سلسلة قسمة ونصيب بقلمي منى ارام
الحلقة الثانية
بعنوان : بحبك يااسطى
مش مصدقه انك وافقتي يا الاء
الاء : ما فيش قدامي حل غير اني اوافق يا بثينة
بثينة : بس ايه الي خلاكي تغيري رايك انت كنت معترضة جدا ،طب راح فين كلامك عن فرق المستوى الدراسي والمكانة الاجتماعية
معقولة المعيدة حتتجوز اسطي ميكانيكي
الاء : ماتقلبيش عليا المواجع يا بثينة انا مسكه نفسي بالعافيه
بثينة : طب احكيلي بس ايه الي غير رايك
الاء : بابا يستي ، مثبث في العريس دا باديه وسنانو ومصر عليه إصرار عجيب
اولا لانو ابن صاحبو
ثانيا عامل يشكر فيه ولا كأنو ابن وزير مش مكانيكي
دا معجب بيه بطريقة رهيبة
بثينة : طب كلمتيه عن فرق التعليم بينكو ،الي فهمتو
منك انو دبلوم صنايع بس
وانت كلاها سنتين ثلاثه وتبقي دكتوره جامعة
الاء : قلت وعدت كثير لحد مازهقت ،كل الي ماسكهولي انك اتجوزني المتعلم الي اخترتيه بنفسك
وطلقتي بعد سنة بعدما شبعت مرمطه معاه
كان نفعك علامو في حاجة
باختصار طريق الحوار معاه مسدود مسدود يا ولدي
فانا قلت أخدها من قاصرها ووافق على الجواز
اهي جوازة تفوت ولا حد يموت
بثينة :قصدك ايه مش فاهمة
الاء : قصدي مش حصبر الي صبرتو في جوازتي من ادم ومع اول خناقة حفعل الموضوع وكبرو واطلب
الطلاق فورا
بعدها ارجع بيت ابويا معززة مكرمة واظمن أن الحج صادق مش حكلمني فموضوع الجواز دا ثاني
بثينة : وانت تاكدتي خلاص أن العريس حيطلع وحش ويقرفك مايمكن يطلع حلو ابن حلال
الاء : ههههه والله ضحكتيني بقولك ميكانيكي يعني
شحم وزيت وقرف سنين
بثينة : طب عندو كام سنة
الاء : خمسة ثلاثين ستة وثلاثين حاجة زي كدا
بثينة : غريبه ايه الى خلاه من غير جواز لغاية دلوقتى
الاء : بابا بيقول انو بعد وفاة والده و والدتو الله يرحمهم اتكفل بخواتو البنات ومارضيش يتجوز لغاية ما خلصوا تعليمهم وجوزهم لأربعة
ماهي اختو الصغيرة هي الي انا حضرت فرحها مع بابا وماما من شهر كدا ويارثني مارحت
بثينة :يعني هو شافك في فرح اختو فقام طلبك من باباكي
طب والله باين عليه ابن حلال دا كفاية جدعنتو مع اخواتو البنات
دا مازن اخويا لو طبتو منو يوصلني الجامعة في طريقو لازم ياخد اذن مراتو الاول و ياتوافق يا ما توفقش
الاء : اهو بابا زيك كدا ماسكلي في جدعنتو دي
لحد ماجبت أخري ووافقت
بقولك ايه وحياة ابوكي تقفلي السيرة دي لحسن ذماغي صدعت
ويلا يدوب نلاقي تاكس يروحنا
بثينة : طب سؤال اخير ونبي وحياتي عندك اخر سؤال
الاء : يوووووه اسألي خلصيني
بثينة : هو اسمو ايه
الاء : ياسين لوسطى ياسين الميكانيكي ، ارتحتي
بثينة : ياسين والاء طب والله حلوين مع بعض
الاء : امشي قدامي يابثينة احسنلك
صادق : سلام عليكم
ياسين : اهلللللللا اهلا اهلا يا عم صادق ازيك
منور الورشة والله
صادق : منورة بصحابها يا ياسين يابني
ياسين: أتفضل يا عم صالح اقعد تشرب أيه
صادق : مالوش لزوم يابني انا جايلك في كلمتين وحمشي
ياسين : والله يحصل لازم تشرب حاجة الاول
صادق : طب هات شاي ياسيدي
ياسين : انت تؤمر واد يا حمامه احلى شاي بسرعة لعمك صادق يلا
صادق : طب اقعد خلينا نقول الكلمتين علما شاي يجي
جلس ياسين وقال : اؤمرني
صادق: أمر لله يابني ،انا جايلك في الموضوع الي سبق وكلمتني فيه
ياسين : خير انشاء الله ياعم صادق
صادق : خير باذن الله يابني العروسة وافقت
اتسعت ابتسامة ياسين و قال : مش تقول كدا من الاول ياعم صادق ثم صاح : ياض يا حمامة خليها شربات يلا
صادق : لا يابني الشربات عندنا في البيت يوم الجمعة بعد صلاة العصر تنورونا باذن الله
ها اتفقنا
ياسين : بفرحة وقلب مستبشر اتفقنا
