الزنبقة _ السوداء
داليا_ المسلم
الحلقة_17_
┈┉┅━❀. 🍃🌸🍃. ❀━┅┉┈
..........................
رمضان شهر السابع بعد ١٣ سنة
أمونة _ جنت واكفة كاضة الباب اشوفن هل المفلوكة يمتى تدخل وجيب اخوتي الصغار هسه يجي
ابوي. ويكضها يجلدها وعلي ماتبطل
صحت عليها كاعدا تلعب بيداء خايبة فلك
بلية. جيبي الفروخ وتعاي دخليهم اليوم ابوي
يكطعج. راح يصيح المغرب تعاي
بيداء _ بشقاوة. وتشمر حصو على الجهال واخوتها يتبعونها. وعلي مافوت لما يطك الجامع...
أمونة _ طكج الله. وين يطك. هسه اخلي عليوي
ايطكه بحجارة. الج بس تعاي وعلي يصلخ جلدج
ابوي اليوم. هاي أمي كملت خبز راح تجيج
اجتني فضة تركض. وتسحل بلعابتها وكصايبها الشكر.
فضة _ أنه طبيت عليج علي لاتثكين ( تشكين )
لبوي مني. ويطكني. كلها ذبيها براس بيداء
امونة _ روحي غسلي وفوتي ياله ماكله. فاتت
تعاي انتي بلية بويدة جيبي. غيداء وعلي وحسين ومحسن امشي خايبة جيبيهم
بيداء _ اي اي هساع راح افوتن. بس اطك
هذا الولد باك حصواتي. مال اللعبة
أمونة _ صدك طكته وكامت اشمر طابوك حتى على بيتنا وخلت طابوكات وصعدت على الحايط واخوتي الصغار. يركضون وراها
والله اشوية. وجن سيارة ابوي اجت. يبووو
راحت عليج يا بويدة. اليوم طكج يصير عمل شعبي
رديت للداخل واشوفن امي امددا بالكاع وتنزف
ركضت ليها يمة شذرة شبيج. اشوفنها كصتها
مفتوحة وهيَ منا دايخة من الصيام. ركضت جبت
وصلة من المطبخ واجيتها غمتت كصتها
شذرة _ ولج مابية. بس دخلي هاي المفلوكة لا
يصلخها اليوم ابوج امشي وجيبي اقزام السبعة
الي جاي يركضون وراها
أماني _ يمة شتحجين انتِ. هاا اسمعي جاي يطك بيها. وانوب صاير المغرب. خلها مايفيد بيها عرمة
طلعت أم گافل وهيَ كاضة العوجية
أم گافل _ فلششج يبلية جاها. ابوها مو اسمعي
صوتها تنغط جنها مطي امشي جيبيها. هاا فاتلج
السرب شوفي التربان
حقي _ دفعت الباب ودششتهم ضليت كاض بويدة من اذانها. ولج اشون أنه بيج كليلي الناس
صايمة ومهوبدة. بس انتِ مايفيد وياج الطك
لا الحجي. بوية انتِ بت بت مو مولد. دخلو يركضون
ذولة الملاعين الصغار كدامها وعلي. طلعت عينهم
او وكحتهم. ياله فوتووو. اعاين لن شذرة. كاضة
راسة يابوية. ركضت ليها. شبيج. حبيبية
شبي راسج
أم گافل _ فجته بويدة أكو غيرها. ام الولد الوكحة
أمونة _ ابوي شال أمي وملهوف عليها الا شوية
اطيح ادموعة دخلها جوى. وأنه فوتت. الجهال
حقي _ امونة بوية جيبي طاسة ماي خلني اغسل وجها
شذرة _ مابية شيء خلني اكوم احضر الاكل راح يوذن
حقي _ اكعدي امونة تحضر الاكل مانريد ناكل حو
شو خلني اشوفها وخرت الوصلة يابوية فجة جبيرة
وين اخذج هساع التفت. لبيداء الي واكفه يم الباب
وعيونها دامعة على امها اخخخ ولج لو اكضج
وعلي ازينج صفر. اصبريلي
بوية إمونة كبل الا يوذن اخذي ذولة غسليلهم
وجيبيهم هنا. عاط بيهم راحو يركضون.
