بارت14
زهرة نيسان
بقلم سهير رائد
خابرت مرت عمي
عمي
الو حجي عندي الك مفاجئة
جوري يمنه
اي وداعت المرحومة
دخلو علية مثل البلابل هيا ونيسان
هاااج عمج يريد يتأكد ممصدگني
اخذت الموبايل
هلو عمو
هلا جوري يعني صدگ انتي بيتنا
اي لعد عمة تتشاقة وياك
هلا بيج بابا
ابوج وياج
لا وحدي گال باجر يلحگنا علمود عقد المحكمة مقبل نسوي بالحلة
ياللله الله يتمم على خير احلى خبر والله
انطيني عمتج
عمةيريدج
ها عيني
اي راح نيسان يجيب اكل من برة
تددل متغيرة سودة عليه كل هذا حب ومندري بيهم
....
سدت التلفون وبقينا شوية ساكتين
گالت ليش امج هيج سووت
ماعرفت شجاوبها
اني تذكرت ماما من تكول ابن الحرام والزنا وام نيسان وشنو سرها
گلت ماطول بس اني وياها اكيد اصدق اجابه منها حتكون
هيا صافنة علية
اني اريدها تطلع للحجاية ماگدر
ام علي .. شبيج عمة عندج حجي امبين
ها .. اي والله عمة بس اخاف احجي واستحي بصراحة وماعرف شگول
ام علي .. احجي ولاتخافين
بلعومي يبس قبل لا أحجي
عمة ماما ليش متحب نيسان؟
ام علي .. ماعرف ليش سودة عليه ممسويلها شي الولد
عمةاني راح احجي اللي سمعته من ماما بس فدوة لتاخذين على كلامها يمكن هيا فاهمة القصة بالخطأ
ام علي .. احجي عااد شنو القصة
ماما تكول نيسان ابن حرام وعمج سوة علاقة غير شرعية وي امة وذبته عليهم
ام علي صافنة فاتحة عيونها بتعجب
عزززا عززززا عزززززااا
لا عمة امج منو كايلها عن هاي القصة
لا شنو هلكلام عيب ومينحجي شلون تحجي كدامج مو عيب
بس هاي سوالف عمتج ام حسن قبل سنوات طلعت هاي السالفة من رادت الورث وعمامج منطوها ل
ليش منطوها مو حررررام حقها
ام علي .. لاحبيبتي انطوها حقها اللي بورث ابوها
بس هيا رادت حتى اللي مشترينه بفلوسهم وتعببهم تكلهم انطوني ابو علي منطاها كلها ليش ابيعلج بيتي بتعبتي اشتريته وبشغلي
گامت وين متروح نحجي على ابو علي..
وقرت براس امج وامج صدددكت
ام نيسان امرية بنت عشاير وناسها معروفة نص بتكريت وبغداد وحاليا هما بالاردن
اتزوجها قبلي ومصار عدهم اطفال سنتين
وعمج بصراحة عوينجي شافني وحبني هم وتزوجني
ومن ام نيسان عرفت زعلت
اني طلعت حامل وام نيسان حامل وراي بااربع اشهر
بس جابت نيسان اطلكت
وذبته عليه ربيته وي علي
والعقد يمكن موجود عد عمج
ونيسان مسجل بااسم عمج وام نيسان
لعد شلون ابن حررررام فهميها لاأمج
..
اني بفيت مدنگة مستحية
وسمعنا نيسان دخل سكتنا هيا گاامت
گالت تتريگون بالكباب لو تنتظرون ابوك
نيسان لا نتريك
جبت كباب وگووووة لگيت بأكلة بالدهن جبار مشتهيها هههههه
ضحك واني هم ضحكتت بوجها احس عافيتي يمه وبقربة وبنظرة منة
گمت حظرت الأكل والجاي
علميز
وگعدنا اني وياة نأكل
يباوع عليه ويكول والله عظامة
والله يمكن بالشهرين مماگلة والله والله واحلف هههههه
دگلي ولاتأكلين بصل والله ادوس بطنج هم عظامة وهم تشربين جاااي وهم بصل وين الأنوثة
لا لتخاف ماحب البصل
هو اجاة اتصال وطلع يخابر
اني كملت ونظفت مكانة
ورحت بدلت
صاحت ام علي
..
