روايه ..وعد الريان
الجزء الثاني...
الحلقه الثالثه...
#samah_mahmoud
so Mà
صلوا ع النبي... 💛
-----------
وعد بضحك-زكرياا
رنا بستغراب-زكريا مين يابت.
وعد-اخوه رجب..
رناا بستغراب اكتر-رجب مين؟
وعد ضحكت-حوش صاحبك عني.
رنا بغضب-قومي من هنا بدل ما اقوم احدفك من الشباك ده.
وعد بتكشيره-اهون عليكي احكيلي بقي هتطلقي ليه مش هعرف انام.
رنا-وانتي مالك انتي ...انتي لسه صغيره علي الكلام ده.
وعد ببتسأمه-صغيره مين انتي عارفه انا كمان سنه وهقول عايزه اتجوز احكي ياعمته وربنا سرك فبير...
رنا بتنهيده-تتجوزي إيه وربنا انتي في نعمه اوعي تحبي يابت واللهي الرجاله دول وجع قلب وقرف.
وعد بلمضه-تؤ تؤ مش كلهم متقوليش كده بس ازعل اناا.
دخلت موده بي الاكل...يلا يارنا عشان تاكلي.
رنا -لاواللهي ياموده انا مليش نفس خالص.
وعد-هاتي ياماما انا هخليها تاكل وهاكل معاها.
موده -انتي مش لسه اكله من شويه ؟؟
وعد-اكل تاني ياماما عادي لسه جعانه والله...
موده -دانتي مصارينك مخرمه بقي...
وعد بلمضه همست لرناا-افتحي بوقك وكلي احسنلك ياعمته ياحبيبتي احسن ما البسك في مصيبه...
رناا-وحيات امك وهو الاكل بي الغصب كتك مصيبه تشيلك ابعدي عن سمايا ابت...
وعد بغموض-براحتك ياقلبي متأكليش بس انا هتصل بي قصي واقوله دخلت علي عمته لاقيتها بتقولي تعالي ياقصي متسبنيش..وهألف كلام محصلش.
رنا بصدمه-طب ابقي اعمليها ياوعد كده وانا هقلعلك اللي في رجلي‘
وعد بمكر-انتي ياعمته من ساعه ما جيتي هقلع اللي في رجلي هقلع االلي في رجلي وناسيه اننا بنقلع قصاد الباب ...
موده-ههههه والله يارنا هتجيب اجلك بنتي وانا عارفها ...
وعد وهيا بتاكل-كلي بقي اعمته وربنا الاكل تحفه.
موده بغضب-وعد سيبي الاكل بدل ما اضرب الصنيه فوشك .
وعد-حقك عليا وربنا لا ادخل انام انا قولت اكله يمكن نفسها تتفتح وعلي فكره كله ملح وبي البلا...
خرجت وعد ...ورنا ضحكت.
رنا -مبتتغيرش
موده بتنهيده-معرفش حياتي من غير اولادي كانت هتبقي ازاي مالين عليا البيت ...مال وبنون زينه الحياه الدنيا.
رنا بصتلها بحزن وعنيها محبوس فيها العياط...
******
فبيت قصي...
ريان ابتسم -هاه ياقصي هديت وهتحكيلي حصل إيه...
قصي-انت هتشهد ليها عشان اختك..
ريان ابتسم-مكنتش جيت عشان اسمع منك اول في ايه ولا ايه وانت عارف كده كويس وعارف معزتك بعيد عن جوازك من اختي احنا اصحاب ...
قصي بلع ريقه-اسمعني لي الاخر انا هقولك قبل ما تسمع منهاا...
رناا عايزه تطلق...عشان...عشان انا مانعها من الخلف طول السنين دي مش عيب مني ولا منها ...كانت بتراقبني وتشوفني وانا علي قبر نيره وغضبها الاكتر انها شافت صوره نيره علي موبيلي علي الشاشه...هيا اكيد فاهمه غلط ريان مينفعش افضل لوحدي مينفعش نتطلق انا بحبهاا.