بس فضة كاعدا ولاعابتها بيدها. وعيونها دامعة
على امها. تعاي بوية. بعد روح أبوج ليش تبجين
هااي أمج مابيها شيء تعاي
أمونة _ جبت شاش لاابوي لف راس أمي وشداء
سنحت. ماخلاها دكوم. وفضة نامت بحضنها
فدوة نسخت أمي وأنه رحت
خذيت ذولة الوكحين للحمام. يالله تعالو.
عِلِيِ تعال انت ابو الوصخ كضيتهم وفوتتهم
وطحتلهم. بالمحجارة جلف جلف وليفتلهم.
بيداء ولج بيداء
بيداء _ مدت راسها من الباب هاا شرايدة مني
أمونة _ جيبي مناشف الولد راحت جابتهم وهيَ
تذمر مني وضايجة أنه اعلمج اذا ماجلفت
جلدج الخايس لفيتهم وطلعتهم للحجرة.
ولج غيداء وينها ضليت اتلفت ادور عليها
بيداء _ ذيجة. ام نغفة خاتلة جوات اللحاف تخاف لاابوي يطكها وعلي الا انافق عليج واكله عاطف
حباها ونطاها. كرفت جكليت
أماني _ فلشجج وعلي اكطعج غير يحبها ومثل اخوها الجبير. حقيرة لاتحجين هيج على اختج
أنه اكل لـ أمي عليج احسسن
بيداء _ طيط وعلي ماتخوفين جلبي احطج انتِ وأمي وادكج دك. هاا. وعلي مااخافن من أكبر واحد
أمونة _ فلشجج. انتِ منين مصنوعة يمصخمة من ياطينة تعال انتَ حسين. ابو رتلة كل البلا بيكم. أمي بعد ماتحبكم
حسين _ تعلية أنه. قيل بويدة. تكتلنة لو ما مجينا وياها
غيداء _ رفعت راسها من جوا اللحاف. أمونة والكاظم. مال بغداد
مااحباني . بس كرص خدودي وكالي جنهن طماطة
شتاكلين انتِ ونطاني كرفت جكليت وبس كليلي
شسويت. انه. عليج. الحسين ابو الحمزة
أمونة _ ضحكت عليه جاا اشون رهمتيها الحمزة والحسين. اكومن اصب الاكل. فوتي اسبحي بيداء
وخلي ابوي. يبرد عليج. لايشوف. هدومج وصخة ويطكج. اعاين ليها. امددا ومخلية رجل على رجل
ورجليها كلهن وصخ. ياله شسويلها. هاي البت
رحت احضر الاكل وياية جدتي كعدت بالكاع. وخليت يمها الجداري هي اصب وذان المغرب وأنه خذيت
صلاحية. اللبن وماعون التمر انطيت لجدتي
و ركضت لاابوي. مكابل أمي وكاعد ويمة الجهال. خذا فطر أمي وفطر
والجهال كالهم جيتو على الماعون. مال التمر
رجعت للمطبخ اناوش. الصحونة لجدتي وهي
اصب والجهال ينكلون. الاكل. انفتح الباب
ولنة خالي كافل بعد حيلي فات علينا
كافل _ بضحك السلام عليكم
أمونة _ ركضت حبيته. والجهال. اجو يركضون.
اجه خالي اجه خالي
كافل _ بعد خالكم وروح خالكم. تعالو تعالو. خلني احب جدتكم. دنكت عليها وحضنتها. لاتبجين
بداعت كافل يمة. اشونج
أم كافل _ بنعاوي يمااي. يالولد يايمة يمة ماريد من جيبة فلوس ولاريد من جدرك غموس ردتك يالولي هيبة وناموس. هيء ماهيء
حقي _ حجية كولي يالله. كومي. صلي تلكيتي
الولد نعي. كومها كافل. للداخل كومها.
