الزنبقة _ السوداء
داليا_ المسلم
الحلقة_ التاسعة
┈┉┅━❀. 🍃🌸🍃. ❀━┅┉┈
رايحين
شعدنه نبچي
لوادم تذم الدموع المالحه
رايحين
الدنيا
ضحكه
وسالفه وهم رايحه
خاف باچر
مانمر ابابكم
ولانحن بيوم ونشم ترابكم
احنه بعنه
بيوتنه من البارحة
ورايحين
شذرة _ كومي خاله اخذتها وديتها يمهم
ورجعت للمطبخ ترست صلاحية ماي
( سراحية مي ) اجه خذاها حقي ....
حقي _ صبي عشه. يالله
شذرة _ صار. راح اصبن اخذا الماي وراح
بين مجاي احضر بالعشه واصبن ورى ربع ساعة
دخلتلي سهامه. بساع. ادور ماي وهي تبجي عاينت ليها خيرررر شبيج. ليش تبجين
سهامه _ مابيه مابيه اااه يـ شذرة يردون. يردون
ايزوجوني هاي انه. هيجي رخيصه عد أمي
بسرعة وافقت ليش خية. انه ثكيلة عليكم او ماادري
كليلي هااا وذبني بتلايف الدنيا
شذرة _ هههه وهاي إنتي لنهم خطبوج ضايجة
شكو بيها لو عرستي. هو إنتي من كبرج توج البارحة صرتي عيشي حياتج بلكي الله وتحصليج وليد بت ايشيلون كبرتج
سهامه _ اكلج جا انه ما معترضة على العرس
بس العريس مو هنا من الكويت
شذرة _ ياا جا شنهي شجابا لينا منك لهنا ما عدهم
نسوان ولو هو ما كو بحسنا احنا
سهامه _ بضحك فلشجج نشفتي ديمعاتي
لا ولج اخو ام علي
بس جاي ليهم للبصرة ورايد يعرس. واجت لينا تخطبني. تراهو وياهم جاي.
شذرة_ تدنيت يمها بهمس خوش جا من يطلع نشوفه
خوش
فات حقي
_ خير شعدجن تتبشبشن خيررر
شذرة _ نزيت بخوف. ههه شسمه لا ماكو بس شسمها سهامه اضوكن الاكل
حقي _ يباوعلها بتك عين ابيش اضوك وايدج فارغة يشذيرة شعندج امشي صبي العشه للوادم امشي
شذرة _ صار اي رحت اركض صوب الجدر
والتهيت احضر بالصب وسهامه
كاعد حداي ابدون عونه بس صافنة.
اكلج خية كومي ودي الاكل ليهن وتعاي كملي صفنتج
شلج بالعرس ودوخت الراس وعلي شحلاتج حداي
امج ومحد يطكج الله شحلاتها براحتج
لا تمزعل الزلمة ولا دار طو.... ز عليج. ومدري ليش
انه ملتهية اصب او احجي. واجاني صوت حقي يرعد بهمس
حقي _ ايي كملي يمضيومة منو شايلة طو....ز
ولج منهو يتمزعل
شذرة _ هاا لا جا انه اقصد عامةً عالناس مو خاصَ
احد لا. هاي الاكل كملته لا يبرد. اباوعلة والدمعة
اشوية وتفر من عيني من الخوف درت وجهي وسويت روحي احضر الاستكاين هو كال هينه هينه وطلع
من طلع رحت لسهامه خية اشون اليوم يهلسني
هلس كل من وراج خليتيني احجي ااااه هي وتعظ اصبعها بقوة شحجاني شسهاني فلش العرس وسيرته
سهامه _ من غير اهتمام جا مايضربج لا تخافين
ايخاف على ابنه
شذرة _ ضحكت وتلمست بطني
موش ولد بيه انه حاسه بيه بت وحلوة هم
ولنه حقي هم وراية اجه ياخذ الماي
حقي _ اي اتفاولي اليه اتفاولي هسا من اضربج
وافلش اضروسج بحلكج احد يكلي ليش. لا بارك الله
بوجهج. اي والله
شذرة _ ضليت مصفصفة وساكته ودموعي يجرن
قهر وضيم كاتمه بكلبي ريت اوكف بهيمه واعيطن
عيطة ارج الكون بيها مااعرف شبي وشيحس
دومه عصبي دومه ضايج دومه زعلان اخاف اشكي
لـ أمي اخافن اشكي لـ خالتي. بس يعاتبنه
يلومني طك موش حجي وانوب طلعتلي سالفة
الولد مايريد بت. انه الزارف گليبي اشون خالتي سمته حقي وهو ما يعرف حگ الله ويايه
حسيت وجهي بشيلتي ( مسحت وجهي ) صاحتني خالتي رحت اشيل الصينية دخلت عليهن
ودنكت اشيل الاكل
ام هدية _ كامت بساع لا خية عيفيها انه اشيلها وين بيج وبطنج مكورة بضحك اظن بيج بنت
حجت
ام علي _ لا ان شاءالله وليد لاتفاولين على البت
شذرة _ ماعندي جواب .... ضليت ساكته شوف العقول
رحت خذيت الجاي ورحت ليهن. ضلن يسولفن على الخطبة
ام علي _ خية جا بعد باجر اندز مشيه الزلم
وهو مستعجل على العرس اقل الاسبوع
لنه ماخذ اجازة ومايكدر يتأخر.