جوري شفتي التغيير السواه نيسان فوووك
لا عمة مشفت شسوة
ام علي .. يا لعد هسة يجي ويشوفج مأگدر اصعد من رجليه
دخل نيسان..
صاحت امه
ماما شوفها الغرفة والسويت خطية خل تفرررح
نيسان بيدة الموبايل عينة علية
يله تعاي شوفي
صعدت وراة او ماشفت الصبغ متجدد ابيض
وصفحة مخليها جدار ورقي يخبل ابيض وردة سمائي
فتح غرفة مهيب
طافية الاضوية
هااي شنوو غرفة مهيب
اي تعالي دخلي
ياقندرة غرفتي اخذتها
فتح الاضوية
وااااااااااااااو
غرفة اخشاب بيضة
الجدران اوراق جدارية من زاويتين
ورا السرية ويم ركن الشاشة
هاااي شنو
نيسان .. هذا حمام سويته سويت بس النة
يعني شلون
الحمام مو جان بصف الغرفة سديناة مناك وفتح على الغرفة
بحيث داخل الغرفة ارتب وانزك ونأخذ راحتنه
غمزززلي ...
دنگت ومشيت اطلع يي حلوة حبيبي بس شوكت لحگت
نيسان ... ولج شهرين خير من الله وضم موبايلاته بالجيب ولزمني من ورا حضني حيل
شنو رأيج
اني ذبت بحضنة گووة طلعت جسمي لااخدر ههه
شوية افتريت بس بخجل ههه
يخبل حبيبي ذوقك يجنن
نيسان .. شي أكيد ذوقي حلو مو اختاريتج أنتي
اممم شكم وحدة گايل لها هلكلام
نيسان .. هههههههههه ولا وحدة
احاول اصدگ لان اعرفك نسونجي
نيسان .. اتهاام باطل باطل باطل
لك لو مشايفتك بعيني وعزة بعيني شلون حبيتك وقبلت اتزوجكك وكل مكسراتك صارت گدامي
نيسان .. ههههههه اي غير محبوب والله يحبني وانطاج اليه
تدرين جوري يمكن جيتكم هما يمنه سبب من رب العالمين احبج واخطبج
كلما اصفن اگووول شون هيج خطبت بسرعة وراح اتزوج بسرع وأني ماحبةالزواج ولا جاانت عندي نية اتزوج او احب
انتي شنو اللي سويته اليه وخليتني هيج احبج بسرعة
تقرررب مني يم باب الغرفة وقرررب وجها لوجهي
گال اخ منج والله احبج وروحي ذابت بيج وهسة لو بيدي اسد هذا الباب واخذج واررتاح ...
خليت ايدي على صدرة ودفعته
انت ولاتجوز كل همك تزوجني
امشي ولي مااحبك ...
وج شمسويلج ومتحبيني
هيج وكيح
اي فديت اللي توكح وياها غير حبيبتي واتوكح وياج
اذا متقبلين عادي هسة بتلفون اجيب عشرة للوكاحة ههههه
ضوجني وغرررت حيل
دفعتة گتلة روح جيبهن ابو النسوا ن
وطلعت نزلت اركض
نيسان .. ولج اتشاقة شبيج
اني نزلت للغرفة قفلتها واضحك عليه يسوي بالقفل مالت الباب يريد يدخل هههه
بدلت وتمددت فرحانه نفسيتي متغيرة ماكلة هم ومرتاحة
شوية وگمت فتحت الباب ورجعت تمددت
نمت ماخسيت الا ساعة اربعة ونص
نيسان يدغدغ برگبتي
نايمة نومة عميقة كولش
عبالي اتحلم
حسيت بحضن دافي وايد تلعب بطني فززيت مرعوبة دشددددسووووي ولك
نيسان .. فز باوعلي اشش فضحيتني اجيت اكعدج نايمة شو جنازة صارلي ساعة يم راسج
..
