سلسلة قسمة ونصيب بقلمي منى ارام
الحلقة الرابعة
بعنوان : بتاع بنات
ياماما ياماما يا حبيبتي ابوس ايدك ارحميني مليون مرة اقولك انا مش بتاع جواز افهميني بقا
صفاء: ايه الي انت بتقولو دا هو في راجل مش بتاع جواز ماتتكلم عدل يا ود انت ،استغفرالله العظيم
ايهاب : هههه لا انت راح فكرر لبعيد يا حجة أنا اقصد حاجة ثانية خالص
انا مش بتاع مسؤولية وزوجة في رقبتي تحسبني فطلعه وفي النزلة عيال يقرفوني طلبات مابتخلصش
انا مالي ومال الهم دا
صفاء : هم تسمي حياتك وسط عيلة حلوة زوجة و اطفال يملو عليكم البيت هم
ايهاب : ايوى هم ،وهم مايتلم كمان ،بقولك يا حجة فكك مني كفاية عليكي خواتي البنات وعيالهم
صفاء : بدموع ،بس انا نفسي اشيل عيالك انت واطمن عليك قبل مااموت
ايهاب: بعد الشر عليكي يا حبيبتي ،ماما بقولك إليه الحوار دا مابيكلش معايا جواز مش حتجوز دا على الأقل دلوقتي فنفضي دماغك مني وعيشي
صفاء : انفض ايه ياواد، واد انت اناشاكة فيك وماتصرحني ياواد وتقولي الي فيها ماانا مهما كان امك وستر وغطى عليك
ايهاب : ايه يااااحجة ايه الي بتقوليه دا ومالك قلبتي لسطوانة كدا ليه وانت حتلبسني بلوة ولا ايه
صفاء : ماهو مافيش راجل يرفض يتجوز غير لو كان معيوب ياحبيبي
مين دا الي معيوب يا ماما
قالتها سهى وهي تخرج من المطبخ تحمل في يدها صحن شطائر
ايهاب مسرعا : معيوب ايه دي بتقول مغلوب انا مغلوب مغلوب على امري وحوافق على الجواز
صفاء : بجد يا حبيبي ويا الف نهار ابيض يا الف نهار مبروك ،اهو انت دلوقتي ابني حبيبي راجل وسيد الرجالة كمان
سهى : وهي تمضغ الطعام وحتجوزيه ازاي دا يا ماما
وهو كل شويا مع واحدة شكل ابنك بتاع بنات مش بتاع جواز يا ماما
ايهاب : اهي البت الي شبه الكورة دي قالتلك اهي
جبتش حاجة أنا من عندي
صفاء : عادي لما يتجوز حيعقل مش حيبص لوحدة ثانية غير مراتو
سهى: ايهاب انت بتحلمي ياماما ،ثم مين دي الي ترضى تتجوزو اصلا، دا صاحب نص بنات مصر وخلي بيهم
ابنك رحتو فاحت في المنطقة والمناطق الي حوالينا
لو رحتي تخطبيلو حيحدفوكو بالطوب
ايهاب : ايه الي فاحت دي يا بنت انت ماتلمي نفسك ،ولا اقولك اومي روحي لجوزك ببطنك دا الي كتما على نفسنا بيه
صفاء : سهى يا حبيبتي انا عمالة حسابي انت الي حتساعديني نلاقي اخوكي عروسه حلوة انت صحباتك كثير يعني مش حتغلبي
سهى : هو ابنك عتقهم دا مخسرني ثلاث اربع البنات الي كنت اعرفهم في الجامعة
ماما أنا واحدة حامل وعلى وش ولادة مش حغضب ربنا واروح اخطب لواحد زي دا
صفاء : تصدقي ايهاب عندو حق فيكي اقومي يابت امشي من هنا وهاتي الصحن دا مافيش اكل هنا ثاني
سهى : لا ياماما الا الاكل ،امري لله حساعدك وربنا يغفرلي بقا
ايهاب : تساعديها في ايه يابت انت صدقتي
صفاء : هااا حترجع في كلامك ليه انا كدا حتاكد انك اااا
قاطعها ايهاب مقبلا يدها : لا يا ماما مارجعتش مارجعتش يا حجة
صفاء : ها ياسهى في واحدة فبالك ولالس حدوري
سهى : هو فيه بس البت محترمة اوي الصراحة خسارة في ابنك
ايهاب: ماتتلمي يابت انت
صفاء : سيبك منو واقوليلي هي مين واسمها ايه
شكلها ايه حلوة ؟؟؟؟
سهى : براحة يا ماما وحدة وحدة
هي اخت واحدة صحبتي بس ايه بنت حكاية ادب وجمال ماقلكيش
صفاء : ايوى كدا فرحي قلبي
سهى : بس فيه حاجة
ايهاب : انا عارف الحلو مايكملش
