زهرة نيسان

الحلقة23

23

زهرة نيسان

بقلم سهير رائد

كلهم وكفو تلگاني علي على الدرج بسرعة عضلي. شفة
اهووو وخر علي

رحت لعمي ارريد اروح لاهلي هسة وديني لو اخابر بابا يجلي

ام علي .. صلي ع محمد جوري شكوووو شصار

عمي اتجه للدرج نزل نيسان

وصاح تعاي جوري صعدي بدون خبال ؟؟؟

ما رجع ولا اصعد ودوني لااعلي

نيسان جرررني حيل وگعني
وصاااح بغضب احس صوتة زرف اذني گتتتتتلج اصعدي لا هسة ابتلي بيج هنا وام علي تصيح عوفها لتوگع الطفل عوووفها

عمي صار عصبي تقرب النيسان من يجر بية وضربة كف بكل قوة

نيسان رخة قبضة ايدة الجانت على زندي بقوة احس اصابيعة غرزت بالحم

باوعلي نيسان ارررتاحيتي ام الطلايب دفعني حيل وصعد  ركض وعمي يصيح عليه واني بقيت ممدودة على طرف الدرج كومتني ام علي ومهيب ابجي من وجع ايدة والعته القوية احس متني انخلع

ام علي تحجي شبية تخبل هلولد صعدو شوفوة شبية اذا متخبل هلايام نأخذة لسيد لدكتور وتصيح وتنفخ بصوت عالي

نزل نيسان بهمة يلبس ببلوزة والجاگيت الجوزي بيدة وونزل على الدرج وطلع من البيت يركض وراه علي سمعتهم يحجون بصوت عالي بالكراج دخلت للغرفة الجوة بسرعة

اعيد الصار اريد اعرف غلطي وين حتى ارتاح وين الغلط اذا احبل شنو عجيبة لو شنو

لزمت موبايلي اخابر بابا يجي وارجع اشمرة لا خلي انتظر لباجر

اوووف يانيسان من شفتك لليوم والله يومية مشلوع كلبي  ومشاكل مايمر اسبوع اذا مو اني باجية بسببك
علة وبلة انت

متني وجعني حيل وظهري تمددت واخلي ايدي على بطني واقراء سورة الفاتحة حتى ليصير بية شي
ام علي كلساع تروح وترجع علية تشوفني وتسئل خاف نازل وصخ شي عليه جانت خايفة

دك الباب عمي ومن الباب گال جوري بس لا خابرتي ابوج

لا  لا مخابرته

عفية بنيتي ادري بيج عاقلة وهذا الجلب اني اله اني اعلمة

لا بداعتي عمو لتسويلة شي والله من ضربته گلبي انكسر عليه فدوة وخليت ايدي على وجهي وابجي

طاح حظج انتي هم تبجين علية ويضحك ههههه

اي ابجي علية احبة

شطيح حظنا غير هل الحب ههههه
عمي خلصها ضحك علية وطلع

شوية غير الجووالنفسية

ساعتين رجع علي سمعته يحجي وي امة وابوة

وبعدين دخل للغرفة جنت كاعدة ومخلية ايدي على خدي وصافنة على حظي