اي دميل من يمي وگمت وكفت لميت شعري وعدلت ثوبي
.نيسان .. ام كفشة يله نطلع اسويلج تحاليل
مال شنو
نيسان .. مال ضعف فيتامينات اي شي كلش متغيرة انتي
ونشوف دكتور بلكي ينطيج شي قبل العرس ؟
شنو لازم معاجبتك بطل اذا معاجبتك
نيسان .. لا ماغير بس اجدد وغمزلي بعينة
يعني شتقصد
نيسان .. يعني اذا الاولى ما تلبي طلباتي ومتسمع كلامي ومطيعني ومتخليني ملك زماني
اثني ...
امشي اطلع برة انت اليوم ناوي تجلطني اطلع
نيسان .. واذا مطلعت شتسوي جبار
اعيط واكلهم يريد يتزوجني هسة
نيسان .. كيدكن عظيم طالع والله ابويه يصدك بسرعةويمكن يضربني طلقة براسي
طالع عمي طالع
طلع قفلت الباب واني اضحك عليه
طلعت مانتو وبنطرون
داريد ابدل فتح الباب
كال يالون تلبسين
وانت شعليك
نيسان .. عوفي جبار علصفحة واحجي مال حبنجيات وكبلات
يعني شون
نيسان .. اهو دگولي يالون تلبسين
مانتو مشمشي فاتح وبنطرونة اوف وايت وشال اوف وايت وحذاءكذالك
نيسان .. لابسة زرق ورق شنو
معليك انت
سد الباب واني بدلت وطلعت غسلت ورجعت تمكيجت خفيف
كملت وطلعت غرگت نفسي بالعطور
طلعت للهول محد موجود كلها نايمة
طلعت موبايلي
خابرت نيسان رفضة
شوية وسمعت باب غرفتة اتفتح يلبس بساعتة
باوعلي ابتسم
اوي من فدوة لطولك لابس تشيرت مشمشي هههههههه وبنطرون اوف وايت
باوعتلة گتلة شنو هاي طالعين سيت ههههههههههههههه
نيسان .. طلع ذوقنة واحد
گمت وگفت گبالة
لاصدك شلون رهمت ملابسنه سوية
نيسان .. اني عندي هلالوان وكل الالوان وكلت خلي نلبس مشابة
وخليها بعلمج نشتري ملابس نفس الشي
اريد نصير فريق ههههه
باوعلي تقرب
الحلو بيج متلبخين هواي على طبيعتج تخبلين
احم شكرآ اول مرة تمدحني ههههه
طلع نظارات شمسية سحب لبسها گال شلوني
ها يعني .. واني بكلبي تجنن تخبل يالله شلون امشي وياة والبنات تباوع عليه شلون البسك بوشية ههههه
نيسان .. شبيج صفنتي
لا مصفنت بس وين حنروح
معليج اليوم اونسج ونسة مو طبيعية لزم ايدي وطلعنة
اگولك شنو شو محد موجود
نيسان.. اي نامو
وانت نمت
اي غفيت ربع ساعة
نوم الهنا
نيسان .. الله حبيبتي تسلمين
رحنة سوينة تحليل دم
نص ساعة وانطونياه
عندي بس نقص فيتامين
نيسان .. والله عرفتج امبين مخلصة من هلضعف
راح للصيدلية
شوفه التحليل گلة يحتاج طبيب
الصيدلانية اتباوع علية بابتسامة غررررررت كلش
لا ميحتاج راح انطيها مجموعة فيتامينات
النقص بيها واللي تفيد للبشرة والشعر والاظافير
انطتني مجموعة
نيسان .. هيا متأكل موتتنا
الصيدلانية انتو مخطوبين
نيسان .. اي
اقارب
نيسان اخذ راحته وياها اي بت عمي. اني غرت وضجت من ورا دحجته بعكسي ههههه
نيسان . ضحك بنت عمي وحبيبتي وحياتي
يله هاج الفلوس مع السلامة دكتورة
طلعت قبلة للسيارة ضجت
صعدنا هو مبتسم شبيج ياول
بعد بعد مااخذت رقمها قصرت والله
نيسان .. جج اففف شلون نسيت والله رقمها
انتظري اروح اجيبة وأجيج طيارة
هههههههههههههههه
طلعتي تغارين زرفتي ظهري بضرباتج عل كيفج غير نسولف وي البنية...