سهى : لا ياخفيف انا خايفه انت الي ماتكملش
البنت مفركشة خطوبة قبل كدا بسبب خيانة
شافتو قاعد مع وحدة في كافيه راحت قلعة الدبلة وحطهالها في أيدها وقالتلها حلال عليكي ومشيت
ايهاب : ههههه لا قوية البت دي عجباني
سهى : انا واتقة انك لما تشوفها حتعجبك اكثر بس ياريت تعدل نفسك و تضبطها علشان مايجيش وقت تخسرها فيه
صفاء: طب شوفي طريقه تعرفيه بيها . ماهو مش معقول نروح نخطبها من الباب لطاق كدا على الأقل يشفها الاول
سهى : امممممم هو فيه فرح واحدة صاحبتنا وعزمانا
كلنا حخدو معايا وحأكد على اختها تجبها هي كمان
هو اصلا مؤمن مكانش عاوز يروح معايا
ايهاب : جوزك عندو حق هو مين الاهبل الي يحضر فرح مع وحدة شبه الفيل الصغير كدا ،دانت شكلك
في فستان السهره حيبقى مسخرة
سهى : هههه اهو انت حتبقى لاهبل دا ،بس من الاول بقولك اهو تلم نفسك احنا رايحين نعرفك على البنت
مش على كل بنات الفرح
صفاء : ايو يا ايهاب اسمع الكلام وامسك نفسك ياحبيبي اوع تدلق زي كل مرة
ايهاب : ايه دا انتو بتكلمو عيل صغير ،ثم أنا مابدلقش على بنات هما الي بيدلقو عليا اعمل ايه
سهي: عارفين سحرك يا ايهاب باشا ،بس بردو تلم نفسك
بعد يومان
تدخل سهى وايهاب الى قاعة الأفراح
سهى : هات ايدك يا ايهاب مش قادرة امشي لوحدي
ايهاب : حد قالك تلبيس كعب وانت بشكلك كدا
سهى : الفستان طويل ما ينفعش من غير كعب اعمل ايه ،هات ايدك وخلصني
ايهاب : الناس حتفتكرك كدا مراتي بكرشك دي
سهى : ماهو احنا عاوزين كدا بردو
ايهاب : دا افترى وربنا
ذخلو وهنؤو العروس ثم قصدو أحد الطاويلات وجلسو عليها
سهى : عطشانه يا ايهاب اقوم هاتلي عصير اشربو
ايهاب : انا ليه حاسس انك جيباني معاكي اخدم عليكي
سهى: ههههه رقي نشف يا ايهاب قوم وحياتي عندك
ايهاب : قايم اهو وثم سار وهو يكلم نفسه انا ايه الي
مصبرني على الغلب دا بس ،بقا انا ايهاب الي كل البنات بتلف ورايا ،الف أفراح ادور على عروسة
الدنيا جرى فيها ايه يا جدعان
حتى وجد نفسه يصتدم بفتاة ما رفع نظره إليها ليعتذر و لكنه تجمد في مكانه فقد كانت أية في الجمال
بعيون خضراء ساحرة جعلت قلبه يدق بسرعة
ثم تحدتث برقة بالغة معتذرة
الفتاة: اسفة اوي لحضرتك ،ماخدتش بالي
ايهاب : هاااا
الفتاة: انا قلت اسفة
ايهاب : هااا لا ولا يهمك انا كمان بعتذر من حضرتك يا آنسة
اومأت براسها وغادرة ،التفت يراقبها تمضي واضعا
بديده على قلبه
ايهاب : يخرب بيت عيونك دي يا شيخة
انا مش قادر اتلم على نفسي
عاد الي طاولة أخته وجلس سارحا
سهى : انت رجعت من غير عصير ليه ،ومالك مسهتن كدا
ايهاب : لاقيتها يا سهي
سهى : هي مين دي
ايهاب : البنت الي اول ماشفتها ،مافكرتش غير اني اتجوزها
سهى: ثاني يا ايهاب مش قلنا نتلم
ايهاب : انا بتكلم جد,،انا مش ممكن اتجوز غير البنت الي شفتها دي ،وانت لازم تعرفيلي هي مين
سهى: طب والبنت الي احنا جين على شانها دي، انت كدا حتكسفني مع صاحبتي واختها
ايهاب : ماليش دعوة انا مش عاوز غيرها ،مش كنتو عاوزني اتجوز وخلاص، اهي دي الي حتجوزها على طول وريحكم
سهى : يا ايهاب ،اعقل ،طب شوف البنت الثانية الاول مش يمكن تعجبك
ايهاب : لا انا خلاص مش حقدر اشوف غيرها
سهى : ياه لدرجة دي
ايهاب : واكثر ياسهى دي عليها جوز عيون تودي في داهية
سهى : طب اسكت صاحبتي واختها جاين علينا
