احم احم...... اهلا بيكو في روايتي الاوله ندخل في
الموضوع من غير رغي كتير 😂.
♕♕♕♕♕♕♕
القصه بتتحكي في......
لاء خليه سر هتعرفو بعد شويه.
ونبدأ القصه.
سنه 1998
الممرضه: بسرعه جهزو العمليات...... فين الدكتور
خلوه يجي حالا.
الدكتور: متقلقوش المدام هتبقا بخير .
ثواني وكان صوت بكاء الطفل يملاء المكان......
وبعدها خرجت الممرضه وقالت:
ألف مبروك جابت ولد...... هتسمو القمر ايه بقا.
الاب: مظنش اني هلاقي اسم احلي من عبدالله .
واحد كده من العائله: مبروك عليك يا ابو عبدالله اهو
ده اخر العنقود بقا يعني سكر معقود.
♕♕♕♕♕♕
سنه 1999
الدكتور: بسرعه محتاجين نقل دم للطفل.
الممرضه: دكتور دكتور مفيش ولا كيس دم واحد
من فصيله O .
الدكتور: يعني ايه الطفل كده هيموت لو متنقلهوش
دم خلال ساعه.
ام عبدالله : ألو.
واحد كده من العائله: ألو يا ام عبدالله تعالي بسرعه
علي المستشفي محتاجين نقل دم منك.
ام عبدالله: ايه..... ليه ولمين.
ذلك الشخص: مقدميش وقت كتير تعالي علي
المستشفي وبعدها هفهمك.
أم عبدالله : ماشي انا جايه بأسرع وقت لكن فين
المستشفي.
واعطاها العنوان وبعد مرور بعض الوقت.
الدكتور: الحمدلله نقلنه الدم في الوقت المناسب.
الممرضه: ألف مبروك مراتك جابت بنت هتسموها ايه.
العائله الكريمه: مريم لا ملك لا ندي.
الجد: لا انا عارف انا هسميها ايه.... انا قررت اسميها
كنزي لاني متأكد انها هتبقا زي اسمها في
المستقبل.....
♕♕♕♕♕♕♕
وسي عبدالله من أولها عمال يعيط....واء واء.
هنا اختو الكبيره: اهدي يا عبدالله اهدي يا حبيبي
طب انت عايز ايه..... لاء لاء دي لاء.
الام: ايه يا هنا مش عارفه تسكتي طفل عمره سنه.
هنا: مهو اللي عمال يشاور علي النونه وعايز يشلها.
الام: هاتي ايه يا حبيبي عايز تشيل النونه خد شوف
حلوه ازاي.
ومامتو بتقربها منو راح......
واحد من العائله: ايه ده ده بيبوسها شكلو بدأ يرسم
عليها من اللفه.
(امال انا ليه كانو بيدقو بالبتاع ده جنب وداني لحد
مجالي صداع يوميها يرضيكو كده 😂)
♕♕♕♕♕♕
ويعد كام سنه كده.
كنزي: هات لعبتي.
عبدالله: لاء دي لعبتي.
كنزي: يا ماما عبدالله خد لعبتي.
عبدالله: لاء يا ماما دي لعبتي.
كنزي: يا مااامااا.
ام عبدالله: خلاص يا كنزي متزعليش خدي اللعبه
اهي..... سبهلها تلعب بيها شويه وكده كده هي شويه
وهتمشي خلاص بقا.
عبدالله بغضب طفولي: بصي يا ماما ازاي بتطلعلي
لسانها.
الام: خلاص بقا بطلو خناق.
عبدالله: احسن بردو انك هتمشي.
كنزي ببرائه: ومين قالك اني همشي هفضل علي
قلبك كده علي طول.
(نفس الجمله اللي بقولها لماما وبلاقي ابو ورده في
وشي 😂)
وشكلها كده ابواب السما كانت مفتوحه لما قالت كده.
عبدالله بسخريه : هاها ظريفه هما كام ساعه وتمشي.
وبعد كام ساعه مشيت كنزي وراحت عند ستها في
نفس بلد عبدالله بس هي مش من البلد هي من
القاهره وبينها وبين عبدالله قرابه قويه اوي اوي
لدرجه انهم بيتخنقو كل ما يشوفو بعض.
وعلي الساعه 9 باليل كده.
ابو عبدالله: ها عملت ايه.
ابو كنزي: خلاص جهزت كل حاجه باقي بس كام
ساعه ويتم الامر كويس اوي.
وبعد ساعات قليله وفي عز الليل.
ابو كنزي: ها جبت الطفل.
ابو عبدالله: اه جبتو وانت جبت الطفله ولا لاء.
ابو كنزي: اه جبتها.
ابو عبدالله: طب ياله بسرعه قبل ما حد ياخد بالو
وتبقا مصيبه.
واحد غريب ملهوش لازمه: ها جبتو الاطراف.
الاتنين في نفس واحد: ايوه اهم.
وبعد كلام كتير كده مش عرفاه.
تم بخير الله وبقو هما الاتنين.......🤔
طب و هتكتبو شرط الفصل ايه.
