زهرة نيسان

الحلقة26

25

زهرة نيسان

بقلم سهير رائد

التحق نيسان واني ثاني يوم صحتي صارت احسن شوية وهو كلساع يتصل بيه
ويطمئن عليه جان خايف ليصير بالحمل شي
رغم اني كلشي مبية الحمد لله

واخذتني مرت عمي للدكتورة وطمنتني كلشي طبيعي

بيت عمي ماخلوني اشتغل والمريه خطية جانت هيا كلشي تسوي وحدة خمس ايام اني مااسوي اي شي

.. بعدين شفت نفسي زينة لا رجعت اشتغل بالبيت
ماما شگد حاولت تعرف شكو بينه ما گتلها

ولا بينت الها جان اكو سوء فهم

وحتى موضوع الحادث ماحجيتة الها
لان بس احجي شي حتى لو جان طبيعي بقت تلح ماگدرت

سئلتها من باب الفضول والشقة مو أكثر

ماما اذا نيسان خاني وانتي عرفتي شتسوين

باوعتلي گالت جنى على روحة
اطلكج غصبآ على الكل

اني ضجت من كلامها
كتلها الحمد لله يحبني ويعبدني ويعشقني ويموت عليه وميباوع لغيري

بقيت حذرة منها

دخلت شهر الثامن بدات تجهيزات البنوته ماما جهزت ونيسان وامة هم بحيث جابو حاجات مالها معنى ومكررة من الطرفين

حتى السرير والكاروك الهزاز جابه نيسان

عبالك هو اللي راح يجيب شگد مهتم للمولدة ومتلهف وتحسه صارلة عشرين سنة متزوج ومصاير عندة طفل

عكس بداية حملي شلون جان قاسي بردة فعلة من سمع حامل
..

ام نيسان الحقيقةتخابر هواي اتؤسل بيه يله يجاوبه

بس يجاوب اخته واخوانة

مرات تتصل عليه وجنت اركض اصعد للغرفة احجي وياها اخاف تعرف مرت عمي ونيسان يسويلي مُشكلة

من دخلت بشهر التاسع راجعت
انطتني الدكتورة مجال لحد ما اطلگ

اكلت اسبوعين من شهري والثالث گعدت الصبح رجليه مورمة بشكل مو طبيعي

جنت وحدي نايمة نيسان بالدوام

گمت للتواليت لان متنگة وميته كلشوية ادخل واطلع عبالك مشكلة صوندة بالمثانة

خابرت نيسان قبل لا أنزل جوة

حبيبي اليوم جسمي مورم ورجليه بشكل فضيع

نيسان .. صوريلي بلة

صورت ودزيتها

نيسان .. راح اخابر سكرتيرة الدكتورة بلكي تحجز اليوم الج

ما اگدر اروح الا أنت تجي
نيسان .. صار حبي اجيج اصلا اليوم نزلتي
للبيت

صدك والله مشتاقتلك واحس بوحشة هلايام بدونك اريدك يمي