فرسان الريان...
الجزء الثالث...
الحلقه السابعه...
#samah_mohamed...
.
,--------------
سعد ضحك بوجع ودموع-لسه فاكره سعد!...يعني مش فاقده الذاكره اهو اتجوزتي ازاي وانتي علي ذمتي؟
سهام كانت بتعيط من اشتياقها ليه ...كانت بتعيط ان سعد واقف قصادها كانت بتحلم تقرب منوا.
سهام بدموع-انا فعلا كنت فاقده الذاكره بس لمده بس كنت شبه مايته... صالح ساعدني كتيررر لحد ما رجعتلي تاني.
سعد -هه؟ولما الذاكره رجعتلك اتجوزتي ومرجعتليش انا كنت سنين بموت...طب حتي كنتي اطلقي مني ؟طمنيني انك عايشه مش ترمي كل حاجه ورا ضهرك وتمشي.
سهام بدموع-انا متجوزتش ياسعد ايوه انا هنا عند صالح بيه وقايل انه متجوزني بس انا بساعده بس عشان هو عنده القلب...هو ساعدني كتير هو اللي نقذني من حاجات كتير.
سعد ضحك بوجع-ومرجعتليش ليه؟فهميني قوليلي محاولتيش ترجعي ليه لما الذاكره رجعتلك...
بعتني ..بعتي حبنا؟
سهام بدموع -رجعت ياسعد بعد ما اتفكرت كل حاجه رجعت عشانك ...عشانك انت ...عرفت و لاقيتك متجوز وعندك بنت .
سعد بندفااع-عندي بنت مسالتيش إسمها أيه بنتي اسمها سهام جت غلطه بعد ضيعي عليكي وطلقت امها كنت عايش شبه مايت ...طب بلاش أنا مسالتيش عن بنتك ليه؟
سهام بدموع-مش عارفه مش عارفه.
سعد-مش عارفه إيه !؟ طب كنتي بلاش ترجعيلي كنتي ارجعي لبنتك ربيها بدل ما اخوكي اللي رباها انا مش مقطتنع بي اي كلمه بتقوليها اصلا.
سهام بدموع-انت اتجوزت عليا بعد موتي علي طول ارجع فين؟
سعد بزعيق-كل ده اللي همك انتي انانيه مفكرتيش فاللي حصلي كله شوفي مين اللي قالك مقالكيش علي عذابي.
سابها سعد ومشي.
سهام بدموع-سعد؟
******
وعد نايمه بتعيط واخدها زهره جمبهااا.
رن تلفونها...
زكريا-مجتيش ليه؟
وعد بدموع-زكريا
زكريا بخوف-مالك ياروحي.
وعد-ماما يازكريا.
زكريا بخوف-مالها.
وعد-عندها كانسر ثدي...وهيا متعرفش وانا قاعده بموت.
زكريا بحزن-لا حول الله يارب وحميدي ولا حاد.
وعد-حاد وبابا قالنا نفرحها ومنحسسهاش بحاجه.
زكريا-معاه حق لو الوقت مش متاخر كنت جيت.
وعد-لاء ياحبيبي خليك بس ابقي كول حاجه وخلي بالك من نفسك.
زكريا-اكل إيه بس انا حزنت والله.
..
موبايل زهره رن.
وعد-ثواني ياحبيبي
وعد-يزيد بيتصل يازهره بطلي عياط وقومي ردي عليه.
زهره بدموع -حااااضر ...
...
زهره بدموع -الو
يزيد بخوف-مالك؟
****
عند مادلين وعبدالله.
عبدالله ببتسأمه بعد عن حضنها-انا حاسس إني مرتاح ومطمن ربنا يخليكي ليا يامادلين...انا اسف إني أخرتك.
مادلين ببتسأمه-متقولش كده انا هفضل معاك وجنبك لو طول الليل وهفهم أهلي إني عند ناهد صحبتي.
عبدالله-انا ميرضنيش تكدبي عشاني.
مادلين-وانا ميرضنيش اسيبك وانت مخنوق وتعبان.
عبدالله-بس انا كويس صدقيني.
