روايه ..وعد الريان
الجزء الثاني...
الحلقه الخامسه...
#samah_mahmoud
so Mà
صلوا ع النبي♥...
اتعدلو ف التفاعل هاه ...
-----------
فبيت ريان ...
زهره بطفوله-عمته انتي بتعيطي ليه.
رناا مسحت وشها وضحكت-عشان ابوكي مش راضي ياكلني يا زهورتي.
زهره-بابا انت مش راضي تاكل عمته ليه .
ريا ضحك وشالها علي رجله-مينفعش تاكل يازوزه تنخن.
موده بوجع علي رنا-هههه معلش بقي يازهره عمته لما بتجوع بتعيط...
فتحت وعد الباب ...وعد بمكر-انا بتخان ياجدعان انت شايل بنتك علي رجلك طب وانا ياحج.
ريان بصلها وهو بيجز علسنانه ومبتسم-كل ده عند صحبتك دي لو كانت مايته كان فاتك جيتي دانتي وقعتك سوده.
وعد بلمضه-وهتبقي اسود اعسل لما احكيلك...
موده-صحبتك عملت إيه ياوعد.
وعد-جبسولها رجلها التانيه .
ريان مقدرش يمسك نفسه-هههههه ليه!؟
وعد بمكر-طلعت مكسوره يابابا وبس بقي متفضحناش...
موده-ربنا يشفيها.
وعد-سيبك بس يشفيها او لاء انا بطني بتسوسو من الجوع.
خرج عبدالله من الاوضه لبس جلبيه وماسك سبحه في ايده.
وعد -علي فين ياشيخ عبدالله .
عبدالله-نازل اصلي وهحفظ قران في المسجد.
ريان ابتسم-ربنا يباركلك ياعبدالله.
وعد بمكر-وحيات ابوك ادعيلي ربنا يهديني من عمايلي السوده.
عبدالله-ربنا يهديكي لنفسك ياوعد‘.
وعد بتريقه-بارك الله في ابوك ياشيخ عبدالله.
ريان بجديه-موده حضري الاكل تاكلو سوا وانتي ياهانم لينا كلام سوا.
وعد -طيب...مالك اعمته بوزك شبرين ليه.
ريان بحده-احترمي نفسك بدل ما اقوملك.
وعد بتكشيره-وانا مالي اهي دي اخرت الحب والزفت تكسر قلبها انا عندي الحل ياعمته اكسريه زي ما كسرك.
رنا بلهفه بصت لوعد-ازاي ياوعد.
ريان بجديه-رنا متسمعيش ليه دي لمونه المجنونه حد يسمع ليها...
وعد-طب اسمع بس اللي هقول عليه يمكن ساعتها تغير رايك.
رنابتنهيده ضيق-ريان اسكت شويه ...قولي ياوعد عايزه تقولي ايه.
وعد-بصي ياعمته العياط مش هيرجع حاجه بالعكس هو كسرك وحسب التصنت بتاعي انه بيحب مراته القديمه الله يرحمها دي حتي لو مايته بيفكر فيها.
ريان شد ودنها-تصنت يارمه.
وعد-اهااا سيب ودني هكمل بس وابقي اعمل اللي انت عايزاه.
رنا بضيق-يووووووه ياريان اصتبر.
وعد بغمزه-ارجعي بيتك ومتطلقيش...
رنا بصدمه-وحيات امك اخرسي ابت ده اللي عايزاه تقوليه.
وعد-يااا حجه اصتبري بس شوفي اخر كلامي...ارجعي البيت بتاعك اولاً تبقي مسبتيش البيت ليه يشبع بيه ممكن يتجوز اي واحده تانيه وانتي مش هتستفيدي حاجه غير كسر قلبك وبس....لما ترجعي البيت خلي فيه حدود ازاي ...ممنوع اللمس والنوم فنفس الاوضه ...البسي لبس ملفت خليه يولع نار وميطولش منك اي حاجه وساعتهاا دانتي هتكسري منخير ابوه ده مش هيحبك وبس ده هيدوب فيكي خليه يحبك ويولع وانتي سايقه البرود.
