عندما تتساقط الاقنعه

البارت 19

همام... ذهبه كملي اغراضج باجر نطلع
ذهب... وين راح نكعد
همام... ابيت جلال
ذهب... هاا شلون نكعد يمهم عيب
همام... لا سمعي اليوم من طلعت من الشغل اتصل علي جلال
جلال... هاا ابو الفوارس وين انته
همام... هلا جلولي شلونك
جلال... سؤال بسؤال الحمدلله بخير انته شلونك
همام... الحمدلله
جلال... وين انته
همام... عندي شغله ليش
جلال... هاا لا ماكو شي بس كلت نطلع مادام هناا
همام... فد ساعه واجي بنفس المكان
جلال... يي هذا هوه يلا مع سلامه
همام... الله وياك بعدها رحت الواحد من جماعتي شوفني بيوت مو شي وتدرين اني ماريد اروح الشقق والعمارات البيوت كلهن صغار مانكدر نكعد كلنه كلها بس غرفتين لو 3غرف منو راح يكعد بيهن احنه لو امي وابوي لو ود لو ضرغام واكو بيت دورين بس غالي رحت الجلال
جلال... ادري وين صرت كلت ساعه صارلي فوك الساعه هنا
همام... رحمه الاهلك هموم الدنيا كلها فوك رأسي
جلال... هاي شبيك شصاير
همام... شكلك لازم نطلع من البيت ومااعرف وين نروح بيتي بعده ما كامل وايجار ماكو بيت يوسعنه
جلال... وانته ع هاي ضايج
همام... شسوي ماعندي غير اسبوع واحد ولازم اطلع من البيت
جلال... خويه لا تشيل هم تعال بيتي مفتوحلك يمته ما تجي
همام... وين بيتك اهلي والمره ماترهم
جلال... يابه فصدي بيتي مو بيت اهلي كامل بس أثاث مابي اكعد بي ع ما يكمل بيتك
همام... لا شلون ماترهم
جلال... شنو ما ترهم اني أخوك وكاعد اكلك تعال
همام... الله كريم
جلال... لعد من باجر تنقل اغراضك وتكعد بيت يوسعكم كلكم بس اريد منك طلب
همام... تفضل
جلال... امي اخليها وياكم تعرف اني شغلي من البصرة البغداد ومن اروح للبصره وارجع اشوف امي متضايقة ومزعوجه عاد امي وامك يتسامرن
همام... خويه البيت بيتك وانته براحتك وهلا بيها
جلال... هذا هوه الحجي الزين....
ذهب... وعسه راح نكعد بيتهم
همام... يي يعمري ماعندنه حل ثاني وهسه انتي كملي الاشياء الضروريه ناخذها باجر والنواعم نجي عليهن غير يوم
ذهب... اوك حبيبي
همام... كملي علمود تحضرين بعد اغراض اهلي
ذهب... من عيوني يالذيب ضليت ارتب بالاغراض هوه هم وياي
همام... حبيبي كملي بسرعه شكد فاهيه
ذهب... انته روح نام شعندك كاعد
همام... كاعد اساعد حبيبي خاف تتعب
ذهب... لا حبيبي انته روح نام بس روح جيبلي بعد كارتون
همام... ادري هاي وين جانن اشو ما اشوفهن
ذهب... مدخلك يلا روح
همام... ذهبج خلي عند امي لا يضيع
ذهب... هوه عند عمه بس الحلقه عندي
همام... هاا يي احسن ماتدرين شيسون
ذهب... تركك منهن وروح اريد كارتون
همام... رايح رايح
ذهب... اوكف انزل وياك نزلنه شفت ود كاعد وعيونها بجهاز همام طلع كتلها... اناي كاعده كملتي
ود... شكوو
ذهب... لميتي اغراضج
ود... وهسه همه شافو بيت حته نجمعهن
ذهب... عمات عيونج باجر نطلع
ود... هلووو وين نروح وليش ماكلتو
ذهب... همام شاف بيت وشعرفني سئلي اخوج وكلياه ليش ما حجه
ود.. وين هذا البيت وشلون صاير
ذهب... بيت جلال
ود... شنو ليش ماكو بيوت حته نكعد بيت جلال
ذهب... حبي حمدي ربج لكينه بيت بسرعه وهسه كومي
همام... ذهب اثنين كافي لو تردين بعد
ذهب... كافي كافي بس علمود عمو وعمه جيب بعد و هاي الفاهيه اختك هم
همام... اوك هسه هاي اثنين كملي غرفتنه
ذهب... انطيني اخذتهن وراح همام
نداء... هاي شنو من اجه همام الهسه الكراتين تصعد الغرفتكم
ذهب... والله دنجمع اغراضنه علمود نطلع
