سلسلة قسمة ونصيب
الحلقة السادسة
بعنوان: غيرة يعني حب
مارو حبيبي واحشني ياراجل
مروان : وحش اما يلهفك مية مرة اقولك تحترم انك هنا في شركة مش في الشارع
لؤي: دا بل ماتقولي وانت كما يا لوي واحشني موت
مروان: وتوحشني ليه هو انت خطيبتي يالا
لؤي : اخصا عليك يابيبي
مروان : اتعدل لعدلك يا لؤي
لؤي : لا ياباشا اتعدلنا ،ابوس ايدك الثقيلة دي
مروان : اترزع اقعد لحد ما اخلص
لؤي : هو انت ما بتشبعش شغل يابني دي حياتك بقت كلها شغل ابوك وامك بيشتكو منك
مروان : عارف انهم كلموك في موضوع الجواز ثاني
ماهي خلاص بقت السيرة الوحيدة الي بيتكلمو فيها
لؤي : حقهم يابني عاوزين يفرحو بيك دا انت الي قدك عيالهم في المدرسة ياراجل
مروان : طب قول لنفسك يا صغير
لؤي : لا أن مش زيك انا نشاطي مستمر وفي اي وقت ممكن تلقوني متجوز اي نعم حتكون بفضيحة بس بردو اسمي متجوز
لكن انت نشاطك خامل ياباشا انت علاقتك بالستات في حدود امك والسكرتيرة
مروان : علشان انا مش فاضي للهس الي بتعملو انت
لؤي : انا عارف ان كلام معاك مش حيجيب نتيجة
انت حتحضر حفل الشركة السنوي مش كدا
مروان : انت غبي يلا انا مدير الشركة مش حاجي ازاي
لؤي : طب ماتزقش قولي جي مع مين اوع تقولي مع السكرتيرة الي شبه العسكري دي
مروان : ومالها يارا ولا لانها مش بتديك ريق حلو
و بتصد معكساتك
لؤي : انا اعاكس دي، بس يخرب بيت عيونها انا كل مرة بشفوهم بلون شكل
مروان :غاضبا احترم نفسك يالؤي
لؤي : هي ايه العبارة هو انت بتغير عليها ولا ايه
مروان : يعني لما ادافع عن بت محترمة من غبي زيك ابقى غيران
لؤي : طب والنعمة غيران ومش واخد بالك
مروان : تصدق انا الي غلطان الي سايب شغلي وقاعد اتكلم مع واحد زيك أخرج برى يا زفت
لؤي : خارج اهو انا اصلا رايح اشوف المزة الي حتيجي معايا الحفلة
طرقت يارا الباب وذخلت
يارا : الملفات الي حضرتك طلبتها يا افندم
لؤي : طب مافيش سلام ليا يا أنسة يارا
يارا : اهلا يا استاذ لؤي ازي حضرتك
لؤي : ينظر لمروان الذي اشتعل غيضا ثم يتكلم بصوت هائم
حضرتي بخير اوي اوي اوي
مروان : اطلع برى يالؤي
لؤي : يخرج ضاحكا انا خارج حروح اطمن خالتي ام مروان على ابنها باين انها حتفرح بيه قريب
مروان : امشي يلا
اخد الملفات من يارا وجلس يتفقدها
يارا : اي أوامر ثانية يافندم
مروان : لا مافيش ولو خلصتي شغلك تقدري تمشي وما تنسيش انك حتحضري معايا الحفلة بالليل
حعدي اخدك من البيت الساعة ثمانية
يارا : مافيش داعي يافندم انا حاجي لوحدي وقابلك في الحفلة
مروان : بس انا قولت حنحضر سوى .
يارا : ماهو يا فندم
مروان : فيه ايه يا آنسة يارا مش عاوزة تحضري الحفلة معايا ولا ايه
يارا : لايا افندم الحكاية مش كدا بس
مروان : بس ايه
يارا: مش حينفع تجي تاخدني من البيت مش حينفع اركب مع حضرتك، بابا واخويا احمد مش حيوافقو وصراحة عندهم حق
ثم اخفضت رأسها خجلة
مروان : مبتسما وقد سره كلامها : طب خلاص حشوفك في الحفلة
يارا: حاضر عن اذن حضرتك
