الزنبقة _السوداء
داليا _ المسلم
الحلقة _24_
نهاية الجزء الاول
┈┉┅━❀. 🍃🌸🍃. ❀━┅┉┈
🌾🌺أتمنى لـكــم اوقــاة. مـمــتعــة. 🌺🌾
أماني ....
شفت خالي. ايباوع. علية مخنزر. ويمة واكف
مؤيد ضليت ارجف وجن كلمات. ابوي. يرنن براسي. اي زلة. عليج. ابطلج. وازوجج لمؤيد رضيتي لو مارضيتي
التفتت همزين سيارة قيصر
بعيدا علية. صارت. مشيت وأنه اتخبط. من الخوف
وصـلت. للباب ودنكت. همسلي خالي
كافل ... سلمي عيب
أماني... رفعت راسي. سلمت ودخلت اركض
بوجهي للغرفة مالتنا ذبيت عباتي. والحذاء وشمرت روحي بالكاع. ميتة من الحر اشو هدوء ماكو أحد
كمت ذبيت ملابسي بدلت. وطلعت لكيت خالي فات. للمطبخ.
خالي وين أمي. الجهال
كافل ... أمج. توها صعدت فوك. والجهال راحو
يم أمي. هناك يسبحون. اجه النا اليوم الماي
....دخلت أمي. وبيدها كونية ام الخمس كيلوت
ماش
شذرة ... هلا امونة يمتى. جيتي هااك عيني هاذا الماش وتدلل. ابو فطومة
كافل ... مشكورة. ام علاوي. بس سوينا جاي
تعاي امونة. اريد اسألج عن دوامج
امونة ... خذلني خالي ورحنا. للهول. اكول خالي. جاا وين راح مؤيد
كافل... راح عندا شغل بالليل يمر لاابوج. جاي يخطبج
اماني ... شني. هذا شجلب
كافل ... امونة خالي. سؤال ورد غطاء. كليلي
شعندا. قيصر وياج
اماني ... هاا ارتبكت وخفت من سؤال خالي. رغم أنه. ماعندي شيء ولا مسوية شيء. بس حسيته ذنب عليه. حجيت برجفة وخوف
والله. خالي ماعندي شيء وياه. هو يتردد
للسايلو. دائماً. يجيب حنطة وشعير. ومن شافني عرفني بت حقي عرض اي وصلني للبيت وانه
رفضت وهاي هيَ
كافل ... خالي أمونة. قيصر مزوج بت عمة
وعندا. اظن ولد اثنين. وناس. عشاير وهوسه
وبيناتهم مامصافين. وهو ماخذ بت عمة.
أنه سمعت من ابوج ابوه غصبة ياخذ بت عمه
المهم هسه صارت مرتة وام جهالة او مو كل
النسوان مثل جدتتج. الله يرحمها من اتقبلت أمي
وصارن. مثل الاخوات لا. ذولة ناس عدهم شر
واظن نسوانهم. مثلهم. احنا ليش. ما نبتعد
عن الشر ونغني اله
أماني ... خالي وداعتك وداعت أمي وأبوي ماعندي
شيء وياه. ابد. بس كلامك اعتبرة درس الي واحفظة
كافل ... عفية. ادري بيج انتِ حبابة ومعدلة
يالله أنه اروح هسه بيداء شوف شسوت بجميلة ههه بسكون ما تأذي. الجاهل الباقي فدوة الها
أماني ... طلع خالي وأنه رجعت يم أمي. ابوي
جان طالع. انطيتها الدوه. والتهيت أنظف البيت
رغم ماا. امي جالفتة. بس أنه. هم اجلفة ماارتاح
....
بيداء ... تعال. حسين ولك. العوج هااك تروح تترس
الهول تاي ( تايت). وترجع
حسين ... جيبي. بس مو تنافقون علية
بيداء ... لا لا دولي فضني. كبل لاتطلعنا السعلوة
قبيحة. ضليت اترس دبات الماي راح حسين وانه
اعاين وراه. الجلبة. ماتخلينا نفوت. للبيت. لايتوصخ
أنه. اعلمج اذا ما جيبتج من براطمج الزرك
علي. روح راقبها من الشباج اركض رجع حسين يركض
حسين ... كله طشيته بويدا.