ريان بحده-انا ربيتك كده انتي ايش فاهمك في الكلام الزباله ده قومي ياوعد اتخمدي بدل ما اقوم اعيد التربيه فيكي من الاول .
رنااا باست وعد -بس ياريان انا اقتنعت بي كلاامهاا وهنفذه.
ريان بغضب-ازاي يعني وعذابك...هتسمحيه...
رناا-عذابي ده هعيشهوله يومياً بي الترتيب الملل...اسمحه بالعكس انا هرجع عشان اكسره ومش احسسه اني شهوه وبس ولما اعذبه هسيبه هتحده بي قلبي اظن دي سنين كسر قلبي ...اكسر انا بقي ...
ريان بتنهيده بص لوعد-حسبي الله ونعمه الوكيل.
وعد ضحكت-بكره تشكرني دانا هخليها تحط علي الجرح ملح.
ريان بغيظ-دهيه في المدارس اللي بتعلمكم عمايلك كلها سوده.
وعد-دانت لسه معرفتش بقيت عمايلي دانا سويت الهوايل.
ريان-انا هسويكي بعد ما تاكلي الاول.
وعد باست خده-طب ما تيجي نتكلم شويه لحد ما ماما تحضر الاكل‘.
ريان -لا كلي الاول وقومي ساعديها هتبقي شيف ازاي وانتي مبتدخليش المطبخ .
وعد بضحك-شيف قلقاسه .
******
ففيلا سعد...
سعاد -تعالي ياسهام نتكلم شويه.
سهام ابتسمت-حاضر ياماما.
سعاد-قوليلي بقي انتي ليه مش بتاخدي حق بنتك بدل ابوها سمعت انه مات حرام يبقي متورثوش اه ابني ابوها بس دي حاجتها هيا.
سهام بضيق-بس انا مش عايزه منهم حاجه الله يرحمه بقي مات بالنسبالي بي فلوسه...
سعاد -طب وبنتك ذنبها إيه يس يابنتي.
سهام-ياماما الانسان ده دمرلي حياتي كلها.
سعاد-ما عشان كده ياحبيبه ماما متسبيش فلوسه دي فلوس بنتك خديها مش ليكي لي بنتك متزعليش مني مهما يكون ده شرعاً لبنتك وياريت متقوليش لسعد اني قولتلك فكري في بنتك وفي الموضوع ده خساره الفلوس دي كلها تروح علي الفاضي....
سهام بستغراب-طب وحضرتك عرفتي منين ؟
سعاد بتوتر-في واحد وانا قاعده في الجنينه اعرفه من هنا شاور علي الفيلا وحكالي قصته وانا طبعا عارفه ان صاحب الفيلاا اللي جمبنا دي كان جوزك.
سهام بضيق-طيب سيبني افكر في الموضوع ممكن ...
سعاد ببتسامه خبيثه-ماشي ياقلب امك...
******
فبيت ادم ...
صفا بحزن-انت غلطان من ساسك لي راسك انت كسرتها ليها حق تطلق منك أنت لو سمعت اللي قالتو خليت ريان دموعه نزلت...انت كده هتطلقها بي رضاك او غصب عنك...
قصي بضيق-بس انا مش عايز اطلقها انا مش عايز اسيبها مينفعش نتطلق انا لازم اتكلم معاها...قول كلمه ياا ادم.
ادم بتنهيده-هو بعد اللي اختك قالتو ده فيه كلام يتقال ياقصي هيا راجل يستحمل دي ست والست عايزه ايه غير اهتمام واحتواء وحب انت مش اديتلها اي كلام من ده .
قصي بوجع-انا بحبها.
صفا بعصبيه-متضحكش علي نفسك انت بتحب نيره انت مش بتحب رنا حب انت بتحبها تعود...والا عمرها ما كان هتحس كده انت حرمتها حتي من الامومه.
قصي مسك دماغه-انا عايز انام.
صفا-بتهرب في النوم ياقصي؟ المفروض تواجهي نفسك انت اللي ضيعتها بي ايدك .
قصي بوجع-كفايه ياصفا انا مش مستحمل كلام معتش عايز اسمع منك حاجه...
ادم غمز لصفا تسكت.
صفا بتنهيده-حاضر يا ادم ربنا يهديك وريح قلبك...ويعوضها خير...
