عندما تتساقط الاقنعه

البارت 17

هلا حبايب قلبي شلونكم هذا البارت المفروض ب7 انشره بس نمت نومه قبل شوي يلا كعدت وكتبت بسرعه المهم قراءه ممتعه احبكم من القلب للقلب

ضرغام... يمه اشتغفر الله شنو هذا
ذهب... شنو شبيك
ضرغام... تعالن شوفن
ذهب تقربنه اني و ود ضلينه وحده تباوع بوجه الثانيه
ود... ولج ذهب هذا اللي المره كالت عليه
ذهب... يمه سلام قولاً من رب رحيم
ضرغام... اني راح اصيح امي تجي تشوفه نزلت بسرعه وكتلها يمه ذهب تريدج فوك عاد هيه صعدت وراي دخلت للغرفه وسدينه الباب
خوله... خير شبيكم
ود... يمه تذكرين امس المره اللي كالت ع السحر
خوله... يي يمه اذكرها شبيها
ود... هذا هوه شوفي
خوله... يمه عزه العزاهن  يريدن يموتن ولدي
ذهب اشوفه كدامي ماكو أي رد فعل مني كل هذا كره ليش كلشي بحياتي شفته بيت عمي الحب الحياه الكره والحقد والخيانه الخداع النفاق كل هذا هنا بهذا البيت عمتي اخذته وطلعت ضرغام يسب ويغلط و ود تتوعد الهن كل هذا عمي ما يعرف مر شهرين البيت انباع وكل واحد ورثه ضرغام كال اني فلوسي الهمام ونشتري قطعه أرض ونبنيها وفعلا اشترو القطعه أرض 550 متر بمكان حلوو كلشي قريب علينه مستشفى مدرسه حدائق ضلو يبنون بيها يوميه يطلعون عمال اللي اشتره البيت كال عدكم 6اشهر تشوفون مكان وتطلعون اني وهمام هذا حالنه كل واحد ينام وحده همام بغرفتنه واني بغرفه ود اشوفه تعبان بس قلبي ما يحن اله اريد اعذبه مثل ما عذبني نداء وأطياف حيايه كل وحده ترش سمها من جهه ويشمتن بينه رجاء تجي بحجه اختها وتكعد تدلع كدام همام وهذا لابسها ولا كانو موجوده بيوم نايمه شفت بالحلم همام دخلت الغرفتنه شفت ملابسه كلها دم واكو سكين بصدره فزيت مرعوبه ضليت اتعوذ من الشيطان واقرا ايات بقلبي بدون ما احس رحت للغرفه فتحت الباب ودخلت شفته نايم وفاتح ايد والايد الثانيه ع وجها تقربت عليه شفته محلي صورت العرس ونايم انقهرت عليه بعدت الصوره وتمددت وخليت راسي ع صدره هوه طبعه نومه ثكيل مايكعد لو تنكلب الدنيا كلها فوك رأسه هستوني اريد انام دك جهازه مؤقته ب3 ماادري شعنده فتح عيونه وكال
همام... هاي شبيك همام انضرب عقلك كمت تشوف ذهب نايمه بحضنك وهيه وجهك ماتريد تشوفه كوم كوم
ذهب حضنته اقوه
همام لا مامعقوله هذا خيال اكيد ذهب نايمه يمي لو داحلم استغفر الله
ذهب ضجت منه بس يتحرك كتلخ بصوت نعسان... حبيبي اريد انام لا تتحرك
همام ضميتها الصدري وخليت رأسي ع رأسها وضليت اشم بعطرها كتلها... آسف وعيونج بعد اللي صار ما يتكرر
ذهب بعدت عنه وكتله... اسامحك بس بشرط
همام... تدللين
ذهب... اروح البيت جدوو
همام... هذا شرطج ولج اخذج الاخر الدنيا بس انتي ماريدج تزعلين
ذهب... مازعلانه بس اذا يتكرر اللي صار يمكن ازعل وبعد مااحجي وياك
همام... لا وعد ما يتكرر
ذهب... أني كتلك اذا يتكرر ازعل وانته تعرف زعلي شلون يصير
همام... يابه اذا تكرر اني اعاقب نفسي قبل لا تعاقبيني
