همام... نامي كاضبج اني
ذهب... راسك ثقيل ومخلي ع راسي
همام... هاي بعدنه عنج
ذهب بعدت عنه ونمت رجع حظني كتله بعصبيه... شلون اليوم مانام
همام... رتاحي لا تعصبين
ذهب... بعد اريد انام او بالاصح اطلع من الغرفه كلها اريد انام
همام... ما ابعد واني اشوفج هيج تعبانه
ذهب... تريدني ارتاح اطلع بره
همام... ارتاحي بس اني الج اشوفج منو همام
ذهب... اوك انشوف منو هذا همام عافني وطلع عيونه تجدح من العصبيه ماهتميت نمت ماحسيت غير بليل شوي احسن نزلت عمي كاعد بالصاله
صباح... هلا بذهبه شلونج هسه
ذهب ابتسمت وكتله... الحمدلله
صباح... الحمدلله روحي اكليلج لكمه
ذهب... لا عمو مااشتهي(هسه تكولون ليش ذهب سكتت ع سالفه زواجها الجواب لان همام اتشارط وياها بعد 3اشهر اذا ماعجبها الوضع تتطلق فسكتت ) رحت للمطبخ ماكو احد البيت هدوء شفت محفظه وجهاز همام ع الطاوله معناها موجود لعد الباقين وين ضليت واكفه مااحس غير شي يمشي ع ايدي طفرت بسرعه
همام.... شبيج طفرتي
ذهب... انته شلون هيج تسوي جفلتني
همام... وشدعوه هيج معصبه وصرتي طماطيه والطماطه غاليه بالسوك ويشوفون هيج طماطيه كدامه شيسوي ماتكليلي
ذهب... هذا غزل مال مخضرجي وين كاعدين بخضاره
همام... يا خضاره يابه كاعد بالمطبخ ومنعول والدي
ذهب... لعد اذا هيج روح نام أحسن باااي
همام... تعاااالي عوبه
ذهب انداريت عليه وكتله... هسه ليش تتجاوز
همام... بكيفي حلالي ويحلالي
ذهب اتخوصرت وكتله.... هلووووو حلاله ويحلاله وهييييي يالله والله عمي خووش تركته وطلعت اسمعه يدردم ويه روحه اتخبل الولد شوي ودخلن البنات نداء تمشي وكرشها مترين كدامها وأطياف حامل بس بطنها مو مثل نداء المهم ضلينه نسولف اني و والبنات همام كاعد يحجي ويه عمي وكل شوي يخنزر علي
ضرغام... همام هسه شنو راح تسوي علمود السالفه اللي بالي بالك
همام... مااسوي شي بعده ع اتفاقنه القديم
ضرغام... هااا يعني انحلت
همام... ان شاء الله تنحل
ضرغام... تنحل هوه إتفاق ويجي يوم تخلص منه
ذهب ضلو يسولفون فجأه اطياف صرخت
أطياف... اخخخخخخ يمه لحكيلي
خوله... خير يمه شبيج
أطياف... ااااه عمه راح أولد لحكيلي
ذهب صار المطافر ماله والي اخذوها للمستشفى للساعه ب3 الفجر يلا رجعو ولدت ولد اسمه أدهم عنووون يجنن ضليت واكفه اباوعله شكد حلووو
خوله... هااا يمه اشوفج صافنه
ذهب... اللهم صل على محمد حلوو
خوله... يي ما شاء الله حلوو يلا امشي خلي ترتاح
ذهب... اوك تصبحون ع خير تركتهم وصعدت للغرفه نمت بسرعه كعدت الصبح رحت للمدرسه والبنات سلمن علي لان غايبه و مريضه والمدرسات كذالك خلص الدوام عادي طلعنه من المدرسه انتظرنا الخط يجي ماكو ضلينه واكفين بالشمس (*ملاحظه أحداث القصه بسنه 2015 )الشهر الرابع جو حار لان ضهريه
ود... هذا زين صار صارت ب1 وربع وهوه ماكو
ذهب... شعرفني انوب ضهر وماكو احد بس احنه بالشارع
ود... شكم مره كلت لابوي ما نريد خط خاص خلينه ويه البنات ما يقبل
ذهب... هسه شلون حته الحارس راح يطلع ويقفل الباب