قصي بعصبيه-يعوضها خير بي ايه انا مش هسيبها ومش هتروح لحد تاني....
******
ففيلا زكريا...رجع الفيلا وكان طالع.
سميه بغضب-زكريا استني انت رايح فين.
زكريا بتنهيده-طالع انام تعبان ياماما وعندي شغل الصبح.
سميه-لا والله بعد إيه بعد ما فضحتنا ومشيت مع الشرشوحه دي.
زكريا بحده-لو سمحتي ياماما متتكلميش عليها بس الطريقه دي انتي ليه محسساني انها كبيره دي لسه ثانويه يعني صغيره اخده نقرك من نقرها ليه اظن انتي اكبر من كده...وبعدين حبيها علي الاقل عشان انا بعشقها...
سميه بحده-استحاله دي تكون مرات ابني عندك تاليا اتجوزها في الجامعه الامريكيه ومن عيله...
زكريا بضيق-تاليا مين انتي بتشبهي تاليا بوعد تاليا لو مش بنت خالتي مش هسلم عليها لو شوفتها مره تاليا دي بنت مايصه متملاش عنيا.
سميه بغيظ-لاحظ انك بتتكلم علي بنت خالتك ماشي انت لسانك طول اوي وهتبعد عنها لا اما انا اللي هبعدها عنك...
زكرياا بتنهيده-اوك ابعديها بس ساعتها تنسي ان ليكي ابن اسمه زكريا خالص والكلام اهو قصاد بابا هتنسيني تماماً
سميه -شايف ابنك ياعثمان.
عثمان بضيق-معاه حق مش فاهم انتي بتعملي كده ليه...
سميه بغيظ-حتي انت كمان طب ماشي انا بقي لا هيا...
*****
فبيت ريان...
وعد بتكشيره-والمصحف بعد كده هجيب اكل بي مصروفي انا قولتلكم الف مره مبحبش الملوخيه ثم انا بقرف من الارنب...
رنا-هههههه حلوه ابت
موده -ابقي اطبخي انتي قولتلك مش كل يوم نفس المول.
ريان-انا شايف يعني ان الطبق اتمسح ياوعد؟
وعد-من الجوع يابابا لولا اني كنت جعانه مكنتش اكلت في قلبه...
زهره بطفوله-لاء حلو ياوعد طعمه...
وعد-الارنب يابت بتلعب بيهم خلي ابوكي يجبلك واحد.
زهره-بابا عايزه ارنب العب بيه.
ريان -عنيا هجيبه فسنان اللي قالتلك قومي يازفته عشان هنتكلم شويه...
موده -هتتكلموا في إيه ياحبيبي.
وعد بغمزه لامها-في كلام قليل الادب ياماما لما تكبري هقولك.
ريان خبطها علي دماغها -ما تلمي نفسك هو كرسي اللي واقف جمبك لسانك طول...
رنا-هههههههه محدش مصبرني غيرها...والله يابت ياوعد خليكي كده متتغيريش اكسري الزمن بدل ما يكسرك...
وعد-معرفش اعمته بابا معتش بيطقني ليه مع اني محترمه وربنا...
ريان بجديه- غصب عن عين ابوكي انتي محترمه ياوعد حتي لو بهزار اوعي تقولي الكلمه دي تاني ومتسمحيش لحد يقلل من ثقتك انك محترمه...
وعد ببتسأمه-اهو كده رجعت حبيبي يلا نتكلم بقي عايزاك في بلاوي سوده...
دخل ريان مع وعد الاوضه.
موده لرنا-انا بقي اقعد معاكي انتي معتش ليا حد اتكلم معاه ريان البت دي لحسه عقله.
رنا بضحك-بتغيري من بنتك
موده-ههههه بفرح اوي لما بلاقي ريان قريب من العيال وحنين عليهم بيحبوا اكتر مني...
رنا-انا بحبك انتي ياصحبه عمري.
__
ريان-هاه هتقولي إيه بسرعه اخلصي.
وعد-طب اضحك فوشي لا بتخض.
ريان-هههههه يالمونه المجنونه اخلصي انتي ناسيه اننا اصحاب قولي البلاوي بتاعتك ...
