#زهرةنيسان
بارت 13
بقلم
سهيررائد
هدوووء بعد ما طلع عمي ونيسان من البيت
بقيت مكورة نفسي بزاوية غرفتهم وصافنة دموعي نشفن بلعومي اتجرح ما كدرت ابلع ريگ
ماما .. تقربتلي گالت بصوت ناصي گووووة سمعتها
ابقي على موقفج لتواففين لحد ميمل ويطلگج غير هذا الكلام اني لا أمج ولا احبج
هزيت رأسي بعلامة أي
طلعت ماما من الغرفة
واني خنگتني البجية إريدها تطلع
بية صرخة وبية وجعة واحس نفسي مثل انسان اخرس عاجز وبية ألم قووووي وموجوع وحقير ويخاف يطلعة
..
اتكئت على الكنتور وگمت رجليه ترجف
ودايخة وروحي بغير عالم
طلعت أسحل بروحي لغرفتي ذبيت نفسي على فراشي
احس نفسي ميتة ميته جسدبلا روح
اضرربت عن الطعام
ماما وبابا الصبح والظهر والليل مشاكل
خابرت علي گتلة قنعة يطلكني
هاي حجيتها وسديت التلفون سويت وضع الطيران بجهازي
يوم عن يوم اذبل دوام المعهد بلش من اسبوع ممداومة
مررر شهر وموعد الزواج تفلش
نيسان ميقبل يطلگ
اني مرات اشوف بابا واركض انهزم للغرفة
اني وزني بالنزول
شعري يوكع
ما اكدر انام ولا أكعد بسهولة
يومية اشوف صور نيسان ابوس بيهن وابجي وااانام
محتاجة لنيسان احس بأخر مرة انطيته گلبي وروحي يمة
والبقى هنا جسد محطم فقط
....
قررت اداوم بلكي اتحسن وانساة
بس كلت لحيدر
باجر ادوام
ما اشتريت ملابس ولا حجيت وياهم
ما شوفهم ولا أگعد وياهم
ماما .. اني اتحاشى اگعد يمها ماريدها تقهرني من تتجاوز على نيسان نفذت اللي تريدة بس مراح اسامحها على كسرة گلبي
بابا. . بيا وجه اشوفه كسرت گلبة واهنته گدام عمي ونيسان ماجان متوقع مني هيج اسوي
...بس حيدر يجيبلي يومية اكل لفه وبيبسي خطية مقهور عليه بشكل
جنت ماگدر أكل لان تعبانة نفسيآ
بس اكل شوية واعوفها ومرات يحيبلي حلويات بمصرفة الخاص
...
گعدت الصبح طلعت ملابس لبست وغسلت وگعدت حيدر كتلة عندك فلوس تنطيني كروة
حيدر .. لا معندي بس الف وكام وانطانياة
ابتسمت وبستة
دورت بجنطي لگيت فلوس
اتذكرت نيسان بالجية وي عمي قبل انطاني الفلوس
شميت عطرهن حسيت إيدة بيهن وعطرة الشانيل
YOU ARE READING
زهرة نيسان
ChickLitجنت فاتحة الفيس واشوف شكو ماكو انتبهت لمنشور شلون تعرفتي على زوجج قريت بعض التعليقات بين التحشيش والضحك وبين المواقف الحلوة جذبني تعليق قصتها وي ابن عمه خلال 30يوم رديت عليها بالتعليقات صار اكثر من تعليق بقينا نسولف خااااص بينت الها اني اكتب اكتب...
