روايه ..وعد الريان
الجزء الثاني...
الحلقه العاشره...
#samah_mahmoud
so Mà
صلوا ع النبي♥...
-----------
طلعت بدا يهز فيها-بت انتي قومي يلا...
وعد كانت فاقده الوعي خالص ...قام طلعت جاب ميه وكابها علي وشها ...دقائق وبدأت تفوق وهياا التعب وجسمها بيتنفض منهاا بتاخد نفسها بي العافيه...
طلعت بغضب-فوقي كتك الهم ...متفكريش فوقتك عشان حاجه انتي مش تهميني حتي لوو موتي...المهم اجيب امك زي الكلبه هناا .
وعد بتعب-اه يادماغي ...بدأت وعد تعيط ..سيبني اخرج من هناا عايز إيه من ماما انت تعرفنا احنا عملنا فيك إيه...
طلعت بغضب-اتكتمي خالص عشان مبهدلكيش مسمعش صوتك خالص بدل ما ابخخك الدم والمره دي هخلي الدم من فوق ومن تحت ...
وعد بنظرات خوف وعياط -حاضرر دماغي هتموتني ...خلاص بس ابوس ايدك ملكش دعوه بحد من اهلي ...موتني انا ومتقربش منهم.
طلعت بشر-ما انتي هتموتي وهما معاكي متقلقيش...
******
فبيت حمزه....اتصل حمزه بسمر...
بعد دقائق-
سمر -ايوه ياحبيبي؟
حمزه-إيه ياروحي عشان وعد عندك متصلتيش تطمني عليا.
سمر بضحك-والله دي كلبه بعد ما عملت الاكل مجتش هتصل دلوقتي بيها اكسر نفوخها...
حمزه -ههههه عملت مقلب فيكي طب والله اروح اجيبهالك من ودانها اقفلي...واجبلك امها وابوها كمان.
سمر بضحك-ههههه ياريت الاكل كتير وبي المره تتغدا معاناا.
حمزه-ماشي ياروحي ...
___.
في ورشه ريان كان بيكلم رنا في التلفون .
ريان بحده-لاء ياريان اخوكي مماتش عشان تروحي تأجري بره قولتلك قبل كده اخرج انا ومراتي وواولادي وده بيتك انتي بس الاقي قصي يجي يسال عنك ويفكرك عندي والاخر يقول مأجره بيت ...حتي من غيرر ما تعرفيني.
رنااا بهدوء-اهدي بس انا كده مرتاحه واللهي انا مش فاهمه انت زعلان لي انا هشتغل ثم ان معاش بابا وماما هيقضيني ويكفي.
ريان بضيق-برضه-انتي ليه مصممه تحسسيني اني مليش وجود افهم بس...علي العموم اقفلي دلوقتي هكلمك تاني عشان حمزه عربيته بره اهي .
رنا-ماشي ياحبيبي سلام موقت
-
دخل حمزه ببتسأمه-تصدق بالله انا هعلقلك بنتك.
ريان ضحك-ليه اكيد عملت فيكم مصايب انا مكنتش هبعتها واللهي لولا زنها.
حمزه بستغراب-مش فاهم انا اقصد هعلقها لان سمر عملت الاكل وبنتك ضحكت عليها مجتش يلا اطلع هاتها بقي وهات ام وعد والعيال ونتغدا سوا.
ريان بصدمه-مين اللي مجاتش ياعم دي خارجه من الصبح انت بتهزر ....طلع ريان تلفونه بخوف واتصل عليها بس تلفونها مقفول.
ريان الخوف سيطر علي اعصابه...ريان لنفسه اكيد مع زكريا هيا قالتلي انها راحاله .
اتصل ريان بزكريا...
زكريا -االو ازيك ياعمي عامل ايه.
ريان بلهفه-زكريا وعد معاك ...
زكريا -لا دي مشت من زمان كانت عندي الصبح ليه ياعمي.
قفل ريان التلفون بخوف...
ريان غمض عنيه واخد نفسه بصععوبه-حمزه البت جاتلكم من الصبح.
حمزه -واللهي ماجت ياريان .
ريان ضرب المكتب بإيده-راحت فين اناا مش هتحمل يحصل ليها حاجه.