وعد-سميه الكلب يابابا مش طايقاني ومتقولش متشتميش...هيا غظتني بس انا طبعا مسكتش.
ريان -وده كلام متبقيش بنتي لو معملتيش مصيبه ...انطقي عملتي إيه...
وعد بضحكه-خليت ابنها يغنيلي فوسط الناس وهيا كانت هتفرقع جت هبت فيه وبعدين بتقولي يا وعد متاخرتيش علي بيتكم قولتلها ماشي ياطنط هاخد زكريا يوصلني وحرقت دمها ...بس لما جينا في العربيه ابابا ...
ريان -هاه كملي؟
وعد بلعت ريقها-زكريا
ريان بخوف-عمل إيه ياوعد حصل حاجه بينكم؟ قولي ياحبيبتي متخافيش
وعد بتوتر-لا متخافش يابابا بس هو حضني بس والله زعقتله...
ريان بضيق وهدوء-طيب ياوعد انا هروح انام...تصبحي علي خير.
وعد مسكت ايده بسرعه -بابا استني انت زعلت مني واللهي زعقتله...
ريان بتنهيده -خلاص ياوعد خير محصلش حاجه متحلفيش انا مصدقك.
وعد عيطت بطفوليتها-والله يابابا زعقتله.
ريان ابتسم ومسك وشها-طب بتعيطي ليه انتي مش عارفه اني عندي ثقه فيكي .
وعد بدموع-عشان هتنام وانت زعلان مني.
ريان -حد يزعل من روحه...من بنته وصحبته الوحيده...وبعدين انا مش زعلان انا مبسوط انك مش بتخبي عني حاجه بس بعد كده ياحبيبتي خلي حدود عشان متوجعيش ابوكي وثقته ياوعد اتفكري كلمه انتي اغلي من اي لمسه من غير الحلال...
وعد ابتسم وحضنته-انا غاليه عشان انت ابويا انا بحبك ياريان اوي.
ريان ضحك-ريان حاف كده.
وعد بصتله ببراءه-اه ريان ولا نسيت عريسي.
ريان بص فعنيها شاف البراءه لسه موجوده فيها شافها بي الضافير بتاعت زمان اخدها فحضنه تاني بس المره دي نطق..._عارفه ياوعد اول مره شوفتك فيها قلبي دق كنت عايز اخطفك واقول ياتري بنت مين دي كنت راجع من غربه قسي بس ضحكتك وهزارك نسوني همومي ...كنتي ماشيه تغني انا البندوره الاحمر...
وعد بضحكه-مزروعه بين الخضره تاكل مني لا تشبع.
ريان -باس خدهاا ياريت كل اب يهتم بي اولاده الزمن ده هيكون امان.
وعد-انا لو حمدت ربنا عن نعمه الكتير هيكون اولهم انت يابابا...
*****
نهار جديد فبيت قاسم...
طلعت بجديه-عمي انا عرفت ان موده جوزها اسمه ريان الديب ده عنده تالت عيال بنتين وولد...
قاسم بحده-لاء حسابنا معاهم مش مع اطفال...اطفال ميدخلوش اللعبه دي.
طلعت بخبث-اطفال مين ده عنده بنت فثانوي انما إيه فالقه انا جالي صور ليها وماشيه مع واد عنده شركه كده...
قاسم بغموض-متقربش منهم خالص وسيبني يومين افكر في المووضوع ده وهرد عليك ياطلعت.
طلعت بخبث-طب ما تقولي في دماغك إيه ياعمي.
قاسم ابتسم بغموض-مش لما افكررر اول
******
عند ريان ووعد ...
وعد -انا هطير علي المدرسه ابابا ابقي وصل انت ولادك .
ريان-اركبي يالمونه ياهبله هوصلك بي المره متنرفزنيش علي الصبح وبي المره اجبلك سندوشات مع اخواتك.
وعد بلمضه-فلافل علي الصبح مش عايزه عشان تاني مره متبقاش تجيب بالليل انا هبقي اكل في المدرسه بس هات فلوس.
ريان-ده مش مانع برضه اني اوصلك في طريقي...
