عندما تتساقط الاقنعه

البارت 15

طفاك القدر يا شمعتي خلاني اجر بحسرتي
شلي بهالعمر يا دنيتي محسود على حظي وقسمتي
شلي بهالعمر يا دنيتي محسود على حظي وقسمتي

فص ملح وداب ما بين ادي وراح
شباب وهات اتهنا يا مرتاح
ياشمس الدنياوالقمر انا ادفع شبابي والعمر...(كلمات الاغنيه توصف حال ود)

رن جهازي رقم غريب بسرعه رديت... الووو
... هلا استاذ همام
همام... منو وياي
... استاذ احنه اكو بينه حساب واني اخذت حقي اختك تلكاها بمنطقه.... عماره رقم 5 شقه رقم 2
همام... منو انته وشعرفك باختي بهاي المنطقه
... مادخلك روح روح بس مره ثانيه تتعلم ماتاخذ شي مو الك هالمره باختك يمكن باجر بمرتك واني عيوني عليها من هسه اكلك مو بعدين تزعل لان خطفتها وهاا استعجل لان بأي لحظه تدخل الشرطه للعماره ومثل ماتعرف هاي منطقه مشبوها وبيها شغل وفهمك كفايه
همام فقل الخط رجعت اتصلت مغلق كتله... رائد بسرعه غير طريقك ال...
رائد... شكو شبيك
همام... روح ود هناك امشي طلعنه بسرعه وصلنه للعماره دخلنه بسرعه صعدنه للشقه الباب مقفول كسرنه الباب ودخلنه شقه فارغه ماكو احد فتحنه الغرف الموجوده ماكو سمعت رائد يصيح
رائد... ولك هماااام الحك
همام رحت اركض... خير شكوو
رائد بخنكه... ود داخل
همام... شنوو فتحت الباب ودخلت ود عباره عن جثه هامده لا حركه ولا نفس اخر شي جنت افكر بي بيوم اشوف اختي بهذا الوضع كدامي اخر شي افكر اختي يصير بيها هيج حاله ماعليها شي يسترها سحبت الغطه وذبيته عليها واخذتها بين أيدي وطلعت رائد واكف ودموعه بعينه خسيس بس اعرفه والله مااتركه عايش طلعنه بسرعه من العماره ابد ماشفنه شرطه او شي وصعدنه بالسياره وصلنه سيطره وتفتيش شلون سالفه هاي ازدحام كلش وكفتنه السيطره
الشرطي... شنو هاي اللي وره
همام... اختي حاله طارئه اريد اخذها للمستشفى
الشرطي... توكل بدون تفتيش اهم شي سلامه المواطن
همام... رحمه الله والديك يلا رائد حرك وصلنه للمستشفى بسرعه دخلتها اجت الممرضه اخذتها
رائد ... همام اتصل ع الاهل وكلهم لكيناها
همام... يي لكيناها هسه خلي نعرف عايشه لو ميته
رائد... همام شسالفه البنيه ان شاء الله بخير
همام... ان شاء الله
رائد.. وهسه اتصل ع عمي وكله لكيتها
همام... بس اخاف ماايتحمل
رائد... همام اتصل بعد شسوي قدر مكتوب عليها
همام اتصلت ع أبوي
صباح... هاا همام بشر
همام... أبشرك لكيتها
صباح... شنوو وينها وشلون ويمته وين انتم هسه
همام... بويه اهدئ هذا كله مو مهم المهم لكيناها وهسه احنه بالمستشفى ود شبه ميته
صباح... شنو شبيها همام لا تخبلني كلي ود شنو بيها وين لكيتها
همام... حجي تركك من هذا الحجي وتعال للمستشفى
صباح... يي هسه بس يا مستشفى
همام... مستشفى..... وخلي ذهب تجي وياك وياها ملابس يلا مع سلامه نهيت الاتصال