ايهاب من دون أن يرفع رأسه : قولت مش عاوز اتعرف على حد
سهى : اهلا اهلا يا احلام ازيك
احلام : الحمدلله ازيك انت ياسهى اخبارك ايه
سهى : الحمد لله منورة الفرح يا مرام ازيك يا حبيبتي
مرام : بنورك يا مدام سهى ازي حضرتك
رن ذلك الصوت الجميل في أذنه من جديد فرفع رأسه
ليجد الجميلة التي خطفت أنفاسه مند قليل تقف أمامه
ثبت نظره عليها في صمت حتى أحرجت منه
سهى تتدارك الأمر وتجدبه من يده ،اه يا جماعة نسيت اقدملك البشمهندس ايهاب اخويا
ودي يا ايهاب احلام صاحبتي ودي اختهاالدكتورة مرام دكتورة صيدلانية
ايهاب : اهلا اتشرفت بعرفتكم
احلام : الشرف لينا يا بشمهندس
طب عن اذنك بقا لازم نمشي
سهى : ليه كدا مالس بدري
احلام : مرام تعبانة وعندها شغل بكرى من صبح وهي
بتزن عليا نمشي
سهى : طب خلنا نشفكم ثاني مع اني حاسة انو قريب اوي حنشوفكم كثير
ثم نظرت الى اخيها الذي لم يرفع عينيه عن مرام
بعد أن غادرتا
سهى : ها ايه رايك
ايهاب : راي ايه دي نفس البنت الي كلمتك عليها قبل شويا
سهى : معقول طب والله حلو اهو النصيب وقعك فيها قبل ماتعرفها حتى
ايهاب : قلبي حس بيها
سهى : هو بقى فيها قلبي وحس .دعواتك ياشيخة صفاء
ايهاب : انتو بكرى حتروحو تخطبهالي
سهى : حاضر ياسلام انت تؤمر، بس بشرط ،نتلم بقا ومافيش بنات ثاني
ايهاب : لا خلاص بعد العيون دي ثوبنا الى الله
بالفعل تقدم ايهاب لخطبة مرام وبعد مدة قصيرة كان حفل خطوبتهم الرسمي
تغير بعدها ايهاب مئة وثمانون درجة و أصبح أكثر التزاما و تحفضا في معاملة الطرف الآخر
في المستشفى
ايهاب: الف مبروك ياسهى تتربى فعز ابوها انشاء الله
سهى : الله يبارك فيك يا ايهاب عقبالك يا حبيبي
نظر ايهاب لمرام التي تقف بجواره وقال: انشاء الله
ذخلت إحدى طبيبات لفحص صغيرة
الطبيبة : صباح الخير ازيك يا مدام سهى
سهى : الحمد لله يا دكتورة
الطبيبة : انا جيا علشان افحص البيبي
سهى : اكيد اتفضلي حضرتك
اخدت الطبيبة الرضيعة وفحصتها ثم إعادتها إلى والدتها قائله : لا الحمدلله كلو تمام
سهى : الحمد لله
همت الطبيبة : بالانصراف لتلمح ايهاب
الطبيبة : ايهاب انت بتعمل ايه هنا
ايهاب : محرجا فلم يتذكرها
الطبيبة : اوعى تقولي ان البيبي دي ليك ازعل والله
ايهاب : باحراج أشد لا دي بنت اختي
الطبيبة : طب الحمد لله ،طب قولي عامل ايه بقالي كثير ما شفتكش وانت ما بتردش لا عتلفون ولا على الفايس
ايهاب : معلش مشغول
الطبيبة : طب هات رقم تليفونك الجديد وانا لم اخلص لف على العينين اكلمك نتقابل
نظر ايهاب لمرام التي تقف جواره تفرك الدبلة التي في اصبعها
ايهاب فزعا امسك يدها وسحبها وهو يقول انا اسف يا دكتورة انا مش فاكر حضرتك اصلا
ومش عاوز افتكر الصراحة ،بس عاوز اعرفك دي مرام مراتي
الطبيبة محرجة : تشرفت بحضرتك يا مدام
مرام تهز راسها
الطبيبة : طب استادن انا عندي شغل وخرجت
ايهاب : يقبل يد مرام التي يمسك بها بشدة
والنبي ماانت قلعاها ياشيخة وقعت قلبي
سهى : ههههه ربتيه يا مرام
مرام : انا مش فاهمة حاجة
سهى : اصلو عارف حكاية الدبلة اياها
مرام : اه علاشان كدا ،بس شكل الدكتورة واخد عليك اوي
ايهاب : وانا والله مش واخد بالي من غيرك
مرام : هههه شكلو اتربى صح ياسهى
ايهاب : انا سبق وقلت لسهى انا بعد العيون دي
ثبت ثوبه نصوحة الى الله
النهاية