كافل _ اشونك ابو أمونة. شخباركم. اندردي شو تلكتني لطم
أماني _ اكف خالي خلني انزعك البسطال. سحبته منه. خذا. علي طلعة برة. وغيداء خذت الجواريب راحت تغسلهن كام خالي خذها لجدتي ودخلو
ياله روحو افطرو. يالله. امشيء بيداء. واكفة بصفي
شايلة سمجة بس الها.
بيداء _ وهيَ تفر بأيدها. وعلي شوفي أمونة
هاي العجوز اكبر عيارة شوفي اشون. تبجي
ادور زلمة خلي ابوي يعرسلها. ابو اسماعيل. الشايب
وحدة ضال
أمونة _ طكيتها بالجفجير على راسها. امشي ولج
روحي ازقنبي. لايسمعج ابوية. التفتت اكمل. الصب
يالله. اشون بلوة هاي مو بت. لا حشة. كملت نكل
الاكل. ورحت كعديت يم أمي. كعدها ابوي. ودنه الاكل يمها
حقي _ بسم الله الرحمن الرحيم. اللهم لك صمنا
وعلى رزقك افطرنا. ولصوم غداً. نوينا . ذهب
الضمى وبتلت العروق. وثبت الاجر أن شاء الله
بسم الله مدو ايدكم
أمونة _ بدو يفطرون . محد. حجى الجهال ساكتين
بس أمي. ماكلت شيء بس الشوربة. وبس
گافل _ شنهي. منو فجع. هيج راسج. صدك جذب
غير تنتبهين يا خوية
شذرة _ ذبيت الخاشوكة. والله ياخوية. جنت اخبز ودرت. من ورى البيت. وتلكتني هل الحجارة
هسه الحمدلله. من نطاني حقي حباية راس صرت زينة
گافل_ خوش. وهو يعاين. لبيداء. باجر احقق وياه
جهال المنطقة. او اعلكة بالنخلة الطك اختي
بيداء _ همست باجر ادكن كل الجهال. اريدن اشوف منو طك امي. وتعاين لـ أخوتها. عود تحظرو
أمونة _ كومو. شيلو الاكل يالله لاضلون. كاعدين
لما انتِ ام المصايب
خذيتهن ورحت. كملنا المطبخ رحت عدلت لـ خالي
حجرتة فوك. نضفتها وكملت نزلت طلعت هدومة
وذبيتن بالطشت ورشيت عليهن تاي ( تايت )
وصابون ركي مطحون. وعفتهن رحت. مديت
افراش الجهال بس حسين ينام يم مي لمه
صغير غيداء ولج غديوة
غيداء _ هااا امونة. شرايدة. كليلي
أماني -"_ وين وليتو مالكم حس
غيدا_ شنهي خالي جاي يسولف. ويا حبوبتي
وتريد اطكة بعصاتها كاعدين يمهم
أماني _ يااع ليش. ذبيت الهدوم. ومشيت ايدي
ورحت ارگض كاعدين بالبراني يسولفون
أم كافل_ وحك هو حماي الحمة اتبرة منك شنهي جايبلي وحدة مشلحة وبين الزلم تفتر
گافل _ ليش يمة البت خوش بت ويايه ممرضة
حبابة. شريفة احجي شيء شذرة كولي
شذرة _ شكول. منين هاي من ياعشيرة من يااهل
وين كاعدا. وبعدين اذا خالتي مارضت. أنه هم
صارلنا عمر نخطبلك تالي تروح اجيبنا. ممرضة من بين الزلم
كافل _ شنهيء ردتج عون خوية لاتفرعنين أمي
بالزايد كول شيء ابوعِلِي
شذرة _ خوية شين التعرفة احسن من زين الماتعرفة
شبيها بت خالك شبيها حمات شهدا. جنها البدر
أم گافل_. اي شبيها بت اخوي زينت البنات
جايبلي وحدة تنورتها ثلاث اربع مدري ربع. والجيش
كله شايف. زرورها وعطوبها. منفوشة ولا. والكفل زينب. ما اقبل وكامت تضرب بعصاتها
كام وكف كافل
- خوش جاا. بوية. مااعرس. أنه. لو جميلة لو مااخذ