ام حقي_ ان جان قسمته. الله يسهلها اشوف شور اخوها وانردلكم خبر
ام علي _ خية احنا ضالين هنا ابيت حماي
ننتظر منك ورد هم يالله نمشي
شذرة _ لليل حقي دز على سهامه انه ضليت
ملتهيا انضف وانكل الماي واطشه بالحديقة
لنه نغسل اماعين بالحوض ونترسه ماي وتالي نفرغه
احسن بطني ثكيله حيل ونفسي هواي تلعي رغم
خلصت ايام التنساء
حقي _ دخلت للمطبخ واشوف شذرة. تنكل الماي
عوفي انه اكمله. الج وين سهامه ...؟؟
شذرة _ حجيت وانه امش كصتي مااعرف يمكن
اظن اتعدل هدوم خالتي
حقي _ صيحيها خلها اسوي جاي وتلحكني للديوانية
شذرة_ فرغ الحوض من الماي وراح انه خليت القوري
كملت الجاي. وصحت سهامه. عرفت بيها كاعدا تبجي ما تريد تروح للكويت. كومي خية حقي كال خلها تلحكني للديوانية وياها الجاي
سهامه _ يمصيبتي السودا. وعلي استحي. احجي
وياه على عرسي اشون بيا دبريني
شذرة _ خذت الجاي وراحت. وانه خلصت ولحكتها
جانو كاعدين وخالتي يمها الصوبيه علاء الدين
تحمه مااعرف شبيها بين مدة ومدة واكعة علينا
كل علاج مجاي ايفيدها خليت القوري على الصوبيه
كعديت اصب كام حقي عله الفانوص ورجع كعد
حقي _ اي سهامه اشونج بعد اخوج
سهامه _ بخير خويه الله ايديمك فوك رؤسنا
حقي _ خوش اكيد عرفتي اليوم ليش جونا.
بيت ابو علي وتدرين بيه انتِ عندي اعز
من رويحتي ودوم شايل همج. حظج لا حوه
زلمتج او لا حوه الج جاهل ومعا هذا نحمد الله ونشكرا
دوم والله الشاهد عـلـى گل كلمة احجيها بين عيوني
وان جان الكاع اضيج عليج اخليج بين
روحي ومااقصر عليج انتَ مو بس اختي لا
صديقتي وبنتي او لو يرجع بينا الزمان
تحرم عليه انطيج هل العطية السودا لبيت خليف خلفهم البين
بس بعد هاي قسمتج. ونحمد الله على الستر وكضيتيها وياهم ابوجهج الابيض وهما وجوهم اسود من سواد الليل انه الزلمة اعرفنة اسمه
سعيد مزوج كبل خمس اسنين. مرته جابت وهيَ وتطلك. الله اخذ امانتها هيَ والجاهل. هو انصدم ابوكتها وتدمر
لنه جان يحبها حيل حيل ومنها اجه الى عقد
بالكويت وهو دكتور اسنان معروف وهناك
صارتلة سمعة. وانعرف
سهامه _ بس خوية
حقي _ رفع ايده ويأشر
خلني اكمل وبعدين. كولي رايج
اي صار معروف هناك. حتن العايلة المالكة
صار طبيهم والله التفت عليه ورزقة من حيث لايحتسب
طك تلفون على اخيته. ام علي صويحبي وكالاله اخطبيلي من ديرتي
مرية معدلة مسنعة. مو مهم ارملة مطلكة بنت
المهم بنت اوادم
وانتِ وكع عليج. الاختيار لنج معدلة ومسنعة وطيبة
والله ايريد ايعوض صبرج كل خير وانه اكلج
وحق الله تاخذي وانتِ الممنونة. رجال يمشي
سيدا عدل ويخاف الله. ولا دكولين طريق وطويل
وحك الله كل شهر اجيب امي ونجيج. لو اجي اخذج
لينا هاي بعد اذا كدرتي اتفاركي
شذرة _ يحجي وانه خارج قوس مخليني
وليش ما ياخذني وياهم. حجيت. وانه. شنهي وين اظل لو رحتو
حقي _ بضحك خايبة جا انتي ما حفظتي
غير بس ها الكلمتين هميتي بروحج اتفوتج الطراكة
مو خليني ساكت مو انه الشايل ط.... استغفر الله
خلني ساكت
سهامه _ هاي هيَ الي اشوفة بس وعلي يعز عليه فراكم اشون انه اروحن بعيد هذا الحاز بگليبي
حقي _ صدك وماطولكم. منجمعين انه قررت
ابيعن البيت واشيلن للديوانية هناك لكيت خوش
بيت اكبر من هذا وانفه واحسن منطقة و راقية.