ود... شنسوي كون ما يطلع ينتظر ابو الخط يجي يلا يطلع
الحارس... هاا بعدكم تنتظورن
ذهب... يي الخط ما اجه واتاخر
الحارس... ماعدكم رقمه لو اي شي
ذهب... لا ماعدنه رقمه
الحارس... رقم واحد من أهلكم
ذهب... ماعدنه ماحافظين
الحارس... طلعن لازم افقل المدرسه المديره ماتقبل تظل مفتوحه بعد الدوام بنص ساعه
ذهب... لا خويه مروتك وين نطلع والدنيا ضهر وماكو احد بس احنه بالشارع
الحارس... اسف مااكدر المديره تحاسبني
ذهب... اوك طالعين امشي ود طلعنه وكفنه بالباب انريد يجي مامو صارت ب2 وهوه ماكو طلعت روحنه الشمس تحرك كتلها... دكومي ود هذا مامنه جيه
ود... ولج البيت بعيد شلون نروح مشي
ذهب... لعد انضل هيج طايح حظنه بالشمس كمنه ضلينه نمشي طلعنه الشارع مال المدرسه وضلينه نمشي ع الشارع العام بخوف
ود... والله بس اشوفه اكوم اتعارك وياه
ذهب... واني وياج انشبعه كتل
ود... ولج هسه نرجع نحصل طن رزايل من الضباط اللي بالبيت
ذهب... يي اولهم استاذ همام لان مااتصلنه عليه
ود... ليش هوه عدنه رقمه حته نحجي وياه
ذهب... طاح حظج وحظه وحظي وياكم
ود... ولج كافي تعبت بعد ما بيه امشي
ذهب كعدنه ع الرصيف واحنه روحنه طالعه
ود... عندج مي
ذهب... ضل بالرحله
ود... طاح حظج فاهيه
ذهب.. ولج عطشت وجعت هسه شسوي
ود... انام تاكليني شسوي كومي كومي
ذهب... ااااخ مابيه بس اشوي بعد ضلينه كاعدات تقريباً 5دقايق وكفت سياره يمنه بيها 3ولظ
الولد1... هااا محتاجات شي
ذهب... لا شكراً
الولد1... تعالن انوصلجن للمكان اللي نردنه
ذهب... لا شكراً ما يحتاج
ود... ولج ذهب امشي طاحت رجلي من المشي
ذهب... انجبي اشوف
الولد3... يابه تعالن شبيجن تره ما ناكل بنات😉😉
ود... امشي يا بنت الناس تره رجلي وكعن من المشي
ذهب بنتر... كتلج ماكو امشي كدامي اخذت ايدها وماشوف غير سياره همام كدامي نزلن وعيونه تجدح من العصبيه
همام... كعدت الصبح كالعادة غسلت وغيرت ملابسي ورحت للشغل كملت الدوام ورجعت للبيت تقريباً الساعه ب1:45 البنات بعدهن ماموجودات وين صارن مامعقوله طالعات من المدرسه ورايحات البيت جدها اتصلت ع فرقد سئلته ع البنات كال ما موجودات عدنه رجعت اتصلت ع ابو الخط رد علي سئلته ع البنات كال السياره عطلانه مارحت عليهن تخبلت الساعه ب2 وهنه ماكو المدرسه بعيده مسافه 45 دقيقه بالسياره يعني فوق الساعه يلا يوصلن للبيت طللعت بسرعه اخذت السياره ومشيت بسرعه
ضليت امشي وعيوني ع الطريق اكول يمكن اشوفهن بالطريق ماكو وصلت للشارع العام مال المدرسه شفت سياره واكفه و بنات واكفات يمها وكفت السياره شفت ود وذهب واكفات يم السياره نزلت بسرعه وعيوني تجدح من العصبيه
همام... امشن كدامي للسياره
ذهب... لعد وكت جان ضليت لليل
همام... انجبي ماريد اسمع صوتج لا انتي هاي اللي يمج
ذهب... لا والله ولي
همام سحبت ايدها وذبيتها بالسياره ود من ذاتها صعدت نزل ابو السياره
الولد... منو حضرتك
همام... انته شكو
الولد... اشوف البنات مايردن يصعدن وياك منوو انته
همام... خويه روح مدخلك عفته وصعدت بالسياره ومشيت