رائد... همام وهسه شلون لكيناها بس
همام... اني شبيدي شسوي لو اعرفه تلكاني كاعد هناا
رائد... اكييد ماراح تسكت
همام... ليش اني موو رجال حته اسكت ع هاي السالفه والله اطلعه من جوه الكاع
رائد... انته امشي واني امشي وراك مااتركك اذا ما اموته بيدي
همام... ليش هيج خايف عليها
رائد تنهدت وكتله... تبقى بنت عمي وعرضي ووو
همام... و شنو
رائد... وروحي بيها
همام... تركك من هذا الحجي
ذهب طلع همام و رائد كالعاده يدورون يرجعون بخيبه امل كعدت بالمطبخ و نداء كل شوي وتذب كلمه ع ود تقريباً الساعه ب11 رن جهاز عمي شوي ضل يحجي وبعدها صاح
صباح... ولج خوله لكوها ود راح ترجع
خوله... يمه بنتي الف الحمدلله ربي رجعها سالمه
ذهب... عمو وين لكوها وينها اكييد راح ترجع هسه راح تجي مووو
صباح... لا همام يكول بالمستشفى ويريدج هناك
ذهب... هاا ليش شبيها عموو
صباح... والله ماادري بس يلا امشي بسرعه اخذيها ملابس وخلي نروح بسرعه
خوله... انتظر اروح وياكم
صباح... لا وين ترحين وانتي مابيج تمشين
ذهب... يي عمه خليج اني اتصل عليج رحت بسرعه اخذت ملابس ونزلت رحنه للمستشفى وصلنه نزلنه اتصلنه ع همام كال بالطوارئ رحنه شفنا كاعد ورائد يمه وجوهم ماتبشر بالخير
صباح... هاا بويه اختك وين
همام... يم الدكتوره داخل
صباح... شلون لكيتها وين
همام... لكيتها بمنطقه....
صباح... شنو وشسوي هناك
همام... حجي بنتك راحت انتهت
صباح... همام كول غيرها شنو تضحك علي
همام... اااه بويه كلي وين اروح شسوي لااعرف منو هذا ولا منين اجه
صباح... وانته شعرفك هيه هناك
همام... حجي من طلعنه.... حجيتله كلشي هذا اللي صار
صباح... ولك ويه منو مصخم منو هذا وش عندك وياه وهيج يسوي
همام... شعندي حجي اني لو غلطان ليش يروح ع اختي وبعدها يريد مرتي
ذهب اشوف الانكسار بعيون الكل ولد عمي اجووي كلهم أحس عمي صباح ولده مكسورين وعمي سالم فوق راسه
سالم... كله منك ارتاحيت كتلك كعدهن بالبيت لا انته تريدهن يكملن اخذ راحت بنتك
همام... عمي كافي انته جاي تشمت لو شنو هاي مصيبتنه انته مادخلك
سالم... والله وطلع السانك وهاي عود عمك
همام... عمي ع عيني وراسي بس كافي تريد تجلطه يلا ترتاح
ذهب شوي واجو الشرطه لان الدكتوره مخبرتهم
الضابط... منو ولي امر المجني عليها
همام... اني اخوها
الضابط.. ابوها ماموجود
همام... بلي موجود بس تعبان مومال حجي
الضابط... اوك منو المعتدي عليها
همام... مانعرف هيه مخطوفه من قبل اسبوع واليوم يلا لكيناها
الضابط... يعني اختطاف واغتصاب
همام نزلت راسي وكتله... هيج شي
الضابط... الخاطف ماطلب فديه او اي شي
همام... لا بس احنه اجانه اتصال منه وهوه دلانه ع مكانها
الضابط... وين لكيتها
همام... بمنطقة....