وظلن انتن معارضات. كون الله وياخذ روحي واخلص. بعد ماارد. ابقى بالدوام. خله وصعد لحجرته
أمونة_ ضلت جدتي تعيط ورا. وتحجي
حقي _ كولي يالله يمة شنهيء الولد مايريد غير
الي هواها كلبة اشون لا تضغطن عليه. ماطول
الله هدا. وقبل يعرس خلنه ياخذ الهواها
شذرة _ صدك تحجي انتَ حقي هاي ابدال ما تقنعة
شنهي ناخذ غريبة مانعرفها لا والدهر. موضفة
وياه
حقي _ شذرة اسكتي انتِ لا توججين النار جاا
هاي ابدال ما تقنعين أمة لا تحركيها. لاتكسرين كليبة. ايضل طول الدهر مكسور
شذرة _ كرصتة بسكوت من رجلة. همست شنهي
انتَ مغصوب لساك مو شو تحجي بقهر
حقي _ أمونة بوية كومي اخذي اخوتج نوميهم
كبل السحور
أمونة _ صار بوية كومو يالله. جدامي للحجرة
كلت لـ أمي يمة فضة ماتقبل تبجي تريدج
شذرة _ عوفيها. طلعو الجهال والتفت حقي
حقي _ ليش هو اني شعندي غيرج انتِ اهلي وناسي وكرايبي غير اموتن بيج. انتِ دائي ودوأئي على طاري الدوه كومي انطيج دوه كبل السحور.
خاطر راسج ايطيب. حضنها وخذاها للحجرة
بوية فضة ظلي هنا يم حبوبتج. خطية تخاف
فضة _ ابجي أنه اريدن أمي اخافن
حقي _ بوية امج مريضة انطيها دوه واصيحج
خوش هاج هذا فلس باجر روحي اشتري من
التكان اسكتي يالله حبيبية أمونة وينج بوية
أمونة _ خذيتهم. الجهال وكبل للفراش يالله صوت ماريد رحت جبت خيزران مال ابوي. يخوفهم بيه ومرات يطكها ابوي بيها صاحاني ابوي على فضة
رحت جبتها وجيت تبجي على أمي. ضليت اهز بيها
انوب كعدت هاي البلية
بيداء _ شوفي ليمونة أنه مانعسانة اريدن ابقى كاعدا
عوفيني ولا حسبالج تخوفيني بهاي العصة مالتج
أمونة _ انطمري لا اكسرج وعلي اكطعج تكطع. لحد هسا مقهورة على أمي من فتحتي. راسها
بيداء _ اسمعي اكلج واتأشر بيدها جااا أنه ماضربتها جيبلي احد يشهد عليه يومين وأصير زينة. لاتخبصينا عودك شنو بس انتِ حِنِيِنة عليها والله يالله. وتفر بيدها
أماني _ نامي نامي اريد اشوفنج من تكبرين
شسوين وشصيرين لو اضلين. خايسة
بيداء _ ذبت الغطة وكعدت. شوفي. أموينة
باجر لو كبرت. اصيراً مَعِلٓمَة واطك الطلاب كلهم
وعلي اسلكهم سلك هاي معلمتي ست عديلة
ام تناح... لا ما اشكنها شك وعلي. اطيحلها دكاك. ضامتها أنه من كتلتني ذاك اليوم
حسين _ كعد وخر الغطة
المتير يتتلج با العطة ( المدير يكتلج بالعصة)
بيداء _ غيراً انعل والديه واشكن ابوه والخلفة وعشيرته
أماني _ يمصخمة كافي تغلطين حرام مايجوز
هذا رمضان. اسكتي. يبوو عليج. هسه الله يسقط
بالمدرسة
بيداء _ عوجت وجها وحلكها. لا مايسقطني
يحبني. جدتي. دكول
امونة _ دخلها تحبج بالبداية. جدتي يالله هو يحبج
شوفو غويدا نامت احسن منكم باجر ابوية ينطيها
فلسين وكال هل المرة. لو رحت لبغداد انزل اجيبلجن
بدلات لعرس خالي كافل اكلله يجيب بس لا غيودة