نداء... وين تولين شو بيتكم بعده كلشي ماكو
ذهب... حبي ع نياتكم ترزقون روحو شوفولكم بيت تكعدون بي لان بعد 6ايام اذا البيت ما متفرغ تنطردون منه
نداء... عشتووو منو راح يطردنه
ذهب... اكلج ماريد اتناقش وياج وعندي كومه شغل اريد اخلصه تركتها وصعدت للغرفه ضليت اغلف التحفيات وخليهم بالكارتون همام كعد يرتب بأوراق الشغل مالته كومه
همام... ذهب
ذهب... هاا
همام... راح اخذ قرض علمود اكمل البيت
ذهب... لا همام شسوي بي وبعدين شلون تسدده ونضل بهاي الجرجره
همام.. مو اريد أكمل البيت بسرعه
ذهب... ليش خلصن الفلوس اللي عندك
همام... لا بقن تقريباً 35 مليون
ذهب... اذاً ماكو داعي للقرض عود اذا كملنه البيت وخلصن الفلوس ناخذ بس حق الأثاث
همام... اوك اكلتيني وشربتيني
ذهب المهم كملنه كلشي همام كال باجر العصر نروح من يرجع من الدوام فعلا اجه من الدوام اخذنه كلنه ضرغام ويه السياره اللي راح تنقل الأغراض
وصلنه للبيت شفنه مره جبيره بالعمر و بنيه يطلع عمرها صح او 35 سنه
ام جلال... هلا تفضلوو شرفتونه
خوله... هلا بيج حجيه زاد فضلج
براء(اخت جلال)... هلا خاله شرفتي
خوله... هلا بيج
براء... تفضلو تفضلو ليش بالباب
ذهب دخلنه للبيت واسع بس فارغ مابي اثاث ابد بس التبريد والاضويه
براء... عرفنه عنجن
ذهب... اني ذهب زوجه همام
ود... اني ود اخت همام
براء.. اني براء اخت جلال وهاي امي
الكل .. اهلا وسهلا تشرفنه
ام جلال... وبيجن اكثر
جلال... يوم غرفتج كملت انتبهت ع اهل همام جايين كتلهم هلا خاله شلونج
خوله... هلا بيك وليدي الحمد لله انته شلونك
جلال... الحمدلله شلونجن بنات
ود & ذهب... تمام🙂🙂
جلال... يلا اخذو راحتكم اني طالع يم الولد
ذهب طلع جلال واني أشوف الحجيه عيونها ع ود وهاي ولا يمها عيونها بجهاز وتضحك شوي ودخلو الولد وضلو ينصبون بالغرف البيت عباره عن بيت طابقين الأرضي بي مطبخ واستقبال و صاله وحمامات واربع غرف والثاني هم أربع غرف و صاله وحمامات كلهن كبار مساحه البيت كلش هواي وحديقه وحلو مرتب ديكورات حلوووه المهم كملو الغرف همام كال طالع عند شغله راح لليل يلا رجع جلال هم راح الارضي صار بي غرفه عمي و غرفه ام جلال وغرفه جلال هم راح يكعد بالبيت همام ما أعترض كال بيته واحنه مو يمه وعاشرنا وماشفنه منه الشي الموزين بالعكس أخلاقه حلوه ومحترم اما الفوك احنه بي اني و همام و ضرغام و ود اجه همام
همام... هاا حبي
ذهب... هلا الله يساعدك يمته اجيت
همام... الله يساعدج قبل شوي ورحت كعدت يم امي وابوي شوي واجيت
ذهب... تعبان
همام... الحمدلله ع كل حال
ذهب... واخوانك وين راح يكعدون
همام... ماعرف خليهم نارهم تاكل حطبهم
ذهب... بس همام خوانك خو مايضلون بشارع
همام... وانتي ليش خايفه عليهم بعد كل اللي سوه بيج
ذهب... اخاف بيوم من الايام يصير بينه مثلهم
همام... ياحبيبي احنه مالنه دخل بيهم همه رادو البيت ينباع وهذا اللي صار خلي ياخذون درس من كل هذا خلي راح التركيا شنو حصل هذا رجع خلص فلوسه ع الطلعات و الفخفخه(الفخفخه يعني يشوف الناس عود عندي فلوس وطاك) ويوميه عازم صحبانه وطالعين مافكر من تخلص ال6اشهر وين أولي وين انطمر وهمه زين اذا الراتب يبقى الاخر الشهر هذا وسام قبل لا يخلص الشهر يجي سلفني كذا مبلغ
ذهب... حبي ميخالف يبقون إخوانك
همام... تركج منهم وخلينه مرتاحين منهم
ذهب... يي وشكد راح نبقى هناا
همام... فد شهر والبيت يكمل