الضابط... اعتقد تعرف هاي المنطقه مشبوها واليوم اجانه تبليغ ع عماره بيها مجموعه بنات يشتغلن بالدعاره وتجاره المخدرات
همام... عماره رقم شكدد
الضابط... رقم 5 تقريباً الساعه ب9 ونص
همام... اسم اللي قدم البلاغ يمكن تساعدنه
ضابط... فرات سعدون علي
همام... منو هذا أستغفر الله وهذا شنوو عنده ويانه
ذهب احس الاسم سامعته من قبل بس مااذكر وين راحو الشرطه من بعد ماسجلوو قضيه ضلينه بالمستشفى ود شبه ميته الدكتوره تكول يمكن تموت لان ما تستجاب للعلاج ضلينه لليل كاعدين عمي تعب وضغطه ارتفع همام متخبل يريد يعرف هذا منوو ومنين ماحس غير صرخت بدون مااحس... لا مستحيل مايسويها
همام... شكو شبيج
ذهب... اعرفه هذا بس مستحيل مايسويها
همام ضغطت ع ايدها وكتلها... كولي منووو هذا فرات ابن عم فرقد معقوله جان دائما من اروح البيت جدو اشوفه يجي يم فرقد
همام... قصدج منووو
ذهب نزلو دموعي وماكدرت احجي مستحيل توصل بي الهاي الحقاره الهاي الدرجه
همام... لا تبجين قصدج ابن خالتج العار يي مو بعيده عليه
ذهب... لا همام مايسويها اعرفه فرقد يخاف الله
همام... يي يخاف الله ابو العرك
ذهب... لا همام والله مايسويها
همام... ذهب بعدي ماريد اذيج
ذهب بعدت عنه لان طلعت أعصابه وماريد نتلاوه اني وياه وهوه تعبان ماريد ازيدها عليه طلع هوه و رائد و جواد ضليت كاعده مر ساعتين ورجعو همام أعصاب مالكينه يكولون صارله أسبوع يم عمامه ضل يسب ويغلط وهوسه مر يومين ود بالمستشفى رافضه العلاج نهائياً مستسلمه للموت عمي ضغطه معلك ماينزل واجت الدكتوره دخلت يم ود اتمنيت ادخل اشوفها شلونها شوي وطلعت الدكتوره كتلها.. هاا دكتوره شلون صارت
الدكتوره... ماكو تحسن ترفض الحياه
ذهب... لا دكتوره فدوه سوي أي شي
الدكتوره... اللي اكدر عليه سويته والباقي ع الله
ذهب... زين دكتوره يصير ادخل يمها
الدكتوره... دخلي بس لا تسوين ضجه وبس انتي محد يدخل غيرج
ذهب... ان شاء الله دخلت بسرعه شلون نايمه حالها يكسر الخاطر تقربت عليها مشتاقتلها حيل حضنتها وكتلها... يلا كومي شنو هاي ود عندي وياج حجي هواي اريد اكلج عليه اسبوع كامل صوتج مااسمعه تدرين اني مااكدر بدونج وحته همام كام يصيح علي من اكعد احجي وياه ماكام يتحملني كومي حبابه فتحت عيونها ورجعت غمضتهن كتلها يلا حبي كومي خلي نرجع للبيت تره ضوجه وانتي ماكو
ود بتثاقل... ذهبب
ذهب... يروح ذهب شلونج هسه
ود... تعبانه الألم موتني احس احشائي تتقطع
ذهب... يعمري انتي بيه ولا بيج
ود... اني شنو ذنبي ليش هيج صار بيه
ذهب... منوو احجي
ود... بعد رائد مايريدني يي شيسوي بيه بعد ضليت ابجي
ذهب شفتها انهارت خفت عليها طلعت بسرعه ضرغام كاعد كتله يروح يصيح الدكتوره شوي واجت
الدكتوره.. شلون هيج قبل شوي ماتستقبل العلاج شلون صحت
ذهب... ماادري دكتوره شبيها
الدكتوره... فتحتي وياها الحادثه
ذهب... لا هيه حجت مو اني
الدكتوره... اتمنه ماتضغطون عليها هسه خلوها ترتاح وبعدها احجو هسهومو زين تضغط ع نفسها
ذهب... ان شاء الله راحت الدكتوره شوي واجه همام
همام... هاا شلون صارت
ضرغام... مرتك بس دخلت يمها صحت
همام... يعني هسه صاحيه
ضرغام... يي بس الدكتوره منعت واحد يدخل يمها لان من دخلت ذهب انهارت
همام انداريت ع ذهب وخنزرت... ليش شبيها
ضرغام... علمود السالفه
همام... بسيطه يا ذهب نرجع للبيت
ذهب همام اتغير علي صار همام ثاني بس يصيح علي المهم مر اسبوع و ود بالمستشفى اخر يوم الشرطه طلبت تحقق وياها
الضابط... ممكن تركونه وحدنه وطلعون
همام... شلون نطلع خلينه هناا
الضابط... اخي اعرف شغلي اتركنه احجي وياها براحتي
همام... اوك طالعين