بيداء ... خوش. جدتي. وين
حسين... ماادري. ماشفتها.
علي ... ولج بيداء. لاطيح جدتي بالتاي خطية
هاي السحلية راحت لغرفتها. وجدتي طلعت
بيداء ... صدك ولك. ركضت. دفعت الباب
وفتت للهول اجت جدتي توها فاتت للهول وأنه
ركضت الها. وجان ازحلك يبوووووو انكسرت
كافل .... توني فتت للبيت. الجهال االبراني
جاي يترسون ماي. واسمع عيطة هاا ولكم.
هاي بيداء. عاطت شبيها. ركضت للداخل. زلكت
رجلي وتكومت فوكاها. ولج شنو. هذا بالكاع
بيداء ... خالي مرتك مرتك. اااااه خخ. بوية ذبحوني بيت خالي. مرتك. قبَيِحة ماترضى اتفوتنه
وطاشة تاي بالكاع. حتى لو واحد دخل يزلك ويموت
كافل ... كمت. وسحبتها. اليزلك ما يموت ينكسر
لاتخافين. عمر لسانج طويل. شوو شبيها رجلج
توجعج
بيداء ... كلللشششش متالمة. اريداً. اهلي. راح اموت
ولكم. وينكم. فروخ حقييي تعالو. اختكم مواته
كافل ...حصرتني الضحكة. عليها امبينة جاي تمثل
كافي. تروحلج فدوة جميلة اشون تريد اتموت هذا الجمال كله. اليوم. اسمط. عشيرتها
بيداء ... لاخالي اسمطها الها. طردتنا من بيتك
بعدك مامتت. وطردتتنة لو تموت اشون. بساع تاخذ
عليك زلمة وتمشي
ام كافل ... خايبة برد حيلج جاية ادعين على خالج
يا الغمة. شو كومي. كومي
بيداء ... هل العجوز لو بس تكعد جان لفاني الخير
كضت رجلي وهزتها.
ام كافل ... مابيها شيء. كلشي. مابيج
بيداء ... ضحيت بروحي وجيت انقذج تالي. هيجي
اسوين بدال. ماتاخذين حقي. منهم اخخ صوج جدي مات من وكت وعافج
كافل ... ولج شهل السان طير بالعة كومي امشي اوديكم امج تريدكم كومي غضب مو بنية
بيداء ... يالله. امشو انتُ القزام السبعة. كدامي
خالكم طردنا. كامت تنعي.
ام كافل ... بضحك فلشجج. مو بنية حشة
بيداء ... بنعاوة اضحكو اضحكو. وينج يشذرة طردو
بزرتج وانتِ عايييشششة.
وتأشر بيدها. على جميلة الواكفة بالباب. اطم بيها
بعد بيت الاخوة بعد مافوتة مافوتة عبن مرتة حية وتلدغ بخوتة. احو احو يانارك يكفيل.
جميلة ... وعلي انتِ. لسانج مال كص كلش ماتحترميني
بيداء ... لجل عين خالي. راح. اسكت. اخاف
اكمشج واطيح. الجاهل. من خشمج. وعلي
كافل... بيداء ولج عيب. كافي امشي يالله
بيداء ... خالي. من رخصتك. أنه. رايحة وبعد مافوتلكم. وانتِ ام كفيل. عود لو شتاقيتي النا
تعاي هناك. خوش
خذيت اخوتي وردينا للبيت. وشايلين. اسطولة الماي
تلكانة حقي. وجه. مغبر شبيك دومك خشمك
معنجر
حقي ... هاا ولج بويداء. وين. جنتو
بيداء ... ماي جبنة ماي. حتى تغسل. وتتبرد من بيت مرت خالي العكربة. واظن كله سم
حقي ... بضحك دفوتو. يالله. ابدون هوسه
وصوت الجيران عيب
بيداء ... بكلبي. ابو خشيم. يضحك
........
