عندما تتساقط الاقنعه

البارت 1

السلام عليكم رجعنه بقصه جديده بعنوان عندما تتساقط الاقنعه القصه حقيقيه ااسلم القلم للابطال القصه

ذهب... السلام عليكم اني ذهب مواليد 1999 شكلي عادي مثلي مثل كل بنيه حلوه وقزومه طولي 155 اهلي واللي حرام اسميهم اهلي عايشين بس كل واحد عايش حياته ملتهي بحياته محد مهتم الي اعرف امي من حملت بيه ما كانت تريدني حاولت تسقطني بس ربي كاتب اعيش من انولدت لليوم ما حسيت بحنان الام ولا حنان الأب قصتي تبدي من كان عمري 9 سنوات بيوم راجعه من المدرسه شفت امي تريد تطلع من البيت وعمه خوله و تريد تمنعها بس امي طلعت اخذت ايدي ورحنه البيت جدي ابو امي
بيبي... ولج يمه رجعي البيتج والرجلج
سهيله... لو اموت ما ارجع
بيبي... ولج شنهو ماترجعين ترجعين ورجلج فوق راسج
سهيله... ما ارجع والله مليت طلعت روحي منه يمه كفرني بعيشتي
بيبي... ولج الخاطر بنتج وين تروح
سهيله... يجي هوه ياخذ غذارته وجه فكر هوه وبنته
ذهب ما اهتميت لان متعلمه عليها تتعارك ويه ابوي وتتلاوه وياه وتجي علي تطلع قهرها بيه لليل اجه خالي حاول ويه امي علمود ترجع للبيت بس هيه ماكو قافله ماتريد ترجع للبيت بعد اسبوع واني بيت جدي ابوي طلق امي وامي عادي ولا مهتمه ليكول راح تتزوج مو تطلق أني بيت جدي عندي خالتي متزوجه وزوجها ميت عايشه بيت جدي عندها بنيه اسمها ودق عمرها 9 بعمري و ولد فرقد عمره 19 اني بقيت ابيت جدي مر 6اشهر من اتطلقت امي بيوم كاعدين بالصاله اجه خالي
سليمان... سهيله تعالي هنا
سهيله... هلا خويه
سليمان... خويه عصام خطبج مني وانتي تردين تتزوجين لو تضلين هنا تربين بنتج
سهيله... هااا
سليمان... هويه انتي بعدج شابه وزغيره تردين تتزوجين لو تربين بنتج
سهيله... افكر وارجعلك خبر
ذهب... بعد ايام امي وافقت تتزوج وجان اول شرط الزوجها انو ما اروح وياها ضليت يم هالتي وبيبي خالتي صارت ام الي فرقد و ودق خواني من عدها قررت اتصنع وارتدي اقنعه اول قناع تم وضعه قناع القوه تحولت من ذهب المسالمه الهادئة الى ذهب مستحقره تاخذ حقها من عين السبع ما كمت اخاف من احد مر شهرين من تزوجت اني واني مااعرف شي عن ابوي ما اروح البيت جدي ابو ابوي صرت كل وقتي ع السطح اهل المنطقه يسموني الاستخبارات لان بيت جدو عالي والبيوت اللي يمه كلها دور واحد نهار ليل اني معلكه فوق وبيدي مصياده مال طيور اذا شفت واحد ويضوجني اضربه بيها بيوم كاعده ع السطح اندك الباب ماجان اكو احد بس اني ودق خالتي وفرقد ماخذين بيبي للدكتور من فوق ذبيت حجاره خطيه اجت براس الولد
ضرغام... اااخ هاي منو ذبها
ذهب... منو انتم وشسوين هنا
ضرغام... تعالي نزلي فتحي الباب
ذهب... ومنو انته حته افتحلك الباب
ضرغام... فرقد موجود
ذهب... لا طالع
ضرغام... يا بنت الناس تعالي فتحي الباب اريد احجي ويه واحد جبير
صباح... تعالي ذهب فتحي الباب بعد عمج
ذهب... شفت عمي صباح نزلت اركض فتحت الباب سلمت عليه
صباح... هلا هلا ذهبايتي شلونج
ذهب... هلا عمو بخير انته شلونك
صباح... الحمدلله