حمزه بتوتر-لاء لاء بعد الشر بإذن الله خير اطلع اسال عليها ام وعد يمكن كلمتني او حاجه او عند اي حد.
ريان طلع يجري علي السلم وخبط علي موده بعنف مكنش قادر يطلع المفتاح ويفتح هو من خوفه وقلقه.
موده جريت تفتح الباب بخوف
وعبد الله وزهره كانو بيكتبو الواجب اتفزعو.
موده بخوف-ريان فيه إيه؟؟
ريان بتوتر-وعد مكلمتكيش؟؟
موده بخوف وتوتر-لاء هيا مش عند سمر ...
ريان بوجع-لاء بنتك اختفت ياموده اختفت.
موده بصدمه دموعها جريت-يالهوووي البت راحت فين ياريان متقولش كده بنتي راحت فين حاسب هنزل ادور عليها ابعد ...
ريان مسكها وهو مش قادر ياخد ويدي في الكلام -هتنزلي بقميص البيت اهدي هدور عليها متقلقيش هترجع...
موده بدموع-ريان لاء ابوس ايدك لاء بنتي راحت فين...مش عايزه اموت عليها تاني مصطفي مات يبقي هيا مش في خطر صح هيا فين .
ريان شدها فحضنه-اهدي وانا هنزل تحت حمزه تحت هنزل معاه وهدور عليها مش هرجع غير بيها ...متخافيش ..اقعدي انتي عشان العيال.
زهره بعياط طفولي-بابا هيا وعد مش هتيجي تاني.
ريان غمض عنيه بوجع-هتيجي متخافوش انا هجيبها ...نزل ريان يجري...علي تحت ...
موده بعياط -بنتي راحت فين يااربي مش هستحمل لاء لو حصلها حاجه هعمل ايه ياحزني ياني.
-
ريان تحت شاف حمزه وقف مع زكريا.
ريان بستغراب-زكريا.
زكريا بخوف-انا كنت حاسس ان في حاجه مكالمتك مطمنتيش ركبت العربيه وجيت علي طول هياا فين.
ريان بوجع -مش عارف حمزه روح كده اتاكد يمكن راحت بيتك او اسال حد من الجيران يمكن شافها والنبي ياحمزه.
حمزه بضيق حس بوجعه لاول مره لان عنده زين ومراته حامل-اهدا ياريان بأذن الله خير.
زكريااا بوجع -راحت فين كانت معايا الصبح...احنا لازم نعمل محضر بي اختفائها انا تعبان ومش مستحمل.
حمزه بهمس لزكريا-محدش تعبان قد ريان متزودش همه لان انت متعرفش هيا عنده إيه من صغرها غير اخواتها بيجنن جنونه.
ريان بتوهان وحزن-انا هروح ادور عليها وانت يا حمزه لو لاقيتها اتصل بيا ...دور عليها يازكريا.
زكريا بوجع-هدور عليها مش هروح في اي مكان غير لما الاقيهااا.
*****
فبيت قاسم ...
قاسم كان ماسك صور مصطفي وبيعيط ...
طلعت بتنهيده-خلاص يا عمي زي ما موتولك ابنك انا جبت بنتهم.
قاسم -بنت مين.
طلعت-بنت موده عندي دلوقتي...لو انت عايزني اسيبها هسيبها بس هما حرموك من ابنك سيبهم يشربو من نفس الكاس .
قاسم بدموع وغضب-لاء متسبهاش لازم احرق قلبهم اول بس متأذهاش.
طلعت بخبث -اكيد انا هنزل بقي واجي...
*****
ريان كان بيدور عليها زي المجنون... دور عليها في كل حته ...وفي كل مكان كانو بيقعدو فيه بس راحت فين قلبه واجعه...بيعيط كاطفل صغير بيدور علي امه ...مش بنته...
نزل ريان من العربيه ووطي علي الارض يسجد وهو بيعيط...
يارب متختبرنيش فيها انا عشت الوجع ده مره بس وهيا صغيره بلاش اعيشه تاني بعد ما بقيت عروسه يارب ...الهي وجئتك اشتكي الماً ...الهي وانت تعلم بحرقه قلبي...رجعهالي...
عيط ريان من قلبه...علاقته بيها مش اب ببنته ..دي اخته وصحبته واقرب حد ليه..
