عندما تتساقط الاقنعه

البارت 9

همام حضنتها وكتلها... يبنت الناس مشتاقلج
ذهب حضنته... واني هم مشتاقتلك تقرب علي وضل يهمس باذني كلمات حب وغزل ويه كل همسه اذوب باحظانه(خطيه ميار ليكول قالب ثلج مو بشر بس تذوب) ضليت بحظنه وايده تمشي ع ضهري ويرسم منحنيات ع ضهري احس بطني موتني من الألم شفته ع شفتي بين الحب والحنان والعنف اول مره احب همام من يتقربلي ماجنت اعرف الحب هيج حلووو  ضليت نايمه بحضنه  مانحس غير الباب انفتح والصوت رج البيت
نداء... ولج ذههههههههب طركاعه طاحت ع راسج كح.... مثل امج امهات الرياجيل
همام طفرت من مكاني وكتلها... بنت الكلب تحترمين نفسج وتولين لا وراس الحسين ادفنج
نداء... يي غيني تريد تاخذ راحتك ويه الكح... الموجوده داخل
همام عصبت من كلامها وماحس غير الراشدي ع وجها... بنت الكلب تسواج وتسوه اهلج فاهمه
جواد... ولج ندااااء هاااي صوتج عليمن معليته
نداء... ادخل شوف اخوك واحنه انكول شبي مايريد يعرس طلع عنده وحده يخلص شغلته يمها
همام... ولج بنت الكلب سكتي لا أكفر بيج وبالخلفوج
نداء... والله نايم انته وياها والله يعلم شنو صاير بيناتكم قبل لا ادخل
جواد... نداء صوتج لا اجنزج وعلي وانته همام فهمنه شصاير
همام... ماكو شي خويه اتوكل ع الله
جواد... انتي ما تعرفين تسكتين منا الولد وانتي صوتج شعلوه
نداء... ولك نايم ويه هاي الكح... ذهيبه وانته تكلي صوتج
جواد... وانتي شدخلج
نداء.... اني شدخلني هسه تطلع حته انته تنام باحضانها
جواد جبتها براشدي ع وجهها... نداااااء كدامي للغرفه لا تخليني اتصرف وياج غير تصرف
ضرغام... يابه صلوو ع محمد
همام... جواد اخذ مرتك وروح لا تخليها تلعلع
ذهب اسمعهم يحجون واني خايفه هسه الولد شيكولون علي فعلا الموقف محرج نداء هذا طبعها رعنه ماعدها احترام ولا أسلوب اصلاً دخولها غلط ع غرفه همام بدون مادك الباب مهما يكون هوه رجال مايصير تدخل عليه بدون استذان شوي ودخل همام يباوعلي ويبتسم
همام... شبيج
ذهب... شكد عييب انفضحنه
همام... عادي مرتي وبكيفي عدهم اعتراض
ذهب... انته شكد بارد
همام... مو بارد بس مامسوي شي غلط
ذهب... هسه عمه شتكول علي
همام... ماتكول شي واصلا محد الا حق يحجي كافي اسمي متزوج من اربع سنوات واني كلشي ما شايف
ذهب... اكلك انته حميت كلشي خلي افلت احسن باي طلعت اركض واسمعه يصيح وراج وراج وين ترحين ضحكت ودخلت للغرفه دفنت راسي بالمخده واتذكر شلون دخلت نداء مااعرف اضحك لو  اخجل ع الموقف شوي ونزلت كاعد يتغدون دخلت للمطبخ وكعدت اكل شوي ودخلت نداء وضلت ترش سمها
نداء... ماتستحي عينك عينك تمشي كدامنه يعني علمن تطلعين غير ع امج ام الزلم وانتي مثلها ماتستحين نايمه بغرفته الله يعلم هسه ويه الولد كلهم هيج