أماني ... صاحني ابوية رحت يمه
حقي ... أمونة. قبل كلشي. اكلج . الج
الامان كليلي انتِ مطية وعد أمل لـ مؤايد بشيء لاتخافين احجي. هو خوش زلمة. والله رازقة. اذا انتِ مقتنعة بيه. كولي الزلمة صار عاشر مرة يطلبج. ليش مصر ليش
أماني .... بوية. والله. والله. ماعندي شيء وياه
ولا اريدة. واكرهه. همات. انتَ ترضاها اخذ هذا. تقبل
حقي ... ماقابل. اذا مارضيتي
بس خفت لا انتِ تردي
مصدوم. بيج. كون صدك وتفكرين بي جان
حرت شسويت الج يالله. كومي خله امج اجيبلي
جاي. وانتِ اغسلي هدومي. باجر عندي. طلعة
أماني ... صار بوية. عفته وكمت سويت جاي وكلت لاامي تاخذا
ثاني يوم. بدلت. وطلعت للدوام. وصلني ابوي
وراح سلمت على الموضفين وكعدت وهم لكيت
وردة. والورقة يمها وأنه. منا حيل مغثوثة لان. ما خذيت اجازة من ورى قيصر. خفت ابوي يكلي ليش. ماداومتي اااه كمت شكيت الورقة ونتفت الوردة وذبيتهن بالزبالة
رجعت كعدت والتهيت اشتغل دخل الفراش وشايل. بيده ريوك وزع على المكاتب كل واحد. صينية ريوك
بسؤال شنو هذا. عمي هادي
هادي ... هذا ريوك جابة. حجي قيصر. هسة
ويآه وكالي وزع للموضفين
أماني ... شيلة الك. اخذا. أنه. ماريد شكراً
هبة ... شبيج. امونة. دخذي. لاصيرين حقنة
أماني ... اتأففت. اشكرج . بس أنه مو حقنة
ومتريكة ومااشتهي وبعدين هبة. تعاي اكلج
أنه. هاذا قيصر ماابلعة. خوش. اي بما انو
انتي عندج ميانة وياه. قنعي. ماله شغل بيه رجعت كملت شغلي ورابحة تهز بيدها. هسه على شنو هل الحقد. استغفرت ربي وكملت شغلي
اشوية ودخل قيصر. سلم. كلت خلي ارد. خاطر
لا ياخذها حجة عليه. ليش ماسلمتي. ويضل يحجي ويايي رديت ورجعت نزلت راسي. على الكاتبة اكتب. هو انطه. المعملة مالتى وكعد يم ابو عباس. ضل يسولف. على الحنطة. وشكد الكمية بعد الي. يشحنها للمؤسسة
قيصر ... يالله ابو عباس. أنه اترخص. منك
والمعاملة خليها لباجر. كملها.
ابو عباس ... شعجب مو من عوايدك ما تنتضرها
قيصر ... عندي شغل. يالله ثيمالا
أماني ... دار وجه. وطلع. الحمد لله. كمل اليوم ورجعت للبيت مريت للتكان خذيت حلويات
لااخوتي. بمصرفي. ماصرفت شيء. كلت يتلكوني
اشتريت جيس ترستة. مصقول وجكليت
ونستلة. ام العبد.
وصلت للبيت
لكيت امي كاعدا تنظف. بالحديقة
أم عاطف. عدنا يمها كاعدا. لابسة ثوب قصير والعباية ذابتها على كتوفها. وكاصة شعرها دلص
كولش حلوة الكصة عجبتني
وأمي بعد حيلي تعبانة وجها ذبلان. من التعب
سلمت عليهن ورحت غيرت ملابسي ورجعت يمها
كعدت. والجهال كلبو الطينة تعالو
فتحت الجيس. وخلتة كدامهم. وجهال أم عاطف همات يمنى خذتهم بيداء همه والحلويات. وكعدو
على الصبة توزعلهم. عيني عليها. اشون تخنزر عليهم. ودكلهم عود كولو ماريد
صحت عليها. بيداء. وزعيلهم. حتى لو ميردون
أم عاطف ... اشونج أمونة شخبار شغلج مراتحة
بيه
اماني ... الحمد لله خالة. اي والله هواي مرتاحة
خوش شغل. او مو متعب
أم عاطف ... خوش أنه. اليوم اجيت. عليج
على موضوع صار. سنة من اجلتي. وكلنا ننتضر
واليوم هم رجعت. اريد اعيده عليج.
