البارت الاخير...
#اسمعني صوتك
# للكاتبه روزايه...
لو تدري إنتَ شگد مُهم !
مثل الكرامه الـ تنقري بـ دمع الزلِم
...
مسك... مروه تنزف وشفايفهه بيض والحجيه تصيح ماتت خليت راسي على صدرهه ماكو نفس مدري اني مرتبكه ....
الحجيه خلت راسهه بحضنه وتصيح سوده بوجهي يابنيتي ضلمج زيد كومي والله اخلي يبوس اديج....
ضاغطه على الشريان وايدي ملطخه دم فتح الباب زيد يركض دنك عليهه هزهه حركهه ماكو اي ايعاز شالهه وهو يصيح جيبي حجابهه ....
ركضت ورا لبستهه حجاب بسياره جانت جوا ماماخذهه اخذتهه الحجيه وراحوا ماكدرت اروح رجعت على غرفتهه ...
ركضت على الرساله اقراهه والدم مالتهه تارس البيت اخذت الورقه وكعدت على الجربايه اقره ودموعي تنزل وادعيلهه كون مابيهه شي...
مروه... زيد حبيبي سامحني هوايه سويت اخطاء بحياتي هوايه نصحتني وماسمعت كلامك ...
زيد اني متندمه حيل واحس نفسي ضايعه مابيدي اي شي انت حته ماتباوع بوجهي وكل كرامه ماضلت عندي....
زيد اني احبك حيل مايوم باوعت لغيرك ولافكرت باحد من عمري 11 سنه واني روحي معلقه بيك ...
رغم هاملني وماتحبني بس ابد مافكرت اخونك ولافكرت اطلب الطلاك لان مجرد اشم عطرك بغرفتي هاي اكبر امنياتي ...
بس لهنا وتعبت مااكدر اكمل اني وحده تافهه وجبانه وماعندي شخصيه وهوايه سببتلك مشاكل وحرجتك كدام اهلك ويكولون مرتك موخوش...
سامحني حبيبي اني راح اروح يم ربي هو يرحمني انت مارحمتني طول هاي السنين ولا ابوي ولا اختي ....
زيد اني احبك حيل عشت ملكه بيوم الي اجيت نمت يمي واخذتني بحضنك سامحني وابريني الذمه وعيش حياتك واتونس اني مامحملتك ذنب.....
مسك... سديت الرساله طبكتهه واني امسح دموعي تنزل بغزاره والله ماكرهتهه ابد وشكد حبيت نكون اخوات...
ابد ماحشيت براس زيد والله ودائما اكول خطيه بس استغلت طيبتي وحاولت توكعني بمصيبه...
اذا ارجع للواقع هي ماجانت ناويه تعترف لومازيد كشفهه يعني واضحه نيتهه ...
مسحت دموعي وكمت مسحت الدم من الكاشي انتبهت على الميز مالتهه مرتب العطور بجهه والمكياج موهوسه ...
مرتبه الغرفه والفرشه عبالك عروس بيوم سبعتهه مسكينه اكيد وصلت لمرحله ماتتحمل بعد...
اخذت التليفون دكيت على زيد ماجاوب كلبي نار عليهه رجعت دكيت على الحجيه اجاني صوتهه وهي تبجي...
... خاله بشري شلونهه
... ولج مسك ماوكف النزف ويكولون نبضهه ضعيف ادعيلهه انتي يتيمه كلبي مفرفح عليهه....
...خاله كولي لزيد اريد اجي راح اخلي الحارس يوصلني مااكدر اضل بعد ...
... تعالي مايكول زيد..
... بسرعه بدلت وطلعت للحارس يوصلني طول الطريق اردد بدعاء وادعيلهه من كل كلبي وصلت للمستشفى نزلت اركض ماادري بيهه وين...
دكيت على زيد كال ضلي يمج اجيتج اجاني من بعيد مطعون طعن حيل متأثر ولابس زي عسكري وملطخ دم اخذني للحجيه لكيتهه كاعده ورافعه اديهه تدعي...
زيد راح للطبيب واني كعدت يمهه اول مره اشوف الحجيه تبجي ودموعهه تنزل عشره عشره...