مادلين-تؤ عيونك بتقول غير كده.
عبدالله ابتسم-يا حلاوه التؤ بتاعتك.
مادلين -ممكن متخلنيش أحبك أكتر...
عبدالله-انتي معترفه بقي؟
مادلين-ههه بصراحه اه رغم إني عارفه انك متجوز بس معرفش فيه إيه.
عبدالله-بس انا طلقت يعني دلوقتي لا متجوز ولا أي حاجه.
مادلين بصدمه-يعني انت دلوقتي فاضي.
عبدالله ابتسم رغم ان كان تعبان بس الكلام معاها ريحه كتير...
عبدالله-يعني دلوقتي سنجل.
مادلين بتكشيره-سنجل إيه وانا روحت فين.
عبدالله-أوعدك بحيات أمي لو فكرت الفتره الجايه فحد هيكون أنتي يامادلين والله...انتي وبس
...انا دلوقتي فحاجات كتير تعباني افوق منها وافضي ليكي انتي ...انتي مدتيلي إيدك فوقت كنت محتاجلك فيه...ولاقيت احساس الراحه معاكي انتي...
*****
نهار جديد.
ميلا صحيت علي صوت التلفون وهو بيرن...
ميلا يووووه -اكيد زفت عبدالله.
ميلا بعنس -الو.
سعد-ميلا !؟ وحشتني ياحبيتي‘
ميلا بصدمه-بابا انت كويس؟
سعد-الحمدلله ياحبيبتي انتي عامله إيه.
ميلا -كويسه مبتسالش عني ليه ؟؟
سعد مكنش بأيدي والله ياحبييتي.
ميلا بضيق-اممم ماشي متصل ليه بدري كده في حاجه.
سعد بضيق-ميلا أمك عايشه أمك مماتتش .
ميلا بصدمه-إيه !؟؟ أمي عايشه ازاي انت مش قولتلي ماتت بعد ما ق....
قطعها سعد-كنت فاكرها ماتت بس النهارده اتاكدت انها حيه واتكلمت معاها.
ميلا بدموع-ولما هيا عايشه كانت فين السنين دي جت ترجع بعد ما كل حاجه خربت.
سعد بستغراب-مش فاهم هو إيه اللي خرب اصلا.
ميلا بدموع وعصبيه-إطلقت عرفت إيه اللي خرب.
سعد بصدمه-مش فاهم عبدالله طلقك ليه مش بيحبك.
ميلا بدموع-كان بيعشقني مش بيحبني بس انا شربته كاس المرار من اللي سمعته منك ليله فرحي.
سعد بصدمه-وهو ذنبه ايه؟
ميلا بعياط-انت وماما السبب انا مش عايزه اسمع منكم كلمه واحده تاني هيا عايشه وسابتني اتربي عند اخوها وانت عايش مع بنتك انتو كسرتوني...
قفلت ميلا التلفون فوشه وفضلت تعيط....
****
فبيت ريان.
يزيد دق الباب وكان معاه عبدالله بعد ما اتقابلو تحت.
فتحت وعد وبصت لزكريا-حبيبي.
يزيد-فين المسطوله اختك تقولي حبيبي انا كمان.
وعد -هههه جوه.
يزيد بص علي موده لاقها قاعده علي الكنبه...
موده -صباح الفل علي احلا اجواز بناتي.
يزيد -كده اغير يامودتي.
موده-هههه ليه.
يزيد-انا حبيبك وبس ياختي جميله قمورتي الحلوه بقيت طعمه.
زهره واقفه ورا الباب تعيط...
موده-هههه مالك يايزيد ياحبيبس عمك ريان بيصلي وهيجي دلوقتي يعلقك.
موده بصت لاقيت زكريا واقف ليعيد-تعالي ياحبيبي واقف بعيد ليه.
زكريا-ما انتي قاعده تحبي في يزيد ومطنشاني مع ان انا جوز الكبيره اطلقهالك يعني دلوقتي...
موده-هههه دانت في القلب.
وعد حضنتها-انا كده أغير يامامتي‘
يزيد-فين زهره عمري يا وعد.