فتح ريان العربيه ومسك صورتها المتعلقه وهيا بي الضفاير وهو شايلهااا....ضحك وهو بيعيط ...روحتي فين ياواجعه قلبي كل مره تعملي فيا كده ...كان قلبي حاسس ان فيه حاجه ...فينك يا ام ضفاير حلوين خلاص كبرتي ومشيتي ...لاء انتي لسه فنظري الصغيره بتاعتي...
(وفجأه انا اكتفت من ستين اتجاهه ...وليه ياعمري وقفت بين الموت والحيا... )
عيط ريان بنهيار ...رن تلفونه.
ريان بدموع-ايه ياموده في جديد.
موده بعياط-ريان انت بتعيط ليه وعد حصلها حاجه
ريان ابتسم بوجع-مين قال كده انا لسه بدور عليها بس انتي عارفني دمعتي قريبه...
موده بعياط وتعب-ريان ابوس ايدك تعالي اقعد بي العيال مش قادره استحمل هنزل ادور عليها انا هموت مش مستحمله...
ريان مسك دماغه بتعب-لاء ياموده انا هجيبها متقلقيش متخافيش من حاجه ياحبيبتي...اهدي صلي وادعي ربنا ملناش غيرو...
*****
زكريااا دخل الفيلا بتاعتهم بغضب...
كانت سميه قاعده مع تاليا وعثمان.
زكريا شد تاليا من علي الكنبه بغضب -ودتيها فين.
تاليا -مين دي.
زكريا بزعيق-وديتي وعد فين وانتي يا ماما اكيد تعرفي.
سميه بعصبيه-انت اتجننت صح.
عثمان -اهدي يازكريا صلي علي النبي في ايه.
زكريا بتوتر وعصبيه-عليه افضل الصلاه والسلام ...ابوس ايدكم هيا فين ابوها هيموت قبلي .
عثمان بصدمه-وعد بنت ريان .
زكريا بوجع-اختفت هيا فين واشمعنا مختفتش غير دلوقتي..
عثمان بص لسميه.
سميه بعصبيه-متبصليش انا مش هنزل لمستوي اني اخطفها اصلا ليه يعني
تاليا -وانا يا اونكل والله هخطفها اصلا وهحطها فين ..والله ما جيت جمبهاا
زكريا بغضب ضرب الطرابيزه برجله-اومال راحت فين ...عفريت اخدها ...مسك زكريا دماغه...صدقوني لو ليكم علاقه بي اختفها ابوها هيمسحكم من علي وش الدنيا ميغركوش طيبته ...وانا همسحكم قبله
*****
عند وعد قعده بتعيط ...ياربي رجعني لبابا وماما واخواتي يارب خلصني من هنا انا هموت مش عايزه اقعد هنااا انا مليش ذنب في حاجه يارب وانت عالم بياا واكيد هتخرجني علي خيرر...
طلعت رفع حاجبه-انتي عبيطه بتكلمي نفسك ...ولا اللي بتمشي معاه وحشك مع انتي شكلك ماشيه علي حيل شعرك ...
وعد مسحت وشها-اخرس انا مسمحلكش تتهمني فشرفي...
طلعت -وهو انتي عندك شرف طب ما تيجي ونشوف عندك ولا لاء اثبتي ده.
وعد بعياط واستحقار-انت بني ادم حقير...
طلعت بستفزاز-تعرفي شفايفك حلوه عايز اجربهااا.
وعد بصريخ -ده بعيد عن وشك ياسافل ياقذر لو خليتك تقرب مني ...
طلعت ضحك -هنشوف...
طلعت بغضب شد وعد من شعرها وباسها بعنف..
وعد بتعيط وبتزء فيه بصريخ -ابعد عني ياحيوان.
طلعت بغضب نزل ضرب بي رجله في جمبها ...لسانك ميطولش.
وعد بعياط وخوف-طيب اسفه خلاص معتش تقرب مني بقي واللي عملته ده متعملوش تاني.
طلعت بخبث- اكتمي ده امك وابوكي حسبهم تقيل معايا هطلعه منك قبلهم ...بقيتي حصان اهو ونظراتك دي هحرقهالك... هتمسكي التلفون بتاعك ده ...هتسمعي اللي هقولك عليه ولا قسماً بالله المسدس ده هفضيه في نفوخك.