وعد-يووووه يابابا هو انا صغيره انت عايز العيال تضحك عليا وتقول ابوها رايح يوصلها بقي وكده...
ريان بتنهيده-طيب روحي مترجعليش بي مصايب ياوعد عشان انا علي اخري .
وعد لنفسها-دانا هرجعلك بي مصايب ورفد اصبر بس...
وعد-متقلقش طبعا انا برضه اعمل حاجه يلا باي...
ريان -في رعايه الله ياحبيبتي...
__
مشت وعد لحد المكتبه ...
مريم-صباحو يا دودو..
وعد -اشطا امريوم صباحو.
مريم -جايه المكتبه تعملي ايه؟
وعد-هجيب لزق امير عشان مستر عبد الباسط اديلو درس ميزعقليش تاني ويعملني فرجت الفصل...
ريم -ههههه يابنتي بلاش هيحط في دماغه عديها.
وعد -وربنا علي جثتي ...احيييه عمو مش دي صواريخ رمضان هما جم ...
صاحب المكتبه-اه عشان معتش غير شهرين كل سنه وانتي طيبه...
وعد بفرحه-هاتلي تالته ..الحمدلله انا معايا الولعه من امبارح ...
مريم بضحك-يخربيتك بلاش هتبقي مصيبه.
وعد ضحكت بمشاكسه-اما نزلت البنطلون بتاعه اللي من غير استك ده ميبقاش انا وعد...
وعد اخت الصواريخ ومشت مع مريم لحد المدرسه ...شافت عربيه واقفه قصاد باب المدرسه بس اتصدمت...
وعد بصدمه-مريم ادخلي انتي وانا هحصلك...
مريم-ماشي يادودو.
قربت وعد من العربيه...
وعد ببتسأمه-اهلا ياطنط جايه مدرستنا ليه هتعيدي الذكريات الطفوله بتاعتك.
سميه بضيق-هههه دمك خفيف اوي عايزه اتكلم معاكي شويه ياحبيبتي اركبي...
وعد-لا عندي مدرسه ولي الاسف مأخدتش اذن بابا اني هركب مع حضرتك...
سميه بتريقه-بجد ياحبيبتي اومال بتاخدي اذنه وانتي بتكلمي ابني بقي وبتتقابلو وبتحبه في بعض.
وعد بغيظ مكتوم-اه طبعا واللي متعرفهوش قولت لبابا امبارح ان زكريا حضني في العربيه ...
سميه بغضب-انتي مش مكسوفه من نفسك وانتي بتتكلمي معايا بي الطريقه دي ...مش مشكله المهم انتي لازم تبعدي عن زكريا...زكريا وتاليا بنت خالته هيتخطبوا وابوه موافق يعني مهما يحب فيكي هيجي لي الاخر ويسيبك ومش هيخسر اهله...انا جيت احظرك انتي مش من مستواه...مشت سميه لعند العرييه...
وعد بغيظ وغضب لنفسها-اضربك بطوبه في دماغك ياسميه الكلب طب وربنا لا هتشوفي ...
ولعت وعد صاروخ ...وحدفته..
لسه سميه بتفتح باب العربيه راح الصاروخ ضرب من تحت رجليها.
سميه بصريخ وزعيق-عااااااااااااااا انتي إيه اللي هببته ده قلبي كان هيقف انتي زباله ...
وعد بتريقه-ده احتفال بي خطوبه تاليا وزكريا وخدي بالك انتي مش طايقني وانا كمان مبحبكيش مش عشان بحب ابنك هخاف منك فاهمه ومش هتجوز غيره.
طلعت وعد لسانها ودخلت تجري علي المدرسه...
(مع ان ريان قايل لوعد تحترمها بس مفيش فايده)
سميه ماسكه قلبها اللي ضرباته سريعه-وربنا انا لا هيا وقعتك طين يازكريا مبتعرفش غير الاشكال الزباله...اه ياقلبي.
---
وعد طالعه علي السلم المدرسه بضيق -سامحني يابابا هيا اللي استفزتني...ماشي يازكريا لما اشوف خلقتك اشوفك هتخطب ازاي...عيل ممحون عايز حب وخلاص.
دخلت وعد الفصل ...