ذهب مارديت عليها ولا هتميت اكييد همام راح يتصرف وياها ويسكتها خلصو اكل والبنات نقلن المواعين للمطبخ غسلنهن ورتبن المطبخ بس ما خلصت من كلام نداء هم كل شوي وتحجي بس بصوت ناصي مو صريخ تخاف جواد لو واحد من الولد يسمعها للعصر صعدت للسطح ضليت كاعده شوي وصعدت ود
ود... ذهب
ذهب... هممم
ود... ابوي يريدج
ذهب... هااا
ود... شبيج ابوي يريدج
ذهب يمه شنو يريد اكييد راح يحجي علي... اوك هسه انزل نزلت بس قلبي يرجف خايفه حيل شفت همام وعمي وعمتي كاعدين بغرفتهم دخلت وكلت بتعلثم... هااا عموو رايدني
صباح... يي بنيتي تعالي هنا
ذهب كعدت كدامه وكتله... خير عمو صاير شي
صباح... لا عمو ماكو شي بس اريدج بموضوع
ذهب... تفضل عموو
صباح... عمو احنه من خلينه همام يعقد عليج كان بس علمود اذا واحد يحجي ويكول كاعده بيت عمها وعدهم ولد انكلهم أبنه خاطبها بس الحمدلله محد حجه وضل الموضوع سر 4سنوات وهسه بويه اجو عليج خطابه واني اكول الولد خوش ولد واهله نعرفهم وانتي براحتج تقبلين عليه او لا محد يجبرج
ذهب... بس عموو
صباح... هسه انتي سمعي منو اللي خاطبج
ذهب... منوو
صباح... فرقد ابن خالتج قبل شهرين اجه خطبج هوه وعمه اني كتله تخلص إمتحانات يلا احجي وياها علمود ما يأثر ع دراستج وهسه انتي بكيفج تردينه لو لا محد يجبرج
ذهب اباوع ع همام ما يحجي بس منزل راسه انداريت ع عمي وكتله... لا عمو اني فرقد اعتبره مثل اخوي مااكدر اتزوجه
صباح... لا عمو فكري زين فرقد رجال وعنده شغله و بيته وانتي تشوفين هوه اللي يصرف ع امه واخته و بيبيته
ذهب... عمو مو هنا بس فرقد اخوي مستحيل يصيرلي زوج
صباح... براحتج بويه انتي اللي تقررين مصيرج مو واحد غيرج
ذهب... اشكرك عمو اعرف اني مثقله عليكم و واعرف همام يريد يخلص من هذا الزواج علمود يعيش حياته ووو
صباح... لا بابا ماكو هيج حجي انتي و ود الكم نفس المحبه بقلبي والله ازعل عليج اذا تحجين هيج مره الأخ وهسه عندي موضوع ثاني وياج
ذهب... تفضل
صباح... بالنسبه الزواجج من همام كان مجرد اتفاق بس همام يريد الزواج يتم بالشرع والقانون وكدام عمامج واهل امج واكييد من بعد موافقتج انتي
ذهب مارديت عليه شكله يي موافقه لو شنوو ضليت ساكته
صباح... كول بابا شنو رايج لا تسكتين
خوله... عيني ابو همام ان شاء الله خير
صباح... هسه غير نسمع جوابها
خوله... يا عيني لو ماتريده كان كالت شفتها شنو ردت ع فرقد
صباح... ان شاء الله خير بس بويه اذا موافقه كولي علمود احجي ويه عمامج
ذهب بخجل... يي عمووو موافقه
صباح... ع بركه الله
ذهب طلعت من يمهم وجهي احمر من الخجل احس الحراره صعدت عندي المهم وره يومين انتشر الخبر همام راح يتزوج ذهب بيوم نايمين وكعدنه ع صوت  الباب يندك بقوه طلع وسام يشوف منو شوي وكبت الهوسه فرقد جاي سكران وبطل بيده الساعه ب 3الفجر
فرقد... ولججججج ذهب ليش هاااا لييييييش هذا شايب طول عمرج تكرهينه هسه فضلتي علي ولج احببببببببج والله احبج انتي اللي ماخلي هذا يتهنى بيج