مسك... خاله لاتبجين ان شاء الله مابيهه شي..
... ولج احنه السبب شراح انقابل رب العالمين شنحجي شنكول بهاي اليتيمه ...
... صارت بعد خلي دكوم بسلامه ونعوضهه عن كل لحظه ...
... اليوم الفجر كعدت اصلي شفت الباب مالتهه مفتوح شويه رحت اريد اشوفهه لكيت زيد كاعد يم راسهه ويرفع بشعرهه عن وجهه...
كلت شعنده نازل خاف متعارك ويه مسك شفته باسهه من راسهه وطلع اول مره اشوفه حنين عليهه وهي نايمه ...
من طلع شافني واكفه راد يصعد صحت علي ولك يمه ديربالك عليهه هي هم مرتك وتعبت ...
شفته فرك وجهه ونزل عليه كال تعالي يمه خلي احجي وياج...
خفت من كالي هيج خاف صاير شي اول مره اشوفه هيح ابني واعرفه...
... يمه فزيت من حلمي مرعوب شفت امهه الله يرحمهه وهي تلوم بيه وتبجي وتشكل ذمتي ...
اريد افهمهه واشرحلهه ماخلتني كالت روح انت وربك تتجازى اني راح اروح اخذهه لان ماصنتوا الامانه وفزيت...
... سوده بوجهي اسم الله عليهه ولك خاف ربك واعدل بيناتهن كافي البنيه تحملت هواي...
... موبيدي كل دكه اكبر من القبلهه شكد كعدت وياهه وحجيت وعلمت مافاد عبالج ماحاولت وياهه...
لا كلت بنت عمي وتحبني لازم احبهه كعدت وياهه وفهمتهه ولازم تسمع الكلام وماتضم عليه وتبتعد عن فطيمه ...
كتلهه شيحجن وياج تعالي سولفيلي واني اخذ حقج مربع بس هي لا تروح تتفق وياهن ضدي ...
تعبت اسنين واني اعلم بيهه وهي تلتزم اسبوع وترجع من جديد ...
مسك... خاله الحق يقال زيد ضلمهه وانتي هم لان جبرتي عليهه تدرين لومتزوجه جان ابنهه بطولهه لاهو حبهه ولا هي كدرت تتخلى عنه...
... كومي بس ندعيلهه والله اذا كامت نذر عليه لا اخلي زيد يمهه اسبوع وانتي ماتحجين حرف...
... لا ما احجي بس خلي تكوم بسلامه ....
بعدنه نحجي اجه زيد شايل بيده بطل مي انطا لامه غسلت كمت وكفت بصفه خليت ايي على كتفه ...
زيد... مروه تحبك ماتعوفك بسهوله هسه اطيب .
... ضلمتهه حيل وماحسيت شكد حاولت واني عاندت وياهه اني السبب بالي صار ...
من انتحرت معناتهه واصله الى مرحله اليأس واني ماحاس بيهه عايش حياتي ومتونس وهي تعاني...
... حسيت بالذنب زيد ...
... اي حسيت لان اني من زمان اكول ضالمهه بس داخلي يرفضهه ادري بيهه تحبني كله مني...
... ادعيلهه تكوم بسلامه وعوضهه والله اني اكثر منك احس بالذنب لان تعاركت وياك وحرمتهه منك ...
... الله كريم بس خلي تكوم ويصير خير...
مسك... مابيدنه شي بس الدعاء ابد ما انتبهت مر يوم كامل وهي فاقده ...
جنه كاعدين برا اني والحجيه بعد مارحت للبيت واجيت ويه زيد اشوفهه شلونهه لكيت الحجيه تبجي ...
بسرعه ركض زيد عليهه وهو يصيح شكو شبيهه...
... ولك يمه يكول الطبيب انتبهت وصاحت زيد وماخلوني اطبلهه كالو شويه الا نكمل فحوصات ....
عافنه زيد وراح للطبيب يستفسر منه واني اردد الحمدلله شويه واجي كال راح ينقلوهه لغرفه خاصه زينه بس عدهه فقر دم وتحتاج دم واني وياهه مختلفين هسه اشوفلهه متبرع....