أماني ... كولي خالة أمريني
أم عاطف ... اجيت اخطبج لحماية لحد هسة
عينة منج. وكتلج. عمتي ماتت واختة. عرست وهو ضل
وحيد. بالبيت. ومحلل عندا مختبر تحاليل. وحالتة
كلش زينة لاتحجين. هاي كدام أمج ماعدها اعتراض
ومكيفة. بس كالت لو أمونة قبلت. هاي هيَ
أماني ... بس خالة ____
شذرة ... أمونة يمة. خالتج أم عاطف صار اسبوع من كالتلي. وأبوج. دز خالج ايروح يسأل عليه. ويحمد بيه وابوج همات. قابل. والله. خوش ولد وخوش قسمة فكرية يمة العمر جاي يمشي ومحد يدوم لااحد أنه ادري بيج اتفكرين بينا. بس هل التشوفين حالنا اشوية احسن بفضل الله. وبفضلج. وهمات ابوج صار احسن وكام يروح للكاع. فكري بروحج يمة العمر جاي يمشي
أماني ... الله كريم. مشى اليوم وأنه. ابالي.
الافكار تتخبط بدماغي. افكر باأمي. بخواتي
بمحسن. وفضة. هذا محسن روحي. من الدنيا يصيحلي يمة اشون افاركهم
كضيت اتلاث ايام. امشي وبالي مو يمي. وأمي عينها عليه. اتريد. انطيها الجواب
. .. يمة أنه موافقة. على حماها لا أم عاطف
خلهم يجون
شذرة ... صدك يمة هلهلت
... حضنتني وكامت. تبوس بيه بيداء جابت
جدر. وكعدت اطبل. والجهال يركصون عطت بيها
ولج بويدا. عيب منا الجيران
بيداء ... اسكتي ام تنورة وكعب. خلينة نفرح
يالله. الما يركص. عقابة ياكل خمس روس بصل
يالله كللوش. وعرس. امونة هيل وطش باالولاية
وبت الشيخ. لا ابن كرايب ام عاطف انطيناها
كللش
أماني ... كافي بيداء. شو هاي. سكتت وكامت تبجي
وخلت وطلعت من الهول. وصعدت تركض فوك.
شذرة ... يا شبيها هاي. ليش بجت
غيداء ... خاف اتريد اتعرس. هههه كبل أمونة
اماني ... ولج عيب اسكتي. أنه. راح اصعدلها
صعدت عليها. لكيتها كاعدا بغرفة خالي القديمة
كعدت يمها. شبيج تبجين. بيداء. شكو
بيداء ... امونة أنه. شسمه. اريد اكلج واستحي
أماني .. كولي. لاتخافين حبيبتي. همست بذاني
انو هيَ. بلغت ههه وليش تبجين.
بيداء ... مو سمعت جدتي دكول. الي اصيري
جبيرة لازم تعرس وأنه ماريد اعرف امي
واخوتي ارد اكمل دراستي مو مثلج. يسوون بيه
واريد. اصير شيء. جبير. واباري أمي وابوي
وماريد اعوف اخوتي ابد.
أماني ... حضنتها. انتِ لا ظلين اتفكرين بشيء
ايخوفج. الله كريم يمكن ضروفج مصير مثل ضروفي
يمكن توصلين. ليش مخلية هاي هاذا التفكير
يتسحوذ عليج. وترسج. طاقة سلبية. كومي.
اعلمج شسوين لان انتِ صرتي جبيرة. بعد
وبطلي تصرفات مال الوكاحة.