وعد-محطوطه في الفاظه
موده-هههه القاعده دي ناقصه عبدالله حبيب قلبي .
خرجت زهره من اوضتها قعدت في حضن موده.
موده باست دماغها-مالك يازوزتي مين مزعلك بس.
زهره بتكشيره -محدش بس عايزه افضل فحضنك وبس.
موده بتعب-ياستي خليكي العمر كله.
فتح الباب عبدالله...ودخل باس دماغ موده‘
ماما عامله ايه ياحبيبتي.
موده -ياروحي لسه كنت بجيب فسيرتك
ريان ببتسأمه-وناسيني انا.
موده-تو تؤ انت الكيان كله.
ريان ابتسم-حبيبتي بي ما ان كل اللي بتحبيهم حواليكي عايز اتكلم معاكي فموضوع يامودتي.
موده بصتله وابتسمت-اممم اقولك انا الموضوع انت عايز تقولي اني عندي كانسر فثدي بتاعي مش ده اللي مخبينه وعشان كده كلكم متجمعين.
كلهم بصوا لبعض بصدمه.
******
عند مادلين ...
مادلين-ايه يا بنتي متصله بيا من الصبح ليه انا منمتش.
ناهد بدموع-انا فمصيبه.
مادلين بخوف-مصيبه إيه؟
ناهد-الدكتوره اللي قولتلك بتساعدني اخس طلبت مني صور عريانه عشان تشوفني تخينه من انهي مكان وبعتهم طلع شاب.
مادلين بصدمه-نهارك اسود وبعدين.
ناهد-طلب مني فلوس او اروح عنده.
مادلين بعصبيه -ده متخلف وانتي غبيه
ناهد بدموع-انتي بتزعقلي بدل ما تشوفيلي حل.
مادلين-طب آهدي قوليلي بقي هو انتي بعتي صورك بوشك ولا جسم بس.
ناهد-جسم بس
مادلين برتيأح -كويس اوي كسري الخط بتاعك واقفلي الفيس وعمره ما هيوصلك لاني مكنتش حطه صورتك ثم انتي مسميه الايميل نونا يعني مهما يدور.
ناهد -انتي شايفه كده يعني؟
مادلين-خلاص قومي روحيلو بطلي غباء واوعي تكوني بعتي حاجه تانيه..
ناهد بدموع-لاء والله.
مادلين ابتسمت وباست خدها-خلاص متزعليش خلي بالك بعد كده عشان مصيبه زي دي فيها موتك من اهلك.
******
فبيت ريان.
موده ببتسأمه-هتفضلو تبصولي كتير.
ريان بوجع-حبيبتي متخافيش من حاجه ...مين قالك طب عرفتي إزاي.؟
موده ببتسامه حزينه-سمعتك وانت بتكلم الدكتور...
كملت موده بدموع-انتو معايا ليه احزن وده نعمه من ربنا ثم كفايه انتو جمبي وده يخليني مطمنه...
ريان اخدها فحضنه بوجع-متعيطيش أبداً دي حكمه ربنا ثم بقي انتي هتخفي وهتبقي زي الفل عشاني انا...عشاني انا يامودتي انتي مش بتحبيني.
زهره بدموع-خليكم معايا انا خايفه اموت.
زهره بدموع-يوووه متقوليش كده بعد الشر عليكي انا ممكن اموت هاه.
موده ضحكت بدموع-عشان تعرفو قيمتي ياجزمه.
ريان عنيه مليانه دموع -طب يلا بقي لان الدكتور عايزاها النهاده...
عبدالله بصدمه-النهارده.
ريان-ايوه كل ما نقوم نستعجل كل ما العمليه يكون احسن ليها ثم هيا....سكت ريان...
باذن الله كله خير.
*****
في النيابه‘...
ملاحات بعياط-من امبارح واقفين علي رجلينا يامحمود من امبارح مش عارفين اي خبر ...اختك مروه تقتل 19 سنه تقتل.
محمود بضيق-في المحاضر بتقول هيا مديه لي الواد اللي بتحبه ده ستين الف جينه؟جبتهم منين.
ملاحات-معرفش جابتهم منين...