ورا شويه طلعت الممرضه كالت يله مسموح تفوتون بس لاتعبوهه لان صحتهه موتمام...
جانت نايمه ودايره وجهه لجهه الثانيه والمغذي والكانيولا بيدهه من سمعت صوتنه التفتت علينه بعيون حزينه...
حضنتهه الحجيه وبوستهه واني هم تحمدتلهه بالسلامه وهي بس تهز براسهه ...
تقرب زيد عليهه وباسهه من راسهه وكعت دموعهه بسرعه اني بعيده عنهه اسمعه يهمسلهه وهي بس تهز براسهه بمعناتهه موافقه ...
حالتهه النفسيه تعبانه ضلينه شويه يمهه وبعدين كال زيد خلي انروح امي تضل يمهه وباجر نطلعهه سلمت عليهه ورجعنه للبيت...
جنت ضامه الرساله اول ماوصلنه انطيتهه اله تفاجأ بيهه كعد يقراهه وطبكهه خلاهه بجيبه وكام ماكو اي رد فعل....
قررت احجي ويا ولازم يعدل بيناتنه خاف عباله اني ازعل خليت نفسي بمكانهه شكد صعبه عليهه...
مسك.. زيد اريد احجي وياك بخصوص مروه..
زيد.. شنو شتحجين خلي تطلع بسلامه واجرلهه بيت احسبيهه اختج وتحمليهه ...
... لا زيد موهيج بس خلي نحجي بهدوء والحق يقال مروه تحبك رغم هي تسمع حجي بس تكدر انت تهتم بيهه...
زيد مروه نتيجه الحرمان هيج صار بيهه انت هاملهه هي يتيمه واختهه بنت سعادتهه على سبيل حياه اختهه ميصير كلكم ضدهه...
ابوهه مومثل الاباء مهتم بيهه وساندهه ولاعدهه اخ مثل الناس صار سنين ماشايفته الحجيه ترزلهه وانت مبتعد عنهه...
جر نفس بهدوء ولم شفايفه وهو يسمعني...
زيد المفروض من سوت هيج بمراهقتهه وتزوجتهه تعلمهه وتخليهه تسمع كلامك موبس تخاف ومن تشوفك ترجف...
زيد... اسمعي مسك مو كل الحجي ضدي اني مروه ماكرهتهه ولا لحظه جانت طفله وعيونهه عليه راعيت مشاعرهه وماردتهه توكع بالغلط وهي بنت عمي ...
اني مامفكر لابيهه ولابغيرهه ولا عندي نيه اتزوج اجت وشمرت نفسهه بحضني وبدون ملابس شتردين مني اخذهه بلاحضان ...
اي واحد بمكاني يفكر بالف شغله وحده منهن منين تعلمت هيج حيل ومكر ومنو يكول ماعدهه علاقات ومتعلمه ايام واني افكر بيهه والاهم هي عرضي...
هي ماعرفت تصرف مشت ورا فطيمه وامهه هملتهه عبالج ما اهتميت بيهه شكد حجيت وياهه شكد علمت بس راسهه جامد...
صار اسمي ع كل السان زيد ضاحك على بنت عمه ومايريد يتزوجهه واني مايوم لمست ايدهه ولاعندي نيه اتجاهه ...
تدرين لحدالان اسمع طراطيش حجي من بعيد ويذكروني بالسالفه ...
بغض النظر عن الصار من شفت حبهه قررت احبهه واقربهه الي واخليهه وحده مطيعه وتبطل الوكاحه...
بس شنو الفايده احجي منا يطلع منا اسبوع واحد الكاهه مسويه مصيبه ...
مايوم ضربتهه كدام احد من احاسبهه وحدنه صح يجن يسولفن هيج وهيج والله مايوم انطيت بيهه بلحظتهه اردهن وارزلهن ...
اجي للغرفه احاسبهه تعتذر وترجع من جديد تعبت منهه مسك عقلهه طفله وماعدهه اي شي بحياتهه بس زيد...
... لعد موزين تحبك وتريد رضاتك انت حرمتهه من ابسط حقوقهه وهي الامومه وفوك كل هذا صابره وبعدهه نفس حبهه...
