سلسلة قسمة ونصيب بقلمي منى ارام
الحلقه التاسعه
بعنوان الطيبون لطيبات
بس يا نورهان كفاية عياط بقا وانسيه ياحبيتي لو كان بيحبك ماكنش عمل فيكي كدا
نورهان : مش قادرة يا خديجة من ساعة ما عرفت خبر خطوبتو وانا حاسة أن قلبي حيقف انا حاسة اني بموت
خديجة : بعد الشر ماتقوليش كدا خلي ايمانك بربنا قوي اكيد مخبي ليكي حاجة احسن ويمكن الي حصلك مع سامي دا خير ليكي
نورهان : خير ازاي يا خديجة بقولك سامي خطب غيري بعد كل الحب الي حبتهولو سابني وغدر بيا
خديجة : علشان كدا بقولك خير ،سامي دا عمرو ماكان الشخص المناسب انك تحبينه طول عمري بقولك كدا وانت ماكنتيش بتسمعي كلامي والذي النتيجة
نورهان : طب اعمل ايه انا بحبو يا خديجة مش حقدر اعيش من غيرو
خديجة : لازم تقدري يا نورهان هو خلاص مش نصيبك
تعالي معايا حنروح مصلى الجامعة تصليلك ركعتين وتطلبي من ربنا يساعدك ويهدي نار قلبك
نورهان : لا انا حروح البيت احسن ومش قادرة اقعد هنا ثاني مش عاوزة اشوف مع خطيبتو وهما فرحنين ببعض
خديجة : خلاص براحتك حعدي عليكي وانا مروحة اديلك المحاضرات
بعد ايام
خديجة : ماتستعجليش في قراررك يا نورهان يا حبيبتي انت لس خارجة من علاقة فاشلة ماتظلميش
نفسك بتسرعك وتظلمي الدكتور. باسل معاكي
نورهان: واظلمو ليه مش هو الي جه وقال انو بيحبني وعاوز يتقدملي يعني انا مافرضتش نفسي على حد
خديجة : بس انت مش بتحبيه ،ومش كدا وبس انت
بس بتحبي سامي ثم انا شاكة انك حتوافقي على خطوبتك من باسل علشان تردي على الي عملو فكي
نورهان: وفيها ايه مش انا قولتي أن اكيد ربنا مخبيلك حاجة احسن ،اهو مافيش احسن من باسل
شاب وسيم جدا وغني و كمان دكتور في الجامعة حيخلي سامي يطق من غيضو لما يعرف بخطوبتنا
ويبقى يخلي السنكوحة بتاعو تنفعو
خديجة : بس كدا حرام انت بتظلمي باسل معاكي
وكل ذنبو انو حبك ،فكري يا نورهان وبلاش تتسرعي
ادي لنفسك فرصة تسيطري على مشاعرك الاول
نورهان: جرى ايه يا خديجة انت مش عوزاني اتخطبت لباسل ولاايه خديجة انت بتحبي باسل ؟
خديجة: ايه الكلام دا يا نورهان انا بنصحك علشان خاطرك وخاطرو بس مش حاجة ثانية ،الدكتور باسل بالنسبة ليا مش اكثر من اخ بحكم صداقة والدي مع والده وهواستاذي في الجامعة بس
نورهان : خلاص يا خديجة كفاية كلام في الموضوع دا انا خلاص خدت قراري
بعد اسبوع تقدم باسل لخطبة نورهان وثمت قراءة الفاتحة
لكن نورهان لم تكن سعيدة كما توقعت بل شعرت بحزن شديد ففي كل أحلامها كان سامي الشخص الوحيد الذي أرادت الارتباط به
باسل : الو صباح الحب
نورهان : صباح الخير ياباسل
باسل : احلى باسل سمعتها في حياتي،يلا قومي انت لس نايمة
محاضرتك الاولى حتبتدي بعد ربع ساعة ،وانت عرفاني مابحبش حد يذخل بعدي
نورهان : بدلع طب لنورهان حبيبتك مافيش استتناء
باسل : اهو بدلعك دا انا الي مش ححضر المحاضرة
نورهان بضحكة رنانة اثلجت قبل باسل : شكلك مش حتشتغل في الجامعة ثاني
باسل : مش كنتي وافقتي نعجل في كتب الكتاب احسن ، انت حتي الخطوبة اجلتيها لبعد شهر
نورهان : اعملك ايه انا عاوزة خطوبه كبيرة الكل يحكي يتحاكا عنها
باسل : ولزمة دا كلو ايه بس يا حبيبتي انا كل الي يهمني انك تبقي ليا وباسمي في الحلال عشان كدا حبيت نكتب الكتاب
نورهان : يووووه يا باسل انت كل الي عليك نكتب الكتاب نكتب الكتاب
باسل : بغضب ايه الاسلوب دا يا نورهان ماتتكلمي كويس
نورهان : اسفة يا باسل بجد انا مش عارفة بقول ايه
اصل اعصابي تعبانة أيام دي مش عارفة ليه
سامحني ياباسل ارجوك ماتزعلش مني
باسل : خلاص يا نورهان محصلش حاجة
قوليلي مش حتيجي الجامعة بقا
نورهان : لا مش جيا ،تعبانة ومش قادرة اخرج من البيت اصلا
باسل : سلامتك ،طيب اشوفك بكرى
أغلقت نورهان هاتف وقالت اووفف انا ابتديت اتخنق