فضة _ مخلية اصبعها بحلها أنه همات اليد بدلة
عروس
اأمونة _ اي اي نامو. يبوو. لما نامو. طلعولي كرون
خليت فضة بفراشها وكمت. غطيتهم. بجراجف
وطلعت لكيت جدتي اتصلي. ها جدة تردين شيء
اروح اغسل الهدوم
أم كافل _ اصعدي شوفي خالج نايم جاعد حتن جاي ماشرب. لو كاعد صيحي الي اريدنه بسالفة
.... صار حبوبة صعدت. دكيت الباب جاني صوت خالي فوتي. دخلت للحجرة. لكيته كاعد يقرأ
قرآن. صدق وسداه
... هلا امونة حبيبتي. تعاي شبيج
... لا بس جدتي. تريدك دكول تعال لو كاعد انزللها
... صار هاي نازل
... كام ولبس مداسه وحضني من كتوفي.
.... شوفي جدتتج شراح يفكني من زنانها بعد راح اشيبني ماجانت هيَ هيجي شدكولين نعرسلها
... نزلنا أنه وخالي ونضحك على سوالف جدتي
بعد حيلي صاير عندا شيبات براسة راح لجدتي وأنه رحت للبراني طلعت طشت الهدوم والهدوم مالات خالي والجهال. وأمي وابوي
كعدت اغسل بيهن واسمع طكطة يم الحايط من صفحة. جيرانة. بيت ساهي خير منو هنا صحت
كمت عاينت ماكو احد رديت كعدت كملت الهدوم
وجدتي وخالي جو كعدو يمي. اكلك خالي هاي
طكطة يم الحايط وأشر اله. يمكن جريذي. عدنا جبير
كافل_ خلة يولي. باجر. اشوفن. كله من ورى شذرة
شلج بهل الزرعات. اكيد يجي عليه يختل اندار لاأمه
اي يم كفيل. شدكولين لو اعرس على العيد وتفرحين بيه
أم كافل _ اي شكو بيها. ودنا أنه واختك نخطبلك
بت خالك. ماتريدها شوف حمات شهدا. همات ماتريدها. شوف من كرابتنا وعلى ذوققك. بس مال
اجيبلي هاي الممرضة. لا وتلي ماارضى
كافل _ خوش يمة. جاا سدي الموضوع ابقى عزابي احسن الي. وبعدين الوضع متأزم. يكولون احمد
حسن البكر متمرض مدري راح يصير انقلاب
طلع حقي
اي أنه هم سمعت هيج شيء. من تزلت لـ بغداد
ذاك الاسبوع بعد ثلاثت ايام انزل همات. عندي شغل هناك. واريدن اشتري تلفزيون
ام كافل _ أنه امك يكفيل شنهي مات كتلو
كافل _ لا يمة لا بس الوضع مو راحة. صاير تزعزع
بالحكومة ومشاكل هذا النائب مالته صدام حسين
كايم يحوك من جوا. اظن راح ياخذ الحكم ليه
حقي _ كلشي اتوقع. هذا حالنا من كتلو الملك
والوضع تغير اظن حوبته لهل الملك الهاشمي
شور بينا كل. مطبة نوكع بيها اتعس من القبلها
هاي احنا من جماعة المارضة بجزة. رضة بجزة وخروف
اظن رئيس وزراء فرنسا جاك شيراك. راح يجي للعراق با الاشهر الجاية. مدري شعدهم. هيَ خربت من راحت الملوكية من عدنا بوية امونة بللي
المهفات وجيبيهن
أمونة _ صار بوية عفتهم يحجون بالسياسة أنه ماحبنها كملت الهدوم وخذيتها ورى البيت شريتهن. ورجعت خذيت المهفات. نعتهن ماي وديتهن رجعت للمطبخ لكيت أمي كاعدا. تثرم بتيتة الجهال ياكلوها هاا يمة عوفيها أنه اكمل ارجعي مددي
شذرة _ بعد أمج لا صرت احسن. خلني اعاونج
تعبتي حبيبة شوفي. الماش فار. خالج يحب الشلة
خلني اسويلة.