... اي حرمتهه لان مااتقربلهه لان مليت منهه وطكت روحي ما اكرهه بس تصرفاتهه ماتعجبني...
... زيد اهتم بيهه ومثل ماتنطيني حقي انطيهه...
... الله كريم كومي صبيلي اكل وراي شغل ....
... كمت ع السريع طلعت الموجود بالثلاجه طبختله واكل شويه وطلع اني عزلت البيت ومددت شويه ضهري يوجعني....
اجه زيد ولايحجي ضايج مبين يحس بالذنب وحاير شيسوي عفته على راحته ولا ادخلت....
ثاني يوم طلعت مروه من المستشفى تلكيتهم من الباب اخذتهه من ايد زيد كعدتهه على التخم...
كعد زيد كدامهه وهي منزله راسهه والحجيه بصفهه تسولف ...
مسك... همستلهه دكومين تسبحين ..
مروه .. اي بس اديه ما استخدمهن ومايوكع عليهن مي...
... كومي اني وياج بين ما يصير الغدا حته ترتاحين...
كامت ويايه طلعتلهه ملابس من واخذتهه للحمام شفت زيد يياوعلي بس قابلته بابتسامه ...
اشرلي بيده تعالي رحت يمه اتسائل بعيوني شتريد كال روحي كملي غده اني يمهه...
ماردت احرجه ولا احسسه بغيرتي انطيته الغسول الي بيدي ورحت للمطبخ وهو شفته راح للحمام لان عفتهه كاعده....
زيد... اعرف بغيره مسك واكيد ضاجت بس احس ذنب مروه محاوطني ومختنك اريد ابري ذمتي وياهه...
دخلت لكيتهه كاعده على تخته صغيره ومنزله راسهه ومخليه اديهه كدامهه لان ماتكدر تستخدمهم ...
اول ماشافتني فزت وكامت وكفت سديت الباب وتقربت عليهه...
لزمتهه من اكتافهه وحجيت وياهه بهدوء ... بعد ممنوع تسوين هيج ما اقبل تاذين نفسج...
مروه... رفعت راسي باوعت بعينه اريد اعرف هو زيد الي كدامي لولا ...
شفت عيونه خاليه من اي مشاعر مجرد كلام اي اعرفه من صغري واني متعلقه بهاي العيون اعرف لهفته الي تبين بعيونه بس من يشوف مسك...
غمضت عيني واخذت نفس حسيت على ادي وهي تحاوطني جنت لابسه تراك نيلي سحبني على صدره وهمس يم اذني ارفعي اديج...
اول مره زيد يكون هلكد قريب عليه واول مره احس بانفاسه الحاره رفعت اديه اثنينهم ونزعني البدي وشمره بالسله ...
جان يتعامل بحنيه حته لاياذي ايده مع العلم اعرف زيد مومن النوع الفاهي والي على كيفه نزعني البجامه وهم خلاهه بالسله...
خجلت من عنده لاول مره شكد جنت اتوددله والبس ملابس فاضحه وما اخجل بس هسه ماادري شبيه ...
دنكت وماباوعت بعيونه وحاولت اغطي جسمي باديه لان بس بالداخليات ....
حسيت بايده ورا راسي ويسحبه ليوره وانطبعت بوسه خاطفه على شفتي ...
هنا ماكدرت اقاوم ولاحتى اوكف على رجليه رجف جسمي وهو حس عليه لمساته الجريئه وايده القاسيه بالحركه تفقد السيطره...
المي ينزل على راسي واني باعده اديه حته ميصير عليهن مي كلش مستحيه من عنده وهو يتفحص بجسمي بعيونه وعبالك اول مره يشوفني...
كملت سبح ولفني بالخاولي استحيت اطلع وبلاحرى ماردت كدام مسك خطيه لان اكيد هي الي حجت علي وخلته يجي يمي...
... زيد ما اطلع هيج استحي وعيب من مسك...
... وين ملابسج خلي البسج ...
.. اشرتله وراااا
.. كام يلبس بيه وكلما يطخ بجسمي ارتعش حته هو ابتسم وهمسلي على كيفج شو صايره ضعيفه...