عبد الباسط بعصبيه-انتي دخله من غير ما تخبطي هو وكيله من غير بواب ولا إيه.
وعد لنفسها-ربنا ياخدك ياشيخ لسه دورك انت كمان انا عفاريت الدنيا فوشي...
وعد ببتسأمه-ليه يامستر حضرتك لسه داخل يعني وبعدين كنت طالعه علي السلم مش كنت بتفسح...علي العموم اسفه ممكن ادخل...
عبد الباسط بزعيق-وتدخلي بعدي ليه هو احنا اللي هنعلمكم ولا انتو اللي هتعلمونا...يلا حطي وشك في الحيطه طول الحصه عقاب ليكي علي طولت لسانك.
وعد بتكشيره-حضرتك هو انا في ابتدائي يامستر كل مره تبهدلني كده ضيعت برستيجي ...
عبد الباسط بزعيق-قولتلك يلا فين ايام زمان كنت لما بنشوف الاستاذ بنعملها علي روحنا.
وعد لنفسها -اديك قولت زمان حتي الناس غيرت بنطلونها وانت لسه ببتلبس قماش بي استيك...ماشي.
وعد بصت لي مريم وغمزتلها ومريم لما طلعت فهمت البنات وضحكوا.
عبد الباسط ولا صوت في الفصل...
وعد طلعت من جابها الصاروخ والولعه
وعد مثلت الدوخه-الحقني يامستر اناا انا ديخه.
عبد الباسط كان بيلبس نضاره ونظرو ضعيف بصلها بتكشيره-مالك يابت .
وعد بصطنع تعب-تسمحلي اقعد يامستر بجد هيغمي عليا.
عبد الباسط بحده-لاء.
وعد بزعيق-يووووه خليني اقعد انا مش طايقه نفسي هتندم.
عبد الباسط بزعيق-ما تحترمي نفسك ابت انتي لازم تنزلي لي المديره انتي سلوكك دي متنفعش في مدارس يلا قصادي علي المديره.
عبد الباسط بص لي االطلاب يزعقلهم ميعملوش صوت ووعد ولعت الصواريخ وحطتهم في جيبه من ورا.
دقيقه وراحو مفرقعين ...عبد الباسط وقع علي الارض وهو بيصرخ...والفصل كله مسخسخ من الضحك..
ووعد مايته علي نفسها من الضحك ...
وعد ببراءه وهيا بتضحك-هات ايدك يامستر
عبد الباسط بغضب وزعيق وهو بيقوم-انتي مرفوده مدارس مشوفش خلقتك فيها يلا من هناااا يلااا
وعد بلهفه-وحد الله يامستر بهزر معاك.
عبد الباسط بزعيق-بره من هنا انتي مرفوده دانا اللي هجيب الجواب الرفد من المديره يلا بره.
وعد بضيق-يعني بره من الجنه ياخويا انت بتعملني معامله زباله ولا اللي بشحت منك.
وعد لنفسها وهيا علي وشك العياط- اه والله بره من الجنه مستقبلي ضاع ياويلي من بابا هينفخني...هروح اقوله إيه...منك لله ياعبد الباسط انت وسميه الكلب ....
*******
فبيت ريان...
رناا حضرت شنطتها عشان تمشي ..
موده بضيق-مش عايزاكي تمشي يارخمه.
رنا ضحكت-متخافيش عليا داناا دلوقتي هبقي مرتاحه اكتر في اللي هعمله.
موده بتنهيده-ما هو لو مش وعد بنتي كنت دعيت عليها علي مصايبها دي انتي هتسمعي كلامها دي لسعه يابنتي.
رناا -بالعكس ده انا هموته الف مره في اليوم وانا عايزه كده لو نجحت في اللي هعمله بنتك هيكون ليها الفضل انا هنزل بقي...
فتح ريان الباب ودخل...
ريان بص شاف رنا ماسكه شنطتها.
ريان -هتمشي دلوقتي؟
رنا -اه ياحبيبي.
ريان-طب اقعدي افطري اول انا جبت فطار وبعدين تمشي.
رنااا بضحكه-ياريت نفسي مفتوحه اوي.
ريان بصلها بشكوك وخايف هيا اللي تتوجع مش هو
******
توقعاتكم...