ام حقي _ يااااع ليش يمة ليش
حقي_ يمة كاعي بعيده عليه كليلي اشون انه
اظل كل يوم رايح راد ليها دوامي راح انقلة
لهناك وكاعي الي بغماس. بعد شهر. يبدي الحصاد
اشون منهو يوكف على راسهم. وكيعاني الي
بـ الحمزه هم. يرادله هم طسة بين كل مده
ام حقي _ هاي براحتك يمة الي اشوفه سوي
بس وعلي على عمه عيوني افارك هل البيت كل شبابي. عشته بيه انتو صرتو بيه بس اهم شي راحتك وكامت تبجي
كام حقي وحضنها وباس راسها. انه كمت لميت الاستكاين وطلعت شطفتهن وكترتهن على صفحه
طفيت الفوانيص وصعديت ليفوك حلفت اليوم
ما انزل افرشلة جوى ذبيت ثوبي بعز البرد وانه
احسن نار تسعر بلشتي من الجاهل ذبيت
روحي على فراشي توني اغفة وانفتح باب الحجرة
عرفته هو لنه عطره سبقة وترس ريتي
اااه ياعشك
شذرة
يا الحجر
سويت رويحتي نايمة. هو ذب هدومه
وصعد على الجرباية شال الغطة وفات. مد ايده
وشال راسي وحضني انه التفتت جنت حيل مشتاقتله
حضنته وبسته من خده. ونزلت دموعي بشوگ
حقي _ اشش لا تبجين كافي. ادري انه مزعلج
وضايج خلكج مني وعد بس. انكمل تحويل غراضنا
للديوانية. ونرتب الكعدا اوديج. للمشخاب
عسى ما تبقين. شهر. ارتاحي مني
شذرة _ او منو كالك انه ضايجة منك. انه مقهورة منك لنك هاملني مو رايده اروح لـ لهلي
انتَ انتَ قاهرني ولا تحجي وياي
ولا تسألني اشونج. حقي عاين ليه
هو عاد دنك عليه
ويباوعلي. انه من شفت عيونه الشهل جن سهم عشگه تجدد بگليبي. همست يم اشفايفة. حقي
انه مو بس احبنك. لا انه اعشكك وحگ الي رفع
السما بغير. عمدان كل يوم. عشكك يزيد بكلبي
بس دوم احسنك ما تحبني
حقي _ شوفي راح ايصيرلج سنة وياي ولساج ماعرفتي طبعي. شذرة انه انسان ما تهمني الشهوات
مااخلي عواطفي اتحركني لا. وهذا طبعي على كلشي اتعصب. مو بيدي. هذا انه. وهذا طبعي اتعلمي
عليه وكافي اتنكين فوك راسي
شذرة _ حضناني ونام وانه هم سكتت ونمت لنه الحوار وياه عقيم مابي فايده. شنهو داخله مااعرف
حسيت الصبح اتململت بفراشي
حقي ماكو اعاين. الشمس طالعة ياا خالتي تريكت لا
كمت لبست ثوبي ولفيت راسي بالشيلة ونزلت اركض
سمعت صوت نسوان. بالهول. مديت راسي
بيت عم حقي جايين يمنا. يبو يبو اشون افوتن منهن
يبوووو شراح يكولن مرت حقي. طالعة النجمة عليها
من زمان وهيَ متخته نوم. يبو طمرة التطمني
ضليت اصعد وانزل. ربي ويجيب. سهامه
سهامة _ ياا جا شمالج. ما تنزلين.