ان نص املاك الاتنين تروح للأستاذ..... 🤨
ابو عبدالله: بس نص الاملاك ده كتير واحنا اساسا
حالتنا متوسطه.
ابو كنزي: مهو ده هيخليهم ميخلفوش الشرط.
ورجع الاتنين كل واحد علي بيتو بس الاطفال
العساسيل دول مش عجبهم السكون والهدوء عارفين
بقا سارينه الانزار ايوه هي دي هما بقا نفس الصوت
😂😂.
وصحيو وصحو البيت باللي فيه وصحيو الاهل
يسالو في ايه وهما كانو فين وكده وكل واحد فيهم
لقا حجه وخرجو من الموضوع بكل سهوله ومحدش
يعرف هما كانو فين او عملو ايه ونامو الاتنين ولا
كأنهم عاملين حاجه خالص.
وتاني يوم رجعت كنزي علي بيتها في القاهره
وبعدها بحوالي 6 شهور في ليله من ليالي الشتاء
البارد.
الاب: أسمعيني كويس انا خبيت عليكي سر من زمان
وجه الوقت انك تعرفيه لاني حاسس اني خلاص
وقتي قرب.
الام: متقولش كده يا راجل انت بتفول علي نفسك
بكره تشوف ولادنا حمزه وعبدالله عرسان زي القمر
وكمان سر ايه وبتاع أيه وهو احنا في بينا الكلام ده.
الاب: اسمعيني بس السر ده يخص ابننا عبدالله انا
كان لازم اعمل كده سامحيني انا........
وفي الليله دي كانت نهايه والد بطلنا وكانت اصعب
ليله علي كل الاهل والمعارف وبالاخص علي عبدالله
اللي اتيتم وهو عمرو 4 سنين وبكده مات ابو
عبدالله ومات السر معاه لكن لسه في واحد تاني هو
اللي لسه معاه السر لكن ياتري هيتكشف السر ده ولا
هيفضل سر .
♕♕♕♕♕♕
وبعد فتره كده جت كنزي عند بلد عبدالله زياره بس
لسه مشافوش بعض وبعدها بحوالي ساعه كده
كلمت ام كنزي ام عبدالله وقالتلها انها وحشتها اوي
وعايزه تشوفها ويقعدو يتكلمو.
فردت عليها انها ساعه كده وهتكون عندها.
وفعلا بعد حوالي ساعه.
الام: يا هنا... يا هنا.
هنا: ايه يا ماما.
الام: خلي بالك من عبدالله اخوكي.
هنا: ليه انتي رايحه فين.
الام: رايحه عند عمتك اصل بنتها عندها هروح اسلم
عليها وشويه وهاجي. ( وطبعا كلنا عارفين الشويه
دول اللي هما كلهم كده تلت اربع ساعات 😂)
هنا: ماشي.
عبدالله: يا ماما رايحه فين.
الام: انا رايحه عند عمتك يا عبدالله تيجي معايا.
عبدالله: هروح اعمل ايه هفضل قاعد جنب الحيط
وحتي مش هتكلم.
الام: يعني مش عايز تيجي معايا تشوف كنزي.
عبدالله بغضب: كنزي وهي بتعمل ايه هنا.
الام: يعني ايه بتعمل ايه هنا.
عبدالله : يعني انا قولتلها متجيش بلدي تاني.
الام: طب ازاي ودي بلدها بردو.
عبدالله: لاء دي بلدي لوحدي.
الام: طب ازاي وستها تبقا عمتك.
عبدالله: لاء بردو دي بلدي لوحدي.
الام: خلاص ده انت عنيد خليك مع هنا .
عبدالله: استني يا ماما انا جاي معاكي.
الام: ليه مش قولت مش عايز تشوفها.
عبدالله: امشي يا ماما.
الام: الله يخرب بيت لمضتك.
عبدالله: شكراً يا نبع الحنان.
وبعدها بشويه وصلو علي البيت و......
أم كنزي: ايه يا ام عبدالله بقا كده لا تتكلمي ولا
تسألي.
ام عبدالله: مشاغل واللهي.
كنزي: ايه ده انت بتعمل ايه هنا.
عبدالله: انا أروح في المكان أللي يعجبني انتي
فاهمه.
كنزي: لاء ده بيت ستي واخرج بره.
الام: كنزي عيب.
عبدالله: انتي يا بنت بطلي الغرور اللي فيكي ده انا
اكبر منك وتحترميني غصب عنك.
كنزي: هي سنه واحه فرق يعني زيي زيك.
عبدالله: لاء تحترميني بردو.
كنزي: ده بعينك مستحيل.
عبدالله: بطلي غرورك ده فاهمه.
كنزي: هاها علي الاقل انا......... وانت.......
بكلمه منها كسرت حاجه جواه ورجعت ليه الماضي
يا تري هي قالت ايه.
......................
والله ياجماعه لسه هيكبرو دي البدايه بس علقولي
كتيير وفجرو زرار الليك معرفش ازاي بقا.
#بقلم الملكة❤
مش غرور والله بس اللقب عجبني باي اشفكو الفصل
الجاي.👋