بيداء ... هيَ ضلت شغلة وحدة واصير كلش عاقلة
بس. اكتل قبيحة ام براطم. وهاي هيَ
أماني ... هههه كومي. اخذتها علمتها مثل ما حبوبة
علمتني لان امي تستحي. تعلمها بس انطيتها خبر
ثاني يوم داومت. مر اليوم. بسلام. ماكو قيصر
بس اليوم نور السايلو مؤيد. ابو كرش.
مؤيد ... السلام عليكم
الكل ردو السلام. عليه.
مويد ... اشونج امونة. بوية
أماني .. اتفضل خير محتاج شيء
ابو عباس ... اتفضل ابني رايد شيء عندك استلام
تسليم
مؤيد ... لا عمي مشكور أنه كرابت أمومة. جيت اشوفنها
اماني ... احس شعواط كام يطلع من اذاني. كمت
وطلعت وكفت يمة. همست الى الحكني طلعت كدامة
جنت ذابة العباية. طلعت. للحديقة مال الشركة
التفتت اله. خير. خييييير شكووو انتَ ماتخجل.
شبيك بابا. شبيييك
مؤيد ... بوية كليتيني وشربتيني. غير بت خالي
وجيت اشوفنج. شنهي هاذا السمعتة. راح اتعرسين
وأنه. تعوفيني
أماني ... خايب شنهي. أنه مواعدتك أنه اعرفك
تعرفني استحي يالماتستحي وعلي خرجتها من ماعونها اذا ما اكل لخالي. اصبرلي. يا الماتفتهم
مؤيد ... ولج وعلي اكمشج. اشبعج دك. شنهي
مفرعة. وتفترين بين الوادم. وزرورج طالعة مبرومة برم وبيضة. وانوب مخطوبة. أنه مو اريدج. شنهي تلعبون عليه
أماني ... يحجي ويعاين لرجلية. وللك يا الماتستحي
شنو زروري. ما شفت بس من قيصر. زنكة من دشداشته. وطكه لان سمع كلمة زرور
قيصر .. ولك شنهي زورها. يا الماتستحي.
تعال. تعال.
أماني ... خذا وطلع. برة الشركة. عفية قيصر
عوفة بداعت. اهلك اتركه. ابن خالي هذا مو غريب
قيصر ... ردي للمكتب. اعرف. منو هذا اعرررررف
روحيي. لا ضلين هنا
أماني ... التمو الزلم. وكامو يفاككوهم راح مؤيد وهو يتوعد لقيصر وقيصر يتواعد اله أنه عفتهم ودخلت
ضليت ارجف. وعلي ابوي لو دراة. يكتلني. ويزوجني
لمؤيد. اشون. كضيت الوكت اللوب. وباالي مو الي
من الخوف
هبة ... شبيج. امونة. يمعودة جاا عادي اصير
اكلج اليوم امر للصالون. اسوي شعري هاي
صديقتي اشون جايبة. حمام زيتي
أماني ... اي اي ان شالله. خليها على الراتب
اكلج هباوي. امشي ويايه اليوم. ماريد امشي
وحدي
هبة ... صار هو دربي صار على دربج اتحولنا قريب عليكم صار اسبوع.
أماني ... كمل الدوام. ورجعت انه وهبة طول الطريق تحجي وانه بالي يم قيصر الي لاحكنة ويمشي
ورانة بس بعيد والله انه وامشي. دعيت الله ياخذني
واخلص من الحظ الراكبني. ايلم بس المشاكل
على راسي
ودعتها ورحت للبيت دخلت لكيت. جهال خالتي
الي يصير مؤيد ابن حماها شهيدا
جوني يركضون. بوستهم ودخلت. للمطبخ
السلام عليكم. . اكول البيت منور اليوم
شهيدا .... هلا هلا. با الموضفة الحكومية
أماني .... هلا خالة اشونج كامت باستني وكعدت وجدتي هم جاية وياها. خالاتي من يجن. يمنة
يضلن ما يروحن يم بيت خالي مايحبن جميلة. لانها
تكش بوجوهن ويوم اليجن ابوي عندا عيد
مايخلي مايجيب ويوصي أمي. بيهن لاتقصر وياهن
من رخصتجن اروح ابدل واجي رحت بدلت
وطلعت. التهينا نصب الغدا. كلهم اجو خالي جاب بنته واجانة. بس مرتة مااجت على اساس مابيها
مدت أمي السفرة. على طول الديوانية. وصبينة الاكل
خيرات الله كعدنا ناكل.