ذهب... هاا حباب استعجل لان عيب البيت مو بيتنه واحنه لا واحد ولا اثنين 6اشخاص شكد عيب ومسيطرين ع البيت كله
همام... ان شاء الله هذا اني يوميه مطلع ناس تشتغل حته الجمعه اطلع
ذهب... يي حبي عفيه كمل بسرعه حته لو وجبتين باليوم اللي ناس الصبح وناس بليل
همام... حبيبي هوه البيت ما بي شي راح يخلص بس عندج المطبخ و غرفتين ما كاملات سيراميك و الكراج هم
ذهب... هاا اوك حبيبي
همام... يي لا تضوجين واني راح استعجل بي لان ماريد تطول السالفه ومثل ما كلتي البيت مو بيتنه واحنه هواي عيب وهسه نامي باجر ورانه دوام
ذهب... اوك حبيبي تصبح ع خير
همام... وانتي من اهلوو حضنتها ونمت
ذهب كعدت يوم ثاني همام كاعد ينشف شعره ويحجي بالجهاز ومبين عليه عصبي خير شصاير من الصبح كفيت الغطه وكمت انتظرت يكمل يلا حجيت كتله... شكو من الصبح
همام... ذهب كملي خلي اوصلكم للمدرسه واشوف هذا الناقص
ذهب... شنو شبيك
همام... امس كله دافعين عنهم روحي شوفي شمسوي هذا الناقص جويد
ذهب... شكو شبيك همام
همام... قبل شوي جان بالبيت لاعب لعب السيراميك كله مكسره ويكلهم ما اخلي يتهنا
ذهب... لا هذا صدك ما يستحي عود انته اخو الجبير وهيج
همام... يلا روحي بسرعه كملي
ذهب... 5دقايق واجي رحت بسرعه اخذت ملابس ودخلت للحمام سبحت وطلعت شفته واكف يحجي بالجهاز واعصابه فول يسب ويغلط أستغفر الله اليوم شكله ماراح تعدي ع خير كمت اخذت الجهاز منه وكتله... همام شبيك كافي تره هاي مو حاله تروح تنجلط ربحي بيهم كافي
همام... ذهب انطيني الجهاز
ذهب... ما انطي شوف شلون عركان تريد تروح مني
همام... حبيبي انطيني الجهاز اوعدج ما اعصب
ذهب... اوك امشي كدامي ما انطيك اياه هسه لحد ما اشوفك تهدى
همام... امشي امشي
ذهب طلعنه من الغرفه نزلنه شفت عمتي خطيه بالمطبخ تحضر بالريوك ود نزلت ورانه وهيه تعطر نفسها اول ما دخلنه المطبخ عمتي كالت
خوله... شبيكم من الصبح
همام... ماكو شي يمه بس طلعتلي سالفه صفح
خوله... يا ماكو شي عيونكم تفضحكم شصاير
همام... ماكو شي يمه
خوله... ان شاء الله ماكو شي
ضرغام بعصبيه... هوه شلون يسوي هيج يي يي هسه اجي كتلك هسه اجي
ذهب خوفنه عبالنه ويانه طلع يحجي بالجهاز خلص الاتصال وحجه
ضرغام... هسه هذا شسوي وياه
همام... شكو شبيك
ضرغام... جويد رايح للب... قاطعه همام
همام... يي يي اعرف
ضرغام... هسه شلون ماتكلي هوه نص فلوسنه راحت ع السيراميك
همام... تركك منه اني اتصرف وياه
ضرغام... وهسه شلون العمال يكولون شنسوي طاحنه طحن
همام... هسه اروح اشوف شسوي
خوله... يمه شبيكم
همام... يمه ماكو شي يلا بنات امشن اتأخرت
ذهب طلعنه اشوف همام يزيد ما ينقص عيونه صارن حمر دم دك جهازه شفته جواد اخذه مني
همام... ولك سز ما تستحي ع نفسك حيوان
جواد... لا تغلط واحترم نفسك لو هاي الكح... لاعبه بعقلك
همام... يي مو مثل مرتك ام السحوره
جواد... أحترم نفسك همام
همام... جايك و اعلمك شلون احترم نفسي
جواد... تعال انتظرك
ذهب اسمعهم يتناقشون واحاول أهدي همام بس ماكو صاير نار و هذا يذب عليه بانزين ويخلي يكمز من مكانه وصلنه للمدرسه وراح بالي كله يمه حته المدرسات لاحظن علي بالي مو يم الدرس وهاي اول مره هيج يصير وياي بس ما حجن شي بس يكللي انتبهي للدرس خلص الدوام واني حايره شوي اجه همام اخذنه شفته ايده مجروحه تخبلت اخذت ايده وكتله... حبيبي شبيك شنو هاي شبيك
همام... ماكو شي لا تخافين
ذهب... شنو ماكو شي شصار وياك
