روايه ..وعد الريان
الجزء الثاني...
الحلقه الحاديه عشر...
#samah_mahmoud
so Mà
صلوا ع النبي♥...
-----------
قصي بغضب -انت اللي مين وبتعمل اي هناا...
منعم -حضرتك اللي جيت ودقيت الباب ثم انا صاحب العماره دي كلهااا...
قصي -هيا رنا الديب مش ساكنه هنا.
منعم بتنهيده-اه.
قصي بغضب وزعيق -وانت قاعد تعمل ايه عندها هياا وصلت لكده.
منعم بشده-احترم نفسك انا ساكتلك.
قصي بزعيق-هات اخرك وريني هتعمل ايه.
رنا خرجت علي الصوت-قصي؟
قصي بزعيق-اه ياهانم قصي اللي مختوم علي قفاه وبيتعلاج عشانك اخرتها يا رنا تجيبي واحد في البيت طب حتي استني اطلقك بدل ما انتي علي زمتي لسه.
منعم بصدمه-هو حضرتك متجوزه؟
قصي بضحك-اه متجوزه هيا ضحكت عليك ولا ايه وفهمتك انها مش متجوزه.
رنا بدموع-اخرس خالص...انا مسمحلكش.
قصي بزعيق-اومال تسمحي لي ايه تجيبي واحد في البيت وتقعدو لوحدكم لي انا كيس لب.
خرجت ام منعم-في ايه يارنا يابنتي حصل ايه يامنعم.
منعم بضيق-مفيش ياماما يلا ننزل ...واي حاجه تحتاجيها يا مدام رنا احنا في الخدامه.
قصي اتصدم لما شاف امه كانت معاهم.
نزل منعم مع امه...
قصي بضيق وتوتر-رناا انا...
رناا بزعيق وهيا بتعيط-انت إيه ..رد عليا انت إيه ..انت دمرتني فضحتني عملت ليا سمعه زي الزفت وهما طالعين يباركولي لي البيت اناا بكرهك وبكره الساعه اللي كنت معاك فيها تحت سقف بيت واحد.
قصي بوجع-رنا والله بدات اتعلاج عشانك.
رنا بزعيق-اتعلاج ولا تموت انا معتش عايزه اشوف وشك خالص قفلت رنا الباب في وشه...
وقصي فضل يخبط بوجع-رنا افتحي حقك عليا افتحي يارنا وانا هرضيكي هعملك اللي نفسك فيه...
رنا كانت بتسمع كلامه جوه ومنهاره في العياط...
******
نهار جديد في بيت ريان ...
زهره لعبدالله-ماما فين وبابا .
عبد الله بتنهيده طفوليه-متخافيش اكيد بيدور علي وعد.
زهره بتكشيره-طب والمدرسه مش هنروح.
عبد الله-بلاش النهارده
زهره-طب انا جعانه اوي ياعبدالله وماما مجتش.
عبد الله ابتسم-هعملك انا .
زهره بفرحه-بتعرف .
عبد الله -اه هعملك سندوشات وهجبلك عصير .
زهره بتكشيره-لاء انا عايزه لبن.
عبد الله بتنهيده-لاء مش هنولع البتوجاز وماما مش هنا احنا كبار يا زهره لازم نقعد مؤدبين عشان اللي حصل لينا.
زهره بطفوله-هيا وعد مش هتيجي تاني
عبد الله لاء باذن الله هترجع متقلقيش.
عبد الله دخل عملها سندوش وجابلها عصير خرج لاقها بتعيط...
عبد الله -مالك يازهره؟
زهره بدموع طفولي-كنا كل يوم نفطر مع بعض النهارده لاء البيت وحش من غيرهم.
عبدالله ابتسم-لا انا معاكي ياتؤامي وبعدين احنا كبار صح ولا لاء..