حقي ... حضرو روحكم باجر تجي العالم مشاية
قبل اشوية. حاجاني ابو عاطف. كال باجر نضيفكم
كتله هلا بيك
أم كافل ... اكلك يمة سألت عليه لا. احنا صكد نعرف ابو عاطف بس اخوه مانعرفة
كافل ... اي يمة. سألت وحمدولي بيه كلش
خوش ولد وحباب واعتدا قارش وارش
أم كافل ... جا بيها الخير الله يسعدها
شهيدا .... وعلي مؤيد. دك ولطم. من سمع انخطبت. حتن. راد يبجي.
اماني ... من جابت خالتي طاري. ابو كرش
خبطت بطني ولوتني حسيت اللكمة بحلكي حجارة
اريد بس ابلعها. مااكدر. ضليت سـاكـته
بليل. خالاتي سون كليجة كص البقلاوة كالن. نقدملهم عيب
ثاني يوم ما داومت ابوي. دز ابو عاطف خذالي اجازة وكايلة للمدير اليوم خطبتها
واكيد. انطشت بالدائرة.
نضفت البيت أنه وخالتي شهيدا. وخالتي شهدا
راح جايها خالي واجانة طبت تهلهل وتركص
فرحانة كلبت النضدة مالت أمي. وطلعت امداد
وفرشت اليت وخالتي رجعت رابتها وجرجفتها
جتي جميلة وخالي
جميلة ... الف مبروك أمونة هاي جبتلج أنه وخالج ثوب. على ذوقي
أماني ... خذيته منها وشكرته. هاج غيداء خلي بالكنتور لا يتوصخ
العصر .... طبت هبة. جنت واكفة اغسل اماعين
اتفاجأت. من شفتها بالبراني والجهال واكفين يمها
يكلولها. اليوم عرس أمونة. ويضحكون
طلعت اركض الها. هاا هبة. هلا بيج وعلي مامصدكة شجابج
هبة ... هيَ وتحضن أماني بذات. جا ليش ماحجيتي
شني غير اختي انتِ وافرح. الج
أماني ... جا والله مو قصدي. بس ماصارت فرصة اكلج.
همست بأذاني. ولج شسويتي بقيصر بهاي عملتج. ادعي الله. تعدي على خير
أماني ... وخرت. منها شنو شسويت. اله شبيه
رادت تحجي وطلعن أمي وخالاتي دخلنها
أنه ضليت ساهية. شنو هل المصايب. الي جاي اطيح على راسي
دخلت التهينا نحضر. اشوية ودخلو. النسوان اهل العريس نسوان اخوته. اربعة وام عاطف
الخامسة. وخواتة. همات اربعة
وزلم. هواي كعدو بالديوانية
صارت المشية. واتفقو بعد كم يوم الخطبة ونعقد
كامن يهلهن. ويدبجن. انه لبست ثوب جرجيت
ابيض كلش حلو جابتليا. جميلة مكركش
اتفقو انروح وانشوف بيته. واشوفة ويشوفني
وبعدها نكطع مهر. كامت تركص أم عاطف
ام عاطف ... جبنا النادرة. هيَ وشهادتها
وهو الرادها. واخته. تمنتها
تقصد على روحها ههه وكامن يهوسن. بس وحدة
من نسوان اخوه. احسها. مغثوثة حيل
ثاني يوم. داومت من دخلت كلها باركتلي
حتى راجحة فرحانة لان نخطبت ضليت صافنة عليها. ليكول هيَ العروس.