بقيت ساكتة وزعلانه
رحنا للمول افترينة ووقت العشاء تعشينة واشترينة كم حاجة متشابها ساعات نظارات
عطور
ملابس بيت بسيطة
رجعنا للبيت ساعة 11وربع
...
شو بابا مااتصل عليه؟
نيسان .. اتصل علية مرتين وكتلة نايمة
وسئل اكلت
گتله اكلت وشربت ونامت وبالحفظ والصون
ههههههه
.. ليش مخابر عليه
يعني اني مو كافي يتصل عليه
...
نيسان . اتصلي
لا وقت نومته هسة خطية
الصببح هو يجي
نيسان . لا باجرميجي باجر تحليل العقد ومنلحك على عكبة ان شاءالله
...وصلنة للبيت
نيسان .. انتي انزلي اني انزل الغراض
نزلت دخلت لگيت عمو والولد كاعدين
سلمت وگعدت يم عمو فرحان كلش بجيتي ووجودي
دخل نيسان
شايل العلاليك
علي . . صاير سايق وحمال والله ينسان
نيسان .. انت ليش ضايج
علي .. هوزلت النقيب نيسان حمال ويمشي ورا مرة هههههه
نيسان .. شسوي هذا حال الدنيا يوم الالك تشيل حذاء مرتك وتفتر وراها
عموو مابيها شي ماكو فرق بين الرجال والمرة اهم شي الحب والتفاهم ومرتاحين ولاتخلوني افشر حتى اوصل الفكرة اكثر
كلها طگت من الضحك بس اني مافهمت شيقصد
علي .. مهيب اگلك مشميت رحت مشمشم وفانيلا
مهيب .. وين اكو موطة شنو
علي .. هههههه اي ولك شوفهم لابسين مثل الالوان
هو گال هيج ومهيب تمدد بالگاع ويضحك
ونيسان مات من الضحك
صاحت ام علي كااافي عارات
والله تغار انت علي جنهم بلابل وكناري
الله يديم حبكم ويسعدكم
معليكم بعلي هذا يغار لان محد مگلبته
علي .. بس انتظروني سنه الا اجيب وحدة تشبه سهير القيسي
عمي ياعار .. متجيبها هسة هاي الخابصنة بيها
علي .. يابه بعدها صغيرة بس تخلص خانس اجيبها هههههههه..
نيسان. . اي وجيب وياك ممية وحليب گبرررر
...
اني كمت غيرت ملابسي بالغرفة وهما بعدهم شي تضحك عل شي
سهرنة واكلنه كرزات وحلويات
نمت قبلهم
وگعدت من الصبح
اتريگنا وطلعنه للتحليل هم سوينة گالو لساعة12
انتظرنا ل12خابر عمي گال
خلو العقد على باجر بالمحكة
نيسان .. اي يابة هو تعبنه ومنلحك بعد
العصر طلعنه ويانه ام علي
اشتريت ملابس كم قطعة مال طلعة
ولباجر للمحكمة
من رجعنا
نيسان.. جوري البسي الملابس البارحة طلعتي بيهن كلش حلوات
زين وانت شتلبس
البس قاط اسود
اوك
الصبح كعدت رتبت نفسي لبست ذهب والمانتو
وسمعت الجرس
لفيت شالي ودا ارش عطر واطلع
اووي بابا هذا صووووته
طلعت اركص وعيوني مغورگة دموع
لاگيته بالهول يسولف وي عمو حضنته حضنة عبالك صارلي سنين مشايفتة
لابس قاط وعمو لابس قاط
وام علي كاشخة ونيسان هم
فررررحة جبيرة بس بيها نقص ماما
شگد انقهرت وانهظمت وفرحتي مكملت لان هيا مراح تحظر
رحنا للمحكمة اني رحت بسيارة بابا ونيسان وامة وابوة بالسيارة نيسان
نيسان بداء يحظر الاوراق وي المحامي يسهل الاجراءات لان جانت هوسة
بوقتها.