ود... شسالفه همام هيج نضل بشارع حته الحارس طلعنه من المدرسه
همام... ليش انه ادري بيجن مراجعات لو لا قبل شوي رجعت من الدوام
ذهب المهم رجعنه للبيت وعمتي تخبلت لان طالعين من المدرسه مر الايام وهمام خاير شنو يسوي اربع وعشرين ساعه بس كاعد يمنه يسولف ابن أطياف صار عمره أربعين يوم وكل يوم يحلا اكثر بيوم طالعين من الصف شفت رجال يمشي للاداره رحت سئلت الحارس... اكلك ابو حيدر منو هذا
ابو حيدر... هذا مشرف جاي اليوم
ذهب اني سمعت مشرف دكيتها باب الاداره انتظره يطلع دك الجرس للصفوف اني باقيه انتظره يطلع وره نص ساعه طلع هوه والمديره شافتني واكفه صاحت
المديره... ذهب ليش طالعه من صفج
ذهب... من رخصتج ست عندي كلمه اريد احجيها للاستاذ
المشرف... تفضلي بنتي
ذهب انتبهت المديره تخنزر بيه ما عاجبها تعرفني السان كتله... أستاذ التدريس بهاي المدرسه كلش حلو المدرسات يتعاملن ويانه كانو بناتهن مايفرقن الشاطره عن الكسلانه كلنه واحد المديره ام الجميع الطالبات
المشرف... ان شاء الله كل المدارس مثل مدرستكم وكل الطالبات يتكلمن بحترام مثلج
المديره... يلا ماما روحي الصفج اتاخرتي هواي
ذهب... بس ست اني مكملت كلامي المهم استاذ اكو مشكله القوانين بيها اغلاط هواي
المشرف... شلون يعني
ذهب... استاذ الاتزام بالزي كلنه ملتزمين والوقت كلنه ع الوقت بس استاذ المدرسه من نجي ندرس اهلنه عدهم ثقه بالمدرسه ويخلونه نجي نخلص نص نهار بيها بس استاذ من يخلص وقت الدوام وانته بيتك بعيد وابو الخط مايجي عليك بعد نص ساعه من انتهاء الدوام الحارس يطردك من المدرسه بسبب القوانين زين أستاذ اذا طلعنه واتعرضنه للخطف منو المسؤل اول شي المديره راح تكول هنه طلعن من المدرسه احنه مادخلنه بيهن أستاذ اني بيتي يبعد عن المدرسه 45دقيقه يلا اوصل هاي بسياره مو مشي يعني المشي فوق الساعه يلا اوصل للبيت واحنه فقط طالبتين نبقى ساعتين خارج المدرسه
المشرف... ممنوع الباب ينقفل قبل خروج مل الطالبات وانتن اذا السائق أتأخر مامسموح تبقن خارج المدرسه
ذهب... بس أستاذ الحارس نزار هوه طلعنه من المدرسه يكول المديره ماتقبل تظل مفتوحه بعد الدوام
المشرف... بسيطه بابا انتي روحي الصفج وان شاء الله خير
ذهب... من رخصتك استاذ تركتهم وصعدت للصف دكيت الباب
المدرسه... وين جنتي
ذهب... اسفه ست بس جنت بالإدارة
المدرسه... دخلي مره الاخ لاتتاخرين
ذهب خلص الدرس الدرس الاخير اجت طالبه وكالت المديره تريدني رحت للاداره اشوف المديره مشتعله نار اعصاب دكيت الباب ودخلت
المديره... انتي ماتكدرين تسكتين
ذهب... الساكت عن الحق شيطان أخرس واني من حقي احجي يعني لو مخطوفين منو راح يحمل المسؤليه
المديره... وانتي منو راح يخطفح بهذا السانج واني اشوفج تكولين خوش تدريس وكيت وكيت طلعتي حيه امشي ولي
ذهب... شكراً ست ع الفاضج من رخصتج تركتها وطلعت خلص الدوام ورجعنه للبيت دخلنه عمتي مخبوصه.....
اسفه يمكن البارت متأخر بس والله هستوني يلا كدرت اكتب ولان نعسانه ماكتبت هواي