_ خية استحي وعلي. بس لا يلومن خالتي
وعلي ماحسيت بروحي. خالتي شكالت
سهامه _ دنزلي ولج. لا تخافين. حقي من طلع للدوام
كالي لادكعديها اليل كله تنوني من الوجع ظهرها
دنزلي ودكول حقي موش زين ويايه يالعيارة المكارة
شايلة ذنب اخوي المكيريد. انزلي يالله
شذرة _ نزلت. همزين ما شافني خليت سهامه
سد ليه. رحت اركض للمطبخ. غسلت ولتهيت اسوي الغده ويا سهامه. تالي. عاطت بيا لني مارحت
سلمت عليهن. غسلت ايدي ورحت الهن
ماحبنهن نسوان عمه لـ حقي. خبيثات من وجهن
اسمهن وحده هوشة والثانية. وموشه ههه من فصيلة الهوايش سلمت عليهن وطلعت خالتي جلبت بيهن.
صاحني يمهن. رحت
هوشة _ خية ام حقي چا ما طولن شذورة جويعد يمنا احنا جايين نخطب. اختها لـ كريم واريدنج
باجر تمشين ويانا. للمشخاب نخطبهن. ابو ساجد
دزاني عليج. انشوف رايج. هااا خية
موشه _ انه هم دزاني وياج موش بس انتي
هوشه_ اي اي. اتعذر منج اثنيناتنا دزانا
شذرة_ كضيت الضحكة بـ الكوات اشوية ويتعاركن
بينهن خالتي ضلت تتبسم عليهن عاد انه كلتلهن
خالتي مريضة. وانه مااكدر اروح هل تشوفن
مابيه حيل وسهامه جاي اجهز. نهاية الاسبوع
عرسها. ليش ما تخلنها من يجون اهلي. بعرس
سهامه وحاجوهم مو احسن. الكم وهم البنية
اشوفنها زين بس هيَ بعدها صغيرة يالله
ترها عمرها كله ١٤ سنة شهيده. وشهله ١٣ سنة
مااظن ابوي ينطيها وهيَ صغيرة
هوشه _ شنهي جا انه والله ثلاطعش سنه
بحضني جاهل ما تحجين ام حقي كولي شي
هاي چديدا مال صغِيرة ومدري شنهي
ام حقي _ خلنها لوكتها على راي شذرة من يجون بعرس سهامه شوفنها واخذن راي اهلها وامهاتها
وشوفن شيكولون
موشه _ كامت وهي تنكت عباتها وتلبسها
خوشن يالله كومي ام كَرَيِم هم يالله الزلمة
راح يجي من الزرع وانوب ايضل يكرك فوك رؤسنا
خية الجناين فلك فلللللك اسود الجيفة واصلة
للمجر. خليني ساكته
ام حقي _ لا وين ماشيات وكت غده صدك جذب
كومي شذرة زهبي بين مانصلي
هوشه _ خية الغده يلفطنه هنا وفروخهن.
وتالي يتعاركن بيناتهن. وينحشن الويلاد بيناتهم
ودكوملج صيحة. الها اول مالها تالي
شذرة_ ياا ضليت ساكته. خلن وطلعن. شلت جدر صغير شلغم سلكنا بتمر ونطيتهن. وراحن
رحت لخالتي رديت. اكلج خالة
يمة دخيلك ياعلي شنهي ذني ربي نطقهن اشلون ننطي اخيتي ليهم وانوب هيَ اشون فقيرة هلـ الشهيده
ام حقي _ ما ينطيها ابوج زلمة معدل لاتخافين
جيبلي مي اتجدد صارت الصلاة
شذرة _ حبيتها من راسها كلبي عاصرني عليها
رجت جبت طشت الماي والبريج. توضت وشلته
ذبيته بالحمام وجعت صبيت الاكل. انه. ما كليت
بعد الغده كاعدا. يم خالتي انطيها الجاي وهي اتسبح وتحمد الله. وتشكرا اكلج خاله عندي
سؤال
ام حقي _ كولي يبعد خالتج
شذرة _ ليش سميتي. حقي هذا الاسم ....؟
ام حقي _ ذبت الجاي وعاينت لشذرة وجن عرفت شيدور براسها بس شبيدها كلماً وطبعة
تبسمت. وكالت. حقي اااه ياحقي. انه من تزوجت عمج الله يغمد رويحته الجنة مر على زواجي
سنه ابدون حمال جان بوكتها عمري ١٣ سنة
لنه من اخذته. جنت توني. شبيت. حتن الشهرية
ما شايفتها. اي بس عمج صبر عليها لنه يحبني
امه واخته شوفني الظيم والظلايم. هم وجوع وعوز وهنه عدهن خيرات الله اي فا اول حمالي
شهري وسكطت والثاني هم عادن بحقي
نخيت الله. وعلي بحركة ودموع. بمغربية
جان بيومها البدر كامل. اي. نمت. وبعالم
الطيف لن بكاع. صبخة وعطش. اشوية
وتحولت الكاع خضرة وصهيل خيل. التفتت
لنه خيال. وملثم. بس عليه عيون. تبارك اسم ربي
كتلة منهو انتَ وشرايد مني. تالي طلع. راس بصل
جبير وشمره بحضني. وكالي هذا حقي حقج من الدنيا وبس وبعد مؤنث.