اني يم بابا يسئلني مرتاحة اتونستي اشتريتي اكلتي شربتي نمتي
ايي بابا والله كلهن سويتهن
بابا .. اي امبين وجهج مرتاح وصايرة زينة
اباوع بعيونه اريد اسئله عن ماما
سكتت ماريد اخرب فرحته خطية فرحان
شوية وگال تعالي دخلنة على القاضي
عقد النة
وطلعت وامة گااامت تطش جكليت وتهلهل رغم هيه حزينة بس جانت الفرحة جبيرة بالنسبة الها..
بابا بوسنا وعمو وطلعنه فرحانين
رجعنا للبيت
بابا گال بعد ارجع يلة بابا گوومي حظري نفسج
....
اي معندي شي
هو اجة يمي بالغرفة
گال هاي هواي جايبة
اي اشتريتهن هليومين بس هواي نواقص بابا ..
دخل عمو
گلة تعال انشوفك غرفتهم
صعدنا كلنة فوك
بابا دخل وشافها وعجبته تقرب من عمو كلة شوكت ان شاءالله
عمو بعد عشر ايام ماعدنا شي احنه كاملين بس هيا تجهز روحها اني حتى قاعة حاجز
بابا. الله يسهل ان شاءالله
باوعلي كال غراضج شعندج ماخذتهن خليهن وام علي تصفطهن بالكنتور
هسة ماخذيهن وترجعيهن على شنو
هااا بكيفك هاي هيا
ماگدرت اگولة اريد اشوفهن لماما استحيت گدامهم
نزلنه واخذت بس ملابسي الجبتهن من بيتنا ورحنا
وصلنة للبيت دخلت سلمت على ماما وباوستها وكعدت يمها
لليل
هيا گالت هيج يعني اني تخافين مني جوري متجيبن جهازج اشوفة
عفتي هناك
هاا لا والله ماما
ماما .. هاي انتي مو بنتي وكامت تبجي وتدك على رجليها لو مخلفة حيوانه ولا انتي بعتيني بسرعة وكسرتي كلامي اخذتي الماريدة
وهم ملابس زواجج مايخليج تجيبهن اشوفهن حسبي الله ونعم الوكيل عليك نيسان
بابا .. شبيج شبيججججج
اني كتلها ملابسها لتجيبها تبقى تحوگل بيهن هنا خرررك سويتي مناح
اذا هيج انتي حريصة على بنتج وتحبيها
باجر اخذج شوفي غرفتها وغراضها
ماما .. اني ماروح بيت اخوك ابو النغل
بابا .. كام وانتفض على حيلة شنو ولج يا كلبه واجة يضربها وگفت گبالة فدوة بابا لا لا لااااااااااااااااا بصوت عالي وعفتهم ودخلت ابجي بهل الاثناء نيسان يتصل
محاوبته وحيدر يلعب
گال جوري والله گمت اختنك كن اسمعهم يتعاركون حتى بالمدراسة ماركز والله اخاف ارجع للبيت لايتعاركون
گمت حضنته لاتخاف حبيبي مشاكل عاديةوان شاءالله يجي يوم وتخلص وتفض
اهتم بدراستك ومعليك باليصير بينهم هما كبار ويفتهمون
...............
يتبع