ماكدرت اجاوب خجلانه منه كملت لبس وطلع كدامي اباوع لنفسي بالمرايه خدودي حمر ومستحيه...
طلعت كبل لغرفتي حته بدون ما امشط مددت وغفيت وماادري حته بزيد وينه لان علاجي بي منوم...
بيسان...
بهاي الفتره تحسنت شويه مراد يطلعني لاماكن ترفيهه شويه ارتاح تعامله ويايه مثل ماهو ماتغير بالعكس يحبني بعد اكثر...
رجع لدوامه وسوه نقل بواسطه كام يداوم باستخبارات كربلاء الي ادري بي اشترى بيت وجاي يرتب بي انريد ننتقل....
حيل تحسنت حالتي وبنوتاتي يكبرن ومن يشوفن مراد يكومن يناغن والا يبوسهن ويضحكن ....
بيوم منهن اجه كال حضري غراضج راح ننتقل للبيت الجديد البنات وياي جمعن الغراض بالجنط وهم ياخذوهن...
الغرفه ضلت ماقبل ناخذهه كال اشتريت غيرهه بس الملابس وشكم حاجه اخر شي اجه اخذني اني والبنات...
طبيت للبيت مرتب حيل ونضيف واثاث كامل مابي نقص الغرفه تركيه لونهه بيجي التفتت علي حضنته من ركبته وبوسته...
مراد... بيسان ليش ماتبتعدين لان اذا الزمج ما ارحمج .....
... شمسويه والله اني حبابه...
... منو كال مو حبابه...
بس يابه ميت عليج وعبالك مو اسبوع صار دهر اذا الزمج اخليج تشلعين كاشي....
.... ههههه مراد دشوف نفسك شكد تعبان اسبح وخلي نتعشه وبليل عود اشلع كاشي...
... لا راح اروح يم زيد عدنه شغل واني اجيب عشا ويايه ...
... طلع مراد واني اباوعله فدوه لطوله شعره مشيب خلال هاي السنتين بس بعده بحيله ....
لليل اجه جابلنه عشا تعشينه وكمت غسلت المواعين قليله ورحت لغرفتي هو على التلفزيون والبنات يمه ....
سبحت وشسورت شعري وخليت مكياج لبست سيت نوم جديد عندي ماشايفه قبل اشترته صبا الي...
طلعت من الغرفه هو جان مركز بلاخبار بحيث حته موده تبجي ومامنتبه مخليهن بصفه ...
اجيت دنكت عليهه اريد اشيلهه من ادنك تبين ملامح جسمي ماحسيت غير راسه بركبتي ...
موده بيده واكله لامراد بس اشوفهه يكولي انعل ابوهه عوفيهه....
كوه رجعتهه بالكاروك سكتت وهو يشم ويبوس بركبتي وجلدي يكزبر...
رفعني من خصري ليفوك وهي جره وحده شمر السيت على طول ايده ...
...يابه والله اليوم ما اعوفج الا من كيفي...
... مرادي...
...اشتعلت عشيرتج مايخليني احجي كبل ياخذ شفايفي بشغف ...
جريئه ويا بحيث يتخبل من حركاتي وبي ومايزداد وهو يصيح لج كافي راح اموت واني اضحك...
اتلمس بضهره واسوي مثله من ارسم دوائر وهو يفقد بحيث يخاف عليه يصيح لا أذيج لاتسوين هيج...
سحبني بحضنه وهو يتلمس كل جزء بيه ويباوع وين ماكو اثر لازم يطبع واحد جديد...
يكول اريد كدامي اشوف الاثرات حته متلحك تروح وصدك ركبتي مطكعه ليل نهار....
رجعت للدوام وكملت السنه اني ومسك على خير بس خلصتهه غيابات واجازات بفضل زوجي الي ترقى وصار رائد ....
ايامي جميله ويا دلع وحب وحنان مايوم رفع صوته عليه ولا مد ايده من اشوفه عصبي اشرد للغرفه ورا شويه يجي يبوس بيه يكولي طفيني...
ورا تخرجي بشهرين حللت طلعت حامل شلون بيه وهذني البنوتات زغار و بس هو جان فرحان وفرحت على فرحه....