بنهاية الدوام طلعت. شفت ادهم العريس واكف بالباب. اتفاجأت بيه شجابة اتقدم عليه
ادهم .... اشونج أمونة أنه خذيتالاذن من ابوج
كتلة امرلها. اريد احجي وياها. واجيبها للبيت
ماعترض.
أماني ... شعجب. الله عليك صاير شيء مو من عوايد ابوي. يقبل
ادهم ... دصعدي ياعيني وخلينا نتوكل
أماني ... توني فتحت باب السيارة. وسيارت قيصر طبكت. كدامنا. اعاين. عليه. نزل. وضل. صافن عليه مشى. بتجاهي. وانه. بساع صعدت وسديت الباب. وطلع ادهم التفتت الى. الله عليك. ماكو شيء خوفتني
ادهم ... لا وعيونج. الحلوات ماكو شيء
بس حبيت اشوفيني واشوفج. وهاي هيَ. اترخصت اوصلج. واخذت اذن من ابوج. كتلة. عندي شغل
باالسايلو. انه وابن عمي. واذا شفت أماني
ترخصني اجيبها وياي. هو تردد يالله وافق
بس حلفني كبل للبيت. ارجعج
اماني ... خوش ضل يحجي ويشوحلي عن وضعة
وأنه بالي يم. هذا. الفلك. اليمشي ورانه
وصلني للبيت ونزلت. اركض حتى ماسلمت عليه
ورى يومين كال ابوي. حضرو روحكم اوديجن اتروحن اشوفن بيته. وضعَ طلعنا أنه
وأمي وجدتي وصلنا لبيته. خواته. اربعة
جايات وجناينهم اربعتهن. أم عاطف ويانة اجت
كعدنا اشوية. وجلبو بينا على الغدة
اضطرينا نبقى. هو جان بغير منطقة
بعيدا عن بيت اهلي
صبو الاكل وفرحانت. كلهن ويغنن كلساعة ويدبجن
أنه كوة بلعت اللكمة كملت كبلهن وكمت طلعت اغسل صار منظر كدام عيني ماحس بس كلبي نخمش وردت اوكع من طولي لشتي كلها. رجفت خوف
قيصر للعرب انا قائد للمغرمين
منيعه حصون قلبي كانت ولا مغامرين
حتّى رأى قلبي عيون كليوبترا فكسر اقفال الكبرياء
فتحت ابواب اسواري قبل ان تطلبين
من اين ابدأ من صوت رقيق يداعب الاذنين
ام عطر عذب يحتل الانفاس والرئتين
ام طول ريحان وخصر قارورة اخاف ان المسها ولا تحتمل لمسات القيصرين
ام تلك الشذرات التي تزين المحجرين
صافيه بصفاء سماء العالمين .
ام شفتين حبه رمان لذه للناظرين
حني عليه بنظرة .. بهمسه .. او مري فقط بقربي يكفيني اتنفس ذات الهواء الذي يدخل ويحتلك من رأسكِ وحتى كعب القدمين
#zainab_alnajarِ
وكاالعدة تزين الحلقة بخاطرتها الجميلة
الكاتبة زينب النجار
وللحكاية. بقية. ان شاء الله ......
ملتقانا . بعد ٢٠ يوم. او اقل حسب الظروف
مع الجزء الثاني. من. قصص
الزنابق السوداء
__________🌹🌹🌹
طوينا. صفحة حقي وشذرة. عشتو وياهم
بفرحهم وبحزنهم.
ودخلنا لحياة زنبقة جديدة. أماني
وراح نكمل معاها. ان شاءالله.
جزء. ثاني. وبعدها.
زنبقة غدر بها الزمن
قبل الاهل
والاهل
قبل الحبيب
والشريك
قبل الحياة
واكتست روحها بالحزن الابدي
شكراً لكل من صوت. للقصة وانتظرها. بحماس شكراً الكم. احبابي ان شالله ماطول عليكم
وارجعلكم مع جزء ثاني مليان مفاجآة
من كل انواع. الحزن والفرح. والحقد
والمكايد والغش. والغدر. والحرمان
😁 لا تشأمون اكو حب هم
انتظروني ............