همام... هييي انته شنو تايها الك ولي منا
فرقد.... انته انجب شايب وجاي ع وحده بكد بزرك راجع تراهق
همام... ولي انكلع للمهجوم مالكم(روح البيتكم) ولك لو تضل اخر واحد ماازوجها الك اذا اني شايب انته سكير
فرقد... ذهب كل هذا ما غزر بعينج ولج يوم يوم انتظرج تكبرين هسه ترحين الغيري
صباح... فرقد روح البيتكم خزيتنه كدام الناس
فرقد... ماروح اذا ذهب مو وياي
ذهب... فرقد توكل البيتكم
فرقد... هيج وبكل سهوله تكولينها ذهب حرررام عليج
ذهب... فرقد انته اخوي ماممكن تكون زوجي
فرقد... بسيطه يا ذهب روحي بس انشوف شكد تتحملين هذا الشايب العقده طول عمرج تجين تشكين منه يمي هسه ترحين اله
ذهب... فرقد انته اخوي فاهم اخوووي مااشوف بيج زوج من كنت اجي واشكي يمكن لان اعتبرك اخوي
همام... ذهببببب دخلي داخل وانته يلا البيتكم طلعته بره وسديت الباب ضل يصيح ويغلط كلام ما ينلبس عليه ثوب
ذهب انصدمت من فرقد شلون يشرب من يمته يشرب وليش اسئله هواي برأسي ماعرف قراري من الزواج من همام صح او غلط اول معترض فرقد بعد منو راح يرفض هذا الزواج نمت ماحسيت غير يوم ثاني هوسه بالبيت والاصوات طالعه نزلت اشوف شنو صاير جان اشوف خالي وامي واكفين بالصاله
سهيله... والله مااخليها عندكم شنو ماريدها ازوجها للشايب
همام... ولج سهيله احترمي نفسج لا والله اكوم امسح بيج الكاع
سهيله... يي هسه تطلع ضاحك عليها ومقشمرها وامخليها ترفض ابن خالتها وتقبل بيك
همام... ولي منا انتي مالج بنت يمنه
سهيله... غصب عليك ورجلك فوق رأسك اخذها واروح
ذهب دخلت للصاله وصحت.... بصفتج منووووو اروح وياج
سهيله... بصفتي امج لو نسيتي
ذهب باستهزاء.... هههه امي همام تسمع شتكول امي اسمعو اليوم اتذكرتني وتريدني اروح وياج وين جنتي كل هاي السنين هسه تذكرتي عندج بنت سمعي اني وهمام نتزوج غصب عليكم كلكم لو اكبر رأس يوكف بوجهنا نتزوج يعني نتزوج
سهيله... ولج ذهبب ترفعين صوتج علي واني ام... قاطعتها وكتلها
ذهب... انتي مو امي وحق الحق لو بيدي حته دمي افصله عن دمج انتي وحده انانيه تركت بنتها علمود رجال
سهيله... شكلها خولو ماعرفت تربيج
ذهب.... حددددددج عاد خوله تاج ع راسج كافي اتحملت بنت مو بتها مو مثلج تركتيني ورحتي ولج انتي حرام يسمونج ام والله حرام اني اذا الجنه تحت اقدامج ماريدها
سهيله... ذهب تحترمين نفسج لا والله اكوم ادفنج
ذهب... مااحترم شسوين
سهيله... ولج اني امج امج
ذهب... اسمعي زين من اليوم ورايح لا انتي امي ولا اعرفج ولا تعرفيني اووك انتي وحده كح... فهمتي كححححح.... لا اكثر ولا اقل وهسه يلا طلعي انتي وهذا اللي وياج ماريد اشوفكم هنا....

اسفه ع التأخير بس والله مافرغت علمود اكتب وهاي قبل شوي كتبته احبكم واحب تشجيعكم احبكم من القلب للقلب 😗😗