:-  شو حتى تشبيهجن. مدري اشونة  بنات هل الوكت  كومي حبيبة جدتج  اتريدج  كالت صيحيها الي تريد تحجي  وياج.

كمت طلعت غسلت وجهي وصبحت عليهم. كاعد ابوي
من شافني كام. كال اانه ماشي للكاع. ما اجي منا
لليل.  تباوع لوجهي. وعيونة دمعن

انه مشيت لحضنة. حضني وباس رأسي
وكالي. صيري سبعة. وراج. شمات. وناس فاتحة حلوكها عليج. هواي.  اريدج.  اصيرين
رجال. لو غاب. زلمتج. عنج.  وسنعة معدلة وياه
ماريد فرد. يوم. يجيني. شكاي منج
اريد الشكوى. منج ولامنه. خوش

:- هزيت رأسي. حباني بكصتي. وطلع
كعدت. يم. جدتي. وبدت تحجي وياي
على العرس ومدارات. الزلمة.  وشيصير بليلة
العرس. انه. من. حجت. هيج غطيت
وجهي. ورجفت. خجل. كتلها. جدة 

فدوة اغديلج. شهل. الفساد هذا صخام بعين العرس
من هسه. خفت 

صاحت. لاأمي. جابت صندوك. ازغير  خذته منها
وطلعت. منه. ابتوت اربعة. ولبستهن الي. وباستني
انه حضنتها. وبست ايدها وراسها

.....

العصر  كاعدا. ولابسة ثوب ابيض. بسيط  عدلتلي
هبة. البركع. الابيض. وعدلت. شعري. المنسدح
سمعنا. هورن. سيارة  كالت هبة اجوي
ما اكولن. رجفت لا. اصطكيت جمدت
بمكاني. وعيوني. تعلكن. باأمي
جن. عمري. ذيج أماني.
ام الخمس. سنوات. وشذرة
الشابة. الصغيرة.  الكايدة ايدها
وماترضى. اتحل. ايد امها
وتبجي. مجلبة. بيها
واليوم. راح. ياخذوني منها. نزلن دموعي
تسابق. على خدودي. احسهن. جمر  او يجوي  بخدي  وعيني على أمي.   طب  قيِصر  لابس 
داشة وبشت  وعكال  وياه. بس ابوه. وامه
واخته. فوزية.  وعمتة مرة. جبيرة. وبس.

ذب. على راسي. البشت مالتى. الابيض. وكومني
اجت امي وكفت بصفي حصنتها. باست راسي
وصت. قيصر بيه هو كاللها. بعيني. هاي العزيزة
بت روحي. صدك جذب.

لا هلهولة. لا صفكة لا ضحكة. بس. ما اكو
احلى من. زينو. طلعتي. من بيت. ابوي
بالصلاة. على محمد. وال. محمد 

سمعت  صوت. ابوي. سلم. عليه
قيصر وابوه
وطلعنا.   صعدني بالسيارة
وسيارة  ثانية. مشت ورانا. وبس

مشت. بينا. السيارة.   انه. اختنكت. من البجي
رفعت اشوية. من البشت. ودرت. راسي
اعاين من جامة. السيارة. الورى. شفت ابوي
واكف  ويمة. حبوبة . واخوتي.  
كلبي. عصرني.  سحبني. قيصر ودار وجهي
حضني وباسني. من راسي. وهمس بااذني

انه.  صرت. كل. اهلج.  وناسج . بعد. 

رديت علية. وبحقد :-  لا. انه. اكرهك. انتَ مو اهلي

وللحكاية بقية ان شالله. .........

كل عام وانتم. بخير. عيد سعيد 🎊🎊
وعساكم. من عواده. 🎉🎉💚💚

وهذا. البارت  كرزو بيه. منا. لبعد العيد
خوش. لو مو خوش  اماني اسلم عليكم
ودكول. الكم.  اترحمو. ال خالي. كافل
اسمه الحقيقي ( مانع )
الله يرحمة