روايه موده الريان...
الحلقه 16
#samah_mahmoud so Mà
#سماح_محمود
اللهم صلي علي محمد *ص* 💛
-------
علي سلم وصفي كان طالع حمزه ومعاه سمر وهناء..
حمزه -اطلعي ياا سمر في ايه انتي خايفه من ايه انا مش فاهم يعني !! انا معاكي وقولتلك في البيت مصطفي خلصتك منوا عمرك ما تخافي من حاجه خالص طول ما انا معاكي وهناء اهي ...
'وهتشوفي مامتك تعالي
هناء مسكت ايدها-حبيبتي بطلي عياط بقي معتش تعيطي خلاص انتي ضحيه لكلب زي ده...
خبط حمزه علي الباب دقايق وفتح وصفي الباب...
وصفي -مين حضرتك.
سمر كانت مستخبيه ورا حمزه وهناء .
حمزه-انا الرائد حمزه عز الدين.
وصفي بخوف-نعم خير في حاجه ؟!
حمزه بتنهيده-تعالي ياسمررر.
وصفي بصدمه بصلها وغضب-انتي ايه اللي جايبك هنا لسه ليكي عين كنتي هتموتي امك وجايه بي كل عين بجحه بعد ما جبتلنا العار ...
هجم عليها وصفي عشان يضربها بس حمزه مسكه ...
حمزه بجديه-انت بدل ما تاخدها فحضنك بتضربهااا اهدي لو سمحت واسمعني ...
وصفي بعصبيه-حضرتك خليك علي جمب اظن دي بنتي يعني لازم اعيد التربيه فيها بعد ما سيرتها جت علي كل لسان ...
حمزه-ممكن ندخل يا عم وصفي انا اول مره اجي علي باب بيتك ممكن تدخلني ؟؟؟
وصفي بتنهيده ضيق-اتفضل بس بشرط بنتي متدخلش.
حمزه بتنهيده-تمام ماشي دخلني اتكلم معاك كلمتين وبعد كده ليك الاختياررر...
دخل حمزه مع وصفي...
سمر بعياط- بابا مش هيسامحني ياهنااء مش هيسامحني ابداً ...
هناء قعدت علي السلم واخدتها فحضنها متخافيش ياحبيبتي باذن الله كل حاجه هتبقي كويسه بس اهدي انتي حمزه اكيد هيفهمه ....
سمر بعياط-نفسي ادخل احضن ماما اوي اوي ياهنااء
هناء -هتدخلي ياسمر بس اهدي انتي وبعدين انا مش معاكي اهوو...
_
وصفي بصدمه لجمته من اللي سمعه من حمزه ...
ابتسام بوجع ورعشه-بنتي ياكبدي يابنتي ...
حمزه بلهفه مسك ايدها-اهدي ياحجه انا اخدت حقها تاالت ومتالت تقريباً مصطفي مات.
وصفي بدموع بحرقه-ومقالتش ليه...خافت ليه مقالتش ليه ناخد حقها ليه سابته يعمل عليها سمعه ويبقي سيرتها علي كل لسان محدش هيصدق الكلام ده ابداً في الحاره ياحمزه بيه مين هيبصلها بعد السمعه واللي حصل فيهااا....
ليه مقالتش ليه وانا هشرب من دمه...
ابتسام بعياط- منوا لله هاتلي بنتي هناا هاتهالي ابوس ايدك انا عايزها انا هكسر سم اي حد يقول عليها تلت كلمه.
حمزه بجديه -اهدو عمر ما حد هيجيب سيرتها وانا موجود هيا عشت معايا انا واختي 7 شهور وفعلا مفيش حد في ادبها لو علي اللي مصطفي عملو فيها فده انا همسحهولها بي استيكه.
وصفي بستغراب -ازاي؟
حمزه-انا طالب منك ايد سمر علي سنه الله ورسوله...
ابتسام بصتله ودموعها نازله-لاء ياا ابني انت مش لازم تعمل كده وتضيع حياتك عشان تستر عليها.