محمود -بنتك اللي سرقت الفلوس وحطتهم في ياسمين.
ملاحات بصدمه -إيه؟
محمود-زي ما بقولك ياماما هتجيب 60 الف منين واشمعنا ياسمين محاولتش تسرق السنين اللي فاتت غير في الوقت ده دعوه ياسمين وامها وفلوس الدهب اللي أخدناا منهم قعد في بنتك.
ملاحات بعياط-مروه اختك متعلمش كده.
محمود-بنتك تعمل اكتر من كده اللي يخليها تقتل هتعمل اي حاجه...انا لازم ارجع ياسمين ليا تاني بي اي طريقه.
ملاحات بغضب-ترجع مين البت دي متدخلش حياتنا تاني.
محمود-طول ما بتكرهيها المصيب هتنزل علينا اكتر واقولهم في بنتك...
ملاحات -بدل ما تروح تشوف محامي لاختك .
محمود-هنجيب محامي بس بنتك قتلت ...
******
ياسمين...
وصلت المستشفي سالت علي مهاب...الممرضه قالتلها مجاش...
سالتها علي عنوان بيته وهيا مترردده ...ومشيت...
بعد فتره طويله...
وصلت ياسمين لبيت مهاب وطلعت رنت االجرس وهيا مش عارفه هيا جايه ليه اصلا....
جت تمشي بسرعه الباب اتفتح.
مهاب بصدمه-ياسمين؟
ياسمين بتوتر حطت وشها فالارض-بصراحه اناا ...انا ...انا لازم امشي.
مهاب بلهفه-ياسمين استني انتي عرفتي بيتي إزاي؟
ياسمين-كنت...كنت بصراحه سالت في المستشفي كنت جايه اعتزر ليك علي اللي قولتو في الموبايل عشان انا غلطانه.
مهاب ابتسم-بس انا مزعلتش منك خالص.
ياسمين بدموع-لاء زعلت.
مهاب بلهفه-بس بس بس اوعي تعيطي ويكون السبب انا متعيطيش خالص...
ياسمين بدموع-مفيش اتفضلي؟
مهاب-تؤ مفيش انا هجيب جاكتي ونخرج نقعد في اي كافيه مينفعش تدخلي البيت معايا ومفيهوش حد انا واثق من نفسي بس سمعتك غاليه عندي اوي يا ياسمين.
ياسمين بصتله ببتسأمه-ربنا يخليك يارب بجد انا برتاح ليك اوي والله.
مهاب-كويس انك جيتي صلحتني والله كنت مخنوق شوفتي بجي بي كلمه ازاي.
ياسمين -اسفه واللهي بجد مكنتش عارفه بقول أيه.
مهاب ببتسأمه-مقدرش ازعل منك أبدا...
*****
في المستشفي موده بتحضر نفسها لعمليه ...
كلهم واقفين علي اعصابهم ...ريان معاها جوه بيطمنهااا.
عبدالله واقف فجمب لوحده حزين مش لاقي اللي يوسيه...
لاقي تلفونه بيرن...
عبدالله بحزن-الو.
مادلين-عبدالله أنزل انا تحت في المستشفي يزيد كنت بكلمه وعرفت طنط موده مالها أنزل مش هعرف افضل جمبك فوق أنزل عايزه اشوفها.
عبدالله مردش عليها بس نزل علي طول...
-
بعد فتره.
مادلين حضنته -حبيبي
عبدالله شدها حضنتها اوي ودموعه نزلت-مادلين كويس انك جيتي اناا خايف امي بيحضروها للعمليه.
مادلين-متخافش ياحبيبي بإذن الله خير انا معاك ومش هسيبك.
عبدالله بص فعنيها-ربنا يخليكي ليا ياحبيبتي.
مادلين-حبيبتك؟
عبدالله-انتي اللي تستاهلي الكلمه دي بقولهالك من كل قلبي واللهي
مادلين حضنته -حبيبي انا مش عارفه ربنا يخرج طنط بي السلامه وساعتها لينا كلام تاني...
ميلا شافت عبدالله حاضن مادلين...
ميلا بصدمه-عبدالله.
*****