خالتي ام ايهاب تجي عليه يوميه ومهتمه بيه وصبا اتزوجت وايهاب ومرته ماكو اي كلمه منهم ساكتين...
بيتي قريب على مسك مرات تجي يمي نسولف نضحك بس هي سباعيه حافظت على مستواهه ومباشره تعينت معيده بجامعه كربلاء ....
مسك... من يوم حادثه مروه زيد عدل بيناتنه ومروه حبابه رجعت مثل قبل ...
راجعت هوايه اطباء كلهه كالت ماكو امل للحمل عندج عقم واصلا مو السبب بالكيس...
هنا حسيت نفسي فارغه ومجرد ايام تمشي زيد ويايه ماعافني ابد وشكد يهدي بيه بس اني انتهيت طلعت من الدنيا صفر اليدين ....
توسلتله يخلي مروه تحبل على الاقل طفل واحد يرد كبرته ويشيل اسمه شاف مروه بعينه شلون حبابه وماتكسرله كلمه وكطعت علاقتهه ويه الكل بس وي بيتهه....
صدك حملت مروه وداريتهه عبالك نفسي 9 اشهر ماخليتهه تشيل الورده بيوم ولادتهه تبجي الا مسك اطب ويايه ...
جابت ولد سمينا علي زيد جان طاير بي والفرحه ماواسعته الشهاده لله حبيته وكانوا ابني...
مروه من اول يوم شالته وخلته بحضني ودكول انتي امه بحيث نتعاون علي بحب والحجيه تدعيلنه ...
وراهه ب3 اشهر طلعت مروه حامل شكد فرحت راح تترس البيت جهال رغم النقص الي عندي بس اكول الحمدلله ....
تخرجت بامتياز وتعينت معيده والحمدلله مباشره قدمت على الماستر وراح اناقش رسالتي بشهر العاشر ....
زيد بالعكس زاد دلاله الي ومامحسسني بنقص والولد ليل نهار يمي قبل شهرين جابت مروه الولد الثاني وبيتنه بي روح حقيقيه وفرحه....
ابد مااذتني مروه ولا زيد ولا الحجيه بس ابقى بحسره الطفل بس اعتمدت على نفسي وكونت مستقبلي بيدي وراهه اقدم على الدكتوراه....
بيسان ومسك....
لهنا انتهت قصتنه وياكم شاركتونه الحلوه والمره وبجيتوا وفرحتوا ويانه ودعيتوا من كل گلبكم واستفاديتوا من الصح والغلط واخذتوا العبره منهه....
بيسان...ادعولي اني حامل بشهر السابع وبيه توم ولد وما اكدر اتحرك خطوه وحده ومراد بعده نفس رومانسيته ودلعه
والبنوتات كبرن وصارن يخبلن شكر عبالك اجنبيات حته مانطلعهن نخاف عليهن...
مسك... ادعولي بالصبر والتوفيق ما اريد اي شي الحمدلله عايشه بنعمه وزيد مدللني بس اريد الصبر والقوه...
...
حبايبي الحلوين مايهون عليه اكول انتهت القصه لهنا ورا نودع ابطالنه وندعيلهم بالخير والتوفيق...
القصه بيهه هواي عبر ومواعض علمتنه الصبر والقوه ومالازم نخضع ونضعف من ابسط موقف...
علمتنه الانسان الضالم لو مهما يعلى شأنه لازم يجي ويوكع ويشرب من نفس الكاس...
تعلمنه اليتيم ماتروح دمعته وتطلع حوبته لو بعد حين ومرت الاب مثل ماتحبين اطفالج حبيهم وداريهم ....
داعش والايام السوده الي شافوهه ابطالهه نقلت نقطه ببحر عن معاناتهم والحمدلله كدرت اكون عند حسن ضنهم....
انتظروني بقصه جديده بعد ما اخذ استراحه ولاتنسون والدي بالدعاء ...
اشكركم واشكر تفاعلكم ووصول القصه لاكثر من ربع مليون مشاهده لولاكم ماوصلت لهذا المستوى....
احبكم هوايه احبكم طووووووخ....