أمونة _ التهيت. اسوي السحور خلصنا. رحت
كعدت الجهال ابوي يكول خلهم يتعلمون حتن اذا ما يصومون خذيتهم للحمام. مبللين روحهم. غسلتلهم
وبدلتلهم. راح يسحرون. أنه همات سبحت لني صرت
ماي عركت. كملت ورحت لكيتهم يسحرون. وهم يحجون بالسياسة. كملنا. السحور. وصارت الصلاة
صلينا. الجهال راحو ورى ابوي يصلون. هيج
مايكولون شيء. بس يعلمهم. انه. كفيت المطبخ
وأمي وياي. مشت الايام نفس الشيء
البيت شايلتة على راسي والجهال ووكاحتهم
وامي بعد حيلي هواي كايمة تفحط مدري شبيها
خالي هل المرة ما يروح للدوام بعد العيد يالله
بعد يومين. ابوي قرر يروح لبغداد عندا هناك شغل
حقي _ بعد مااوصيج أمونة ديري بالج على اخوتج
وهاي. الوكحة لاتنطيها عين. صيحيها خلني احجي وياها
أماني _ صار بوية جبت هدومة. ولمعت الباته
مالته. ورحت صحت تعاي. بلية ابوي ايريدج
جانت تتمزلك من محجر الدرج. للكاع. تعلم بالولد
بيداء _ شيريد ابو خشم اليابس مني وعلي راح
يروح ركي. العب بيكم فلك. الا ما افلشكم
أماني_ دروحي روحي
حقي _ تعاي بوية بيداء
شذرة _ حقي بداعت اعزاز كلبك لا طكها حاجيها خطية
حقي _ خوش تعاي بوية تعاي. هاا شوفيها
ولا بعينها خوف. شوفي حضنتها وحبيتها من كصتها بعد ابوج. أنه راح اروحن لبغداد. شتردين
اجيبلج وياي
بيداء _ كلشي. اشوفة حلو الي جيبلي كلشييي
كلشي وتصفك بيدها
حقي _ ضحكت عليها خوش شوفي أنه راح
انزل. لـ بغداد. اريدن منج تحطين عينج على
اخوتج وأمج وجدتتج. كلهم. ولاتكسرين كلام
أمونة. شدكلج كولي تم. خوش لو مو خوش
بيداء _ اي خوش. جاا اشلون غير هلي بس
بوية جيبلي كلشي حلو كلشي
حقي _ صار وراح اجيبلكم تلفزيون هم بعد شتردين
ياله روحي يم اخوتج وصيري عاقلة
شذرة _ اعاين لـ حقي اشون. حاظن بيداء ويحب بيها رغم يطكها من تتوكح بس لو طكها ماينام
بليل اذا مايحبها ايضل مزوهر عليها بس هيَ وكحه
مدري عليمن طالعة. اعاين الجهال كلهم واكفين
جتني الضحكة ربي يحفظكم ليه. يابعد روحي
مرت السنين واحد صار فوك الخ مادري اشوكت كومتهم. جتي امونة خذت محسن زغيرهم عمره
سنة ونص نسخة حقي عينن هو وأمونة حيل يشبهون
ابوهم مرات من نكعد أنه وياه. يكلي أمونة
من حبلتي بيها جنتي تحبيني. وبعد ما صار
وتركتج خمس سنين. كرهتيني ومن رديت. ضليتي
تكرهيني. وها طلعو كلعم يشبهوج. وهسا يالله
رجعتي تحبيني وطلع محسن يشبهني
طلع حقي لبغداد. حباني بكتي ومشى مشكلتي مااعرف اتلوك ولا اظهر محبتي اله. صح هو تغير هوااااااي. وصار احسن لن عرفني اشون انظلمت وياه شكد احاول. اتموع. اله مااعرف ولا اعرف اغريه. احمد الله واشكره. هو مكتفي بيه.