وعد بعياط وخوف-مش هتصل بيهم مستحيل سيبهم ابوس ايدك بلاش بابا وماما...
فتح طلعت المسدس وشعرها ملفوف علي ايده -اغتصبك واقتلك ؟؟؟ وبرضه هجيبهم هنا زي الكلاب...
وعد بنهيار-هتصل والله خلاص بس بلاش تأذيهم اطلب منهم فلوس وبلاش تأذيهم...
كفايه ضرب فيا معتش مستحمله قلبي هيقف ...
طلعت مسك التلفون واتصل -اتكلمي...
وعد بعياط وخوف-بابا ..بابا الحقني انا بموت يابابا.
ريان بلهفه ودموع وخوف-وعد انتي فين مالك ياحبيبتي فيكي إيه قوليلي انتي فين وانا هجيلك ...انا بموت ياوعد قوليلي انتي فيننننن انا هتجننن معتش فيا اعصاب بلهف في كل حته ...فيكي ايه انطقي...
طلعت خبطها بي القلم -انطقي.
وعد بصريخ-كفايه ضرب فيا دماغي وقفت.
ريان بزعيق وخوف-وعد مين اللي بيضربك انطقي قوليلي انتي فين ياحبيبتي.
وعد بعياط ولهفه-بابا اوعي اي رقم يتصل عليك تيجي وخلي بالك من ماما هتتخطف هيا واخواتي و.
جابها طلعت من شعرها تعالي بقي يا بنت ال __
وعد كانت بتصرخ...
ريان بوجع وزعيق وانيهار اعصابه اتشلت مكانه-وعد متقفليششش ابوس ايدك ارجعيلي هدور فين عقلي وقف...
طلعت بغضب-إيه اللي هببته ده ردي عليا...
وعد بصريخ وعياط-مش هبيع اهلي عشان حيوان زيك يموتوهم فاكر اني خايفه منك مش خايفه انت زباله وحقير...هتموتني موتني انا مش خايفه منك.
طلعت بغموض -انتي اختارتي....
وعد بعياط-اخترت إيه...
طلعت بخبث وشر-لا تنامي معايا ودي حاجه هتخلي مزاجي يعلي ...لا هتتصلي بي امك ياحلوه تجيبها هنا ...
وعد بعياط وانهيار-ابوس ايدك بلاش حرام عليك طب خاف ربناا ..الدنيا مش هتدوم لي الشر بتاعك ده...
طلعت بحده -يبقي انتي اختارتي تعالي بقي ...هجم طلعت عليها وهيا بتصوت بس سمع صوت الباب بيفتح ...بعد عنها بسرعه.
دخل قاسم جوه...
طلعت بتوتر-عمي تعالي.
وعد كانت حاطه ايدها علي وشها وبتعيط بنهيار...وعد بعياط لقاسم ابوس ايدك خليه يخرجني من هناا هو عايز مني إيه ...
قاسم بص فعنيها لاقها شبه زهره ام موده ...
قاسم بتنهيده-طب متعيطيش اهدي ...الدم اللي فوشك ده من ايه.
طلعت بصلها بتحذير ..
طلعت بخبث -اتخبطت في دمااغها...وانا بشدها...
قاسم لطلعت-طب مش تخلي بالك قولتلك العيال لاء...
قاسم- اكلتي ياوعد.
وعد بعياط قامت من علي الارض وهيا بتزحف بوجع-انا مش عايزه اكل انا عايزه اخرج من هنا عايزه اروح لاهلي ابوس ايدك...
قاسم قعد علي رجليه -مش هينفع تعالي انا هاخدك تقعدي معايا فوق بس مش هينفع تروحي دلوقتي.
طلعت بعصبيه-عمي مينفعش ممكن تسهيك وتهرب.
وعد بعياط-مش ههرب خدني قعدني معاك بلاش اقعد معاه...ابوس ايدك متقعدنيش معاه خلني معاك...
قاسم مسك ايدها وابتسم وهو مش عارف ابتسملها ليه-تعالي معايا .
وعد بعياط-مش قادره اقف ضهري بيوجعني اوي.
قاسم -شيلها ياطلعت.
وعد بلهفه وخوف-لاء لاء انااا هقوم ...هقوم لوحدي.