ذهب ابتسمت وكتله... راح ننسه كل اللي مر ونبدي من جديد صفحه جديده مابيها غش ولا شي واهم شي نرجع نحب بعض مثل قبل
همام... ليش احنه واحد كره الثاني بالعكس احنه واحد حب الثاني اكثر وأكثر
ذهب... يي وهسه اسكت اريد انام نمت ع صدره وضليت العب بشعر صدره بحركه دائريه حسيت ايد همام تمشي ع ضهري رفعت رأسي وكتله... همام اكعد لا تسوي هيج
همام... العين بالعين
ذهب... هسه شمسويه اني
همام... لعبتي بحالي وتكلي شسويت
ذهب... همام خايفه
همام... من شنو ذهب مدام اني وياج ماراح تخسرين شي
ذهب... ماريد ابتعد عنك اريد انام اليل كله بحضنك ماريد ابعد عنك ولو هيه لحظه اريد نبقى سوه للموت ماريد شي يفرقنا
همام... محد يكدر يفرفنه وانتي من اليوم ورايح غرفتج تنقفل ماتضل مفتوحه
ذهب... اوك حبيبي
همام مشتاقلها بكد رحمه الله بس ماردت من اول يوم صلح اتقرب الها ضليت أبوس برأسها حسيتها نامت قوت حضنتي ونمت
ذهب كعدت يوم ثاني همام نايم صفنت بوجها متغير هواي تقربت عليه وبسته بين عيونه
همام... انتي ليش تتحارشين بيه ومن ازحفلج ماترضين
ذهب... عزه هاي كاعد
همام... يي كاعد
ذهب... اا اا موو قصدي بس بدون ما احس
همام... عادي خليها بإحساس
ذهب... 😶😶😶 شنوو
همام تقربت عليها وبستها بخدها وكتلها... مثل ما سمعتي
ذهب تقرب علي وخله ايده وره رقبتي وبدا يبوس بيه مثل واحد يمشي بالصحراء وعطشان و شاف مي كدامه مااكدر اقاوم كدامه احبه احب كلشي بي عصبيته ضربه حبه احساسه رقته هوه ساعه وساعه ساعه اللي يعصب بيها ماارد عليه اتركه يحجي يحجي ومن يهداء يلا احجي وياه من اكون قريبه منه احس قلبي يريد يوكف من كد ما ينبض بسرعه احس انفاسنه وحده نتنفس نفس الهوى الكره ماموجود بينه بس الناس ماتترك الواحد يرتاح  خلصنه من كلشي يخرب حياتنه يدمرها حسيت نفسي بعالم غير هذا العالم عالمنه الخاص اني وهمام وبس محد اكو غيرنه أسرتنا لحظات إحساس مليئه بالحب والحنان والعنف ذبيت بفسي ع السرير تعبانه همام حاضني ويكلي ماريد تطلعين منا اريدج يمي لا تبعدين عني
همام... ولج كعدي لا واحد يشوفها
ذهب... مادخلني زوجي وبكيفي عدهم اعتراض طبهم مرض
همام... لا ذهب عيب رجال طول بعرض تجين انتي تطكعين رقبتي
ذهب... مادخلني اريد اطكعها
همام... ليش ما انه اسويها الج
ذهب... مااا انته لعبت بيها لعب صارلك ساعه بس هسه ادور الي
همام... ماكو انهي السالفه
ذهب... درووح عساك ما ردت ردت
همام... ولج عيب من خواني شبيج
ذهب... خوش خوش ماريد
همام... اهووو زعلت
ذهب... كوم كوم اوفي بوعدك واخذتي البيت جدوو
همام... يي يي هسه بس شوي
ذهب... ماا ماا كووم
همام... ولج هسه عندي دوام العصر اخذج
ذهب... يي كوم كافي نوم
همام... والله بعدني نعسان تعالي خلي انام بحضنج
ذهب... ماكو كوم اني راح انزل
همام... تعالي ماكو نزله
ذهب دفعته وكمت دخلت للحمام كملت ونزلت استلمتني ود
ود... امس اكو وحده  طلع من الغرفه وبعد ما رجعت
ذهب... انجبي
ود... هاا بشري شنو صار