أمونة بعد حيلي شالت الهم مني البيت واخوتها
الواعية الحبابة شبيهة حقي
بيداء ام المصايب ماعرف عليمن طالعه هل البت
شايلة وكاحة عرب بحالها مرات. اتخايلها. مرت
ابو عمتي بسعاد. لوغيداء الفقيرة الحلوة المغرورة
النهار كله تعدل بروحها دكولن أنه الحلوة مالتكم
تشبه أمي عيننها
وفضة فدوة اغديلها نسخة خالتي ربي يرحمها
ونسختي. حقي يكلي. اعز بزرتي كلها. فضة
لنها تشبهج وتشبه. أمي اعز اثنين على روحي
والولد يشبوهن كافل عينن وشوية من ابوي محسن همات ماخذين بس عِلِي حقي يكول يشبه
ابو ماخذ منه الملامح
امونة _ يمة شبيج صافنة ترى ابوي راح. اكلج
هاي نسوان بالباب. اتلاثة وياهن زلمة ذباهن وراح
شذرة _ لفيت شيلتي وكمت وين حبوبتج.
أماني _ بالحمام تسبح.
شذرة _ روحي وياها لاطيح وتزلك خطية
أماني _ لا غيداء دخلتها وياها.
شذرة _ خوش. سكتي اخوتج عيب ماريدن صوت
طلعت للبراني شفت النسوان كاعدات على القنفات
هلا هلا من جانا تفضلاً تفضلاً
أم محمد _ هلا خية اشونج أم علي شخباركم
رمضان خير وبرگة عليكم ان شالله
شذرة _ هلا بيج خية أم محمد تفضلي فوتي
فوتتهن. ورجعت صحت. لأمونة. يمة دخلي
الطحين مالت التمن لا ينكعو الجهال.
دخلت ليهن هلا بيج شعجب اليوم تذكرتينه. نورتي خية أم محمد اشنكم. حجي علي الطحان اشونه
أم محمد _ وبيج خية اشونكم شخباركم والله الحجي
دكرم وكعد. اي اشونها عجوزكم
شذرة بخير نحمد الله. يمة أمونة وينج.
أمونة _ هاي يمة
شذرة _ تعاي يمة. اخذي هذا الولد يم اخوتج
أم محمد _ هيَ هاي أماني مو. ماشاءالله
تبارك الرحمنٰ جنها فلعة كمر الجبيرة مو
شذرة _ اي أمونة الجبيرة. ضليت صافنة عليها كصتها كص من فوك ليجوى
أم محمد _ خية راح اكلج أنه ليش اليوم جيت
ابو علي وين هنا لا
شذرة _ لا والله خية نزل لبغداد كولي
أم محمد _ والله. يا خية جيت على الله وعلية
بس هو يكدر يساعدني
شذرة _ طبت أمونة تركض. وصاحت
أمونة _ يمة الحكيلي بليوة اصخمت
يتبع ..........
غردولي. ..........
ليش تعجبتو من الانتقالة
اني نقلت هاي النقلة لان السنين الفاتت
نفس الشي مصار شيء جديد
واذا على شذرة وحقي ترى شذرة جانت
جامدة. ماعدها. شيء اسمه بوح للمشاعر
انسانة. عملية. اكثر من رؤمانسية
فما حبيت ايصير ملل تمام.
لو مو تماااام.
احبكم ❤️ كلياتكم