همام... نرجع للبيت ونحجي مو هسه
ذهب ضليت خايفه اعرف جواد ما يعديها ع خير وصلنه للبيت شفت جلال واكف بالباب بس نزلنه صعد ويه همام وطلعو
ود... شصاير اليوم
ذهب... جواد اليوم رايح للبيت ومكسر السيراميك ومخرب كل شغل مال العمال
ود... هذا شبي اكييد كله من هاي الحيه نداء
ذهب... ولج عساها بحظهم وبختهم وانه الثوله امس أقنع بهمام يكعدون ويانه عساهم يتشردون بشوارع
ود... ولج هاي الحيه ماترتاح اذا ما تشوف الإخوان متكاتلين واحد يفترس الثاني
ذهب... أستغفر الله ولج همام هسه يتخربط والله خايفه عليه
ود... امشي ان شاء الله ماكو شي
ذهب... ان شاء الله دخلنه للبيت لليل ماكو لا همام ولا جلال اتصل ع همام مايرد ود تتصل ع جلال نفس الشي ماكو دخلنه انذار بس ماحسسنه احد بس اني وياها صارت ب2 ماكو خفت ضرغام المغرب اجاه اتصال و هم طلع اتخبلنه انريد نعرف شصاير ماكو للساعه ب4 الفجر يلا اجو دخلو كلهم للغرفه بس همام مو ع بعضه ولابس غير قميص خوفني
جلال... طلعن بره
ذهب... هوه شنو طلعن بره شنو صار زين كنتو
جلال... ذهب كتلج طلعن بره
ذهب... مااطلع واشوف شلون تحجون
همام... ذهب بره
ذهب طلعنه من الغرفه وكفنه يم الباب انريد نسمع شنو يحجون ما فهمنه شي كعدنه بالصاله شوي وطلعو
ضرغام... ذهب ارجوج لا تحققين هسه خلي يرتاح
ذهب مارديت عليه دخلت للغرفه شفت همام نايم رحت عليه شفت صدره لافينه بشاش فتح عيونه وكال
همام... هاا شو واكفه وساكته
ذهب... ارتاح والصبح نحجي
همام... شعجب مو من عادتج
ذهب... همام انته تعبان نام طلعت ملابس ورحت للحمام بدلت وطلعت شفته نايم وفاتح ايده رحت نمت بحضنه حس علي حضني
همام... ذهب تعبان
ذهب... نام وارتاح لا تفكر
همام... اخر واحد اتوقعها منه
ذهب... مدام هاي الحيه نداء موجوده بحياته اتوقع كلشي
همام... ذهب بعد ماريد اسمع واحد يحجي بيهم والله العظيم أروح احركهم وانعل ابوهم لابو هيج قرابه
ذهب... اهدء حبيبي لا تعب نفسك والله ياخذ حقك ه منهم ضليت اهدي بي لل6 يلا نام نمت وياه مابيه اروح للمدرسه مر شهرين وكمل البيت من كلشي اثاث وكلشي واجه اليوم اللي ننتقل بي خطيه الحجيه تعلمت علينه وتكول راح ارجع يم الجناين ودوختهن عمتي تكلها امشي ويانه بس ماتقبل بهاي الفتره همام ماترك الدكتور دائما يراجع والدكتور يكله اكو تحسن عن اول مراجعه بس بعده الأمل ضعيف انتقلنه كان همام مأخذ اثاث كله جديد وناقله بالغرف والمطبخ مكمل كلشي نقلنه الملابس والاثاث كله نتقلنه ويا فرحه همام بي ليكول ما شايف بيوت عمي حالته كامت تتحسن رجعت الضحكه للبيت الكل مرتاح بس عمتي اللي زعلانه ع ولدها اللي تباعدو عن بعض اللي خسرو اللي راح سندهم ضرغام من سالفه ضرب همام بصده بسكين بعد ما حجه وياهم ولا تقرب الهم ولا يحجي وياهم ابد عمتي تكول ماريد هيج ولد النسوان تحركهم كملنه الاغراض وترتيبهم
همام... ولج هلكتيني كافي
ذهب... لا حباب كوم ما بقى شي
همام... شوفي بعد اربع كارتونات شيكملهن
ذهب... كووم يكملن بس انته لا تتكاسل
همام... هفففف منج
ذهب رفعت أصبعي وضليت العب شاربه وكتله... غصب عليك تكوم
همام... لا مو غصب بس اني مطيع وانتي هم مطيعه ليش نعذب بعض
ذهب... هسه كوم لا تتفلسف فوك رأسي
همام... ذهب والله ما بيه شبيج تعبت باجر نكمل
ذهب... اوك حبيبي نام
همام... وانتي
ذهب... هسه انام بس اغير ملابسي
همام... يلا بسرعه
ذهب دخلت للحمام غيرت ملابسي وطلعت همام نايم نمت يمه