عاد انه فزيت من نومي. بس شنهي جن فرحة دخلت
روحي من صدك. وتالي حبلت بحقي بعد سهامه
وحلفت الـ اسمي حقي. وهذا سالوفت. حقي واسمه
شذرة _ سكتت جا شحجي طلع راس بصل
ههههه خالتي ضلت تضحك ودكلي كون هساع
يفوت ويسمعج. انه هم سكتت
مشت الايام وسهامة خلصت. تجهيزه نيشانها
اشترت ذهب كومه جوي المشية ومهرت الخميس
والجمعة تمشي بيومها من الصبح اهلي اجوي
لينا استقبلناهم. وانه. طاير طيور بـ أمي. امشي وراها وبن ما تفوت. هلكد ما مشتاقة ليها
ثاني يوم. زفينة سهامة بدموع. جن راحت من عدنا وبعد مايردوها لينه راحت امي وياها.
للبصرة. خطية كالت
مااعوفنها عيب وحيدها يومين وترد. وابوي كال
نبقى لما تجي امج. خالتي ام كافل يم اهلها
هيَ وحيدها وخواتي يمي وكافل ضال ابدال ابوي
بالمشخاب عينى على الحلال السنة اجل دراسته
كاعدا يم خالتي كظتها نحيب وتثغب على سهامه
رحت سويت جاي وخذيته. لخالتي. الي لساها
تنوني مريضة
شذرة _ اكلج خاله. ما تحاجين حقي ليش ينام بالديوانية. شنهي يشوفني وحش لو شنهو
جا انه اشتاقيت الىَ هواي وهو بس يحضني
ويحب راسي ويروح وحده ينام شني هاي بي شي
ام حقي _ بعد خالتج وطوايفها اكعدي شبيج
مكدره
شذرة _ ضليت افرك بدياتي خجلانه اشون اكللها
هساع شتكول عليه اححم اكلج خاله. جا حقي شبي احد غاثة. ضايج من شَيِ
ام حـقـي _ ليش شسوالج
_ لا موش سوالي بس شو عازل فراشه بالديونية
او لو حجيت وياه. يزمخ. بيه كلش كلش. مرات
عوداً يطلب مني شَيِ. انه شسويتله
ام حقي _ انه كلت لي لاتندنة ليها موش زين على الولد كثر الجماع المريه وزلمتها. يجي الولد مو فهيم
لو بي شي خص ايام الخميس على الجمعة
ايام مباركة ما يجوز. يتقرب الزلمة على مرته.
اخافن الجاهل يطلع بي عوق شي مشوه. ربي يسترنا
شذرة _ خوش اكلج باجر يجن هوشة وموشة. يحاجن ابوي ومرته. على اخيتي تسودنن من شافنها
عجبتهن
ام حقي _ الله كريم كوني جيبي ماي اتجدد اليوم ريولي ميتة كلش. مابيه اتحرك
شذرة _ جبتلها. ماي اليوم خواتي راحن يشوفن خوالهن هنه وابوية وباجر يرجعون لينا.
جبت فراشي. وفرشت حداي خالتي حقي من زفو
سهامه وهو هج اظن للشط راح دوم من يتكدر
هناك يروح. انسدحت بفراشي. اعاين لخالتي وجها
جن بي. فانوص من البياض. تقرأ. واسبح وتعاين ليه اشوية ونامت. طفيت الفوانيص ونمت.
اجه حقي فات. اعين خالتي نامت.
هاا حقي اذبلك فراش ضل ينزع بمداسه
حقي _ لا انام بسدج. وخري ميلي ليغاد
شذرة _ نام وحضناني. تالي الليل. ونسمع شخير
رفعت راسي حقي يشوخر وخالتي اشوخر. وانه طفرت
طفرة. من شفت دم بالكاع
غلسو على السحك والكوارث 😁
وللحكاية بقية ان شاء الله ........✍🏻