طلعت بجديه -عمي في كلمه عايزك فيها علي جنب.
قاسم -في ايه.
طلعت بغموض-مطلعهاش فوق انت ناسي ان ام سمر ساكنه هنا يعني ممكن حتي لو من الشباك هتشوفها...كده مش هيبقي عملناا اي حاجه ممكن تشوف صوره مصطفي ..وتتصل بيهم ممكن تسهيك وتعمل اي حاجه...
قاسم -صح معاك حق ...خلاص خليها بس متقربش منها خالص وجبلها اكل دي لسه صغيره .
طلعت بخبث -متشغلش بالك.
وعد بعياط وقفت-خدني معاك.
قاسم -لاء انتي هتخليكي هناا متخافيش من حاجه طلعت معاكي.
وعد عيطت بحرقه-انا خايفه عشان هو معايا طب خليك انت معايا...
طلعت بغضب-بت انتي مش عايزين ام دلع عشان مظبطكيش.
وعد بدموع -حاضر...
قاسم قرب منها ومسك ايدها-متخافيش اناا معاكي هنزلك كل يوم.
وعد بعياط-طب انا معرفكوش خليني اكلم بابا ...اكلمه ومش هعمل اي حاجه والله هسمع الكلام بابا هيموت عليا دلوقتي هو وماما ...
******.
موده نايمت اولادها....ولبست وهيا منهاره تدور عليها ...ماشيه تكلم نفسها ...تاني مره تضيعي بس المره دي ايه ياحزنك ياموده العمر كله البت ...البت راحت مني ...همشي اروح فين ولا اجي منين اسال عليها فين ...الكبيره بتاعتي يارب متخسرنيش فيها يارب لاء..
__
وصل ريان عند حمزه ...بعدما حمزه كلمه يرحوا عند البيت...
ريان باين عليه الوجع ..الالم الخوف اللي مكتفه ..غرقان مش لاقي قاشيه يتعلق بي امل فيهاا...
ريان بوجع وخوف وصوت ضايع-خير يا حمزه في خبر لاقيتهاا.
حمزه بصله بحزن-وسكت.
ريان بصله مره واحده وانفجر من العياط-اوع تقول لاقيتها مايته كانت بتكلمني وهيا منهاره معقول موتوها لا متقولهاش ..
حمزه مسكه بس ريان كان بيزء فيه .
حمزه بوجع علي حالته-اهدا انا معرفش هيا فين بس شوف تسجيلات البيت كده معايا...ي
ريان بص علي التسجيلات بصدمه ووجع ...عنيه عيطت بحرقه بس صوته ساعتها ضاع ...وهو شايفها بتفرفرس بين ايديهم...
حمزه بجديه-ريان انا بلغت علي نمره العربيه دي وهيجيلي خبر في خلال 24 ساعه ...بس مين دول انت تعرف اللي سايق ده.
حمزه كبر الصوره.
ريان بوجع مسك دماغه-معرفوش انا اتكتفت بنتي هتموت ياحمزه ساعدني ارجوك المره دي فيها موتي ومش موتي لوحدي موده هتموت معايا ...وعد عروسه ياحمزه ابوس ايدك.
حمزه اخده فحضنه وريان عيط عياط طفل ...مش واحد في سن الاربعينات ابداً...
حمزه-باذن الله هنعرف عربيه مين وهترجع متقلقش مش هنسيب اللي عمل كده...
******
فبيت رنااا.
رنااا ببتسامه-والله نورتي ياا ام منعم بشكر جدا علي الاكل.
منعم -شايفه يا امي كل حاجه شكرا شكرا.
ام منعم -ياحبيبتي لاء ثم انتي ساكنه معانا اه بس الجيران لبعضها...
رناا -طب ليه الهديه دي بقي كان كفايه الاكل.
منعم ابتسم-من وجبناا واللهي.
ام منعم-الا قوليلي ياحبيبتي انتي بقي عايشه لوحدك ليه.
رناا لسه هترد عليها...بس جرس الباب رن.
منعم -خليكي اتكلمو وانا هفتح..
رنا ببتسأمه-ماشي
منعم راح يفتح الباب...
منعم -ايوه حضرتك مين؟
قصي بغضب-انت اللي مين وبتعمل اي هنا...
*****
توقعاتكم