ضرغام... هسه هاي بنت عمي
ذهب... وشبيها ماعاجبتك
ضرغام... شسوين فوك
ذهب... اعرفك بنفسي ذهب استخبارات المنطقه ماكو شي مايصير هنا اني مااعرفه
صباح... خرب ابليسج
ذهب... تفضل عمو ليش بالباب
ضرغام... ليش انتي كلتي تفضل حته ندخل
ذهب... تفضلو عمي اسفين دخلو للبيت
صباح... لعد متكو احد وينهم
ذهب... خاله وبيبي وفرقد راحو للدكتور
صباح... وامج وين
ذهب... امي تزوجت قبل شهرين
صباح... شلون وليش ماعدنه علم
ذهب... مااعرف
صباح... المهم احنه مو هاي سالفتنه خلي خالج يجي وافهم منه يي بويه شلونج هناا
ذهب... الحمدلله عايشه
صباح... بالمدرسه شلونج
ذهب... تمام ضلو تقريباً ساعتين واجه خالي و بيبي وخالتي
صباح... شلون تتزوج واحنه مانعرف
سليمان... وليش تعرف طلاق وتطلقت ليش ماتتزوج
صباح... تريد تتزوج تتزوج محد مانعها بس تجي هنا بتنه نريدها
سليمان... بنتكم أي بنت وانتم صارلها فوق ال8اشهر محد سائل عنها
صباح... والله عبالنه عدها ام مثل البشر وتربيها مو تروح تتزوج وتترك بتها بين الرجلين
سليمان... البنيه بينه عايشه معززه مكرمه لا امي ولا خالتها مقصرات وياها وحته فرقد مداريها اكثر من اخته
صباح... مو عذر اني جاي اليوم اخذ بتنه
سليمان... ماكو ماتروح
صباح... مو كيفك البنيه تجي البيتنه
فرقد... عمي خالي مو هيج كعدو وبالتفاهم  كلشي ينحل
ضرغام... يي بويه فرقد كلامه صح مو هيج
ذهب... واكفه وعينوني تراقب كل تصرفاتهم اخر شي خالي انخنس مثل كل مره ورحت البيت عمي صباح تلكتني عمتي
خوله... هلا ذهبايه علا بذهوبه
ذهب مستوحشه بيت عمي استحي اكعد بي حظنت عمتي... هلا عمه
خوله... ولج ود ود تعالي اجت بنت عمج
ود... عااااا ذهبي هنااا
ذهب... دوده حبيبتي اتحاظنه والفرحه ما واسعتنه ضلينه سلمت ع وسام و جواد اولاد عمي ورحنه للغرفه وكعدنه نلعب ونطفر جهال 10سنوات مو كبار  عمي نقلني المدرسه ود بديت اداوم وياها نفس الصف ونفس الرحله ودائما اروح اشوف بيبي وخالتي بيوم كاعدين بالبيت مانسمع غير صوت سيارات الشرطه وكفن باب بيت جدي ابو ابوي اشوف الولد صار تكمزهم ماله والي طلعو لليل الولد واكفين بره بعد دخلو
صباح... الله لا ينطي هذا سود وجهنه بين الناس
خوله... ابو همام شنو صاير
صباح... هذا المعزي قائد (ابو ذهب) مختلس افلوس من الدوله ومنهزم والشرطة تدور عليه
خوله... وهسه شلون
صباح... بعد شلون تتحول للقضاء وشوف شنو يصير
خوله... منين جانت هاي النه بعد
صباح... ااااخ ولج حته مالي عين اطلع بالشارع بعد سوايته
ذهب... ليش مالك عين عمو اذا ابوي نذل اني مو مثله
صباح... لا بابا لا تكولين هيج عيب يضل ابوج
ذهب باستهزاء... هههههااااي ابوي يي واضح كلش بابا وينه ابوي المتدين طلع حرامي من تمسك بدين زاد عن حده الله يعلم شعنده
صباح... لا بابا عيب هذا الحجي
ذهب... ليش عيب عمو اهلي حرام اعترف بيهم ابوي عايش حياته وطلع حرامي وامي تزوجت وتركتني ليش عيب المفروض اطلع علي... ممكمله وقاطعني صوت من وراي
همام...

وهنا يسقط اول قناع قناع التدين والعفه