ذهب... تصالحنه
ود... صدوووك كككككللللللليييششش
اطياف 😒😒.. فرحنه وياكم
ود... يي نفرحج ليش ما نفرحج همام و ذهب تصالحووو
أطياف.... وع هاي فرحانه عبالي فد شي
ود... ليش ما افرحلها اشو هيه من اهل الله قابل حيه وما افرحلها
اطياف... شقصدج
ود... والله اللي ع راسه بطحه يحسس عليها
اطياف... بسيطه ود يجي وسام ونشوف
همام... وشنو راح يسوي وسام
اطياف... يسوي اللي ما سويتو ع الاقل يغسل عاره
همام.... بنت الكلب احترمي نفسج لا والله اجي اكسر راسج
أطياف.... هييييي احترم نفسك ولا تعلي صوتك بوجهي
همام... ولج ينت الكح... اني ترفعين صوتج بوجهي لا والله اموتج وانعل ابوج لا بو اخوي وياج
ذهب... حبيبي اعصابك لا يصعد الضغط
همام... اني طالع بس اذا زعجتج بالكلام انتي بس اتصلي علي اني اجي واشوف شغلي وياهن
ذهب اخذت ايده وطلعنه للكراج كتله... حبيبي هنه هذان حيايه لا تحجي وياهن انته البسهن وهنه ينجبن وهسه روح لا تتأخر ع الدوام وانتبه ع نفسك ولا تستعجل
همام... ان شاء الله حبيبتي حضنتها وكتلها وانتي هم انتبهي ع نفسج منهن ولا تحجين وياهن
ذهب... اوك حبيبي بوسته وطلع اني دخلت للبيت صعدت للغرفه لان ماكو شي اسوي جوه رتبتها همام طبعه حلووو مرتب ونظيف ما يترك شي ع الأرض او ملابسه يبقن بدون غسل كله هوه يخليهم بالغساله ويشغلها هيه تكمل كلشي ينشرهم بالبلكونه كملتها وتمددت شوي واندك الباب كلت... منووو
خوله... أني يمه
ذهب كمت بسرعه فتحت الباب... هلا عمه
خوله... هلا بالعسل بالذهب
ذهب... هه هلا عمه خوله تقضلي
خوله... زاد فضلج
ذهب... عمه جان صحتي واني انزل ليش تعبتي نفسج
خوله... لا يمه جوه مااكدر احجي وياج وهذان الحيايه جوه فصعدت احجي وياج براحتي
ذهب... يي عمه تفضلي شنو الموضوع
خوله... يمه ذهب اني همام حجالي شنو صار وياج وشلون يتعامل وياج بس انتي تعرفين من طلعنه السحر وهوه تغير وكام يدور رضاج وانتي احسن شي سويتي اتصالحتوو وشوفي اليوم شلون منورين انتم الاثنين بس انتي تاخذين حبوب لو لا
ذهب.... لا والله عمه كلشي ما أخذ
خوله... لعد ليش لحد الان ماكو حمل
ذهب... عمه هذا الشي بيد رب العالمين لا بيدي ولا بيدج ولا بيد همام ربنه هوه يرزقنا
خوله... يي يمه ونعم بالله بس انتم راح يصيرلكم سنه ماكو شي
ذهب... اني شنو اكدر اسوي
خوله... العصر اخذج للدكتوره واشوف شنو المشكله
ذهب... اوك براحتج
خوله... مو تزعلين لان كاعد احجي وياج هيج بس انتي تعرفين همام كبر وماعنده ولد يسند ضهره عليه بكبره
ذهب... اعرف عمه والله حته اني اتمنه يصير عندي طفل
خوله... هذا هوه العصر نروح
ذهب طلعت عمتي فعلا صارلي هواي من اتزوجنه ليش لحد الان ماكو اتصلت ع  همام وكتله بس حضره جنابه ما قابل اروح بس بعدين قنعته كال اني اخذكم للعصر رجع همام واني جنت بالغرفه ماادري بي من اجه مااحس غير الباب انفتح انداريت واشوفه واكف بالباب رحت عليه وكتله... هلا الله يساعدك
همام... هلا يابعد روحي ويساعدج
ذهب حضني وخلاني جوه جناحه كتله... يلا ارتاح علمود نروح
همام... انتي متأكده تردين ترحين للدكتوره
ذهب... يي حبيبي متاكده اريد اشوف شنو بيه
همام... اوك حبيبي
ذهب... تريد غده
همام... لا ماكل بالدوام
ذهب... الف عافيه
همام... الله يعافيج خاف ما حجيتي وياهن
ذهب... لا ما تقربت منهن طلعت واني اجيت للغرفه ما شفتهن ولا شافني بس اسمع حجي من يمشن يم باب الغرفه
همام... خلي يولن مادخلج بيهن
ذهب... الحمام حاضر اذا تريد تدخل
همام... فدوه ولج جان ضاربني جفاف وانتي زعلانه
ذهب... علمود تعرف اني مو شوي
همام... ولج انتي الخير والبركة انتي الكل بالكل
ذهب المهم همام نام واني حضرت نفسي للساعه ب4 كعد وطلعنه رحنه للدكتوره وصلنه
همام... انتن انتظرن هنا هسه اخذ رقم واجي
ذهب... اوك روح راح شوي واجه
همام... رقمنه 44 يعني احنه واليل ما مخلصين
ذهب... انته شبيك اصبر
همام... انتي هم صبري لو موته روحج ع الجهال
ذهب... يي اريد طفل الاعبه
همام... هذا اني كدامج لا عبيني
ذهب... هههه لا والله انته طفلي الاول بس طفل ثاني
همام... لا واحد كافي
ذهب المهم ضلينه كاعدين ننتظر رقمنه والنسوان والزلم كتله مبين عليها دكتوره شاطره اجه دورنه دخلنه اني وهمام عمتي كالت انتم دخلوو احسن
الدكتوره... اهلا تفضلوو
همام ذهب... اهلا دكتوره
الدكتوره... يي اسمائكم الكريمه
همام... اني همام و هاي ذهب
الدكتوره... عاشت الاسامي يي بشنو اكدر اخدمكم
همام... دكتوره احنه صارلنه سنه من اتزوجنه وما صار حمل حبينه نطمئن ونعرف شنو السبب
الدكتوره... هااا اوك راح اسوي سونار ملون الذهب واشوف رحمها وانته هذا تحلين تروح تسوي بالمختبر تحليل الحمض النووي
همام... اوك اخذت التحلين ورحت للمختبر سويت التحلين كال فد ساعتين ويطلع انطيته 50الف علمود يعجل بي كال فد نص ساعه وتعال انتظرت شوي وطلع التحليل اخذته ورجعت للدكتوره
ذهب طلع همام واني ضليت يم الدكتوره
الدكتوره... ماما انتي ليش متزوجه بهذا العمر واهلج شلون وافقو يزوجونج الواحد يطلع بعمر ابوج
ذهب... دكتوره اني اهلي ماعرف وين عشت بيت عمي وبعدها حبيته الابن عمي وتزوجته
الدكتوره.. شنو يعني اهلج ماتعرفين وين
ذهب... دكتوره اني امي طلقت من ابوي وتزوجت واحد ثاني و ابوي اخذ فلوس من الدوله وانهزم وهاي اني مااعرف اهلي وين
الدكتوره... انتي درسين
ذهب... يي خامس
الدكتوره... عفيه لا تركين دراستج اهم شي هيه
ذهب... ان شاء الله سوتلي سونار اندك الباب ودخل همام وبيده ورقه الدكتوره كملت السونار
الدكتوره.... رحمج نظيف مابي اي شي والحمل يصير عندج بكل سهوله
ذهب... زين ليش لحد الان ماكو
الدكتوره... يمه حبيبتي الرزق من الله من رخصتك بس التحليل
همام... اتفضلي اخذت التحليل وكعدت تقرا بي اشوف ملامح وجها تغيرت حسيت اكو شي كتلها... هاا دكتوره شنو
الدكتوره... للاسف نسبه الانجاب عندك ضعيفه كلش 5% وماتكدر تحمل لان هذا عائق بحد ذاته

كلمات البارت 1818